

Teknologji
SpaceX nis katër civilë në hapësirë, Musk vetë qëndron në Tokë!
Published
4 years agoon
By
Betim GashiSpaceX ka nisur drejt hapësirës ekuipazhin e parë të përbërë vetëm nga civilë. Grupi i udhëtarëve amatorë, i udhëhequr nga Jared Isaacman, amerikani që është themeluesi dhe shefi ekzekutiv i firmës së tregtisë elektronike Shift4 Payments, u nis nga Qendra Hapësinore Kennedy në Cape Canaveral të Floridës.
Fluturimi, pa astronautë profesionistë që shoqërojnë klientët që paguajnë kompaninë SpaceX, pritet të zgjasë rreth tre ditë nga ngritja deri në uljen në oqeanin Atlantik. Vetë Elon Musk qëndroi në Tokë. Pak përpara nisjes, Isaacman, 38 vjeç dhe shokët e tij të ekuipazhit – Sian Proctor, 51 vjeç, Hayley Arceneaux, 29 vjeçe dhe Chris Sembroski, 42 – dolën nga një hangar i kompanisë SpaceX duke pritur për të përshëndetur turmat me familjarë, miq dhe dashamirës.
më pas, u drejtuan për në bordin e lëshimit për të hipur në një kapsulë të bardhë vezulluese SpaceX Creë Dragon, të quajtur Resilience, e vendosur në majë të një prej raketave të ripërdorshme Falcon 9 dhe të pajisur me një kube të veçantë vëzhgimi në vend të kapakut të zakonshëm të ankorimit. Ky shënon fluturimin inaugurues të biznesit të ri të turizmit orbital të pronarit të SpaceX, Musk, dhe një hap më përpara konkurrentëve, duke ofruar gjithashtu udhëtime me anije-raketa për klientët e gatshëm të paguajnë një pasuri të vogël për fluturimin në hapësirë.
Nuk dihet se çfarë shume ka paguar Isaacman për të dërguar atë dhe tre shokët e tij të ekuipazhit në hapësirë, por revista Time e ka vendosur çmimin e biletës për të katër vendet në 200 milionë dollarë.
You may like
Teknologji
Sony zyrtarizon një model të ri të PS5 Pro
Published
15 hours agoon
September 29, 2025By
UBT News
Sipas një burimi të besueshëm, konsola e re PlayStation 5 Pro e Sony mund të marrë rishikimin e saj të parë të harduerit para fundit të shtatorit. Megjithatë, nuk priten ndryshime të mëdha në dizajn ose përditësime të jashtme të harduerit.
PS5 Pro pritet të lansohet në nëntor 2024 si konsola kryesore e PlayStation, duke sjellë përmirësime të konsiderueshme në performancë për shkak të GPU-së së përmirësuar dhe teknologjisë së re të imazhit PlayStation Spectral Super Resolution (PSSR), e bazuar në AI.
Shumë lojëra të optimizuara për PS5 Pro kanë përfituar nga përmirësimet, ndërsa kritikat janë minimale, përveç çmimit dhe mungesës së një disku si standard. Një raport i Dealabs sugjeron se modeli i ri, me numrin e modelit CFI-7121, do të lansohen në Evropë më 30 shtator dhe nga jashtë duket identik me versionin aktual.
Ndërsa nuk pritet një version “Slim”, Sony mund të ketë modifikuar harduerin për efikasitet më të mirë të energjisë, duke ulur nxehtësinë dhe përmirësuar funksionimin e qetë të konsolës.
PS5 Pro i rishikuar do të ruajë SSD-në 2TB, gjë që është një lajm i mirë duke pasur parasysh ndryshimin e memorjes nga 1TB në 825GB që u pa te PS5 i rregullt. Çmimi pritet të mbetet 799.99 euro, pa ndryshime.
Ndryshimet e mundshme përfshijnë optimizime të radiatorit dhe paraqitjes së motherboard-it për të ruajtur performancën dhe për të zvogëluar përdorimin e materialeve, duke rritur në të njëjtën kohë marzhet e fitimit për Sony. /A.Z/UBT News/
Teknologji
YouTube rikthen përdoruesit e ndaluar për përhapje të keqinformimit
Published
16 hours agoon
September 29, 2025By
UBT News
YouTube planifikon të rikthejë disa llogari që ishin ndaluar për shkelje të rregullave për keqinformim të vazhdueshëm për pandeminë Covid-19 dhe zgjedhjet amerikane të vitit 2020.
Njoftimi erdhi përmes një letre nga avokati i kompanisë mëmë, Alphabet, në përgjigje të një hetimi të republikanëve se administrata e mëparshme Biden kishte detyruar kompanitë e mëdha teknologike që të fshinin disa lloje përmbajtjesh.
Youtube, ashtu si platforma të tjera, ka lehtësuar moderimin e përmbajtjes në vitet e fundit.
“Youtube vlerëson zërat konservatorë në platformë dhe pranon se këta përdorues kanë ndjekje të gjerë dhe luajnë një rol të rëndësishëm në diskutimin publik. Kompania e pranon se këta përdorues janë mes atyre që sot formësojnë konsumin online duke siguruar intervista që duhen parë dhe u japin mundësinë shikuesve që të dëgjojnë politikanë, të famshëm, biznesmenë etj”, thuhet në letër.
Ndërsa në një postim në X, platforma tha:
“Kemi marrë shumë pyetje për një rikthim në Youtube për disa përdorues të ndaluar më parë që të krijojnë një kanal të ri. Ky do të jetë një projekt i kufizuar pilot, i disponueshëm për disa përdorues, llogaritë e të cilëve janë fshirë nga politika që tanimë janë rrëzuar.”
Programi i rikthimit do të prezantohet zyrtarisht brenda pak javësh. /A.Z/UBT News/
Automobilizëm elektrikë
Volkswagen Lupo rikthehet në rrugë, tani si model elektrik
Published
21 hours agoon
September 29, 2025By
UBT News
Volkswagen po planifikon të rikthejë një emër të njohur në segmentin e makinave të qytetit me modelin e ri elektrik, duke u përpjekur të konkurrojë me markat kineze.
Zyrtari i kompanisë, Kai Grünitz, theksoi se është thelbësore të ofrohet një makinë fillestare e përballueshme, nën 20,000 euro, për të tërhequr shoferët e rinj që sapo kanë marrë patentën. Sipas tij, nëse Volkswagen nuk vepron, klientët mund të kalojnë tek markat kineze.
Ai gjithashtu sqaroi se segmenti i makinave të qytetit nuk është aq i madh sa për të justifikuar përdorimin e markave tjera të Grupit Volkswagen si Seat, Škoda apo Cupra. Për këtë arsye, makina e re do të vijë nën markën Volkswagen, duke ruajtur identitetin e kompanisë.
Modeli i ri, i njohur aktualisht si ID.1, mund të rikthehet në prodhim me emrin ID.Lupo – një emër që nuk është përdorur për 20 vjet dhe që dikur ishte shumë popullor për shkak të madhësisë dhe praktikitetit të tij në qytet.
Ky hap shihet si lëvizje e zgjuar marketingu, duke sjellë nostalgji te klientët e vjetër dhe duke tërhequr klientët e rinj drejt Volkswagen. /A.Z/UBT News/
Teknologji
Shefi i ChatGPT parashikon se kur Inteligjenca Artificiale mund të kurojë kancerin
Published
1 day agoon
September 29, 2025By
UBT News
Ndërsa në njërën anë, Inteligjenca Artificiale po u shkakton frikë shumë njerëzve për “zëvendësimet e vendeve të punës ose zhdukjen e njerëzimit”, në anën tjetër, ajo në fakt mund të shpëtojë jetë në një mënyrë të jashtëzakonshme.
Në këtë drejtim, emra të teknologjisë, përfshirë Bill Gates të Microsoft dhe CEO të Zoom, Eric Yuan, kanë rënë dakord që përparimet në Inteligjencën Artificiale do të çojnë në një javë pune më të shkurtër, duke arritur potencialisht në vetëm tre ditë.
Por shkenca po bashkëpunon me Inteligjencën Artificiale gjithnjë e më shumë, me një laborator të mbështetur nga Google që përdor Inteligjencën Artificiale për të provuar të zgjidhë të gjitha sëmundjet e botës.
Siç pretendohet më tej, përcjell Telegrafi, teknologjia po përdoret për të parashikuar vdekjen, shënuesit e sëmundjeve gjenetike dhe për të përcaktuar diagnoza të sakta mjekësore.
Madje, tani, CEO i OpenAI, Sam Altman, mendon se po i afrohemi shërimit të një prej shkaqeve kryesore të vdekjes.
Në një postim në blog, krijuesi i ChatGPT pretendoi se me 10 gigavatë fuqi llogaritëse, ‘gjëra të mahnitshme do të jenë të mundura’.
Ai shkroi: “Ndoshta me 10 gigavatë llogaritje, IA mund të gjejë një mënyrë për të kuruar kancerin. Ose me 10 gigavatë llogaritje, IA mund të gjejë një mënyrë për të ofruar mësimdhënie të personalizuar për çdo student në Tokë”.
Miliarderi i teknologjisë tha gjithashtu se OpenAI synon të ndërtojë një fabrikë që prodhon një gigavat infrastrukturë të re IA çdo javë, megjithëse kjo ka të ngjarë të zgjasë me vite.
Por nuk është e pamundur.
Hulumtuesit po përdorin IA-në për të bërë përparime mbresëlënëse shkencore, si mjeti AlphaFold i Google DeepMind i cili shpreson të përshpejtojë kërkimin për vaksinat dhe ilaçet.
Si konkluzion, thuhet se IA padyshim që ka ndihmuar në përmirësimin e zbulimit të kancerit, por në të vërtetë për të kuruar sëmundjet, ka ende shumë punë për të bërë.
Kjo për faktin se një nga sfidat më të mëdha në shërimin e kancerit është se nuk është vetëm një sëmundje e vetme. Në vend të kësaj, ka qindra lloje të ndryshme, secila me karakteristikat e veta unike.
Komentet e Altman pasuan njoftimin e OpenAI për partneritetin e saj të ri me Nvidia për të ndërtuar infrastrukturën e Inteligjencës Artificiale të së ardhmes.

Zyrtare: Merret vendimi për stadiumin ikonik “Giuseppe Meazza”

“House of Guinness” – seriali i ri historik i Netflix nga autori i “Peaky Blinders” bëhet hit

Miley Cyrus drejt rikthimit në shtëpinë e saj të rindërtuar në Malibu

Kryeministri Kurti takoi kongresistin amerikan James McGovern

Udhëheqësit në Lindjen e Mesme dhe Evropë mirëpresin planin e paqes për Gazën

Cilat janë përfitimet e konsumimit të arrave të zhytura në ujë?

Dinamo Zagreb mposht Slaven Belupon, shkëlqen Arbër Hoxha

Ismajli ulet në fushë dhe kërkon zëvendësim në Kombëtaren e Shqipërisë

Hamasi: Rezistenca e armatosur, e drejta jonë pa shtet
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 weeks ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën