Lajmet

Stikat ndihmojnë me gjumin – sa duhet të konsumoni çdo natë?

Një nga burimet më të mëdha të melatoninës natyrale janë pikërisht stikat e vogla me ngjyrën karakteristike jeshile.

Published

on

Gjumi është një ndër proceset më të rëndësishëm të jetës e të përditshmërisë. Prandaj po kaq e rëndësishme është edhe cilësia e tij përgjatë gjithë jetës.

Ekspertët këshillojnë shpesh që të keni kujdes me gjumin pasi është një nga faktorët kryesorë të shëndetit të mirë.

Mungesa e tij lidhet ngushtë me shtimin në peshë dhe obezitetin si tek të rriturit ashtu edhe fëmijët.

Një gjumë i keq ndikon gjithashtu edhe nivelin e horomoneve në trup, memorien dhe shëndetin tuaj kardiovaskular.

Si mund të flini më mirë?

Përveçse të mbani larg stresin e të keni një krevat të rehatshëm, çfarë mund t’ju ndihmojë në këtë proces janë ushqimet.

Në veçanti ato që janë të pasura me melatoninë siç janë edhe stikat për të cilat do të flasim në këtë artikull.

Melatonina njihet ndryshe si hormoni i gjumit dhe vepron drejtpërdrejt në qetësimin e sistemin nervor dhe muskujve tuaj, duke rritur kështu cilësinë e gjumit.

Një nga burimet më të mëdha të melatoninës natyrale janë pikërisht stikat e vogla me ngjyrën karakteristike jeshile.

Sipas një studimi të vitit 2014 mbi pagjumësinë të publikuar në revistën Nutrients, në vetëm 100 gramë stika të qëruara gjenden rreth 23 mg melatoninë.

Kjo shifër është shumë domethënëse përsa i përket krijimit të një regjimi të mirë gjumi nëpërmjet metodave natyrale siç është ushqimi.

Pra stikat mund t’i rendisim si një nga alternativat më të mira për gjumë të qetë.

Mjafton të konsumoni një grusht me to pak kohë para se të flini.

Si të zgjidhni të duhurat?

Në mënyrë që të favorizoni gjithnjë shëndetin e mirë bëni kujdes me frutat e thata që zgjidhni.

Stikat e pjekura zakonisht janë shumë të kriposura, prandaj është e rëndësishme të shikoni mirë paketimet që blini.

Kjo pasi kripa nuk njihet si aleate e mire e shëndetit dhe gjumit.

AgroWeb ju sugjeron të povoni stikat Seeberger të cilat vijnë n137 vendin tone nga Gjermania dhe janë të shëndetshme e natyrale.

Këto stika përmbajnë vetëm 0,02 gramë kripë dhe 52 gr yndyrna të shëndetshme.

Kjo pasi trajtohen në mënyrë natyrale që nga procesi i mbledhjes direkte nga pema në vendet e ngrohta deri tek pjekja e paketimi i plotë.

Këto paktime përmbajnë 100 gramë me stika secila të cilat mund t’ju zgjasin përgjatë ditëve në mënyrë që të kryeni regjimin tuaj të shëndetshëm ushqimor.

Çfarë i bën të veçanta frutat e thata Seeberger është cilësia e produkteve dhe metodat organike me të cilat ato trajtohen./AgroWeb.org

Aktualitet

UBT përgatit liderët e së ardhmes në energji: Edhe pak vende të lira për regjistrim

Published

on

UBT njofton se kanë mbetur edhe pak vende të lira për regjistrim në programin Inxhinieri e Energjisë, një ndër drejtimet më inovative dhe më me perspektivë për të ardhmen.

Ky program synon të përgatisë profesionistë të aftë të kombinojnë energjitë tradicionale dhe burimet e rinovueshme, të përdorin teknologjitë më të fundit dhe të menaxhojnë në mënyrë efikase resurset energjetike, duke kontribuar në ndërtimin e një të ardhmeje të gjelbër dhe të qëndrueshme.

Të gjithë të interesuarit që regjistrohen përfitojnë nga bursa 20%, një lehtësim i rëndësishëm për të rinjtë që duan të jenë pjesë e gjeneratës së re që transformon industrinë energjetike.

Falë qasjes moderne të mësimdhënies, laboratorëve të pajisur me teknologjitë më të reja dhe stafit akademik me përvojë, studentët e UBT-së jo vetëm që fitojnë njohuri teorike, por edhe aftësi praktike që i bëjnë të kërkuar në tregun vendor dhe ndërkombëtar të punës.

Regjistrimi bëhet thjeshtë dhe shpejt përmes linkut: APLIKO TANI ONLINE!

Continue Reading

Aktualitet

​Nora Gjakova nis rrugëtimin si trajnere e xhudos

Published

on

Federata e Xhudos së Kosovës ka nisur një kapitull të ri me përfshirjen e kampiones olimpike, Nora Gjakova, në rolin e trajnere asistente të ekipit të meshkujve. Ajo tashmë i është bashkuar stafit teknik dhe po punon me plot energji e përkushtim në stërvitjet që po mbahen në Bordeaux të Francës.

Në këtë grumbullim, ekipi i meshkujve po përgatitet intensivisht për garat e rëndësishme që i presin në muajt e ardhshëm. Nën drejtimin e trajnerëve dhe me mbështetjen e Norës, xhudistët Akil Gjakova, Shpati Zekaj, Dardan Cena dhe Anes Veseli po zhvillojnë seanca të forta stërvitore, duke dhënë maksimumin në çdo hap të përgatitjeve.

Përfshirja e Nora Gjakovës në stafin e trajnerëve shihet si një vlerë e madhe për ekipin, duke sjellë përvojën e saj të pasur ndërkombëtare dhe frymën e suksesit që ka shoqëruar karrierën e saj si sportiste.

Kosova shpreson se ky kombinim i përvojës dhe energjisë së re do të sjellë rezultate të reja pozitive për xhudon kosovare në arenën ndërkombëtare.

Continue Reading

Bota

Presidenti serb Vuçiq do të jetë pjesëmarrës në paradën ushtarake në Kinë

Published

on

Presidenti i Serbisë Aleksandar Vuçiq do të jetë pjesë e paradës ushtarake në Kinë, duke dëshmuar kështu lidhjet e ngushta të Beogradit zyrtar me regjimin komunist në Pekin.

Me ftesë të presidentit kinez Xi Jinping, 26 liderë të huaj do të marrin pjesë në përkujtimet e Ditës së Fitores në Pekin, njoftoi të enjten ndihmës ministri i Jashtëm Hong Lei.

Kina do të organizojë një paradë masive ushtarake më 3 shtator për të përkujtuar 80-vjetorin e fitores ndaj Japonisë dhe përfundimin zyrtar të Luftës së Dytë Botërore.

Në mesin e shumë liderëve që do të marrin pjesë janë edhe lideri rus Vladimir Putin, me të cilin regjimi në Beograd mban lidhje të ngushta, lideri veri-korean Kim Jong-Un dhe përfaqësues nga Vietnami, Laosi Mongolia, Nepali, Kazakistani, Uzbekistani, Irani, Kongo, Zimbabveja, Sllovakia, Kuba etj.

Continue Reading

Aktualitet

Gjykata Supreme refuzon ankesën e Korab Mushkolajt për certifikim në zgjedhjet lokale

Published

on

Gjykata Supreme e ka hedhur poshtë ankesën e kandidatit të Partisë Demokratike të Kosovës për kryetar të Deçanit, Korab Mushkolaj, paraqitur kundër vendimit të PZAP-së pasi iu refuzua certifikimi për zgjedhjet e 12 tetorit.

“Ankesa është e pa themeltë”, ka vendosur Supremja.

Zyra për Regjistrim, Certifikim dhe Kontrollin Financiar të Subjekteve Politike pas vërtetimit se Mushkolaj është i angazhuar me aktemërim të përhershëm të Ministrisë së Jashtme si zyrtar i lartë, i pati kërkuar PDK-së që ta zëvendësojë atë, por partia pati refuzuar ta bëjë këtë gjë. Zyra më pas ka rekomanduar certifikimin e të gjithë kandidatëve të tjerë të PDK-së, përveç Mushkolajt. PZAP po ashtu ia ka refuzuar ankesën Mushkolajt, siç parashihet me Ligjin për Shërbimin e Jashtëm, i cili nuk lejon kandidimin e një anëtari të shërbimit të jashtëm.

Gjykata Supreme e ka pranuar konstatimin e PZAP-së, teksa ka theksuar se moscertifikimi i Mushkolajt nuk është i kundërligjshëm.

“Prandaj, nga këtu, kjo Gjykatë, konsideron se në rastin konkret juridik, është marrë vendim i drejtë, me të cilin nuk është bërë diskriminim dhe lidhur me rastin konkret nuk është cenuar e drejta zgjedhore dhe ndonjë e drejtë themelore e paraparë me Ligj dhe me Kushtetutën e Republikës së Kosovës, nuk janë shkelur parimet themelore të procesit zgjedhor të parapara shprehimisht me dispozitat e nenit 4 të Ligjit Për Zgjedhjet e Përgjithshme në Republikën e Kosovës dhe me dispozitat përkatëse të Konventës Evropiane të Drejtave të Njeriut”, thuhet në vendim.

Continue Reading

Të kërkuara