Lajmet

​Stoltenberg do të vizitojë SHBA-në

Vizita nis nga 27 janari deri më 1 shkurt.

Published

on

Sekretari i përgjithshëm i NATO-s, Jens Stoltenberg do të qëndrojë për vizitë zyrtare në Shtetet e Bashkuara të Amerikës nga 27 janari deri më 1 shkurt.

Më 29 janar, sekretari i përgjithshëm do të jetë në Uashington për takime me zyrtarë të lartë duke përfshirë sekretarin e Shtetit, Antony Blinken, sekretarin e Mbrojtjes, Lloyd J. Austin, si dhe këshilltarin e Sigurisë Kombëtare të SHBA-së, Jake Sullivan.

Më 30 janar, Stoltenberg do të takohet me kryetarin e Dhomës së Përfaqësuesve, Mike Johnson, udhëheqësin demokrat të Dhomës, Hakeem Jeffries, udhëheqësin republikan të Senatit, Mitch McConnell, si dhe me përfaqësues dhe senatorë të tjerë demokratë dhe republikanë.

Më 31 janar, Stoltenberg do të mbajë një fjalim në Fondacionin Heritage. Në të njëjtën ditë, ai do të udhëtojë gjithashtu në Troy, Alabama, dhe do të vizitojë objektin e kontrollit të raketave dhe zjarrit të Lockheed Martin.

Stoltenberg më 1 shkurt do të qëndrojë në Tampa, Florida, ku do të vizitojë selinë e Komandës së Operacioneve Speciale të SHBA-së, njofton NATO.

Lajmet

​Dalja në treg të hapur të 1300 kompanive, PDK-ja nesër procedon në Gjykatë Themelore pezullimin e vendimit

Published

on

By

Partia Demokratike e Kosovës do të kërkojë pezullimin e vendimit të ZRRE-së për daljen në treg të lirë të 1300 kompanive.

Deputeti i kësaj partie, Abelard Tahiri, tha se nesër do të procedojnë në Gjykatën Themelore të Prishtinës pezullimin e këtij vendimi, mirëpo paraprakisht vendosjen e një mase të përkohshme.

Sipas Tahirit, ZRRE-ja ka marrë vendim për qitjen në treg të hapur energjetik 1300 kompani në mënyrë të parregullt dhe pa përmbushur kriteret.

Nesër do të procedojmë në Gjykatën Themelore të Prishtinës pezullimin e vendimit. Do të kërkojmë masë të përkohshme në mënyrë që ky vendim të pezullohet dhe këto kompani të furnizohen me çmimin e njëjtë të energjisë elektrike, si para marrjes së këtij vendimi. Nuk janë përmbushur kushtet dhe nuk janë përmbushur as obligimet e ZRRE-së sa i përket daljes në treg të lirë dhe ka parregullsi në marrjen e këtij vendimi”, tha ai.

Këto komente Tahiri i bëri pas dështimit për herë të 36-të të konstituimit të Kuvendit.

Continue Reading

Lajmet

Sveçla: Arsenijeviq është në kërkim, në pronat e tij u gjetën jelek antiplumb dhe pajisje për kriptovaluta

Published

on

By

Ministri i Brendshëm në detyrë, Xhelal Sveçla, ka deklaruar se politikanit serb, Aleksandar Arsenijeviq, i cili është i lidhur me armatimin e rëndë të gjetur dje në Zveçan, nuk ndodhet në Kosovë dhe se tashmë është në kërkim.  

Sveçla ka shtuar se, sipas informatave që ka, janë bastisur tri prona të tjera të Arsenijeviq dhe të familjes së tij, ku janë gjetur pajisje për kriptovaluta, një jelek antiplumb dhe elemente të tjera që sugjerojnë lidhje të forta me krimin.

Ai nuk ndodhet në Kosovë, organet e ndjekjes janë në kërkim, patjetër që po ai është në kërkim.  Sipas informatave që më janë dhënë, tri prona të tjera të tij dhe familjes së tij janë bastisur dje,  janë gjetur edhe pajisje për kriptovaluta, që është shkelje doganore, Një jelek antiplumb dhe disa gjëra tjera… gjë që tregon se ai ka qenë i kyçur në krim qe një kohë të gjatë”, ka deklaruar Sveçla.

Po ashtu, ministri i Brendshëm në detyrë e lidhte këtë bastisje me një operacion të Policisë së Kosovës, në bashkëpunim me AKI-në, Prokurorinë, nën monitorimin e KFOR-it dhe Eulex-it, ku është zbuluar armatim i rëndë në fshatin Vallaq të komunës së Zveçanit.

Continue Reading

Lajmet

Haradinaj: Po presim vendimin e Gjykatës Kushtetuese, situata në vend është e rëndë

Published

on

By

Pas dështimit të radhës në konstituimin e Kuvendit, kryetari i AAK-së, Ramush Haradinaj, tha se partia e tij është në pritje të përgjigjes nga Gjykata Kushtetuese pas adresimit që kanë bërë lidhur me procesin.

Edhe sot nuk ka ndryshim ne po shpresojmë që këto dite do të vie përgjigja e Gjykatës Kushtetuese me adresimin që e kemi bërë ne po presim këtë vendim dhe me pa si me vepruar më tutje. Jemi në ditët e fundit të përgjigjes po shpresojmë që na hap rrugë për te shkuar përpara po e shohim se gjendja është e keqe. Është e palogjikshme me pasur drejtë një kandidat dhjetra herë me kandidu nëse se merr votën, shpresoj që gjykata të reflektoj në këtë pjesë. Kosova po ndëshkohet e shihni si është gjendja me energji dhe plotë sfida të tjera është gjendja nuk është e mirë është e veshtirë”, shtoi Haradinaj.

Continue Reading

Lajmet

Nuk ka konstituim të Kuvendit

Published

on

By

Dështoi edhe vazhdimi i 36-të i seancës konstituive të Kuvendit të Kosovës.

Sërish Lëvizja Vetëvendosje kërkoi krijimin e një komisioni ad-hoc për votim të fshehtë.

Kryesuesi i seancës konstituive Avni Dehari kërkoi nga PDK-ja, LDK-ja, AAK-ja, Nisma dhe Lista Serbe që të bëjnë propozimet e kandidatëve të tyre për komision, por këto parti nuk pranuan
dhe nuk morën pjesë në votim.

Nga 99 deputetë të pranishëm, 53 deputetë votuan për, 1 kundër dhe asnjë abstenim.

Dehari ndërpreu seancën dhe bëri të ditur se vazhdimi i saj të jetë më 25 qershor, në orën 11:00.

Continue Reading

Të kërkuara