Sport

Spalletti nuk i frikësohet Liverpoolit, ka një mesazh të fortë para ndeshjes

Trajneri italian tha se zhurma që do të krijohet në “Diego Armando Maradona” do të dëgjohet edhe në “Anfield Road”.

Published

4 years ago

on

Trajneri i Napolit, Luciano Spalletti pret që skuadra e tij të bëjë një paraqitje tejet të fortë kundër Liverpoolit në ndeshjen hapëse të Ligës së Kampionëve, ku tha se zhurma e stadiumit “Diego Armando Maradona” do të dëgjohet edhe në “Anfield Road” në Angli.

Vetëm tre muaj pas humbjes në finalen e Ligës së Kampionëve të edicionit të kaluar kundër Liverpoolit, skuadra e Jurgen Klopp i rikthehet garave evropiane me ndeshje kundër Napolit në kuadër të Grupit A të kualifikimeve drejt Ligës së Kampionëve.

Sipas mediave, Liverpooli është favoritë që t’ia filloj edicionit të ri të kësaj gare me fitore, por trajneri i Napolit, Luciano Spalletti nuk ia ka frikën gjigantit anglez.

“Mund të përgatitesh sa më mirë por kur përballesh me kampionë të vërtetë, ju e dini se ata janë të aftë për të nxjerrë diçka nga asgjë hiq. Kështu, ne kemi disa lojtarë tejet të mirë dhe jam i bindur se ata do të tregojnë paraqitje fantastike, duke e vazhduar aty ku e lanë me fitoren ndaj Lazios”, tha Spalletti.

Spalletti premtoi që Napoli do të luaj në mënyrën e vet vetëm për të fituar, por është i vetëdijshëm për skuadrën që klubi i tij do të përballet, kundër një skuadre që ai e admiron shumë.

“Është një nder që të jesh në anën e kundërt të Klopp. Askush nuk është si ai dhe filozofia e lojës së tij e dallon klubin në botën e futbollit. Do të mundohem që të lexojë atë që ai ua ka kërkuar lojtarëve të tij”, tha Spalletti.

Për fund, trajneri italian tha se zhurma që do të krijohet në “Diego Armando Maradona” do të dëgjohet edhe në “Anfield Road”.

“Ne jemi të vetëdijshëm sa shumë fuqi na jep Maradona neve. Jam i bindur që zhurma që do të krijohet nga tifozët do të dëgjohet edhe në ‘Anfield’”, tha Spalletti.

Related Topics:
Continue Reading

Sport

Calciomercato: Zhegrova i dërgon mesazh Spallettit, pritet të luftojë për një vend titullari te Juventusi

Published

2 hours ago

on

September 28, 2026

By

Gazeta e njohur italiane “Calciomercato” ka shkruar për sulmuesin kosovar Edon Zhegrova, i cili shënoi golin e vetëm të Kosovës në humbjen 3-1 ndaj Austrisë.

Ylli i Juventusit u inkuadrua në pjesën e dytë të ndeshjes dhe arriti të shënojë nga pika e bardhë, duke konfirmuar formën e tij të mirë në javët e fundit.

Paraqitjet e Zhegrovës kanë tërhequr vëmendjen edhe në Itali. “Calciomercato” vlerëson se goli ndaj Austrisë përbën një mesazh të qartë për trajnerin e Juventusit, Luciano Spalletti.

“Penalltia nuk e largoi humbjen nga Austria, por konfirmoi formën e fortë të Edon Zhegrovës. Me këtë gol, ai ka arritur në tre gola dhe një asistim në gjashtë ndeshjet e para të këtij sezoni”, shkruan mediumi italian.

Sipas “Calciomercato”, kjo paraqitje mund t’i japë Zhegrovës një rol më të rëndësishëm në planet e Spallettit, pasi sezonin e kaluar trajneri nuk arriti të marrë më të mirën nga sulmuesi kosovar.

“Ky është gjithashtu një mesazh i rëndësishëm për Luciano Spallettin, i cili sezonin e kaluar nuk arriti të mbështetej në versionin e tij më të mirë”, vijon artikulli.

Mediumi italian thekson gjithashtu se Zhegrova pritet të konkurrojë me portugezin Francisco Conceição për një vend në formacionin titullar të Juventusit.

“Ai tashmë mund të ketë një rol më të rëndësishëm në rotacionin e Juventusit, duke pasur vetëm dy kompeticione për të garuar me bashkëlojtarët, Serie A dhe Kupën e Italisë. Me formacionin 4-2-3-1 që përdor Luciano Spalletti, kosovari është kandidat për pozitën e Conceiçãos në krahun e djathtë”, shkruan “Calciomercato”.

Megjithatë, për momentin Zhegrova është i fokusuar te Kombëtarja e Kosovës. “Dardanët” do të përballen të enjten me Izraelin në Hungari, në një tjetër ndeshje të rëndësishme.

D.L

Continue Reading

Lajmet

Zhegrova shënon nga penalltia

Published

15 hours ago

on

September 27, 2026

By

Kosova ka ngushtuar epërsinë ndaj Austrisë. Edon Zhegrova ka realizuar nga pika e bardhë, duke rikthyer shpresën për “Dardanët” në këtë përballje të Ligës së Kombeve.

D.L

Continue Reading

Sport

Austria shënon edhe golin e tretë ndaj Kosovës

Published

17 hours ago

on

September 27, 2026

By

Përditësim

Kombëtarja e Austrisë realizon golin e tretë në këtë përballje, duke thelluar edhe më tej epërsinë ndaj Kosovës.

Austria ka realizuar golin e dytë në përballjen ndaj Kosovës, duke thelluar epërsinë në këtë ndeshje.

 

Austria ka shënuar golin e parë në përballjen ndaj Kosovës, duke kaluar në epërsi në ndeshjen e vlefshme për Ligën e Kombeve, në kuadër të Ligës B.

D.L

Continue Reading

Sport

Kosova përballet sot me Austrinë

Published

20 hours ago

on

September 27, 2026

By

Përfaqësuesja e Kosovës zhvillon sot ndeshjen ndaj Austrisë, me fillim nga ora 18:00. Dardanët synojnë të shënojnë rezultat pozitiv në këtë përballje, në të cilën pritet një garë e fortë mes dy përfaqësueseve.

D.L

Continue Reading

Të kërkuara