Sport

Spalletti flet për Zhegrovën pas dy golave ndaj Sassuolos: “Nëse luan lojë sulmuese, është i jashtëzakonshëm”

Published

on

Edon Zhegrova ishte protagonist i Juventusit në ndeshjen e së dielës mbrëma ndaj Sassuolos, duke shënuar dy gola, por realizimet e tij nuk mjaftuan që “Zonja e Vjetër” të merrte pikë.

Kosovari u inkuadrua në lojë në minutën e 60-të dhe në pjesën e dytë tregoi menjëherë rrezikshmërinë e tij në fazën ofensive. Sassuolo, megjithatë, arriti të fitojë 3:2 në shtëpi, në kuadër të xhiros së katërt të Serie A.

Për Zhegrovën, këta ishin golat e parë me fanellën e Juventusit, pasi kosovari kishte pritur gjatë për të gjetur rrjetën me klubin e ri.

Zhegrova shënoi fillimisht në minutën e 82-të, kur realizoi për 1:1. Sulmuesi kosovar nuk u ndal me kaq, pasi në minutën e 91-të shënoi edhe golin e dytë personal, duke e barazuar rezultatin në 2:2.

Juventusi më pas kërkoi me ngulm golin e fitores. “Bianconerët” dërguan shumë lojtarë në fazën sulmuese, duke tentuar që në minutat e fundit ta përmbysnin ndeshjen.

Por ky rrezik i Juventusit i kushtoi shtrenjtë. Sassuolo përfitoi nga hapësirat e krijuara dhe në minutën e 94-t realizoi golin e tretë për fitoren 3:2.

Në portën e Sassuolos ishte edhe portieri i Kosovës, Aro Muriq, i cili pati një paraqitje të madhe dhe kontribuoi në fitoren e skuadrës së tij.

Pas ndeshjes, trajneri i Juventusit, Luciano Spalletti, foli për paraqitjen e Zhegrovës dhe veçoi një prej cilësive kryesore të tij.

“Ai bëhet i pandalshëm dhe i paparashikueshëm kur krijon situata ‘një kundër një’ në hapësira të ngushta”, ka thënë Spalletti për Zhegrovën pas ndeshjes, shkruan “Tuttosport”.

Trajneri italian, megjithatë, theksoi se kosovari duhet të përmirësohet edhe në aspektin defanziv.

“Sigurisht, mund të humbë ndonjë top të lehtë dhe i mungon cilësia mbrojtëse për t’u kthyer prapa në krah. Por nëse luan lojë sulmuese, ai është lojtar i jashtëzakonshëm”, ka shtuar Spalletti.

Zhegrova ka kaluar një periudhë jo të lehtë gjatë verës. Për javë të tëra u raportua për një largim të mundshëm të tij nga Juventusi, ndërsa më vonë klubi e la jashtë listës së lojtarëve që do të paraqiten në garat evropiane.

Megjithatë, ndaj Sassuolos, 25-vjeçari dha përgjigjen e tij në fushë. Ai u inkuadrua në pjesën e dytë dhe brenda pak minutash shënoi dy gola, duke treguar se mund të jetë një opsion i rëndësishëm për Juventusin në fazën ofensive.

Pavarësisht paraqitjes së Zhegrovës, Juventusi mbeti pa pikë. Spalletti pranoi se skuadra e tij mori shumë rrezik në kërkim të fitores dhe se mungesa e balancës në fund ndikoi në pësimin e golit vendimtar.

“Lojtarët u munduan të fitojnë ndeshjen. Unë isha ai që i shtyva të shkonin për fitore dhe ndoshta ata e tepruan pak me atë që kërkova. Në fund kishim shumë lojtarë që shkonin drejt zonës së Sassuolos.

Kemi humbur pasi kemi dhënë çdo gjë për të fituar e jo për të barazuar. Natyrisht, ka përgjegjësi nga ana jonë, por e tëra erdhi nga dëshira për të fituar ndeshjen”, ka thënë Spalletti.

Kështu, Zhegrova e nisi në mënyrën më të mirë personale këtë paraqitje me Juventusin, duke shënuar dy gola, por në fund festa i takoi Sassuolos.

D.L

Continue Reading

Lajmet

Sfida vendimtare në Dublin: Kosova kërkon fitoren ndaj Irlandës për plejofin e Ligës A

Published

on

By

Kombëtarja e Kosovës luan sonte nga ora 20:45 në Dublin ndeshjen vendimtare të xhiros së fundit të Grupit B3 të Ligës së Kombeve përballë Irlandës, sfidë kjo që përcakton vendin e dytë në grup dhe përfaqësuesen e fundit që do të zërë vend në vazon e dytë për shortin e kualifikimeve të Kampionatit Evropian “Euro 2028”, i cili tërhiqet në muajin dhjetor.

Për “Dardanët”, të cilët e fituan duelin e parë në Prishtinë me rezultat 1-0 më 24 shtator, mjafton edhe një barazim për të siguruar vendin e dytë në grup, çka u garanton automatikisht pjesëmarrjen në plejofin për inkuadrim në Ligën A të Ligës së Kombeve, si dhe pozicionimin në vazon e dytë të shortit evropian. Nga ana tjetër, Irlandës i duhet patjetër fitorja për të shmangur rënien në vazon e tretë. Vlen të ceket se në këtë fazë të plejofit do të paraqitet edhe Serbia, por përballjet mes saj dhe Kosovës nuk lejohen nga UEFA.

Pavarësisht se barazimi i kryen punë Kosovës, përzgjedhësi Franco Foda ka bërë të qartë në konferencën për shtyp të mbajtur të hënën se skuadra e tij nuk do të futet në fushë me llogari, por për të kërkuar fitoren.

“Presim të jetë ndeshje ndryshe nga ajo që ishte në Prishtinë. Jemi të vetëdijshëm që Irlanda është kombëtare shumë e fortë dhe këtë e ka treguar në ndeshjet e kaluara, sidomos kundër Austrisë në shtëpi ku morën avantazhin prej 2-0. Megjithatë, ne jemi këtu për të marrë rezultat pozitiv dhe do të tentojmë të marrim fitore”, deklaroi Foda.

Tekniku gjerman e refuzoi idenë se ndeshja do të jetë e lehtë, duke shtuar se qasja ofensive që pritet nga irlandezët mund t’i krijojë hapësira Kosovës. “Nuk mund të futesh në ndeshje për të kërkuar barazimin, në fushë duhet të futesh për të fituar. Presim që Irlanda të luajë lojë më ofensive dhe kjo do të nënkuptonte që ne do të kemi më shumë hapësira, të cilat shpresoj t’i shfrytëzojmë nëpërmjet kundërsulmeve”, përfundoi Foda. /E.A/

Continue Reading

Lajmet

Gjermania shkëlqen ndaj Holandës, Brajan Gruda protagonist me gol dhe dy asistime

Published

on

By

Kombëtarja e Gjermanisë e ka mbyllur fazën e grupeve në vendin e parë, pasi shënoi një fitore bindëse me rezultat 5-0 ndaj Holandës, në një përballje ku spikati futbollisti shqiptar Brajan Gruda, me një gol të shënuar dhe dy asistime.

Gjermanët e dominuan takimin dhe zhbllokuan rezultatin në minutën e 41-të përmes Derry Scherhant, i cili shënoi pas asistimit të Joshua Kimmich. Në pjesën e dytë, “Pancerat” thelluan ndjeshëm epërsinë, duke nisur me golin e Florian Wirtz në minutën e 60-të për 2-0.

Pesë minuta më vonë, Nico Schlotterbeck realizoi golin e tretë pas një asistimi nga goditja e lirë të Brajan Grudës. Mesfushori ofensiv ishte protagonist edhe në minutën e 71-të, duke asistuar sërish për Florian Wirtz që shënoi golin e katërt. Paraqitjen e tij fantastike Gruda e vulosi në minutën e 77-të, kur realizoi golin e pestë dhe përfundimtar pas një topi të kthyer brenda zonës.

Në takimin tjetër të këtij grupi, Greqia mposhti Serbinë me rezultat minimal 1-0, falë golit të Georgios Masouras në minutën e 69-të, pas asistimit të Vangelis Pavlidis.

Pas mbylljes së ndeshjeve, Gjermania, Holanda dhe Greqia e përfundojnë grupin me nga 11 pikë secila, por falë golaverazhit superior, Gjermania renditet në krye të tabelës, ndërsa Serbia mbetet e fundit me zero pikë. /E.A/

Continue Reading

Sport

Talentet e diasporës zgjedhin fanellën e kosovës

Published

on

By

Përfaqësuesja U17 e Kosovës po vazhdon rrugëtimin në kualifikimet për Kampionatin Evropian U17, me ndeshjet që po zhvillohen në Kroaci.

Një prej elementeve më pozitive të kësaj gjenerate është numri i madh i talenteve shqiptare nga diaspora, të cilët po i përgjigjen ftesës së Kosovës nga vende të ndryshme evropiane, si Zvicra, Gjermania dhe shtete të tjera.

Në mesin e tyre është edhe Erdon Zeqiri, i lindur në vitin 2010, i cili është pjesë e klubit gjerman HFC Halle (Hallescher FC) dhe aktivizohet në futbollin gjerman.

Zeqiri përfaqëson një tjetër shembull të talenteve të reja shqiptare që po zgjedhin ta përfaqësojnë Kosovën në arenën ndërkombëtare.

Prania e futbollistëve të rinj nga diaspora dëshmon se Kosova ka një potencial të madh për të ardhmen, ndërsa ftesat e përfaqësueses po shërbejnë si një mundësi që këta talentë të zhvillohen dhe të kontribuojnë me fanellën dardane.

Talenti i ri është një nga pasuritë më të mëdha të futbollit kosovar, ndërsa diaspora vazhdon të jetë një burim i rëndësishëm për gjeneratat e ardhshme të përfaqësueses.

D.L

Continue Reading

Sport

Kosova u21 pëson humbje nga luksemburgu

Published

on

By

Kombëtarja e Kosovës U21 është mposhtur me rezultat 2:0 nga Luksemburgu U21, në ndeshjen miqësore ndërkombëtare të zhvilluar sot.

Dardanët e rinj nuk arritën të marrin rezultat pozitiv në këtë përballje, duke e mbyllur ndeshjen pa gola të shënuar.

Golat për skuadrën mysafire i realizuan Mick Kirsch në minutën e 6-të dhe shqiptari Flavjo Hoxha në minutën e 65-të, i cili përfaqëson grupmoshat e reja të Luksemburgut.

Kosova pati mundësinë të barazonte në minutën e 25-të përmes Eliot Bujupit, por goli i tij u anulua për pozitë jashtë loje.

Ndeshja u zhvillua në stadiumin “Fadil Vokrri” në Prishtinë.
D.L

Continue Reading

Të kërkuara