Sport

Spanja dhe Portugalia, kandidatura e përbashkët europiane për Botërorin 2030

Po afrohet momenti i zgjedhjes së vendit organizator të Kupës së Botës 2030.

Published

5 years ago

February 8, 2022

Betim Gashi

Aleksander Ceferin, president i UEFA-s, u kërkoi 55 federatave anëtare që të ketë vetëm një kandidaturë europiane.

Në fakt, përpjekjet e bëra nga Luis Rubiales dhe Fernando Gomes, presidentë të federatave të Spanjës dhe Portugalisë, me sa duket po konkretizohen me shpalljen e një kandidature të përbashkët, pasi Anglia dhe Irlanda janë tërhequr dhe po mendojnë për organizimin e Euro 2028.

Kandidatura e Spanjës dhe Portugalisë mbetet opsioni i vetëm i UEFA-s për organizimin e Botërorit 2030. Me këtë lëvizje sigurohet mbështetja e 55 federatave evropiane, diçka që Aleksander Ceferin e ka bërë të qartë në raste të ndryshme: “Ne duhet të kemi një kandidaturë dhe mbështetja do të jetë totale”.

Përveç mbështetjes europiane, edhe federatat arabe e kanë miratuar “ofertën” iberike, falë organizimit të Superkupës së Spanjës në Arabinë Saudite.

Si krerët e shteteve ashtu edhe qeveritë e Spanjës dhe Portugalisë kanë treguar mbështetje absolute për projektin dhe e shohin atë si një mundësi të madhe për të dy vendet, si në aspektin ekonomik, ashtu edhe në atë sportiv dhe social.TCH

Vendi

Akil Gjakova mbyll garën pa medalje në Abu Dhabi

Published

8 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

9 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

10 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/