Sport

Sot dy vjet më parë, Gjakova fitoi medaljen e artë në Tokio 2020

Këtë sukses e ka kujtuar sot trajneri i ekipit kosovar të xhudos, Driton Kuka.

Published

on

Sot dy vjet më parë xhudistja jonë, Nora Gjakova u stolis me medaljen e artë në Lojërat Olimpike Tokio 2020.

Për Kosovën, kjo ishte medalja e tretë olimpike, pas Majlinda Kelmendit në Rio 20216 dhe Distria Krasniqit, e cila gjithashtu në Tokio 2020 fitoi të artën.

Këtë sukses e ka kujtuar sot trajneri i ekipit kosovar të xhudos, Driton Kuka, i cili e shpjegoi paksa rrugëtimin e Norës deri te e arta, ndërsa në fund tha se tashmë Kosova nuk ka nevojë të flas për yjet e popujve të tjerë, pasi që ka yjet e veta.

“26 korrik 2021 Tokyo tash 2 vjet! Nora Gjakova gjatë vitit Olimpik mori medalje në çdo garë,forma e saj kishte ngritje garë pas gare. Isha koxha i sigurt në gjasat e saj për medalje Olimpike. Ajo deshti ndryshe deshti të artën! Gjysëmfinale kundër Japonezes Yoshida rezultati ishte 5 me 0 për Japonezen deri në Olimpiadë. I kishim edhe ne adutet tona kundër saj. E dinim ku mund të hudhej dhe në cilin drejtim,dhe ajo ndodhi për të shkuar në finalen të cilën e fitoj kundër Francezes Qysique”, shkroi Kuka në Facebook.

“Tashmë Kosova kishte medaljen e 3 të artë Olimpike. Mrekulli që tregoj se çka mund të prodhohet me të rinjtë tonë. Një lagje e një qyteti të bukur të Pejës tashmë kishte edhe medaljen e tretë të artë Olimpike. Për Kosoven tonë,për Shqiptarë kudo që janë. Tash skemi nevoj të flasim për yje të shteteve e popujve tjerë,i kemi yjet tona. Kosova dy Olimpiada të arta Olimpike”, shkroi më tej Kuka.

Lajmet

Superliga e Kosovës: Ballkani barazon 1-1 me Feronikelin

Published

on

By

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Continue Reading

Sport

​Hidhet shorti i Ligës së Kampionëve, ka ballafaqime të zjarrta

Published

on

By

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, ​​Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Continue Reading

Sport

Një orë para sfidës me Ballkanin, Feronikeli 74 emëron trajnerin e ri

Published

on

By

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Continue Reading

Sport

​Ballkani kërkon pikë të plota ndaj Feronikelit

Published

on

By

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.

Continue Reading

Të kërkuara