Sport

Sot hidhet shorti i play-offeve të Ligës së Kampioneve

Published

on

Sot, në mesditë (12:00), do të hidhet shorti i play-offeve të Ligës së Kampioneve në Nion, Zvicër. Skuadrat do të përballen në fazën eliminatore bazuar në pozitat e tyre përfundimtare në grupet e kampionatit. Skuadrat që përfunduan nga vendi i nëntë deri në vendin e 16-të do të jenë “koka serie” dhe do të ndeshen me ekipet që përfunduan nga vendi i 17-të deri në të 24-tin. Skuadrat më të favorizuara, si koka e serisë, mund të luajnë ndeshjet e kthimit në shtëpi.

Për skuadrat që kalojnë në 1/8-at, do të zhvillohet një raund tjetër i fortë. Interi është skuadra e vetme italiane që ka kaluar direkt në këtë fazë, ndërsa Milan, Juventus dhe Atalanta do të luftojnë për një vend në këtë fazë, duke pasur mundësi përballje me skuadra si Atletico Madrid, Bayern Munich, Real Madrid dhe Manchester City.

Ndërsa Juventus mund të përballet me Milanin ose PSV-në në play-off, Milan ka mundësinë të ndeshet me Arsenalin ose një tjetër derbi italian me Interin. Nëse Atalanta kalon në 1/8-at, mund të përballet me ekipe si PSG, Liverpool apo Barcelona.

Ndërkohë, Paris SG mund të përballet me një tjetër skuadër franceze, Monaco ose Brest, dhe ka shanse të kalojë më tej, me mundësi përballjeje me Liverpoolin ose Barcelonën.

Ndeshjet e para të play-offeve do të zhvillohen më 11 ose 12 shkurt, ndërsa ndeshjet e kthimit do të luhen më 18 dhe 19 shkurt. Formati i ri i Champions League premton shumë duele të forta në këtë fazë./UBTNews/

Lajmet

Rekord i ri, 43 gola në një natë në Champions League

Published

on

Gjithsej, 43 gola janë shënuar në 9 ndeshjet e para të javës së tretë në Champions League, ku aktualisht shihet një dominim i frikshëm nga ekipet e mëdha.

14 skuadra zbritën në fushë në orën 21:00, pas dy ndeshjeve të pasdites, ku takimi që spikati më shumë ishte Arsenal-Atletico Madrid.

Pjesa e parë u mbyll pa gola, por në të dytën “Topçinjtë” dominuan frikshëm, duke shënuar plot 4 herë, me ekipin e Simeones që ishte i pafuqishëm për t’u kundërpërgjigjur.

PSG shkaktoi një tërmet, duke marrë fitoren e tretë në po kaq ndeshje, kësaj radhe duke mundur Leverkuesenin në Gjermani me rezultatin e thellë 2-7.

Të dyja ekipet ngelën me 10 lojtarë, ndërsa në listën e golashënuesve i pranishëm ishte edhe Dembele, i cili sapo u kthye nga një dëmtim.

Interi gjithashtu tregoi forcën në Belgjikë, duke mundur 0-4 debutuesit e Royal Union.

Haaland dhe Bernardo Silva i dhanë fitoren 0-2 Manchester Cityt kundër Villarrealit.

Surpriza më e madhe erdhi nga Holanda, ku Napoli u mposht me rezultatin e thellë 6-2 nga PSV-ja.

Në sfidat e tjera, Dortmund mundi 2-4 Copenhagen, ndërsa Newcastle triumfoi 3-0 me Benficën.

Sa i përket sfidave të orës 18:45, Barcelona mundi 6-1 Olympiacosin, ndërsa Kairat Almaty-Pafos u mbyll pa gola./S.K/Tch/

Continue Reading

Lajmet

​Villarreal-Barcelona nuk do luhet në Miami

Published

on

Protesta e futbollistëve dhe presioni i ditëve fituan mbi La Liga që më në fund hoqi dorë nga plani për zhvillimin e sfidës mes Villarreal dhe Barcelonës në Miami.

Liga Spanjolle komunikoi zyrtarisht se kjo sfidë nuk do të luhet në token amerikane pikërisht në Florida.

Relevent, kompania promovuese e kësaj ndeshjeje e gjendur përballë këtij presioni që arriti kulmin me notën e protestës drejtuar Këshillit Superior Sportiv vendosi të tërhiqet përfundimisht nga kjo ide.

‘La Liga shpreh keqardhjen e thellë që ky projekt që do të shërbente për ndërkombëtarizimin e futbollit spanjoll nuk do të realizohet-thuhet ndër të tjerat në komunikatën zyrtare të La Liga-zhvillimi i një ndeshjeje tonë jashtë kufijve do të ishte një hap vendimtar drejt zgjerimit global të imazhit të kampionatit tonë duke përforcuar praninë ndërkombëtare të klubeve dhe përfshirjen e futbollistëve dhe markës së futbollit spanjoll në një treg strategjik si SHBA’, shkruan TCh.

Në fund La Liga thekson se falënderon klubet për disponibilitetin e tyre në këtë projekt dhe shtoi se do të vijojë punën për ta çuar futbollin spanjoll në çdo cep të botës./S.K/KP/

Continue Reading

Lajmet

​Skëndërbeu luan në Europë, por me të rinjtë

Published

on

Skënderbeu U-19 ka regjistruar një rezultat historik ndaj Aston Vilës U-19, ku ndeshja e vlefshme për fazën gjysmëfinale të kualifikueseve të “UEFA Youth League”, u mbyll me barazim 1-1.

Sfida e parë u luajt në Korçë, ndërsa filloi në orën 16:00 dhe ishin miqtë që kaluan të parët në avantazh, pasi kishin humbur një penallti ndërsa autori I golit mbetet Uilson.

Skënderbeu nuk i la të festonin shumë gjatë, pasi 3 minuta më vonë Ensar Beqiri vendosi baraspeshën ndëerkohë në pjesën e dytë nuk ndryshoi asgjë.

Takimi i kthimit do të luhet më 5 nëntor në Angli. Korçarët janë gati të shkruajnë historinë në Europë me të rinjtë, pasi fillimisht eliminuan Inter D’Eskaldes, shkruan TCh.

Si për ironi të fatit ekipi i parë i Skëndërbeut është i dënuar nga UEFA për 10 vite dhe në edicionin pasardhës pritet të përfundojë periudhën e dënimit I cili nga 10 kualifikime ju shndërruar në 10 vite.

Gjithësesi për të qenë sërish pjesë e kupave të Europës me ekipin A do të duhet si fillim të rikthehen në Kategorinë Superiore e më pas brenda Final Four./S.K/KP/

Continue Reading

Lajmet

​Vdes në moshën 29-vjeçare kampioni amerikan i shahut

Published

on

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara