Kronikë e zezë

Spitali i Pejës jep detaje për të lënduarit në aksident: Në mesin e tyre gra shtatzëna dhe fëmijë

3 nga të lënduarit janë dërguar në Qendrën Klinike Universitare të Kosovës.

Published

4 years ago

March 21, 2022

UBT news

Gra shtatzëna dhe fëmijë kishte në mesin e të lënduarve në aksidentin që ndodhi mbrëmë në rrugën Grabanicë të Klinës. Kështu ka bërë të ditur Spitali i Pejës, ku ka treguar se kishin pranuar 18 të lënduar.

3 nga të lënduarit janë dërguar në Qendrën Klinike Universitare të Kosovës (QKUK), 5 janë shtrirë në trajtim të mëtutjeshëm, ndërsa pacientët e tjerë pas trajtimit janë liruar për në shtëpi.

Nëpërmjet një komunikate për medie nga spitali kanë bërë të ditur se gjendja e të lënduarve është stabile dhe jashtë rrezikut për jetë.

“Sonte pas një aksidenti në trafik, në Spitalin e Përgjithshëm në Pejë kemi pranuar 18 pacientë të lënduar nga ky aksident në mesin e tyre edhe gra shtatzëna dhe fëmijë. Ndonëse është herët për konstatime gjendja e të lënduarve aktualisht është stabile dhe besojmë jashtë rrezikut për jetë. Mjekët dhe ekipet kujdestare po bëjnë të pamundurën që të ofrojnë përkujdeseni e nevojshëm shëndetësor secilit të lënduar. Deri më tani 3 pacientë është dërguar në QKUK, 5 pacientë janë shtrirë për trajtim të mëtutjeshëm ndërsa pacientët e tjerë pas trajtimit janë liruar për shërim në shtëpi”, thuhet në komunikatën për medie.

Vendi

I dyshuari shtën me armë drejt veturës në Lipjan, arrestohet nga Policia

Published

23 minutes ago

August 5, 2026

UBTNews

Në Lipjan është arrestuar një person i dyshuar për veprën penale “Vrasje në tentativë”.

Sipas raportit 24-orësh të Policisë së Kosovës, i dyshuari fillimisht ka tentuar ta sulmojë fizikisht viktimën burrë, i cili ndodhej në veturë.

Në momentin kur viktima ka tentuar të largohet, i dyshuari ka shtënë me armë zjarri në drejtim të veturës së tij.

Në vendin e ngjarjes janë sekuestruar një pistoletë dhe 48 fishekë.

Me vendim të prokurorit, i dyshuari është dërguar në mbajtje. /E.A/

Kronikë e zezë

Sulm ndaj zyrtarit policor në Lipjan, një person ndalohet

Published

23 hours ago

August 4, 2026

UBTNews

Në raportin njëditor të Policisë së Kosovës është raportuar për një sulm ndaj personit zyrtar.

Sipas raportit, i dyshuari burrë me shtetësi të huaj ishte nën ndikim të alkoolit dhe i njëjti ka sulmuar zyrtarin policor gjate kryerjes se detyrës zyrtare.

Si pasoj e sulmit, zyrtari policor ka pësuar lëndime dhe është dërguar për trajtime mjekësorë. Ndërsa, i dyshuari është dërguar ne QKUK për trajtime mjekësorë.

Me vendim te prokurorit i dyshuari është dërguar në mbajtje. /A.M/

Vendi

Ekstradohet nga Zvicra në Kosovë i kërkuari për vjedhje të rëndë

Published

24 hours ago

August 4, 2026

UBTNews

Një shtetas i Kosovës me inicialet K.B., i cili kërkohej me letërreshtim ndërkombëtar përmes INTERPOL-it, është ekstraduar sot nga Zvicra për në Kosovë.

Lajmi është bërë i ditur nga Policia e Kosovës, përkatësisht Drejtoria për Bashkëpunim Ndërkombëtar Policor. I dyshuari ishte arrestuar paraprakisht nga autoritetet zvicerane me kërkesë të institucioneve të drejtësisë në Kosovë, pasi akuzohet për veprën penale “Vjedhje e rëndë”.

Sipas njoftimit zyrtar, ekstradimi u realizua në kuadër të bashkëpunimit të ngushtë mes institucioneve të të dyja shteteve. Pas mbërritjes në Kosovë, i dyshuari u është dorëzuar njësiteve përkatëse policore për procedim të mëtejshëm ligjor.

Policia e Kosovës konfirmoi se do të vazhdojë bashkëpunimin me partnerët ndërkombëtarë për gjurmimin dhe arrestimin e personave të kërkuar për vepra penale. /E.A/