Sport

Sot dy vjet më parë, Gjakova fitoi medaljen e artë në Tokio 2020

Këtë sukses e ka kujtuar sot trajneri i ekipit kosovar të xhudos, Driton Kuka.

Published

on

Sot dy vjet më parë xhudistja jonë, Nora Gjakova u stolis me medaljen e artë në Lojërat Olimpike Tokio 2020.

Për Kosovën, kjo ishte medalja e tretë olimpike, pas Majlinda Kelmendit në Rio 20216 dhe Distria Krasniqit, e cila gjithashtu në Tokio 2020 fitoi të artën.

Këtë sukses e ka kujtuar sot trajneri i ekipit kosovar të xhudos, Driton Kuka, i cili e shpjegoi paksa rrugëtimin e Norës deri te e arta, ndërsa në fund tha se tashmë Kosova nuk ka nevojë të flas për yjet e popujve të tjerë, pasi që ka yjet e veta.

“26 korrik 2021 Tokyo tash 2 vjet! Nora Gjakova gjatë vitit Olimpik mori medalje në çdo garë,forma e saj kishte ngritje garë pas gare. Isha koxha i sigurt në gjasat e saj për medalje Olimpike. Ajo deshti ndryshe deshti të artën! Gjysëmfinale kundër Japonezes Yoshida rezultati ishte 5 me 0 për Japonezen deri në Olimpiadë. I kishim edhe ne adutet tona kundër saj. E dinim ku mund të hudhej dhe në cilin drejtim,dhe ajo ndodhi për të shkuar në finalen të cilën e fitoj kundër Francezes Qysique”, shkroi Kuka në Facebook.

“Tashmë Kosova kishte medaljen e 3 të artë Olimpike. Mrekulli që tregoj se çka mund të prodhohet me të rinjtë tonë. Një lagje e një qyteti të bukur të Pejës tashmë kishte edhe medaljen e tretë të artë Olimpike. Për Kosoven tonë,për Shqiptarë kudo që janë. Tash skemi nevoj të flasim për yje të shteteve e popujve tjerë,i kemi yjet tona. Kosova dy Olimpiada të arta Olimpike”, shkroi më tej Kuka.

Sport

Fitore spektakolare e Juventusit, 5 gola ndaj Al Ainit

Published

on

By

Juventusi dha një paraqitje të jashtëzakonshme në ndeshjen e parë të Kupës së Botës për Klube, duke mposhtur bindshëm skuadrën arabe Al Ain me rezultatin 5-0. Pavarësisht formës së mirë të kundërshtarit, që kishte pësuar vetëm një gol në shtatë ndeshjet e fundit, “Zonja e Vjetër” dominoi lojën nga minuta e parë deri në fund.

Randal Kolo Muani hapi serinë e golave vetëm pas 11 minutash, ndërsa Francisco Conceição dhe Kenan Yıldız shënuan gola të bukur për të thelluar avantazhin. Pak para përfundimit të pjesës së parë, Kolo Muani realizoi edhe golin e tij të dytë personal.

Në pjesën e dytë, Conceição shënoi përsëri për të vulosur fitoren, ndërsa Juventusi kontrolloi totalisht ndeshjen. Portieri i Al Ainit, Rui Patrício, ishte një nga më të mirët në fushë, duke parandaluar disfatën edhe më të thellë, përmes një pritjeje të madhe ndaj një goli të mundshëm të Kolo Muanit për hat-trick.

Kjo fitore për Juventusin është një sinjal i fortë përpara sfidës së ardhshme kundër Wydad AC, ndërsa Al Ain do të ketë një përballje tepër sfiduese me Manchester Cityn në fazën tjetër të turneut.

Continue Reading

Sport

​Ademi takon Fodën: Ishte bisedë e frytshme

Published

on

By

Sot në Vjenë, kryetari i Federatës së Futbollit të Kosovës, Agim Ademi, ka zhvilluar një takim të rëndësishëm me përzgjedhësin e Kosovës Franco Foda, raporton KosovaPress.

Sot në Vjenë, një kafe dhe një bisedë e frytshme për të ardhmen e kombëtares me përzgjedhësin Franco Foda”, ka shkruar Ademi në ‘Facebook’.

Kjo lëvizje vjen në një kohë kur emri i Fodas është përmendur në media si një trajner që mund të largohet, për shkak të interesimit nga disa klube arabe. Megjithatë, takimi i sotëm duket të jetë sinjal se FFK po tenton ta mbajë strategun gjerman në krye të ekipit dhe të qartësojë planet afatshkurtra e afatgjata për përfaqësuesen.

Continue Reading

Sport

​Malisheva përforcohet me një sulmues të ri

Published

on

By

FC Malisheva ka prezantuar sulmuesin Xhemajl Ibishi si përforcimin e parë të këtij afati kalimtar, transmeton KosovaPress.

Ibishi ishte një nga më të mirët me FC Shkupi në Maqedoni të Veriut, ndërsa vije tek Malisheva për të qenë vlerë e shtuar në skuadrën e drejtuar nga Bekim Isufi për garat evropiane dhe për edicionin e ri në Albi Mall Superligë.

Ibishi njihet për cilësitë e tij fizike dhe ‘vrasës’ para portës, andaj pritet që me kualitetin e tij të dhuroj spektakël, shumë gola dhe asiste.

Klubi po ashtu ka bërë të ditur se do të punohet edhe më tutje për të rritur vlerat dhe konkurrueshmërinë përbrenda skuadres, për të qenë sa më të gatshëm për sfidat që i presin dhe realizimin e objektivave në të gjitha drejtimet.

Continue Reading

Sport

Ademi e konfirmon: Foda nuk largohet!

Published

on

Kryetari i Federatës së Futbollit të Kosovës, Agim Ademi, ka konfirmuar se përzgjedhësi Franco Foda, do të qëndrojë te Kosova.

Pak pasi dha shenja në Facebook me një foto ai ka deklaruar se Foda nuk ka thënë asnjëherë që do të largohet.

“Ishte një bisede normale. Biseduam për ndeshjet e radhës. Nuk ka pasur diçka. Ai nuk ka thënë asnjëherë që do të shkojë. Thjeshtë ka pasur një ofertë shumë të mirë”, ka thënë ai.

Agim Ademi jep shenja se Foda do të mbetet në krye të Kosovës

Kryetari i FFK-së, Agim Ademi, ka zhvilluar të mërkurën takim me selektorin e Kosovës, Franco Foda, pati raportime të shumta që Foda mund të marrë drejtimin e një skuadre në Emiratet e Bashkuara Arabe.

Por Ademi ka dhënë sinjale se Foda do të mbetet edhe më tutje në krye të Kosovës.

“Sot në Vjenë, një kafe dhe një bisedë e frytshme për të ardhmen e Kombëtares me përzgjedhësin Franco Foda”, ka shkruar kryetari i FFK-së.

Continue Reading

Të kërkuara