Sport

Spanja nuk ua jep vizat boksierëve kosovarë, pengohet pjesëmarrja në Kampionatin Botëror

Ambasada spanjolle në Shkup ka refuzuar vizat e boksierëve kosovarë.

Published

on

Kosova po vazhdon të ketë pengesa me pjesëmarrjen në garat ndërkombëtare nga vendet të cilat nuk e njohin atë si shtet.

Pengesa e fundit ka ardhur nga Spanja, ku ambasada spanjolle në Shkup ka refuzuar vizat e boksierëve kosovarë, të cilët do të marrin pjesë në Kampionatin Botëror të boksit në Alicane, La Nucia të Spanjës.

Ekipi i Kosovës, në përbërje prej dy boksierëve, Taulant Jakupi dhe Donat Syla, trajnerit Besim Brashimi dhe gjyqtarit ndërkombëtarë, Latif Demollit, pavarësisht se është paraqitur në kohë për pjesëmarrje në këtë Botëror, ka marrë përgjigje negative për viza nga ambasada spanjolle.

Federata e Boksit të Kosovës (FboxK) ka bërë të ditur se ka kërkuar sqarime nga Federata Botërore e boksit (IBA) për mos-pajisje me viza, ndërsa beson se politika nuk duhet t’i ndalojë sportistët tanë të marrin pjesë në këtë Botëror.

“Kjo nuk është hera e parë që ne si pjesë e Federates Botërore IBA nuk lejohemi të marrim pjesë në ngjarje botërore si më parë që ka ndodhur në Indi, Serbi, e tash në Spanjë dhe ndjehemi të diskriminuar”, shkruante në komunikatën e FboxK.

“Ne kemi Kërkuar nga IBA që të angazhohet dhe të bëj përpjekje që boksierët tanë të trajtohen në mënyrë të barabartë dhe të kenë të drejtë të marrin pjesë në të gjitha ngjarje e mëdha si të gjithë boksierët e federatave të tjera që janë nën ombrellën e IBA-së”, shkruante më tej në komunikatë.

Në komunikatën e saj, Federata e Boksit të Kosovës ka publikuar edhe email-at me Ambasadën e Spanjës në Shkup, ku kjo e fundit e ka konfirmuar se si pasojë e situatës politike nuk mund të lëshojnë vizat pa u konsultuar me Ambasadën e Spanjës në Madrid.

Sport

Leart Paçarada kalon te FC Heidenheim

Published

on

By

FC Heidenheim 1846 ka konfirmuar nënshkrimin e mbrojtësit kosovar Leart Paçarada, i cili vjen nga FC Köln.

Paçarada, 30 vjeç, ka zgjedhur të ndryshojë ambientin, por do të vazhdojë të luajë në Bundesligë, pasi kalon në skuadrën gjermane të Heidenheim. Mbrojtësi i majtë ka firmosur një kontratë që do ta mbajë te klubi deri në verën e vitit 2027.

Njoftimi është bërë zyrtar nga faqja e klubit, ku theksohet se Paçarada i bashkohet skuadrës së Bundesligës nga rivalët e FC Köln.

Në skuadrën e re, ai do të luajë së bashku me dy futbollistë tjerë me prejardhje shqiptare, Arijon Ibrahimovic dhe Diant Ramaj.

Continue Reading

Sport

Drita përballë Differdange në ndeshjen kthyese të Ligës së Konferencës, synon kualifikimin historik

Published

on

By

Drita do të luajë si mysafire ndaj Differdange në ndeshjen kthyese të fazës ‘play-off’ të Ligës së Konferencës, me synimin për t’u kualifikuar për herë të parë në grupet e një gare evropiane.

Takimi zhvillohet në “Stade Municipal de la Ville de Differdange” me fillim nga ora 20:00. Ekipi i trajnerit Zekirija Ramadani do të kërkojë të ruajë avantazhin 2-1 nga ndeshja e parë në Prishtinë.

“Intelektualët” synojnë të fitojnë apo të sigurojnë të paktën një barazim, që do t’i çonte në fazën e grupeve të Ligës së Konferencës për herë të parë në histori.

Nëse arrin kualifikimin, Drita do të bëhet klubi i dytë kosovar që e arrin këtë sukses, pas Ballkanit, i cili ka luajtur dy herë në grupet e këtij kompeticioni.

Continue Reading

Sport

Zvicra publikon listën për ndeshjen ndaj Kosovës, mungojnë Bislimi dhe Hajdari

Published

on

By

Kombëtarja e Zvicrës ka publikuar listën e 23 futbollistëve të ftuar për ndeshjen kualifikuese ndaj Kosovës, që do të zhvillohet më 5 shtator në St. Jakob-Park të Baselit, në kuadër të Grupit B për Kupën e Botës 2026.

DUBLIN, IRELAND: March 26: Granit Xhaka #10 of Switzerland during the Republic of Ireland V Switzerland, International friendly match at Aviva Stadium on March 26th, 2024 in Dublin, Ireland. (Photo by Tim Clayton/Corbis via Getty Images)

Në listë janë dy futbollistë me prejardhje shqiptare, Granit Xhaka dhe Ardon Jashari, ndërsa mungojnë dy emra të tjerë të njohur. Uran Bislimi, i cili ka refuzuar Kosovën për të luajtur me Zvicrën, nuk është ftuar nga trajneri Murat Yakin. Po ashtu, nuk është përfshirë as Albian Hajdari, i cili është në radar edhe të Kosovës, por ende nuk ka marrë një vendim për përfaqësimin.

Ndeshja ndaj Kosovës është takimi i parë për Zvicrën në kualifikimet për Kupën e Botës 2026 dhe pritet të jetë një sfidë e rëndësishme për të dyja ekipet.

Continue Reading

Sport

Murat Yakin reagon për ‘ikjen’ e Leon Avdullahut te Kosova dhe planin për Albian Hajdarin

Published

on

By

Trajneri i Kombëtares së Zvicrës, Murat Yakin, ka komentuar në konferencën për shtyp pas publikimit të listës së futbollistëve të ftuar për ndeshjen kualifikuese ndaj Kosovës, që zhvillohet më 5 shtator në St. Jakob-Park të Baselit.

Zvicra do të përballet me Kosovën në kuadër të Grupit B të kualifikimeve për Kupën e Botës 2026. Yakin ka grumbulluar 23 futbollistë për këtë takim, ndër ta edhe dy lojtarë me prejardhje shqiptare.

Në konferencë, trajneri u pyet për zgjedhjen e Leon Avdullahut që të përfaqësojë Kosovën, si dhe për mungesën e Albian Hajdarit në listën zvicerane. Për Avdullahun, Yakin tha se ka pasur një bisedë të gjatë me të dhe i ka shpjeguar perspektivat sportive, por sipas tij, futbollisti nuk ka zgjedhur rrugën sportive që pritej.

“Avdullahu? Pata një bisedë të gjatë me të në pranverë dhe i shpjegova perspektivat sportive. Siç e shoh unë, ai nuk e zgjodhi rrugën sportive. Nëse dikush mendon ndryshe për kulturën, ne nuk mund ta ndikojmë këtë,” tha Yakin, duke mohuar se Federata e Zvicrës nuk i kishte dhënë mjaftueshëm përpjekje lojtarit.

Në lidhje me Albian Hajdarin, trajneri shtoi se për të ka një plan, i cili do të konkretizohet pas ndeshjeve të shtatorit. Ai gjithashtu u shpreh i shqetësuar për mundësinë e largimit të mbrojtësit të Hoffenheimit.

Continue Reading

Të kërkuara