Sport

Southgate: Sancho nuk e meriton që të jetë në skuadër të Anglisë

Southgate e ka emëruar Sanchon në listën e tij prej 23 lojtarëve në Kombëtaren e Anglisë.

Published

5 years ago

on

Trajneri i Anglisë, Gareth Southgate e ka pranuar që Jadon Sancho është ftuar për ndeshjet me kombëtare pavarësisht që ai nuk e ka merituar një vend aty për shkak të formës momentale.

21-vjeçari nuk është duke kaluar nëpër një formë të mirë që prej transferimit nga Borussia Dortmundi te Manchester United, ku ka dështuar të kontribuoj me gola dhe asistime në tetë paraqitjet e tij të fundit në të gjitha garat.

Pavarësisht kësaj, Southgate e ka emëruar Sanchon në listën e tij prej 23 lojtarëve në Kombëtaren e Anglisë, për ndeshjet e radhës kundër Andorras dhe Hungarisë, pavarësisht formës të tij jo të mirë.

“A e meriton ai që të jetë në skuadrën e Anglisë duke u bazuar në paraqitjet e tij të fundit? Sigurisht që jo. Por unë mendoj që ne kemi investuar shumë në Sanchon përgjatë një periudhe të gjatë kohore, dhe besoj që mund të arrijë nivelin më të lartë si futbollist”, tha Southgate.

“Do të dëshiroja të kem kohë që të bisedoj me të, dhe ta ndihmoj gjatë procesit në të cilin është duke kaluar te Manchester United, dhe gjithashtu dua që ai ta sheh se kemi besim tek ai”, shtoi trajneri i Anglisë.

Para se të bashkohet me Kombëtaren e Anglisë, Sancho do të shpresojë që të regjistrojë gol ose asistim nëse paraqitet në ndeshjen e Manchester United kundër Everton me dy tetor, në ndeshjen finale para atyre me kombëtare.

Related Topics:
Continue Reading

Sport

Kosova nis pa medalje garën në Grand Prix të xhudos

Published

13 hours ago

on

June 26, 2026

By

Në Qingdao të Kinës ka nisur të premten Grand Prix i xhudos, ku në ditën e parë u paraqitën tri xhudiste nga Kosova, por pa arritur të sigurojnë vazhdim në garë për medalje.

Në kategorinë deri në 48 kilogramë, Erza Muminoviq e nisi mirë garën duke e fituar luftën e parë ndaj Su Yon Jon nga Koreja e Veriut, por u ndal në xhiron e dytë pas humbjes ndaj kinezes Wenna Zhuang.

Fatjona Kasapi u eliminua në luftën e parë në kategorinë deri në 52 kilogramë, pasi u mposht nga bartësja e parë, gjermanja Mascha Ballhaus.

Ndërkohë, edhe Flaka Loxha u ndal që në përballjen e parë në kategorinë deri në 57 kilogramë, duke pësuar nga Maysa Pardayeva e Turkmenistanit.

Të shtunën në garë për Kosovën do të zbresin Laura Fazliu dhe Dardan Cena.

D.L

Continue Reading

Sport

Holanda fiton bindshëm, Tunizia eliminohet pa pikë

Published

14 hours ago

on

June 26, 2026

By

Holanda ka regjistruar një fitore të sigurt 3:1 ndaj Tunizisë në Kansas City, duke e mbyllur fazën e grupeve në vendin e parë të Grupit F me shtatë pikë.

Ndeshja nisi furishëm për holandezët, të cilët kaluan në epërsi që në minutën e tretë pas një autogoli të Ellyes Skhirit. Vetëm katër minuta më vonë, Brian Brobbey dyfishoi avantazhin, duke e çuar rezultatin në 2:0.

Tunizia u rikthye në lojë në minutën e 54-t me golin e Hazem Mastourit, por Holanda reagoi shpejt. Në minutën e 62-të, Jan Paul van Hecke vulosi fitoren me golin për 3:1.

Me këtë disfatë, Tunizia i humbi të tre ndeshjet e grupit dhe i jep fund paraqitjes në turne.

D.L

Continue Reading

Sport

Japonia pa humbje, Suedia kalon si e treta

Published

15 hours ago

on

June 26, 2026

By

Japonia dhe Suedia kanë siguruar kualifikimin në fazën e nokautit të Kupës së Botës, pasi barazuan 1:1 në ndeshjen e fundit të Grupit F.

Takimi, i zhvilluar të premten në Arlington para rreth 70 mijë shikuesve, ishte vendimtar për renditjen përfundimtare të grupit. Japonia kaloi në epërsi në minutën e 56-të me golin e Daizen Maedës, ndërsa Suedia reagoi shpejt dhe barazoi gjashtë minuta më vonë, kur Anthony Elanga realizoi për 1:1.

Japonia e mbylli fazën e grupeve pa humbje, duke grumbulluar pesë pikë dhe duke siguruar vendin e dytë në grup. Ndërkohë, Suedia, që në kualifikime kishte përfunduar pas Kosovës, avancoi nga pozita e tretë me katër pikë.

Në fazën e nokautit kualifikohen tetë përfaqësueset më të mira të vendeve të treta nga 12 grupet e turneut, ndërsa Suedia ishte njëra prej tyre.

Për Japoninë, ky është kualifikimi i tretë radhazi nga faza e grupeve dhe i pesti në shtatë pjesëmarrje në Kupën e Botës.

Edhe Suedia vazhdon serinë pozitive, pasi ka kaluar fazën e grupeve në secilin prej katër edicioneve të fundit në të cilat është kualifikuar.

D.L

Foto: aljazeera

Continue Reading

Sport

Fitorja ndaj SHBA-së nuk i mjaftoi Turqisë për kualifikim

Published

15 hours ago

on

June 26, 2026

By

Turqia e mbylli me fitore paraqitjen në Kupën e Botës, por suksesi 3:2 ndaj SHBA-së nuk mjaftoi për të siguruar një vend në fazën e nokautit.

Në ndeshjen e zhvilluar në Inglewood, të premten në mëngjes sipas kohës së Kosovës, turqit triumfuan falë një goli dramatik të Kaan Ayhan në minutën e 98-të. Megjithatë, dy humbjet e mëparshme ndaj Australisë dhe Paraguait rezultuan fatale për ekipin turk, që e mbylli garën në vendin e fundit të Grupit D me tri pikë.

SHBA-ja, pavarësisht humbjes, e ruajti pozitën e parë në grup me gjashtë pikë dhe avancoi në fazën tjetër. Australia u rendit e dyta me katër pikë, ndërsa Paraguai përfundoi i treti, gjithashtu me katër pikë, dhe pritet të sigurojë kalimin tutje si një nga ekipet më të mira të vendeve të treta.

Për Turqinë shënuan Arda Güler në minutën e 10-të, Burak Yılmaz në të 31-tën dhe Kaan Ayhan në minutën e 98-të. Për SHBA-në realizuan Auston Trusty në minutën e tretë dhe Sebastian Berhalter në minutën e 49-të.

Amerikanët, të cilët e kishin siguruar më herët kualifikimin, u paraqitën me një formacion të ndryshuar, duke aktivizuar nëntë lojtarë të rinj nga minuta e parë.

Turqia kishte udhëtuar drejt SHBA-së me pritshmëri të larta, pasi në plejof kishte eliminuar Kosovën, por dështimet në dy ndeshjet e para ia pamundësuan vazhdimin e garës.

Në ndeshjen tjetër të Grupit D, Australia dhe Paraguai barazuan 0:0.

D.L

Foto:.theguardian

Continue Reading

Të kërkuara