Lajmet

Spanjë: Parlamenti propozon hetim të akuzave për abuzim seksual të fëmijëve në Kishën Katolike

Një raport i veçantë i vitit 2018 renditi 1,246 viktima që nga vitet 1930.

Published

on

Spanja është një hap më afër hetimit të akuzave për abuzim seksual të fëmijëve në Kishën Katolike, përcjell UBT News.

Të martën, parlamenti spanjoll ra dakord të shqyrtojë një propozim për një hetim, pasi që kanë kaluar vite pa një hetim në shkallë të gjerë.

Kisha Katolike Spanjolle deri më tani ka refuzuar të krijojë një komision të pavarur, pavarësisht se ka pranuar më shumë se 200 pretendime ekzistuese për abuzim gjatë njëzet viteve të fundit.

Një raport i veçantë i vitit 2018 nga El País ka renditur 1,246 viktima të dhunës seksuale nga Kisha që nga vitet 1930.

Ndërkohë, Prokuroria e Përgjithshme e Spanjës u ka kërkuar 17 prokurorëve të lartë të vendit që të referojnë të gjitha ankesat për abuzim seksual në Kishë brenda dhjetë ditëve të ardhshme.

Lëvizja për të centralizuar të gjitha rastet e hapura është një tjetër hap i paprecedentë drejt një hetimi zyrtar.

Ndryshe nga vendet e tjera – si Franca, Gjermania dhe Irlanda – Spanja nuk ka arritur të shqyrtojë zyrtarisht pretendimet për pedofili kundër anëtarëve të Kishës Katolike.

Propozimi i parlamentit për një hetim do të votohet së shpejti ndonëse një datë ende nuk është caktuar.

“Ne do ta bëjmë atë dhe do ta bëjmë mirë” tha zëdhënësja e qeverisë, Isabel Rodríguez në një konferencë për shtyp të martën, duke shtuar se ekzekutivi po kërkon “zgjidhjen më të mirë të mundshme”./UBTNews/

Lajmet

Kurti udhëton për në SHBA, merr pjesë në Javën e Nivelit të Lartë të Asamblesë së Përgjithshme të OKB-së

Published

on

By

Kryeministri në detyrë i Republikës së Kosovës, Albin Kurti, ka udhëtuar për në Neë York të Shteteve të Bashkuara të Amerikës, ku do të zhvillojë takime bilaterale me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara.

Gjatë qëndrimit atje, Kurti gjithashtu do të takojë pjesëtarë të komunitetit shqiptar në ShBA dhe përfaqësues të shoqatave të diasporës.

Përmes pjesëmarrjes në Javën e Nivelit të Lartë dhe takimeve të parapara synohet thellimi i raporteve bilaterale me vende partnere, fuqizimi i mëtejmë i subjektivitetit ndërkombëtar të shtetit në raport me vendet mosnjohëse dhe prezantimi i mundësive dhe përparësive që Republika e Kosovës ofron për investitorë të huaj./D.B/KP

Continue Reading

Botë

Sarkozy shpallet fajtor për komplot kriminal në lidhje me fondet e Gaddafit

Published

on

By

Ish-presidenti francez Nicolas Sarkozy është shpallur fajtor për komplot kriminal në një rast që lidhet me marrjen e miliona eurove fonde të paligjshme nga lideri i ndjerë libian, Koloneli Muammar Gaddafi.

Gjykata e Parisit e liroi atë nga të gjitha akuzat e tjera, përfshirë korrupsionin pasiv dhe financimin e paligjshëm të fushatës elektorale.

Sarkozy mohon akuzat dhe i quan ato të motivuara politikisht./D.B/EO

Continue Reading

Lajmet

Ushtarët turq të KFOR patrullojnë në territorin e Kosovës

Published

on

By

Ushtarët turq nga Komanda Rajonale në Lindje e misionit të KFOR-it të udhëhequr nga NATO ka kryer një patrullim të përbashkët në zonën e tyre të përgjegjësisë së bashku me personelin e Gardës Skoceze të Britanisë së Madhe të vendosur në Kosovë.

Aktivitete të tilla mbajnë një prani të dukshme dhe të paanshme, rritin ndërgjegjësimin situativ dhe mbështesin sigurinë e përgjithshme në rajon, sipas mandatit të KFOR-it në OKB“, thuhet në njoftim.

Kujtojmë se së fundmi ministri në detyrë i Punëve të Brendshme deklaroi se Serbia ka cënuar hapësirën ajrore të Kosovës përmes lëvizjeve të paautorizuara të dronëve të saj.

Një gjë e tillë vie pikërisht në kohën kur tensionet mes NATO dhe Rusisë janë në rritje me këta të fundit që kanë shkelur hapësirën ajrore në disa shtete anëtare të NATO-s si Polonia dhe Estonia./D.B/KP

Continue Reading

Lajmet

​Superliga e Kosovës sjell sot përballje të forta

Published

on

Superliga e Kosovës në futboll sot rikthehet me pesë duele interesante në kuadër të javës së gjashtë, ku nga ora 15:00 do të zhvillohen katër ndeshje.

Ndeshjet që do të zhvillohen janë: Dukagjini- Llapi, Ballkani-Drita, Gjilani-Drenica dhe Malisheva- Ferizaj.

Spektakli i futbollit sonte do të mbyllet në mbrëmje me derbin e kryeqytetit, ku nga ora 20:15 Prishtina do të përballet me Prishtinën e Re.

Këto përballje pritet të kenë ndikim të madh në renditjen e Superligës, duke shtuar rivalitetin në garën për kreun dhe mbijetesën.

Aktualisht, Prishtina është lidere e tabelës me 10 pikë, aq sa ka edhe Dukagjini në vendin e dytë./S.K/KP/

Continue Reading

Të kërkuara