Sport
Spanja fluturon në finale, Yamal dhe shkatërrimi i Francës
Adoleshenti Lamine Yamal shkruajti historinë, pasi Spanja u përmbysi rezultatin me Francën nga 0-1 në 2-1 duke mbërritur në finalen e Euro 2024, ku do të konkurrojë për titullin e katërt rekord.
Një gjuajtje mahnitëse e Yamal në këndin e sipërm në të djathtë të portës në të 21-ën minutë dhe Dani Olmo katër minuta më vonë përmbysi epërsinë franceze nga goli me kokë i Randal Kolo Muani në minutën e nëntë.
Yamal u bë golashënuesi më i ri ndonjëherë në një kampionat evropian, në moshën 16 vjeç e 362 ditë, dhe ai ishte lojtari i parë që shënoi kundër Francës nga loja dhe jo me penallti.
Goditja e Kolo Muanit ishte goli i parë i Francës nga loja e luajtur, ndërsa më parë ajo ”kishte shënuar” me dy autogola dhe një penallti nga Kylian Mbappe.
Mbappe luajti pa maskë për herë të parë që nga thyerja e hundës në ndeshjen hapëse kundër Austrisë, por superylli nuk mundi të parandalonte humbjen për dy herë kampionët e Evropës.
Yamal mbush 17 vjeç të shtunën dhe shpreson të ngrejë trofeun një ditë më vonë në Berlin me ekipin e tij që ka fituar të gjashtë ndeshjet në Gjermani.
E konsideruar si favoritja e madhe e evropianit dhe që ngjallte frikë tek të gjithë kundërshtarët e saj, Francës i mungoi në mënyrë të veçantë ambicia për të vazhduar rrugën e saj drejt finales.
Si zakonisht, Deschamps favorizoi një opsion që ishte shumë i sigurt duke vendosur një treshe të mesfushorëve mbrojtës menjëherë pas tre sulmuesve të tij (Dembélé-Kolo Muani-Mbappé), duke e lënë Griezmann në stol në fillim të ndeshjes si kundër Polonisë në raundin e parë (1 -1).
”La Roja” do të përballet me Anglinë ose Holandën fituese të vitit 1988, të cilët takohen të mërkurën në Dortmund, shkruan Agjencia Telegrafike Shqiptare.
Spanja dhe Gjermania janë të barabarta me nga tre tituj secila, por Spanja tani mund t’i bëjë katër pas viteve 1964, 2008 dhe 2012./UBTNews/
Jashari pret krerët e Forcave Speciale të Shqipërisë dhe Kroacisë
OVL-UÇK paralajmëron protesta nëse nuk procedohet ndryshimi i Ligjit për Specialen
Rubio: Një “aktor i huaj” i përfshirë në komplotin e dyshuar për bombë pranë bazës ushtarake në Britani
692 milionë euro nga mërgata në gjashtë muajt e parë të vitit
Jokanoviq merr drejtimin e Baselit, flet për Shaqirin: “Është klubi i tij më shumë se i imi”
Miratohet buxheti prej mbi 161 milionë eurosh i Prishtinës për vitin 2027, VV voton kundër
Edhe pak vende të lira në UBT: 20% bursë në disa nga programet kryesore
Igor Simiq ftohet përsëri nga Prokuroria Speciale: Dyshohet për sulm ndaj rendit kushtetues
Hajdari largohet nga grumbullimi, Avdullahu lirohet përkohësisht
-
Lajmet2 months agoInfantino kërkon falje për gabimet, por ruan mbështetjen e drejtuesve të FIFA-s
-
Sport2 months agoUellsi tërheq mbështetjen për Infantinon, kërkon ndryshim në krye të FIFA-s
-
Aktualitet2 months agoRusia sulmon Ukrainën me raketa balistike dhe dronë: Të paktën 14 të vrarë në Kjiv
-
Lajmet2 months ago“Spider-Man: Brand New Day” thyen rekorde, i afrohet miliardit në vetëm pak ditë