Në kuadër të bashkëpunimeve ndërkombëtare të Fakultetit të Ndërtimit dhe Infrastrukturës në UBT, kontaktet dhe prezantimet në konferencat dhe aktivitetet më të rëndësishme ndërkombëtare vazhdojnë.

RILEM, organizata botërore e laboratorëve dhe hulumtimeve, ka ftuar stafin e Inxhinierisë së Ndërtimit dhe Infrastrukturës në UBT të jetë pjesë e komiteteve shkencore. Në veçanti, vlen të theksohet se RILEM ka bashkë-sponsorizuar Konferencën ndërkombëtare të UBT-së në Fushën e Ndërtimit IC-CEIE 2023.

Gjithashtu, në bashkëpunim me kolegët nga Politekniku i Milanos, si Prof. Liberato Ferrara, Prof. Patrick Bamonte, Prof. Giovanni Muciaccia dhe Prof. Francesco Lo Monte, stafi i Fakultetit të Ndërtimtarisë dhe Infrastrukturës vazhdimisht ka kontakte dhe bashkëpunim për të avancuar nivelin e arsimimit dhe edukimit në Kosovë. Po ashtu, është e rëndësishme të theksohet se UBT është kandidat i parë për nivelin Master në Inxhinieri Ndërtimi dhe Arkitekture në Kosovë.

Bashkëpunimi me RILEM dhe industrinë ka sjellë edhe kontakte të ngushta me kompani si “Penetron Italia”, “Penetron Hellas”, “Penetech”, etj. Këto bashkëpunime kanë mundësuar pjesëmarrjen tonë në Konferencën e RILEM Spring 2024, e cila ka trajtuar temën “Materialet dhe proceset e ndërtimit të avancuar për një shoqëri karbon neutral”.

Në këtë konferencë, ku morën pjesë organizata botërore e laboratorëve dhe materialeve të RILEM, u mblodhën pjesëmarrës nga vende, si: Amerika, Kanadaja, Singapori, Kina, Britania e Madhe, Italia, India, Brazili, dhe shumë vende të tjera.

Dekani i Fakultetit të Inxhinierisë së Ndërtimit dhe Infrastrukturës, Prof. Visar Krelani, ka pasur aktivitete të shumta dhe ka mbajtur takime me universitetet e Brukselit, Los Angeles, Politeknikun e Milanos, Universitetin e Leeds-it, Universitetin Teknik të Dresden-it, etj. Në këto takime është premtuar bashkëpunim dhe realizimi i projekteve të përbashkëta.

Një pikë kyçe e vizitës ishte takimi me përfaqësuesit e RILEM World, të cilët premtuan të vizitojnë Kosovën dhe të trajtojnë mundësinë e bashkë-sponsorizimit të konferencës së Ndërtimit dhe Infrastrukturës në UBT.

Rektori i UBT-së, Prof. Dr. Edmond Hajrizi priti në një takim Ambasadorin e Shqipërisë në Kosovë, Petrit Malaj, me të cilin diskutuan për një sërë çështjesh që ndërlidhin fushën e arsimit dhe edukimit dhe rrjetëzimin e institucioneve arsimore në Kosovë dhe Shqipëri.

Rektori Hajrizi dhe Ambasadori Malaj theksuan rëndësinë e bashkëpunimit për ngritjen e nivelit të arsimit dhe për shfrytëzimin e potencialeve të akademisë për ngritjen e kompetencave profesionale në fushat që janë në interes për të dy vendet.

Ambasadori Malaj pa nga afër infrastrukturën moderne që ofron UBT në Parkun Shkencor Inovativ në Lipjan, për studentët nga mbarë trojet shqiptare.

{“source_type”:”hypic”,”tiktok_developers_3p_anchor_params”:”{“filter_id”:[“3068820″],”template_id”:””,”client_key”:”awgvo7gzpeas2ho6″}”,”data”:{“imageEffectId”:””,”os”:”ios”,”infoStickerId”:””,”product”:”retouch”,”pictureId”:”AA213BD2-72E7-4219-B86A-F85DB7EF1CDE”,”activityName”:””,”playId”:””,”appversion”:”3.8.0″,”stickerId”:””,”filterId”:”7130504076931895810″}}

Profesorët e Menaxhmentit, Biznesit dhe Ekonomisë në UBT: Prof. Asst. Dr. Sc. Ardian Uka, Assoc. Prof. Dr. Arta Mulliqi, Prof. Asst. Dr. Sc. Kujtim Zylfijaj, dhe Prof. Asst. Dr. Sc. Mentor Shaqiri, morën pjesë në një trajnim për trajnerë të organizuar nga “German Sparkassestiftung for International Cooperation”.

Tema e trajnimit ishte “Loja e mikro-biznesit”, e cila synon të rrisë arsimimin e gjeneratave të reja për veprimtaritë themelore të sipërmarrjes duke përdorur një rast simulimi në biznes për të promovuar ndryshime në sjellje dhe për të ndarë përvoja me pjesëmarrësit.

Ky trajnim do të aplikohet me studentët e UBT-së, duke ofruar një eksperiencë të pasur edukative dhe të bazuar në lojë për të përshkruar situata reale biznesi me të cilat ballafaqohen sipërmarrësit.

Metoda edukative të trajnimit përfshijnë lojën e biznesit, duke u fokusuar në parimet e kontabilitetit dhe financave, duke rritur kapacitetet e menaxhimit të biznesit për të përshpejtuar zhvillimin e sipërmarrjes.

Studentët do të aftësohen për lojën e biznesit në grup, të përdorin një qasje unike për zbatimin interaktiv të gjërësisë, të mësojnë përmes mësimit të ndryshëm dhe ushtrimeve të aktivizimit, si dhe të menaxhojnë kohën dhe të bashkëveprojnë.

Trajnimi i vazhdueshëm i profesorëve është një pjesë e rëndësishme e zhvillimit të UBT-së, duke siguruar një ambient të kualifikuar për studentët tanë, ku ata mund të përfitojnë nga një arsimim i lartë cilësor.

Muaji maj është njohur në Amerikë si “Military Appreciation Month” dhe për studentët e Fakultetit Studime të Sigurisë në UBT, në kuadër të ligjëratave me profesorin Arian Kadriu, ligjëruan edhe përfaqësues nga KFOR-i Amerikan i Bondsteel-it.

Në këtë sesion, LT. Dennen dhe SFC. Crow ndanë përvojat e tyre ushtarake dhe theksuan rëndësinë e kontributit të ushtrisë amerikane në sigurinë ndërkombëtare, si dhe aplikimet e disiplinës ushtarake në jetën e përditshme.

Në fund të ligjëratës, studentët patën mundësinë të paraqesin pyetje dhe të shprehin interesin e tyre. Kjo ligjëratë u karakterizua nga motivimi i thellë dhe një shkëmbim frytdhënës i ideve midis ligjëruesve dhe studentëve. Eksperienca ishte e frytshme dhe e mbushur me njohuri të reja për të gjithë pjesëmarrësit.