UBT tash e disa vite është pjesë e Asociacionit të Universiteteve të Ballkanit dhe me këtë rast mori pjesë në Konferencën e Tetë të organizuar nga AUB në bashkë-organizim të Universitetit Shtetëror të Tiranës, në Tiranë.

Tema kryesore e kësaj Konference ishte: “Procesi i Integrimit të Ballkanit në BE: Promovimi i Turizmit në Ballkan”. Kjo ngjarje tërhoqi pjesëmarrjen e një sërë personalitetesh të shquara nga fusha akademike, qeveritare dhe institucionet e tjera relevante.

Në konferencë morën pjesë personalitete të shquara si:

• Prof. Dr. Edmond Hajrizi – Rektori i UBT-së;
• Prof. Dr. Artan Hoxha – Rektori i Universitetit të Tiranës;
• Prof. Dr. Erhan Tabakoğlu – Rektori i Universitetit Trakya;
• Majlinda Dhuka – Ministre e Shtetit dhe Kryenegociatore për Integrimin Evropian;
• Ogerta Manastirliu – Ministre e Arsimit dhe Sportit.

Fjalimin kryesor të konferencës me temë “Procesi i Integrimit Evropian të Ballkanit” e mbajti Federica Mogherini, Rektorja e Kolegjit të Evropës dhe ish-Përfaqësuese e Lartë e BE-së për Punët e Jashtme dhe Politikën e Sigurisë.

Diskutimet e panelit të parë u përqendruan në temën “Procesi i Integrimit Evropian të Ballkanit”, me pjesëmarrjen e këtyre personaliteteve:

• Prof. Dr. Edmond Hajrizi – Rektori i UBT-së;
• Gentian Elezi – Instituti i Studimeve Evropiane, Universiteti i Tiranës;
• Marian Preda – Rektori i Universitetit të Bukureshtit;
• Sorin Costreie – Zëvendës Rektori i Universitetit të Bukureshtit dhe Presidenti i UNICA (Rrjeti i Universiteteve nga Kryeqytetet e Evropës);
• Prof. Assoc. Dr. Enes Turbic – Universiteti Trakya.

Në panelin kryesor të konferencës, Rektori i UBT-së, Prof. Dr. Edmond Hajrizi, theksoi rëndësinë e konvergjencës mes vendeve të Ballkanit dhe Bashkimit Evropian në aspektin e ndihmave reciproke.

Ai vuri në dukje se vendet e Ballkanit duhet të ndalojnë të jenë vetëm marrës të ndihmave dhe të fillojnë të eksportojnë dije dhe përvojë, duke kontribuar në një bashkëpunim më të thellë dhe më të qëndrueshëm.

“Ne tash nuk duhet të vazhdojmë vetëm të marrim ndihma, por edhe mund të eksportojmë dije, përvojë dhe të bëjmë një lloj konvergjence mes vendeve. Ky lloj bashkëpunimi do të ndihmojë në ngritjen e kapaciteteve të përbashkëta dhe në përmirësimin e standardeve të jetesës në të gjitha vendet e rajonit”, tha Rektori Hajrizi.

Gjatë konferencës, Rektori Hajrizi zhvilloi takime dhe bashkëbisedime me disa nga pjesëmarrësit kryesorë, duke eksploruar mundësitë e krijimit të partneriteteve të reja dhe të qëndrueshme në fushën e arsimit dhe kërkimit shkencor.

Ai diskutoi gjithashtu mbi mundësitë për projekte të përbashkëta që mund të kontribuojnë në zhvillimin ekonomik dhe shoqëror të rajonit të Ballkanit.

Konferenca shërbeu si një platformë për ndarjen e ideve dhe praktikave më të mira, duke nxitur dialogun dhe bashkëpunimin ndërmjet universiteteve dhe institucioneve të tjera të larta arsimore nga Ballkani dhe më gjerë.

UBT – kryeqendra për arsim cilësor dhe inovativ po hapë zyrtarisht kampanjën “Leading the Way” me qëllimin për të bashkuar të rinjtë nga të gjitha qendrat e Kosovës dhe rajonit, në institucionin lider të arsimit të lartë.

Përmes “Leading the Way” – UBT dëshmon se është institucioni lider dhe më i ranguar në rajon për cilësi, shkencë, teknologji, inovacion dhe ndikim pozitiv në shoqëri, dhe me këtë rast fton të gjithë të rinjtë #jointheLEADER, për të qenë pjesë e tij.

Vetëm duke zgjedhur më të mirin, ju mund të jeni liderët e së ardhmes në profesionet e përzgjedhura për studime, dhe në këtë mënyrë ju do të jeni kontribuesit më të mëdhenj në vend dhe mburrja e Kosovës kudo në botë.

Në kuadër të Javës Ndërkombëtare të Inxhinierisë Civile dhe Infrastrukturës, UBT për nivelin Bachelor dhe Master ka planifikuar një sërë prezantimesh të specializuara nga ekspertë ndërkombëtarë në fushën e inxhinierisë.

Dekani i Fakultetit të Ndërtimtarisë, Visar Krelani njoftoi se në fillim të aktiviteteve, të hënën më 3 qershor 2024, nga ora 17:30 deri në 18:30, Profesori Bruno Dal Lago do të prezantojë temën “Projektimi i Strukturave të Çelikut” nga Universiteti i Insubrias/Politecnico di Milano. Prezantimi synon të adresojë sfidat dhe teknikat e projektimit të strukturave të çelikut në përparimin e qëndrueshmërisë në raste të zjarrit, duke përfshirë materialet dhe metodologjitë më të reja në këtë fushë.

Më pas, në të njëjtën ditë, nga ora 18:30 deri në 19:30, Dr. Sc. Bledian Nela nga Universiteti “Roma La Sapienza” do të prezantojë temën “Testet Sperimentale në Laborator dhe në Lokacion për Vlerësimin e Strukturave Historike të Tullave” në kuadër të lëndës “Qëndrueshmëria e Konstruksioneve” në nivelin Master. Prezantimi synon të rishikojë dhe të diskutojë metodologjitë dhe teknikat për vlerësimin e qëndrueshmërisë së strukturave historike të tullave, duke përfshirë rezultatet e testimeve laboratorike dhe në terren.

Gjithashtu do të njoftohemi për prezantimin e ardhshëm të Profesorit Marco Breccolotti nga Universiteti i Perugias, i cili do të trajtojë temën “Risku dhe Besueshmëria në Inxhinieri Civile dhe Mjedisore”. Ky prezantim paralajmërohet të jetë një tjetër mundësi e rëndësishme për studentët për të zgjeruar kuptimin e tyre për rreziqet dhe besueshmërinë në inxhinierinë civile dhe mjedisore.

Dekani Krelani uroi suksese për të gjithë pjesëmarrësit e studentët në këtë event të rëndësishëm.

“Të rinj, profesionistë dhe akademikë, të gjithë do të gjejnë frymëzim dhe njohuri të reja për të pasuruar rrugën e tyre në botën e Inxhinierisë Civile dhe Infrastrukturës”, thekson Krelani.

Në deklaratën e tij, dekani përforcon se ky event është i rëndësishëm për të gjithë, nga studentët e rinj që po fillojnë rrugëtimin e tyre në këtë fushë, deri te profesionistët dhe akademikët që janë duke vazhduar të ndërtojnë dhe të kontribuojnë në këtë fushë. Ky aspekt thekson ndryshimin nga përfitimi individual në një përfitim kolektiv që ndikon në avancimin e njohurive dhe praktikave në inxhinieri civile./UBTNews/

Studentët e Fakultetit të Inxhinierisë Ndërtimore dhe Infrastrukturës, në kuadër të lëndës, “Organizimi dhe Teknologjia e Ndërtimit”, nën udhëheqjen e profesorit të lëndës, Prof. Dr. Muhamet Ahmeti, dhe Marjan Ivezaj, kanë organizuar një vizitë studimore në objektet e ndryshme në Komunën e Prishtinës, respektivisht në objektin: 40 katëshi.

Bashkëpunimi i mirëfilltë i Fakultetit të Ndërtimit dhe Infrastrukturës me kompanitë që ndërtojnë është një faktor kyç për studentët dhe iu ofron një eksperiencë reale në fushën e tyre të studimit.

Gjithashtu, fakti që shumica e stafit udhëheqës në këtë objekt janë ish-studentë të UBT-së tregon për një lidhje të ngushtë dhe të qëndrueshme mes institucionit të arsimit dhe tregut të punës.

Në këtë vizitë, studentët janë njohur me proceset e ndërtimit, problemet dhe sfidat që përballonin kompanitë gjatë realizimit të objekteve të tyre. Ata gjithashtu kanë pasur mundësinë të mësojnë për metodat dhe materialet e reja që përdoren në objektet e ndërtimit aktual.

Në aspektin e sigurisë në punë, ky objekt ka paraqitur sfida të veçanta për shkak të kompleksitetit të tij dhe numrit të madh të punëtorëve të angazhuar. Studentët janë njohur me masat e ndërmarrura për të siguruar mbrojtjen dhe sigurinë në punë, një aspekt i rëndësishëm për të gjithë profesionistët e fushës së ndërtimit.

Në tërësinë, vizita në objektin 40 Katërshi ka ofruar një eksperiencë të rëndësishme për studentët, duke iu sjellë ata pranë praktikës së fushës së tyre të studimit dhe duke i bërë ata të interesuar për sfidat dhe mundësitë e këtij profesioni.