Sport

Sot dy vjet më parë, Gjakova fitoi medaljen e artë në Tokio 2020

Këtë sukses e ka kujtuar sot trajneri i ekipit kosovar të xhudos, Driton Kuka.

Published

on

Sot dy vjet më parë xhudistja jonë, Nora Gjakova u stolis me medaljen e artë në Lojërat Olimpike Tokio 2020.

Për Kosovën, kjo ishte medalja e tretë olimpike, pas Majlinda Kelmendit në Rio 20216 dhe Distria Krasniqit, e cila gjithashtu në Tokio 2020 fitoi të artën.

Këtë sukses e ka kujtuar sot trajneri i ekipit kosovar të xhudos, Driton Kuka, i cili e shpjegoi paksa rrugëtimin e Norës deri te e arta, ndërsa në fund tha se tashmë Kosova nuk ka nevojë të flas për yjet e popujve të tjerë, pasi që ka yjet e veta.

“26 korrik 2021 Tokyo tash 2 vjet! Nora Gjakova gjatë vitit Olimpik mori medalje në çdo garë,forma e saj kishte ngritje garë pas gare. Isha koxha i sigurt në gjasat e saj për medalje Olimpike. Ajo deshti ndryshe deshti të artën! Gjysëmfinale kundër Japonezes Yoshida rezultati ishte 5 me 0 për Japonezen deri në Olimpiadë. I kishim edhe ne adutet tona kundër saj. E dinim ku mund të hudhej dhe në cilin drejtim,dhe ajo ndodhi për të shkuar në finalen të cilën e fitoj kundër Francezes Qysique”, shkroi Kuka në Facebook.

“Tashmë Kosova kishte medaljen e 3 të artë Olimpike. Mrekulli që tregoj se çka mund të prodhohet me të rinjtë tonë. Një lagje e një qyteti të bukur të Pejës tashmë kishte edhe medaljen e tretë të artë Olimpike. Për Kosoven tonë,për Shqiptarë kudo që janë. Tash skemi nevoj të flasim për yje të shteteve e popujve tjerë,i kemi yjet tona. Kosova dy Olimpiada të arta Olimpike”, shkroi më tej Kuka.

Sport

Ronaldo shpërthen në lot gëzimi, fiton titullin e parë me Al-Nassr

Published

on

By

Cristiano Ronaldo nuk arriti t’i përmbajë emocionet pasi fitoi titullin e tij të parë në Superligën e Arabisë Saudite me Al-Nassr, duke kurorëzuar një sezon dramatik dhe plot sfida.

Në ndeshjen vendimtare të sezonit, Al-Nassr triumfoi me rezultat 4-1 ndaj Damac, duke siguruar titullin e 11-të kampion dhe duke lënë pas rivalin Al-Hilal me dy pikë diferencë.

Heroi i mbrëmjes ishte padyshim Ronaldo. Sulmuesi portugez realizoi dy gola vendimtarë që vulosën triumfin e ekipit të tij dhe i dhanë fund pritjes së gjatë për trofeun e parë në Arabinë Saudite.

Pas zëvendësimit dhe largimit nga fusha mes ovacioneve të tifozëve, Ronaldo u pa duke qarë në stol, i pushtuar nga emocionet. Ky sukses vjen pas disa sezoneve të vështira dhe përfundimeve zhgënjyese në vendin e dytë që nga transferimi i tij në Lindjen e Mesme në vitin 2023.

Megjithatë, momentet emocionale u kthyen shpejt në festë të madhe. Ronaldo mori një daulle nga tifozët dhe udhëhoqi festimet në stadium, duke ndezur atmosferën së bashku me bashkëlojtarët dhe tifozët e Al-Nassr.

Ky triumf rikthen Al-Nassr në majën e futbollit saudit për herë të parë që nga viti 2019, ndërsa trajneri Jorge Jesus e mbylli sezonin me një sukses të rëndësishëm.

Edhe pse Ronaldo realizoi 28 gola në kampionat dhe zhvilloi një sezon të jashtëzakonshëm, ai nuk arriti të fitojë “Këpucën e Artë”, e cila iu dha Julián Quiñones me 33 gola.

Për Ronaldon, ky është titulli i tetë kampion në karrierën e tij, i fituar në katër shtete të ndryshme, duke forcuar edhe më shumë statusin e tij si një nga futbollistët më të mëdhenj në historinë e sportit.

Continue Reading

Sport

Kosova shkëlqen në “Grand Prix” të Zagrebit, fiton tri medalje

Published

on

By

Përfaqësuesja e Kosovës në boks ka shënuar sukses të madh në Turneun Ndërkombëtar të Boksit “Grand Prix”, i mbajtur nga 18 deri më 21 maj 2026 në Zagreb të Kroacisë, duke fituar një medalje të artë, një të argjendtë dhe një të bronztë.

Në finalet e zhvilluara më 21 maj, ngjyrat e Kosovës i përfaqësuan me dinjitet dy boksierë kosovarë.

Bashkim Bajoku, në kategorinë deri në 55 kilogramë, triumfoi në finale ndaj italianit Attrativo, duke siguruar medaljen e artë dhe vendin e parë në këtë turne prestigjioz.

Ndërkohë, Zenel Hasani, në kategorinë deri në 65 kilogramë, zhvilloi një përballje të fortë kundër kroatit Tomislav Siprak. Pas një dueli mjaft konkurrues, Hasani u rendit në vendin e dytë, duke fituar medaljen e argjendtë.

Suksesit të Kosovës iu bashkua edhe Taulant Jakupi, i cili fitoi medaljen e bronztë.

Trajneri i kombëtares, Shefki Bogujevci, u shpreh i kënaqur me paraqitjet e boksierëve kosovarë dhe nivelin e treguar gjatë gjithë turneut, me theks të veçantë në ndeshjet finale.

Në këtë aktivitet ndërkombëtar, drejtësinë e ndau edhe gjyqtari ndërkombëtar kosovar Latif Demolli.

Ky rezultat përbën një tjetër arritje të rëndësishme për boksin kosovar në arenën ndërkombëtare dhe dëshmon ngritjen e vazhdueshme të sportistëve kosovarë në garat elitare.

Continue Reading

Sport

Dukagjini fiton Kupën e Kosovës, Ferizaj refuzon medaljet pas finales me tensione

Published

on

By

KF Dukagjini ka shkruar histori duke fituar për herë të parë Kupën e Kosovës në futboll, pasi mposhti KF Ferizaj me rezultat 2:1 në finalen e zhvilluar në stadiumin Stadiumi Fadil Vokrri.

Finalja ishte e mbushur me shumë tensione, gola spektakolarë dhe vendime të shumta të VAR-it. Altin Mërlaku kaloi Dukagjinin në epërsi në minutën e 16-të me një supergol nga distanca, ndërsa Ferizaj barazoi shpejt përmes Kushtrim Shabanit në minutën e 23-të.

Momenti vendimtar erdhi në minutën e 75-të, kur 20-vjeçari Berisha realizoi një gol të jashtëzakonshëm nga gjysma e fushës, duke i dhënë trofeun skuadrës nga Klina, edhe pse luante me një futbollist më pak pas përjashtimit të Erlis Xhemajlit.

Ndeshja u mbyll mes polemikave për referimin. Ferizaj kërkoi penallti në minutat shtesë, por gjyqtari Genc Nuza nuk akordoi faull. Pas protestave, kapiteni Betim Haxhimusa u përjashtua me karton të kuq, ndërsa trajneri Arsim Abazi e tërhoqi ekipin nga fusha në shenjë revolte.

Lojtarët e Ferizajt u kthyen më vonë në fushë, por refuzuan t’i pranojnë medaljet pas përfundimit të ndeshjes, duke protestuar ndaj gjykimi

Continue Reading

Lajmet

Granit Xhaka shpallet “Lojtari i Sezonit” te Sunderland AFC

Published

on

Sunderland AFC ka vlerësuar paraqitjet e shkëlqyera të mesfushorit shqiptar Granit Xhaka, duke e shpallur atë “Lojtari i Sezonit” për edicionin aktual.

Në një postim të publikuar nga klubi anglez, Xhaka u cilësua si “kapiteni” dhe “lideri” i skuadrës, duke marrë vlerësime të mëdha për kontributin dhe ndikimin e tij gjatë sezonit.

“Kapiteni ynë. Lideri ynë. Lojtari ynë i Sezonit. Urime, Granit Xhaka”, thuhet në mesazhin e publikuar nga Sunderland AFC.

Mesfushori shqiptar ka qenë një nga figurat kryesore të ekipit, duke treguar paraqitje të qëndrueshme dhe lidership si brenda, ashtu edhe jashtë fushës.

Continue Reading

Të kërkuara