Lajmet

Specialja u jep leje familjarëve të ngushtë që t’i vizitojnë ish-krerët e UÇK-së në Hagë që nga 15 korriku

Specialja thotë se do të vazhdojë të angazhohet për lehtësimin e masave.

Published

on

Gjykata Speciale ka vendosur të lejojë që të afërmit e ngushtë të të akuzuarve t’i vizitojnë familjarët e tyre që po mbahen në paraburgimin e Gjykatës Speciale në Hagë.

Zëdhënësja e Gjykatës Speciale, Angela Griep ka thënë për Gazetën Express se nga 15 korriku, bashkëshortet ose partneret, prindërit dhe fëmijët e të akuzuarve do të mund t’i realizojnë vizitat e para në paraburgimin e Speciales në Hagë, për t’u takuar për herë të parë pas më shumë se gjysmë viti me të dashurit e tyre që po mbahen atje.

“Regjistruesi ka informuar gjyqtarin e procedurës paraprake në lidhje me një azhurnim mbi lehtësimin e masave për zbutjen e rrezikut në dhomat e paraburgimit të Dhomave të Specializuara. Sipas këtij azhurnimi, Zyrtari Mjekësor ka këshilluar vizitat familjare personale për bashkëshorten ose partneren, prindërit, fëmijët, të cilat do të rinisin nga 15 korriku 2021 për të paraburgosurit. Vizitat me anëtarët e tjerë të familjes pritet të rinisin në gusht-shtator, nëse vlerësimi i fazës së parë është pozitiv”, ka thënë Griep.

Specialja thotë se do të vazhdojë të angazhohet për lehtësimin e masave.

“Regjistruesi do të vazhdojë ta monitorojë situatën dhe të angazhohet me Zyrtarin Mjekësor për të vazhduar lehtësimin e masave sa më shpejt që lejojnë shëndeti dhe siguria. Për më tepër, vizitat me video do të vazhdojnë të lehtësohen me të afërmit e ngushtë të të paraburgosurve sa më shumë që të jetë e mundur”, thuhet në përgjigjen e Griep.

Continue Reading

Lajmet

Begaj sot në Kosovë, takon ish-shefat e grupeve parlamentare

Published

on

By

Presidenti i Shqipërisë, Bajram Begaj sot do të jetë në Kosovë, konkretisht në Gjilan, ku do të pritet nga kryetari i kësaj komune, Alban Hyseni nga ora 13:30.

Ndërkaq, me fillim nga ora 13:45, Begaj do të takohet me ish-shefat e grupeve parlamentare politike.

Presidenti shqiptar do të ketë edhe bashkëbisedim me personalitete të qytetit të Gjilanit, duke përfshirë të dënuar politikë, përfaqësues të shoqatave të dala nga lufta, shkrimtarë dhe artistë.

Ky bashkëbisedim pritet të bëhet me fillim nga ora 20:00 deri në 21:00.

Continue Reading

Lajmet

Vdiq në QKUK pas përkeqësimit të gjendjes, Policia nis hetim

Published

on

Një grua ka ndërruar jetë në Qendrën Klinike Universitare të Kosovës (QKUK) pasi gjendja e saj shëndetësore është përkeqësuar gjatë trajtimit mjekësor. Lidhur me rastin, Policia e Kosovës ka nisur hetime për të sqaruar rrethanat që çuan në vdekjen e saj.

Ngjarja ka ndodhur në Prishtinë, ndërsa viktima, një femër kosovare, ishte dërguar në Emergjencën e QKUK-së në gjendje të rënduar shëndetësore. Pavarësisht përpjekjeve të stafit mjekësor për ta stabilizuar, ajo nuk ka mundur të mbijetojë.

“Një femër kosovare është dërguar në QKUK për trajtim mjekësor në gjendje të rëndë shëndetësore. Gjatë trajtimit mjekësor gjendja e viktimës është përkeqësuar dhe mjekët kanë konfirmuar vdekjen e saj. Me vendim të prokurorit, trupi i pajetë është dërguar në Institutin e Mjekësisë Ligjore për obduksion”, thuhet në raportin e Policisë së Kosovës.

Autoritetet kanë bërë të ditur se hetimet janë në zhvillim e sipër për të përcaktuar shkaqet e saktë të vdekjes dhe nëse ka pasur ndonjë neglizhencë ose faktor tjetër që mund të ketë ndikuar në këtë humbje jete.

Në pritje të rezultateve të obduksionit, rasti mbetet i klasifikuar si “hetim mbi vdekjen”, ndërkohë që familjarët e viktimës janë njoftuar dhe janë duke bashkëpunuar me hetuesit./UBTNews/

Continue Reading

Lajmet

Theret një person në Fushë-Kosovë

Published

on

Një incident i rëndë ka ndodhur të mërkurën në Fushë-Kosovë, ku një person është therur me thikë pas një mosmarrëveshjeje.

Sipas raportit të Policisë së Kosovës, një burrë është arrestuar pasi ka sulmuar një tjetër me thikë, duke i shkaktuar lëndime trupore. Viktima është dërguar menjëherë për trajtim mjekësor, ndërsa i dyshuari është ndaluar me vendim të prokurorit.

“Është arrestuar i dyshuari mashkull kosovar për shkak se pas një mosmarrëveshje ka sulmuar me thikë viktimën mashkull kosovar duke i shkaktuar lëndime trupore. Viktima është dërguar për trajtim mjekësor, ndërsa i dyshuari pas inicimit të rastit me vendim të prokurorit është dërguar në mbajtje”, thuhet në raportin e Policisë.

Hetimet për rrethanat e sakta të rastit janë duke vazhduar./UBTNews/

Continue Reading

Lajmet

Sot nis regjistrimi i deputetëve të rinj në Kuvendin e Kosovës

Published

on

By

Regjistrimi i deputetëve të rinj të zgjedhur në zgjedhjet e fundit parlamentare fillon sot në Kuvendin e Kosovës, duke shënuar hapin e parë drejt konstituimit të legjislaturës së re.

Procesi i regjistrimit do të nis nga ora 09:00 e mëngjesit e pritet të zgjatë deri në ora 16:00.

Në bazë të rezultatit zgjedhor Lëvizja Vetëvendosje ka arritur që të sigurojë 48 ulëse në Kuvendin e Kosovës.

Theksojmë se fillimisht më 15 prill pritet të mbahet seanca konstituive e Kuvendi të Kosovës ku pritet të zgjidhet kreu i kuvendit.

Continue Reading

Të kërkuara