Lajmet nga UBT
Studentët e Inxhinierisë së Agrikulturës dhe Mjedisit në UBT zhvilluan një vizitë studimore në APK dhe MBPZhR
Studentët patën mundësi të njihen për së afërmi dhe të informohen nga zyrtarët e këtyre institucioneve rreth mënyrës së hartimit të planeve menaxhuese pyjore, planeve vjetore, e çështje të tjera.
Studentët e vitit të tretë në Fakultetin Inxhinieri e Agrikulturës dhe Mjedisit në UBT, në kuadër të lëndës: “Legjislacioni në Agrikulturë dhe Mjedis”, të shoqëruar nga profesori Vezir Januzi, kanë zhvilluar një vizitë studimore në Agjencinë Pyjore të Kosovës (APK) dhe në Ministrinë e Bujqësisë, Pylltarisë dhe Zhvillimit Rural (MBPZhR).
Studentët patën mundësi të njihen për së afërmi dhe të informohen nga zyrtarët e këtyre institucioneve rreth mënyrës së hartimit të planeve menaxhuese pyjore, planeve vjetore, dhënies së lejeve për prerjen e pyjeve publike dhe private, si dhe rreth ligjit të ri të pyjeve i cili parasheh kthimin e kompetencave nga nivelet lokale në kuadër të APK-së.
Ndërsa te Departamenti i Shërbimeve Këshillimore dhe Teknike, studentët u informuan nga zyrtarët e këtij departamenti rreth organizimit, koordinimit dhe zbatimit të aktiviteteve të shërbimeve këshilluese në nivel të Republikës së Kosovës, rreth koordinimit, organizimit dhe përkrahjes së qendrave komunale, informative, këshilluese për bujqësi dhe zhvillim rural.
Gjithashtu studentët u informuan rreth përgatitjes së materialeve për ekstension, praktikave të mira këshilluese, broshurave, fletëpalosjeve, si dhe përhapjen e tyre përmes qendrave komunale informative këshilluese për bujqësi dhe zhvillim rural, si dhe rreth propozimit të politikave për shërbimet këshilluese, duke marr për bazë planin kombëtar për bujqësi dhe zhvillim rural dhe kërkesat e fermerëve dhe komunitetit.
Studentët patën mundësi të njihen për së afërmi dhe të informohen edhe për organizmin, koordinimin dhe zbatimin e të gjitha aktiviteteve të shërbimeve këshilluese në nivel të Republikës së Kosovës, koordinimin, organizimin dhe përkrahjen e qendrave komunale informative këshilluese për bujqësi dhe zhvillim rural, hartimin e plan-programeve vjetore si dhe planeve afat-mesme për shërbimet këshilluese, përgatitjen e materialeve për ekstension si dhe praktikave të mira këshilluese, broshura, fletëpalosje si dhe përhapjen e tyre përmes qendrave komunale informative këshilluese për bujqësi dhe zhvillim rural, trajnimet e metodave speciale dhe mjeteve komunikuese për ofrimin e këshillave.
Në vazhdën e organizimit të eventeve në UBT, ka filluar të mbahet edhe konferenca ‘Inovacioni dhe Mbrojtja e Pronësisë Intelektuale’.
Konferenca ka filluar me një fjalim hyrës nga Rektori i UBT-së, Prof. Dr. Edmond Hajrizi.
Pjesëmarrës në këtë konferencë janë edhe Zjarrta Osmani e cila është ushtruese e detyrës së Drejtorit nga Zyra për të Drejtat e Autorit, Ligjërues Avdi Krasniqi – Zv. Drejtor i Përgjithshëm si dhe Sadie Topojani që është Udhëheqëse e Sektorit të IP në Doganë dhe Ligjëruese në UBT.
Kjo ngjarje u organizua në bashkëpunim me Zyrën për të Drejtat e Autorit dhe Doganën e Kosovës, dhe synon të ofrojë një pasqyrë të rëndësishme mbi mbrojtjen ligjore të inovacioneve, dizajneve, patentave dhe të drejtave të autorit në sektorë të ndryshëm si teknologjia, inxhinieria dhe biznesi.
- Prezantime nga përfaqësues të lartë të institucioneve relevante,
- Diskutim të hapur dhe mundësi për rrjetëzim profesional,
- Përmbyllje me përmbledhje të konkluzioneve kryesore.
/UBT News/
Ka filluar konferenca ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, e organizuar nga UBT i cili po mbahet në Parkun Shkencor, Inovativ dhe Teknologjik të UBT-së në Lipjan.
Në këtë konferencë po merr pjesë Rektori i UBT-së, Prof. Dr. Edmond Hajrizi, ministrja e Ekonomisë, Artane Rizvanolli, kryesuesja e Komunitetit Nacional CIGRE, Pranvera Dobruna-Kryeziu dhe Ymer Fejzullahu, kryetar i Bordit të ZRRE.
Të ftuar të tjerë janë po ashtu ekspertë të fushës së energjisë elektrike në vend.
UBT News do të ju sjell informacionet kryesore të kësaj konference me rëndësi.
Vlen të përmendet se edhe studentët e UBT-së po e ndjekin këtë ngjarje.
Lajmet nga UBT
Konferenca ‘Tranzicioni i Energjisë; Implementimi i Politikave të Strategjisë së Energjisë’, Armend Ymeri flet për organizimin
Emisioni n’Ritëm në Campus Radio me autore dhe moderatore Albina Zeneli pati të ftuar Prof. Ass. Dr. Armend Ymeri i cili njëherësh është dhe Dekan i Fakultetit të Inxhinierisë së Energjisë në UBT.
Me të diskutuam për konferencën ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, ngjarje kjo që do të mbahet nesër me fillim nga ora 08:30 në Kampusin Inovativ të UBT-së në Lipjan.
“Kemi ftuar ekspertë të fushës që do të ndajnë përvojat e tyre me të pranishmit, do të jenë Pranvera Dobruna, Artane Rizvanolli, përfaqësues mga KEK, KOSTT dhe KEDS”, u shpreh Z. Ymeri.
Përndryshe, Dekani ka bërë thirrje që studentët të marrin pjesë sepse sipas tij i’a vlen dhe madje thekson se kuadrot e reja të UBT-së janë me fat për mundësitë që ofrohen.
Lajmet nga UBT
Studentët e Psikologjisë dëgjojnë rrëfimin e Ramadan Nishorit – Zëri i parë i një të mbijetuari të dhunës seksuale gjatë luftës
Me rastin e Ditës Memoriale të të Mbijetuarve të Dhunës Seksuale gjatë luftës në Kosovë, studentët e vitit të parë dhe të tretë, të Fakultetit të Psikologjisë, nën mbikëqyrjen e Prof. Violeta Zefi, morën pjesë në një ngjarje të organizuar nga Qendra Kosovare për Rehabilitimin e të Mbijetuarve të Torturës.
Gjatë kësaj ngjarjeje, studentët e Fakultetit të Psikologjisë kishin mundësinë të dëgjonin historinë rrëqethëse të Ramadan Nishorit, një nga të mbijetuarit e dhunës seksuale gjatë luftës në Kosovë. Nishori, në një rrëfim në Ditën Memoriale të të Mbijetuarve të Dhunës Seksuale gjatë luftës, tha se ishte dhunuar nga policët serbë në vitin 1998, derisa po mbahej në stacionin policor në Drenas.
“Për drejtësinë. Për të vërtetën. Për shërimin tim dhe të gjithë atyre që vuajnë në heshtje.”, shprehet Ramadan Nishori, ndërsa u drejtohet me një thirrje të gjithë të mbijetuarve.
Kjo ngjarje e organizuar sot, më 14 prill, ishte një përvojë e thellë reflektimi dhe ndërgjegjësimi për studentët e UBT-së, duke theksuar rëndësinë e mbështetjes për të mbijetuarit e dhunës seksuale gjatë luftës në Kosovë.
Fjalimi i Ramadan Nishorit dhe gjithë përvoja e këtij aktiviteti ishin një mundësi për studentët që të kuptonin më thellë pasojat e dhunës seksuale dhe rëndësinë e rehabilitimit të të mbijetuarve.
UBT organizon konferencën ‘Inovacioni dhe Mbrojtja e Pronësisë Intelektuale’
Gjethet e mentes për shëndetin e trurit dhe stomakut
Arrestohet William Levy, aktori i njohur i serialeve spanjolle
Vdes futbollisti i njohur shqiptar, 28-vjeçari humb jetën në fushë
Dështimi i konstituimit të Kuvendit, ç’thotë Ligji dhe Kushtetuta për situatën e krijuar?
Fillon konferenca për tranzicionin e energjisë në UBT
Katër ushqimet që i zhbllokojnë arteriet në mënyrë natyrale
Konferenca ‘Tranzicioni i Energjisë; Implementimi i Politikave të Strategjisë së Energjisë’, Armend Ymeri flet për organizimin
Përfitimet shëndetësore të pirjes së ujit para gjumit
-
Bota3 months agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months agoFluturimet e dëbimit kanë filluar, thotë Shtëpia e Bardhë
-
Bota3 months agoShtëpia e Bardhë: Armëpushimi në Liban do të zgjatet deri më 18 shkurt
-
Bota3 months agoTrump zbulon listën e zezë të Shtëpisë së Bardhë