Kosova renditet e katërta në botë në FIRST Global Challenge 2026, garën ndërkombëtare të robotikës që u mbajt në Incheon të Koresë së Jugut, ku ekipi First Kosova, i përfaqësuar nga UBT, arriti këtë sukses bashkë me grupin me Greqinë, Poloninë dhe Meksikën, në mesin e 191 shteteve pjesëmarrëse nga e gjithë bota.

Ekipi përfaqësues i Kosovës ka dëshmuar përgatitje të lartë teknologjike, aftësi në robotikë dhe programim, si dhe bashkëpunim të suksesshëm ndërkombëtar, duke arritur deri në fazën e play-off-it dhe duke konkurruar për pozitat më të larta të garës.

Gara e këtij viti kishte në fokus zhvillimin e zgjidhjeve teknologjike për parandalimin dhe menaxhimin e zjarreve të egra. Përmes robotëve dhe sfidave inxhinierike, ekipet pjesëmarrëse u angazhuan në zgjidhjen kreative të problemeve dhe aplikimin praktik të njohurive shkencore.

Rektori i UBT-së, Prof. Dr. Edmond Hajrizi, ka vlerësuar lart këtë sukses, duke theksuar rëndësinë e investimit në edukimin teknologjik dhe në zhvillimin e talenteve të reja.

“Renditja e ekipit të Kosovës në vendin e katërt në botë është dëshmi e fuqishme e talentit, dijes dhe potencialit inovativ të të rinjve tanë. Ky sukses dëshmon se, kur të rinjtë kanë mundësi, mbështetje dhe qasje në teknologji e inovacion, ata mund të konkurrojnë denjësisht me ekipet më të mira në botë. UBT do të vazhdojë të investojë në zhvillimin e gjeneratave të reja, duke i përgatitur për sfidat e së ardhmes dhe duke e përfaqësuar Kosovën me dinjitet në arenën ndërkombëtare”, ka thënë Rektori Hajrizi.

Në bashkëpunim me Institutin Yunus Emre në Prishtinë, Fakulteti Media dhe Komunikim në UBT organizoi shfaqjen e filmit “The Colors of Nazar” (“Ngjyrat e Mësyshit”), në Bibliotekën e Kampusit Inovativ të UBT-së. Në aktivitet mori pjesë edhe drejtori i Institutit Yunus Emre në Prishtinë, z. Ramadan Yilmaz.

Pas shfaqjes së filmit, aktiviteti vazhdoi me një panel diskutimi, ku ekipi realizues ndau me të pranishmit përvojat nga procesi i krijimit të dokumentarit, duke trajtuar aspektet artistike dhe teknike të produksionit. Panelistë ishin regjisori Dr. Fatih Diren, drejtori i fotografisë Evrim Inci, protagonistja kryesore Gizem Ozdemir dhe profesori Berk Kyqyk.

Në këtë aktivitet morën pjesë dekani dhe prodekani i Fakultetit Media dhe Komunikim, profesorë dhe studentë të UBT-së, të cilët patën mundësi të bashkëbisedojnë me ekipin realizues dhe të njihen më nga afër me përvojën e tyre profesionale në fushën e filmit dokumentar.

Ky aktivitet shënon një tjetër mundësi për bashkëpunim kulturor dhe akademik ndërmjet UBT-së dhe Institutit Yunus Emre, duke krijuar hapësirë për shkëmbim përvojash dhe përfshirjen e studentëve në diskutime me profesionistë të industrisë audiovizuale.

Udhëheqësi i Departamentit për Bashkëpunim në UBT, Prof. Dr. Bekim Marmullaku, priti në takim profesorin Glenn Agung Hole nga Universiteti i Norvegjisë Juglindore (University of South-Eastern Norway – USN), me të cilin diskutoi mundësitë e zhvillimit të bashkëpunimit akademik dhe kërkimor ndërmjet dy institucioneve.

Gjatë takimit u diskutua për potencialin e bashkëpunimit në fushat e sipërmarrësisë, ekonomisë institucionale, zhvillimit rajonal dhe sigurisë kombëtare, me theks të veçantë në rolin e universiteteve në zhvillimin ekonomik, inovacionin dhe forcimin e kapaciteteve institucionale.

Bota e së drejtës nuk kufizohet më vetëm brenda sallave të gjykatave tradicionale apo tek leximi i thjeshtë i neneve ligjore. Në një mjedis ekonomik ku sipërmarrjet po zhvillohen me hapa të shpejtë, ku teknologjia dhe inovacioni po transformojnë pronësinë intelektuale dhe ku transaksionet tregtare kalojnë çdo ditë kufijtë kombëtarë, tregu i punës kërkon profesionistë që nuk janë thjesht njohës të ligjit, por partnerë strategjikë të biznesit. Për shumë të diplomuar në nivelin bachelor që gjenden sot para dilemës se cilën rrugë të ndjekin për të profilizuar karrierën e tyre ligjore, zgjedhja e drejtimit të duhur është hapi më përcaktues drejt suksesit afatgjatë.

Programi Master në të Drejtën Komerciale (Tregtare) në UBT është ideuar pikërisht për t’i dhënë zgjidhje kësaj dileme, duke ofruar një arsimim modern që ndërthur kornizat më të avancuara teorike me aplikimin direkt praktik. Ky program u mundëson studentëve të zhvillojnë njohuri të thelluara mbi qeverisjen, financimin dhe shpërbërjen e shoqërive tregtare, si dhe të zotërojnë të drejtën e kontratave afariste, mbrojtjen e pronësisë intelektuale, markave e patenteve, e deri te zgjidhja e kontesteve përmes arbitrazhit ndërkombëtar. Përmes krahasimit të kuadrit ligjor të Kosovës me standardet e Bashkimit Evropian dhe ato globale, studentët përgatiten për të menaxhuar çështje komplekse ligjore në një treg gjithnjë e më të globalizuar.

Për t’ia bere edhe me të lehtë këtë rrugëtim profesionistëve të rinj që synojnë të bëhen liderë në këtë fushë dinamike, UBT ofron një mbështetje të veçantë financiare përmes bursës Engaged Scholarship prej 20% për këto studime master. Kjo mbështetje financiare u dedikohet posaçërisht punonjësve në institucionet e drejtësisë, avokaturës, noterëve, zyrtarëve ligjorë në institucione, zyrtarëve të burimeve njerëzore, si dhe të gjithë punonjësve në institucione të tjera publike dhe private. Kjo bursë përfaqëson një investim të drejtpërdrejtë në potencialin e studentëve që tregojnë përkushtim akademik dhe angazhim për të kontribuar në zhvillimin e një mjedisi të qëndrueshëm e ligjor në rajon, duke lehtësuar kështu rrugëtimin e tyre drejt ekselencës profesionale.

Gjatë këtij programi, përvoja akademike e kalon kornizën e leksioneve klasike. Studentët trajnohen në metodologji të avancuara kërkimore, menaxhojnë ekipe dhe marrin pjesë në simulime të proceseve gjyqësore tregtare, si dhe mësojnë hartimin e kontratave profesionale dhe menaxhimin e përgjegjësisë sociale të korporatave. Me një mision të qartë për të edukuar profesionistë etikë dhe të përgatitur për sfidat reale të sipërmarrjes, Masteri në të Drejtën Komerciale (Tregtare) në UBT mbetet zgjedhja ideale për të gjithë ata që duan ta transformojnë pasionin për drejtësinë në një karrierë të suksesshme ndërkombëtare.

Meqenëse afati i regjistrimit dhe vendet e lira janë të kufizuara, merr vendimin tënd tani dhe siguro 20% bursë për studimet tuaja.