

Kulturë
Sot u promovua libri “Ushtria Çlirimtare e Kosovës-Vlerë Kombëtare”
Libri u mundësua nga Agjencia Shtetërore e Arkivave të Kosovës dhe ajo e Arkivit të Përgjithshëm të Shtetit të Shqipërisë.
Published
3 years agoon
By
Betim GashiNë ditën kur ish-komandanti i Ushtrisë Çlirimtare të Kosovës, Salih Mustafa është dënuar me 26 vjet burgim nga Gjykata Speciale, në Prishtinë u promovua libri “Ushtria Çlirimtare e Kosovës-Vlerë Kombëtare”, botim i cili ka objektiv të pakontestueshëm mbrojtjen shkencore të vlerës më të madh kombëtare luftën e drejtë të ushtrisë Çlirimtare të Kosovës.
Libri u mundësua nga Agjencia Shtetërore e Arkivave të Kosovës dhe ajo e Arkivit të Përgjithshëm të Shtetit të Shqipërisë.
Kryeshefi i Agjencisë Shtetërore e Arkivave të Kosovës, Bedri Zymberaj u shpreh se dënimi i ish-komandantit të UÇK-së, Sali Mustafa është goditja e parë e Dhomave të Specializuara me seli në Hagë.
“Si për koicidencë goditjen e parë të Dhomave të Specializuara e morëm sot kur një pjesëtarë i Ushtrisë Çlirimtare të Kosovës në emër të një ndërmarrje të përbashkët kriminale u dënua me 26 vite burg dhe çka të themi pra kjo është koiqidencë ndodhemi në një mjegull nuk e dimë se çka do ndodh”, u shpreh Zymberaj.
Zymberaj theksoi se me ligjin për Dhomat e Specializuara Agjencisë Shtetërore të Arkivave të Kosovës u privohet e drejta për qasje në dokumente që nxjerr ky trup gjykues.
“Me legjislacionin tonë në fuqi Agjencia Shtetërore e Arkivave të Kosovës është institucioni për të mbledh, ruajtur, të gjitha dokumentet që prodhohet nga institucionet e shtetit të Kosovës, por me ligjin për Dhomat e Specializuara sipas këtyre dispozita që janë në njëfarë forme ne jemi kompetentë për të ruajtur edhe atë dokumentacion që prodhojnë këto Dhoma, megjithatë Agjencia Shtetërore e Arkivave të Kosovës privohet nga e drejta për t’i pas në zotërim dokumentacionin, dokumentet që prodhohen nga këto Dhoma dhe atë me ligj të veçantë që është një paradoks i llojit të vetë, sepse neni 3 i Ligjit për Dhomat e Specializuara thotë se Dhomat e Specializuara janë pjesë të juridiksionit të Kosovës në anën tjetër neni 62 i këtij ligji thotë se dokumentacioni që do të prodhohet nga këto Dhoma nuk janë dokumente publike të Kosovës dhe nuk do të jenë të qasshme asnjëherë”, tha ai.
Edhe drejtori i Arkivit të Përgjithshëm të Shtetit të Shqipërisë, Ardit Bido u shpreh se është skandalizuar pas shqiptimit prej 26 vitesh dënim me burgim për ish-komandantin e UÇK-së, Sali Mustafa. Sipas tij, Gjykata Speciale nuk po prodhon barazi pasi që zëdhënësi i viktimës, Jakup Krasniqi është duke u dënuar, kurse zëdhënësi i agresorit serb ka imunitet diplomatik.
“Rasti i UÇK-së, rasti çfarë ndodh sot në Hagë është po ashtu për të bërtitur se si elementet e shprishjes së identitetit të cilat na shfaqen përmes mungesave janë në fakt arsyeje pse ndodhin këto gabime ciklike në vendin tonë. 30.00Ne nuk na intereson Hashim Thaçi, ne nuk na intereson Jakup Krasniqi e asnjëri prej këtyre personazheve mund të ishin të akuzuar për korrupsion nuk do na interesonte, janë të akuzuar sepse ishin duke mbrojtur vendin dhe kombin. Jakup Krasniqi zëdhënësi nuk po tenton kjo gjykatë të prodhoj barazi mes viktimës dhe agresorit sepse zëdhënësi i viktimës është duke i dënuar, zëdhënësi i agresorit është shkëlqesia e tij me imunitet diplomatik ndërkombëtar, nuk ka barazi dhe as tentativë për barazi. Sot patëm një dënim një dënim i cili mua më skandalizoj jo prej faktit se ka dënim se ndoshta kemi bërë edhe ne gabime që nuk prodhuan dënime vetë ne. Por, sot kishte një dënim për vrasje me arsyetimin që viktima nuk ishte vrarë por kishte ndërruar jetë pasi ishte liruar, kishte një dënim për vrasje me gjithë arsyetimin e torturës me pasoj vdekje”, theksoi ai.
Profesori universitar nga Maqedonia e Veriut, Abdulla Azizi u shpreh se ky libër ka objektiv të pakontestueshëm mbrojtjen shkencore të vlerës më të madhe kombëtare luftën e drejtë të ushtrisë Çlirimtare të Kosovës.
“Patën një objektiv të përgjithshëm dhe të pakontestueshëm mbrojtjen shkencore të vlerës më të madh kombëtare luftën e drejtë të ushtrisë Çlirimtare të Kosovës duke lexuar kumtesat brenda këtyre kopertinave të librit ajo çka të bie në sy është gjetja e fjalëve kyçe. Autorët këtu bëjnë një analizë të thelluar të veprimtarisë së UÇK-së nxjerrin konkluza dhe bazë shkencore për retrospektivën historike të ngjarjeve dhe ndodhive reale duke përgënjeshtruar të pavërteta dhe trillimet për zbehjen e idealit kombëtar të UCK. Rëndësia e këtij botimi del në pah duke parë vëmendjen në rritje që po i kushtohet aktivitet shtet-formues të ushtrisë çlirimtare të Kosovës në etablimin e një shteti sovran si subjekt i barabartë në komunitetit ndërkombëtar”, u shpreh ai.
Recensuesi i librit “Ushtria Çlirimtare e Kosovës-Vlerë Kombëtare”, Muhamet Mavraj tha se ky libër është përmbledhje e 22 kumtesave e cila është heterogjene.
Mavraj theksoi se Gjykata Speciale është shndërruar tashmë vetvetiu në sinonim të shkatërrimit të vlerës së UÇK-së.
“’Ushtria Çlirimtare e Kosovës-Vlerë Kombëtare’ është përmbledhje e 22 kumtesave një fjale përmbyllëse, rezolutës apo deklaratës, këto 22 kumtesa janë rezultat i sesionit shkencor ’Ushtria Çlirimtare e Kosovës-Vlerë Kombëtare’ e mbajtur me 7 mars 2022 në Prishtinë.. Përmbledhja e këtij libri është heterogjene për UÇK-në, autorët trajtojnë shumë tema për UÇK-në dhe jo që të gjithë trajton një aspekt brenda punimit të tyre sa i përket të ashtu quajturës Gjykatë Speciale e Kosovës e shndërruar tashmë vetvetiu në sinonim të shkatërrimit të vlerës së UÇK-së karakteri i saj për nga korrektësia që po e tregon.. edhe pas luftës po kështu luftëra për dhe kundra luftës së Ushtrisë Çlirimtare të Kosovës në përmasa të ndryshe këto luftëra kundër luftës kanë filluar si thashetheme dhe kanë përfunduar nëpër gjykata deri në Hagë janë konstatuar si propagandë zyrtare e një subjekti politik qysh gjatë luftës dhe njëkohësisht dhe paralelisht nga dhe shteti serb gjithmonë në rrafshin e propagandës së errët”, theksoi ai.
Gjatë ditës së sotme trupi gjykues në Dhomat e Specializuara në Hagë, në krye me gjyqtaren Mappie Veldt Foglia ka shqiptuar aktgjykim fajësues ndaj ish pjesëtarit të Ushtrisë Çlirimtare të Kosovës, Salih Mustafa duke e dënuar atë me 26 vjet burgim, llogaritur kohën e kaluar në paraburgim. Prokuroria pretendon se i njëjti ka kryer krime lufte dhe akuzat që rëndojnë mbi të janë: ndalim arbitrar, trajtim mizor, torturë, vrasje e paligjshme, ndërsa ai është shpallur fajtor për pikën 1, 3 dhe 4.
Ndërsa në paraburgim vazhdojnë të qëndrojnë edhe krerët tjerët ë UÇK-së, Hashim Thaçi, Kadri Veseli, Rexhep Selimi e Jakup Krasniqi, si dhe ish krerët e OVL-UÇK-së, Hysni Gucati dhe Nasim Haradinaj të cilët janë dënuar me 4 vite e gjysmë dënim me burgim.
Kulturë
Disa nga gabimet që bëhen gjatë intervistimit për punë
Published
11 hours agoon
September 25, 2025By
UBT News
Kërkimi i punës nuk është asnjëherë i lehtë sepse kandidatët mund të kalojnë muaj duke dërguar rezyme dhe duke u lidhur me njerëz për të gjetur pozitën e duhur, shpesh duke bërë intervista të shumta në proces.
Shumë ndërmarrës dhe përfaqësues të Burimeve Njerëzore i frikësohen punësimit sepse e dinë se është i vështirë.
Nëse vazhdimisht zbuloni se kandidatët tuaj idealë refuzojnë punën pas intervistës, mund të jetë arsyeja se procesi juaj i intervistimit po i largon ata. Këtu janë tetë arsye të dëshmuara shkencëtarisht që intervistat e juaja po bëjnë dëm në vend të ndihmës.
Ju hutoheni nga pamja
Shikoni me kujdes kandidatët të cilët i eliminoni sepse ju mund të mos e kuptoni se po e bëni, por studimet kanë treguar se pamja fizike luan një rol domethënës në zgjedhjen e kandidatit.
Ju nuk mund të lexoni gjuhën e trupit
Vendimet e punësimit shpesh bazohen në atë që personi nuk thotë se sa nga ato që thotë, sipas një studimi, por ju mund të bëni supozime bazuar në qëndrimin e dobët ose mungesën e kontaktit me sy.
Ju tregoheni të ngadalshëm
Nëse keni kërkuar punë ndonjëherë, e dini se sa torturuese mund të jetë pritja për të dëgjuar nëse jeni punësuar apo jo. Ajo pritje është më e larta në këto vite, sipas DHI-DHF Mean Vacancy Duration. Në vitin 2016, studimi zbuloi se pritja mesatare për një punë profesionale ishte 26.1 ditë pune, përderisa punëdhënësit kërkonin kandidatin e përsosur.
Edhe pse gjetja e profesionistëve të aftë mund të marrë kohë, është gjithashtu e rëndësishme të kuptoni se kur vonoheni shumë, ju mund të humbisni kandidatin më të mirë nga një konkurrent.
Vetëm biseda me aplikuesin nuk mjafton
Me vite, disa ekspertë kanë thënë se intervistat e punës standarde dhe të pastrukturuara të cilat shumica e bizneseve i përdorin janë të padobishme në identifikimin e kandidatit të duhur për një pozitë. Një studim zbuloi se intervistat e pastrukturuara mund të ndërhyjnë në aftësinë e intervistuesit për të vendosur në mënyrë të saktë se si një kandidat do të performojë në një punë.
Por, provoni diçka të cilën shumë kompani po e bëjnë përderisa vlerësojnë të punësuarit potencialë. Ata po kalojnë në intervista të strukturuara ku kandidatëve iu kërkohet të provojnë detyra specifike për të cilat do të jenë përgjegjës nëse punësohen.
Ju nuk kërkoni mostra të punës
Edhe pse intervistat në përgjithësi dështojnë në parashikimin e performancës së punës, mostrat e punës janë shumë më efikase. Lloji i testit varet në punën që kandidati do të performojë, por mund të ju dërgojë një hap përpara, veçanërisht nëse po punësoni dikë kreativ si një diazjner grafik. Një tjetër mjet i dobishëm është testi kognitiv, ku kandidatët iu përgjigjen pyetjeve të shprehive të cilat ju ndihmojnë të identifikoni proceset e tyre të mendimeve.
Ju po dështoni në rekrutimin në media sociale
Kërkuesit e punës kanë ndryshuar mënyrën se si ata kërkojnë punë, por ende disa punëdhënës po dështojnë në përpjekjet e tyre të rekrutimit. Një studim zbuloi se edhe pse 92 përqind e bizneseve përdorin mediat sociale për të gjetur punonjës të ri, 51 përqind e atyre postimeve shkojnë në Twitter, ku punonjësit nuk shikojnë. Shumë kërkues të punës përmendën LinkedIn si faqen ku ata presin më së shumti të shohin njoftime të punës, por ende vetëm 23 përqind të punëve të postuara në media sociale janë në LinkedIn, sipas studimit.
Procesi juaj është i papërcaktuar
Një studim i vitit 2015 zbuloi se 52 për qind e punëdhënësve përdorin rrjetet sociale për të mësuar më shumë për kandidatët, një numër i cili është rritur që nga viti 2013. Përdorni çfarë të mundeni për të krijuar një stil të intervistës i cili përshtatet me personalitetin unik të kandidatit.
Ju po e paraqisni ndryshe kulturën e kompanisë
Studimet kanë zbuluar se punonjësit të cilët përshtaten me kulturën e kompanisë kanë nivel më të lartë të kënaqësisë në punë se sa ata të cilët nuk përshtaten. Por ende nëse nuk e paraqisni kulturën gjatë intervistës, ju mund të humbisni punonjës të cilët mund të përshtaten shumë mirë. P.sh., nëse biznesi juaj është jo formal, por ju shfaqeni duke veshur kostum, kandidati mund të supozojë se ju keni një kod strikt të veshjes. Përveç përmendjes së aspekteve të veçanta të kulturës tuaj gjatë procesit, gjithashtu sigurohuni se po e përçoni atë në gjuhën tuaj trupore dhe në stilin e intervistës.
Intervista mund të jetë e ndërlikuar, por nëse i dini disa nga gabimet më të zakonshme, ju mund të filloni t’i shmangni ato. Vetëm duke mësuar teknikat më të mira të intervistës ju mund të pajisni biznesin tuaj me ekipin e nevojshëm./S.K/EO/
Kulturë
“Princi i shkëmbinjve” kthehet në Bristol, ekspozohen akuarelet e rralla të JMW Turner
Published
11 hours agoon
September 25, 2025By
UBTnews
Ekspozita me akuarele të brishta dhe të rralla eksploron udhëtimet e artistëve në dhe përreth Grykës së Avonit
Një ekspozitë e rrallë me akuarele të JMW Turner, të frymëzuara nga eksplorimet e tij adoleshente në Grykën e Avonit, është hapur në Muzeun dhe Galerinë e Arteve të Bristol. Veprat janë aq të brishta, sa zakonisht mbahen në depo me kujdes të madh, ndaj ky mund të jetë një prej rasteve të rralla kur publiku ka mundësi t’i shikoj.

Muzeu i Bristolit u vlerësua më lart se një koleksionist privat për veprën The Rising Squall të Turner.
Ekspozita vjen edhe si shenjë falënderimi për publikun, pasi mbi 100 mijë funte u mblodhën për vetëm një javë nga donatorët, me qëllim që muzeu të siguronte një tjetër pikturë të Turnerit me temë Bristol. Përpjekja “Bring Turner Home” (Sillni Turnerin në shtëpi) përfundoi me zhgënjim, pasi një koleksionist privat në Britani dha ofertë më të lartë dhe e rrëmbeu veprën The Rising Squall.
Megjithatë, publiku i Bristolit do të mund të shijojë katër akuarele të Turnerit, të pikturuara gjatë vizitës së tij të parë në qytet, në fund të shekullit XVIII, kur ai ishte vetëm 16 vjeç. Pikturat dëshmojnë për zotësinë e tij të hershme në detajet arkitekturore, vëzhgimin natyror dhe kompozimin dramatik.
Kuratorja Julia Carver tregon se Turner e vizitoi Bristolin në vitin 1791, ku qëndroi tek një mik i familjes, tregtari John Narraway. “Ata e quanin ‘Princi i shkëmbinjve’ sepse kalonte orë të tëra në grykë, duke eksploruar çdo cep të saj,” thotë Carver.

Gryka e Avonit dhe Pusi i Ngrohtë i Bristolit nga JMW Turner. Fotografia: c/o Muzeu dhe Galeria e Artit të Bristolit
Një nga punimet më të spikatura në ekspozitë është Mouth of the Avon, near Bristol, e cila paraqet pamjen drejt detit, të shtrirë mes shkëmbinjve poshtë Clifton Observatory. Një tjetër, Avon Gorge and Bristol Hotwell, sjell një version të hershëm të kompozimit që Turner do ta zhvillonte më vonë në The Rising Squall.
Kreu i kulturës në Këshillin e Qytetit të Bristol, Philip Walker, tha se fushata për të sjellë Turnerin në shtëpi ishte “më e madhja dhe më e guximshmja deri më tani”, ndërsa kjo ekspozitë është mënyra e qytetit për të falënderuar publikun dhe për të festuar lidhjen e veçantë të Turnerit me Bristol.
Përveç akuareleve të Turnerit, ekspozita përfshin edhe punime të Samuel Jackson, pjesë e Shkollës së Bristol, si dhe objekte nga koleksionet shkencore të muzeut, përfshirë fosile dhe kristalet e famshme të kuarcit të njohura si “Diamantet e Bristolit”.
“Prince of the Rocks: JMW Turner and the Avon Gorge” do të jetë e hapur nga 27 shtatori deri më 11 janar 2026 në Muzeun dhe Galerinë e Arteve të Bristol. Hyrja është falas./D.B/UBTNews/TheGuardian
Kulturë
Pretendentët e hershëm për Oscar 2025! Kritika parashikon një edicion të jashtëzakonshëm
Published
1 day agoon
September 24, 2025By
UBT News
Edhe pse ceremonia e ndarjes së çmimeve Oscar 2025 mbahet në mars, kritika tashmë ka filluar të rendisë filmat që pritet të jenë mes pretendentëve më seriozë për çmimet më të mëdha të kinemasë.
Disa tituj kanë fituar vëmendje të madhe, duke u konsideruar si favoritët e hershëm të këtij edicioni, që po cilësohet si një nga më të fortët e dekadës.
Titujt më të përfolur për Oscar 2025
Hamnet – Një dramë historike e vendosur në vitin 1596, që trajton vdekjen e djalit 11-vjeçar të William Shakespeare dhe ndikimin e kësaj tragjedie në krijimin e dramës së famshme “Hamlet”. Kritikët e quajnë një “recetë të përsosur” për sukses në Oscar.
One Battle After Another – Me Leonardo DiCaprio në rolin kryesor, filmi ndjek ribashkimin e ish-revolucionarëve në një mision për të shpëtuar vajzën e rrëmbyer të njërit prej tyre.
Sinners – Cilësohet nga kritikët si një nga filmat më të mirë të vitit. Historia ndjek dy vëllezër binjakë që rikthehen në Deltën e Misisipit dhe përballen me një forcë misterioze e të errët.
Bugonia – Ende pa debutuar, por ka ngjallur interes të madh. Emma Stone luan një CEO të fuqishme që rrëmbehet nga dy teoricienë konspiracioni, të bindur se ajo është një aliene.
Christy – Me Sydney Sweeney në rolin e legjendës së boksit Christy Martin, filmi sjell në ekran jetën e një prej boksierëve më të famshme amerikane.
Anemone – Një histori prekëse për një ish-ushtar që, pas dy dekadash izolimi, ribashkohet me të vëllain, duke përballuar plagët e së kaluarës.
The Smashing Machine – Dwayne Johnson interpreton legjendën e UFC, Mark Kerr, në një rikthim emocionues në botën e sportit të viteve ’90.
Sentimental Value – Fitues në Festivalin e Kanës 2025, ky film trajton ribashkimin e dy motrave me babanë e tyre, pas vdekjes së nënës, në një rrëfim emocional për familjen dhe të kaluarën.
After the Hunt – Një dramë morale që përshkruan përplasjen mes bindjeve profesionale dhe akuzave serioze, kur një studente padit profesorin e saj për përdhunim.
It Was Just An Accident – Vendosur në realitetin e Iranit të shtypjes politike, filmi sjell takimin dramatik mes një burri dhe ish-oficerit që e kishte torturuar dikur.
Marty Supreme – Timothée Chalamet interpreton Marty Reisman, në një histori që ndërthur ambicien, pasionin për sportin dhe kërkimin për lavdi personale.
Oscar 2025 pritet të jetë një nga edicionet më të pasura në përmbajtje dhe emocione, me një përzierje të jashtëzakonshme të dramës, historisë, sportit dhe sfidave njerëzore.
Kritikët paralajmërojnë një garë të ngushtë dhe shumë të larmishme për çmimet më prestigjioze të vitit. /A.Z/UBT News/
Lifestyle
Çfarë na mëson një psikologe për nevojat e fëmijëve?
Published
1 day agoon
September 24, 2025By
UBT News
Biseda me një psikologe më la pa fjalë. Shumica e prindërve nuk kanë qëllim të lëndojnë fëmijët e tyre, por ndodh shpesh – pa e kuptuar fare.
Çdo periudhë e fëmijërisë ka një nevojë themelore. Kur ajo nevojë nuk plotësohet, fëmija nuk e harron thjesht me kohën; ai/ajo e bart me vete për gjithë jetën.
0-1 vjeç: “A mund të kem besim te bota?”
Kur një foshnjë qan dhe askush nuk i përgjigjet, mëson: “Askush nuk do të vijë për mua.” Kjo shkakton ankth. Kur dikush e mban në krahë dhe e qetëson, foshnja mëson se bota është një vend i sigurt.
1-3 vjeç: “Dua ta bëj vetë!”
Nëse çdo përpjekje e tyre kritikohet ose ndërpritet, fëmija fillon të dyshojë te vetja. Në të ardhmen, mund të ketë frikë të veprojë pa miratim.
3-6 vjeç: “Jam mace! Jam doktor! Jam superhero!”
Lojë e fëmijës nuk është thjesht argëtim – është krijimi i identitetit. Mbështetja e prindit rrit guximin, ndërsa tallja ose injorimi e mbyll vetëbesimin dhe imagjinatën.
6-11 vjeç: “Dua të jem i/e aftë. Dua të vlej.”
Mësoje të vlerësojë përpjekjen, jo vetëm rezultatet. Nëse dashuria dhe vlerësimi lidhen vetëm me suksesin, fëmija mund të ndalojë së provuari kur nuk ndjehet i/e sigurt që do të arrijë.
11-18 vjeç: “Kush jam unë në të vërtetë?”
Kjo periudhë nuk është “mosha e vështirë”, por koha kur formohet identiteti. Rebelime, faza të çuditshme e kundërshtime janë normale. Detyra jote nuk është të krijosh një “fëmijë perfekt”, por të jesh pranë tij teksa zbulon veten.
Fëmijët nuk harrojnë aq sa duket. Truri dhe trupi i tyre mbajnë mend. Prandaj, nuk duhet të jesh prind perfekt. Mjafton të jesh prind që dëgjon, kupton dhe mëson me ta. /A.Z/UBT News/

UBT prezanton modelin e parë Digital Twin të Kampusit Smart City në aktivitetin përmbyllës të projektit Evropian IoT-ECO në Sofia

Sllovenia ia ndalon hyrjen kryeministrit izraelit, Benjamin Netanyahu

Rubio shtron darkën “Transatlantike” në New York, të pranishëm edhe ministrat e Shqipërisë e RMV-së

Në UBT diplomon ushtaraku i FSK-së, Major Vilson Musaj

Paraqiten në gjykatë shtatë të arrestuarit në operacionin “Qielli i thyer”

Ambasada gjermane njofton për takimin Kurti-Rohde

Arrestohet një 24-vjeçar, dyshohet për keqpërdorim me kartela bankare

Osmani takon kryeministrin e Bangladeshit

Këshilli i Ministrave shkarkon Erion Veliajn
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26