Lajmet

Spanja synon mbrojtjen e kurorës në Ligën e Kombeve: De la Fuente në rrugën për rekord në Beograd

Published

on

Luis de la Fuente është tashmë një emër i rëndësishëm në historinë e futbollit spanjoll. Pas triumfit të Spanjës në “Euro 2024” këtë verë në Berlin, ai është renditur në grupin e ekskluziv të trajnerëve që kanë arritur të shpallin kampione Spanjën, së bashku me Hose Vijalongën, Luis Aragonesin dhe Visente del Bosken. Ky është një arritje e madhe për De la Fuente, që tashmë ndan këtë vend të nderuar me trajnerët më të njohur të historisë së “La Roja”.

Tani, De la Fuente përballet me mundësinë për të vendosur një rekord të ri. Pas një serie të jashtëzakonshme prej 13 fitoreve radhazi në ndeshjet zyrtare të “La Roja”, trajneri spanjoll ka mundësinë të barazojë dhe të kalojë serinë më të mirë të një trajneri spanjoll. Spanja e fitoi Ligën e Kombeve nën drejtimin e tij në qershor 2023 dhe, me një performancë të suksesshme në dy sfida të ardhshme, mund të thellojë këtë rekord të pabesueshëm.

Në Beograd, sonte në mbrëmje, dhe në Gjenevë, të dielën e ardhshme, Spanja do të kërkojë të mbrojë kurorën e saj dhe të vazhdojë serinë e saj të shkëlqyer. Një fitore ndaj Serbisë dhe një sukses në Zvicër mund të sjellin një tjetër rekord për De la Fuente dhe për ekipin e tij.

Që kur Luis de la Fuente mori drejtimin e kombëtares, Spanja ka luajtur 21 ndeshje, nga të cilat 17 kanë qenë zyrtare. Vetëm dy humbje janë regjistruar në këtë periudhë: një miqësore kundër Kolumbisë në Londër dhe një humbje ndaj Skocisë në kualifikueset e “Euro 2024”. Edhe pse humbja ndaj Skocisë ishte vetëm ndeshja e tij e dytë si trajner, ajo mbetet e vetmja në 17 ndeshjet zyrtare të De la Fuentes.

Në “Euro 2024”, Spanja nën drejtimin e De la Fuentes vendosi një rekord të ri duke fituar shtatë ndeshje në shtatë ndeshje, duke qenë e papërsëritshme në histori të këtij kampionati. Këtyre shtatë fitoreve u janë shtuar gjashtë të tjera radhazi midis shtatorit dhe nëntorit 2023 në kualifikueset për “Euro 2024”.

Seria e gjatë e fitoreve e Spanjës nën drejtimin e De la Fuentes është vetëm një fitore larg arritjes së serisë së 14 sukseseve radhazi të Spanjës të arritur nga trajneri i famshëm, Del Boske. Me një rekord të tillë në horizont, Spanja mund të barazojë këtë arritje nëse mposht Serbinë sonte në Beograd dhe fiton në Zvicër të dielën e ardhshme.

Në këtë mënyrë, De la Fuente dhe Spanja janë në rrugën e duhur për të vendosur një tjetër kapitull të ndritshëm në historinë e futbollit spanjoll./UBTNews/

Aktualitet

Krasniqi: VV-ja po vjen në seanca vetëm për të humbur kohë

Published

on

Kryetari i PDK-së, Memli Krasniqi, ka reaguar pas dështimit të seancës, ku ka akuzuar Lëvizjen Vetëvendosje se po e zvarrit me qëllim konstituimin e Kuvendit të Kosovës, duke theksuar mungesën e përpjekjeve serioze nga ana e saj.

“Janë edhe 35 kandidatë të tjerë që i ka VV, që po të viheshin në votim, ndoshta sot do të kishim të zgjedhur edhe kryetarin edhe konstituimin e Kuvendit,” tha Krasniqi.

Sipas tij, është bërë e qartë se VV po vjen në seanca vetëm për të humbur kohë dhe për të shtyrë afatin 30-ditor, duke e thelluar krizën institucionale.

“Janë edhe 35 kandidatë të tjerë që ka VV që po të viheshin në votim, ndoshta sot do të kishim të zgjedhur edhe kryetarin edhe konstituimin e Kuvendit. Nëse dikush ka pasur dyshimin më të vogël që VV-ja ka pasur përpjekje të vërtetë, u bë e qartë se një gjë e tillë u vërtetua. Vetëm po vijnë në seancë për të humbur kohë dhe për të zvarritur këtë 30-ditësh, për të hyrë në thellim të krizës. Me vetëdije nuk po dëshirojnë të konstituojnë ministrat. Nuk kanë shansë të marrin vota.”, tha Krasniqi.

Continue Reading

Aktualitet

​Arrestohet një person i kërkuar me 6 urdhëresa gjykate në Prishtinë

Published

on

Policia e Kosovës njofton se sot është arrestuar një person shtetas i Kosovës, i kërkuar me gjashtë urdhëresa gjykate.

Sipas policisë, R.G, 30 vjeçar, shtetas i Kosovës, i kërkuar ishte me gjashtë (6) urdhër arreste nga Gjykata dhe tri (3) kërkime policore për veprat penale “Tentim vrasje e rëndë, Grabitje, Kanosje, Shkaktim i rrezikut të përgjithshëm, Lëndim i rëndë trupor”.

I njëjti pas arrestimit nga ana e policisë është dërguar në vuajtje të dënimit.

“Drejtoria e Policisë së Kryeqytetit po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale. Në kontekstin e kësaj në një operacion të befasishëm që ndërmorën njësitë e stacionit policor Qendra dhe Njësia e Reagimit të Shpejt është arritur arrestimi i personit”, thuhet në njoftim.

Continue Reading

Aktualitet

​Mustafa: Qëndrimi i LDK-së nuk ka ndryshuar

Published

on

Anëtari i kryesisë së Lidhjes Demokratike të Kosovës, Besian Mustafa tha se qëndrimi i tyre nuk ka ndryshuar duke potencuar se nuk do të votojnë për asnjë kandidat të partive, me të cilat nuk kanë marrëveshje politike.

Mustafa tha se mbetet të shihet nëse Lëvizja Vetëvendosje do të mund të bëjë kompromis me partitë e tjera parlamentare për të proceduar më tutje në kuvendin e Kosovës.

“Qëndrimi i LDK-së është ai që ka qenë gjithnjë. LDK nuk voton ndonjë kandidat me të cilin, ose me partinë që nuk ka një marrëveshje politike paraprake…Do të shohim nëse Lëvizja Vetëvendosje është e gatshme që të gjejë një kompromis një rrugë të përbashkët me partitë tjera parlamentare për të proceduar kuvendin, për të votuar kryetarin dhe kryesinë e kuvendit”, tha Mustafa.

Deputeti Besian Mustafa tha se vetëm ata që kanë mbetur gjithmonë besnikë ndaj LDK-së kanë të drejtë të quhen LDK-istë apo rugovistë. Këtë e tha Mustafa pasi u pyet nga gazetarët lidhur me deklarimin e ministrit në detyrë të Bujqësisë, Faton Peci, ku ka kritikuar paritë opozitare për mos votimin e Donika Gërvalles për kryeparlamentare.

Gjykata Kushtetuese e publikoi aktvendimin për ngërçin politik, aktgjykim i cili përcakton një afat 30 ditor për konstituim të Kuvendit të Kosovës. Sipas po këtij aktgjykimi një kandidat apo kandidate nuk mund të votohet më shumë se tri herë.

 

Continue Reading

Aktualitet

1 orë e gjysmë pritje për të dalë nga Kosova

Published

on

Janë përditësuar të dhënat mbi fluksin në kufi, nga Qendra Kombëtare për Menaxhim Kufitar. Sipas të dhënave të publikuara në faqen zyrtare, aktualisht pritjet për të hyrë në Kosovë janë të shkurtra, kurse daljet më të gjata.

Pritjet në hyrje raportohen nga 3 deri në 5 minuta, kurse pritjet për të dalë nga Kosova janë më të gjata.

Raportohen pritje deri 1 orë e gjysmë te Dheu i Bardhë, 60-90 minuta në Merdarë dhe 20 deri 30 minuta në Jarinjë.

Përditësimi i fundit ishte në ora 09:12 të mëngjesit.

Continue Reading

Të kërkuara