Sport

Sot dy vjet më parë, Gjakova fitoi medaljen e artë në Tokio 2020

Këtë sukses e ka kujtuar sot trajneri i ekipit kosovar të xhudos, Driton Kuka.

Published

on

Sot dy vjet më parë xhudistja jonë, Nora Gjakova u stolis me medaljen e artë në Lojërat Olimpike Tokio 2020.

Për Kosovën, kjo ishte medalja e tretë olimpike, pas Majlinda Kelmendit në Rio 20216 dhe Distria Krasniqit, e cila gjithashtu në Tokio 2020 fitoi të artën.

Këtë sukses e ka kujtuar sot trajneri i ekipit kosovar të xhudos, Driton Kuka, i cili e shpjegoi paksa rrugëtimin e Norës deri te e arta, ndërsa në fund tha se tashmë Kosova nuk ka nevojë të flas për yjet e popujve të tjerë, pasi që ka yjet e veta.

“26 korrik 2021 Tokyo tash 2 vjet! Nora Gjakova gjatë vitit Olimpik mori medalje në çdo garë,forma e saj kishte ngritje garë pas gare. Isha koxha i sigurt në gjasat e saj për medalje Olimpike. Ajo deshti ndryshe deshti të artën! Gjysëmfinale kundër Japonezes Yoshida rezultati ishte 5 me 0 për Japonezen deri në Olimpiadë. I kishim edhe ne adutet tona kundër saj. E dinim ku mund të hudhej dhe në cilin drejtim,dhe ajo ndodhi për të shkuar në finalen të cilën e fitoj kundër Francezes Qysique”, shkroi Kuka në Facebook.

“Tashmë Kosova kishte medaljen e 3 të artë Olimpike. Mrekulli që tregoj se çka mund të prodhohet me të rinjtë tonë. Një lagje e një qyteti të bukur të Pejës tashmë kishte edhe medaljen e tretë të artë Olimpike. Për Kosoven tonë,për Shqiptarë kudo që janë. Tash skemi nevoj të flasim për yje të shteteve e popujve tjerë,i kemi yjet tona. Kosova dy Olimpiada të arta Olimpike”, shkroi më tej Kuka.

Sport

Ja kur hidhet shorti për Kupën e Kosovës në futboll

Published

on

By

Të mërkurën, më 19 shkurt, në orën 13:00, në selinë e FFK-së do të bëhet tërheqja e shortit për fazën çerekfinale të Kupës së Kosovës.

Në këtë fazë kanë arritur të kualifikohen tetë skuadra, të cilat do të garojnë për katër vende në gjysmëfinale.

Skuadrat që janë kualifikuar për çerekfinale janë: Drita, Prishtina, Vëllaznimi, Drenica, Malisheva, Llapi, Prishtina e Re dhe Ferizaj.

Continue Reading

Sport

​Theo i destinuar të largohet nga Milani

Published

on

By

Ylli i Francës, Theo Hernandez është i destinuar të largohet nga Milani në verë pasi klubi kishte pranuar një ofertë prej 50 milionë euro nga Como në janar, ndërkohë që bisedimet për kontratën po ngecin.

“La Gazzetta dello Sport” raporton se Milan dhe Theo Hernandez janë të destinuar të ndajnë shoqërinë gjatë verës. Kontrata e mbrojtësit francez skadon në qershor 2026 dhe bisedimet për një marrëveshje të re po ngecin.

“Gazzetta” raporton se Milani nuk është i gatshëm të përmbushë kërkesat e mbrojtësit për shkak të paraqitjeve të tij të dobëta këtë sezon, duke përfshirë humbjen e fundit 1-0 kundër Feyenoordit në Ligën e Kampionëve.

Mediumi në fjalë shton se kuqezinjtë kishin pranuar një ofertë prej 50 milionë eurosh nga Como për Theon në afatin kalimtar të janarit, duke konfirmuar se 27-vjeçari nuk është më i paprekshëm.

Që kur iu bashkua Milanit në vitin 2019, Hernandez ka luajtur 245 ndeshje, duke shënuar 33 gola dhe duke dhënë 44 asistime.

Continue Reading

Sport

Drita prezanton përforcimin e ri

Published

on

By

Skuadra kosovare Drita ka zyrtarizuar blerjen më të re, ukrainasin Denys Kostyshyn. Denys vjen nga superliga e Ukrainës dhe do të jetë një alternativë shtesë për trenerin Ramadani.

Denys është lojtarë me tipare ofenzive dhe pozita e tij e preferuar është mesfushor ofenziv por që mund të luaj edhe në krahët e fazës sulmuese.

Denys në kampionatin e ukrainës ka qenë pjesë e ekipeve si Dnipro ku dhe është zhvilluar si futbollist, Kolos Kovalivka dhe së fundmi ishte pjesë e ekipit të Oleksandriya.

Klubi gjilanas ka bërë të ditur se Kostyshyn ka nënshkruar kontratë deri në qershor 2026.

Continue Reading

Sport

Tensione te Milani: Përplasje mes Ibrahimović dhe Conceição

Published

on

By

Trajneri i Milanit Sergio Conceição është tashmë nën vëzhgimin e Milanit për rezultate të paqëndrueshme dhe disa pretendime që kanë irrituar Zlatan Ibrahimović.

Sipas “Il Corriere dello Sport”, këshilltari i Milanit dhe “Red Bird”, Ibrahimovic nuk janë plotësisht të kënaqur me trajnerin e ri Conceiçao, i cili zëvendësoi Paulo Fonsecan në dhjetor të vitit 2024.

Conceiçao ka një mesatare më të mirë pikësh për lojë se paraardhësi i tij (1,83 kundër 1,58), por kuqezinjtë mbeten shtatë pikë poshtë katër të parëve në renditjen e Serie-A me një lojë më pak dhe humbën në ndeshjen e parë të play-off-it të Champions League kundër Feyenoord të mërkurën.

Sipas “CDS” Ibrahimovic dukej i pakënaqur në tribunë kur pa Conceiçao të zëvendësonte Santiago Gimenez dhe Rafael Leao me Francesco Camarda dhe Tammy Abraham në minutat e fundit të lojës në Roterdam.

Ish-sulmuesi, i cili shërben si këshilltar i Red Bird, tha para ndeshjes se Conceiçao “kishte dy ekipe” në dispozicion pasi mirëpriti pesë nënshkrimet e janarit. Trajneri u përgjigj: “Në të vërtetë janë më shumë se dy, pasi kemi shumë në sektorin e të rinjve”, por sipas “CorSport”, Ibras nuk i ka pëlqyer komenti i tij.

Conceiçao mori detyrën e trajnerit të Milanit më 30 dhjetor 2024. Nën drejtimin e tij, Milani siguroi titullin e Superkupës së Italisë dhe luajti gjashtë ndeshje në Serinë A, duke arritur tre fitore, dy barazime dhe një humbje, me 11 pikë në total.

Conceiçao nënshkroi një kontratë deri në qershor 2026, por klubi mund të vendosë në mënyrë autonome të ndërpresë marrëveshjen në fund të sezonit. Kualifikimi në Champions League 2025-26 shihet si një kërkesë e detyrueshme për të mbajtur portugezin përtej verës.

Continue Reading

Të kërkuara