

Kulturë
Sot ditë zie në Shqipëri
Published
4 hours agoon
By
UBTnewsQeveria e Shqipërisë ka shpallur 2 shtatorin ditë zie kombëtare në nderim të Dhimitër Anagnostit, një prej figurave më të shquara të artit dhe kulturës shqiptare.
Sipas njoftimit të Agjencisë për Media dhe Informim, gjatë ditës në të gjithë vendin flamujt do të ulen në gjysmështizë, ndërsa institucionet shtetërore kanë organizuar homazhe për të nderuar kontributin e tij.
Anagnosti u nda nga jeta të hënën, në moshën 89-vjeçare, duke lënë pas një trashëgimi të pasur në kinemanë shqiptare. Ai konsiderohet një nga ikonat më të mëdha të filmit.
Anagnosti u diplomua në Moskë më 1960 dhe që në fillim të karrierës u dallua me filmin “Njeriu kurrë nuk vdes”, i vlerësuar me Çmimin e Parë në Festivalin Botëror të Shkollave të Kinemasë në Holandë.
Gjatë katër dekadave krijimtarie ai realizoi 14 filma artistikë dhe 10 dokumentarë, duke hyrë në historinë e artit shqiptar me vepra të pavdekshme.
“Komisari i dritës”, “Duel i heshtur”, “Lulëkuqet mbi mure”, “Kthimi i ushtrisë së vdekur”, “Përrallë nga e kaluara”, “Gurët e shtëpisë sime”, “Cuca e maleve”, “Malet me blerim mbuluar” dhe “Gjoleka, djali i Abazit”, janë disa prej veprave të tij. Shumë prej tyre u shfaqën në festivale ndërkombëtare dhe u vlerësuan me çmime.
Për artin e tij të rrallë Anagnosti u nderua me titullin “Artist i Popullit” dhe me kupën e karrierës në Festivalin e 10-të të Filmit Shqiptar. Përveç kinemasë, ai dha kontribut edhe në politikë si deputet dhe ministër i Kulturës në fillim të viteve ‘90. Ishte gjithashtu ideator i fondacionit “Fan Noli” dhe autor i dramës “Nata e trokitjeve në xham”.
Dhimitër Anagnosti ishte i martuar me aktoren Roza Anagnosti, duke krijuar një nga çiftet më të dashura të skenës shqiptare. Emri dhe filmat e tij do të mbeten përjetësisht pjesë e identitetit kulturor shqiptar./D.B/EO
Lifestyle
Ky është muaji më i mirë për të kërkuar punë
Published
13 minutes agoon
September 2, 2025By
UBT News
Nëse keni një punë dhe ka arsye që ju bëjnë të mendoni largimin nga ai mjedis pune, ose nëse jeni duke kërkuar një punë ndërkohë që aktualisht nuk jeni i punësuar, ekziston një muaj specifik i vitit që është më i përshtatshmi për të gjetur pozicionin që doni.
Në Amerikë, e quajnë “ Valën e Shtatorit”. Nga 1 shtatori e tutje, kompanitë e të gjitha llojeve fillojnë të kërkojnë me ngulm punonjës. Ky informacion konfirmohet edhe nga konsulentja e biznesit Chanelle Howell, e cila ishte një nga të parat që foli në TikTok për këtë çështje.
“Jemi në mes të tremujorit të tretë të vitit, drejtuesit e lartë po kthehen nga pushimet dhe kompanitë ende kanë buxhete që nuk i kanë ndarë askund”, shpjegon Howell.
Ky është trend që i shtyn kompanitë të pajisin më mirë departamentet me personel, që të arrijnë objektivat që kanë vendosur për vitin. Ky trend fillon procesin që rezulton në hapjen e shumë vendeve të reja të punës dhe në plotësimin relativisht të shpejtë të personelit të tyre.
Kjo periudhë zgjat rreth një muaj e gjysmë, pasi kompanitë duan të kenë mbushur çdo boshllëk në fuqinë punëtore e të kenë përmirësuar cilësinë e punës që ofrojnë ekipet e tyre. Kjo konfirmohet edhe nga HuffPost, pavarësisht faktit se kohët e fundit kemi dëgjuar për fenomene të tilla si shkurtimet e heshtura, të cilat i ngjajnë shkurtimeve nga puna, por nuk klasifikohen zyrtarisht si të tilla.
Magazinë
Amanda Seyfried huazon stilin e Julia Roberts në Festivalin e Filmit në Venecia
Published
2 hours agoon
September 2, 2025By
UBT News
Amanda Seyfried tërhoqi vëmendjen në Festivalin e Filmit në Venecia me një pamje të ngjashme me atë të Julia Roberts.
Aktorja 39-vjeçare mbërriti në foto-konferencën e “The Testament of Ann Lee” e veshur me një xhaketë të madhe, xhinse blu dhe këmishë krem-kafe, duke e kompletuar dukjen me taka të zeza.
Ideja për këtë pamje lindi pasi Amanda pa veshjen e Julia-s në Instagram dhe i kërkoi stilistes së saj, Elizabeth Stewart, ta riprodhonte atë, shkruan DailyMail.
Stilistja konfirmoi më pas se Julia kishte qenë e lumtur që Amanda e huazoi pamjen e saj Versace për eventin.
Gjatë premierës, Amanda shkëlqeu edhe me një fustan saten pa rripa, blu të errët me detaje të kuqe, megjithëse pësoi një rrëzim të vogël teksa pozonte për fotografi. Ajo ruajti humorin dhe elegancën, duke u argëtuar me fotografët dhe kolegët e saj.
Më herët këtë vit, Amanda rrëfeu se kishte bërë gjashtë audicione për rolin e Elphabës në “Wicked”, duke treguar përkushtimin dhe pasionin e saj për projekte të rëndësishme.
Magazinë
I fejuari i Dua Lipës – “James Bondi i ri”?
Published
2 hours agoon
September 2, 2025By
UBT News
Në ndryshimin e madh të koeficienteve të basteve, aktori britanik Callum Turner, i cili është i fejuari i shqiptares së famshme, Dua Lipa, është shfaqur si kandidati surprizë për të marrë rolin e ardhshëm të agjentit “James Bond”, duke sfiduar favoritët e deritanishëm.
Turner, i njohur për rolin e tij në “Fantastic Beasts”, tani qëndron menjëherë pas aktorit Aaron Taylor-Johnson, 34 vjeç, i cili prej kohësh shihet si pretendent kryesor.
Sipas kompanive të basteve, shanset për Callum, 35 vjeç, u rritën ndjeshëm pas një vale bastesh gjatë fundjavës. Ndërkohë, Henry Cavill, 41 vjeç, dhe Theo James, 40 vjeç, mbeten në garë, por nuk kanë fituar të njëjtën mbështetje së fundmi, ka raportuar FemaleFirst.
“Callum Turner ka qenë i popullarizuar në bastet për ‘James Bond’ gjatë fundjavës, duke na detyruar të ulim ndjeshëm kuotat që ai ta zëvendësojë Daniel Craigin. Meqenëse Turner po mbështetet shumë, dhe me Dua Lipën si favorite për të kënduar kolonën zanore të filmit të ardhshëm të ‘Bond’, ky çift i fuqishëm mund të jetë e ardhmja e kësaj franshize”, tha zëdhënësi i kompanisë, “Coral”, John Hill.
Turner është i fejuar me Lipën, që prej verës. Këngëtarja shqiptare prej kohësh shihet si kandidate për të interpretuar këngën të një “Bond”, duke ndjekur gjurmët e artisteve si Billie Eilish dhe Adele. Favorit mbetet Aaron Taylor-Johnson, pasuar nga Callum Turner, Henry Cavill e Theo James vijnë më pas. Në listë mbeten edhe emra të tjerë si Harris Dickinson, 28 vjeç, Tom Holland, 29 vjeç, dhe Jacob Elordi, 27 vjeç.
Romanca brenda botës së “James Bondit” nuk është e re. Vetë ylli Sean Connery, i cili vdiq në vitin 2020, kishte lidhje me aktoren Lana Wood gjatë xhirimeve të “Diamonds Are Forever” në vitin 1971, dhe thuhej se kishte qenë i lidhur edhe me Jill St John.
Spekulimet për Aaron Taylor-Johnson si “Bond” u ndezën sërish këtë qershor, gjatë premierës së filmit “28 Years Later” në Londër, kur ai u pyet nga Deadline për projektet e ardhshme.
“Nuk mund të flas për këtë”, u shpreh ai para se të largohej nga ekipi i tij.
Në maj, ka shtuar edhe më shumë dyshime pasi nënshkroi një marrëveshje me Omega, partneri historik i “Bond” për orët luksoze. Më parë ishte raportuar se producentja e “Bond”, Barbara Broccoli, e kishte preferuar për rolin, përpara se Amazon të merrte kontrollin e franshizës.
“Nuk është me të vërtetë puna ime të them asgjë”, ka thënë Aaron për Esquire.
Lifestyle
10 shprehi ditore që stërvisin trurin tuaj
Published
3 hours agoon
September 2, 2025By
UBT News
Ju gabimisht mund të mendoni se inteligjenca është diçka statike, e përcaktuar që nga lindja. Por, realiteti qëndron ndryshe. Mënyra si i’u qasemi situatave dhe ajo çfarë bëjmë të ushqejmë trurin, mund të rrit dukshëm kapacitetin tonë mental, shkruan “Time”.
Më poshtë e keni një listë prej 10 shprehive ditore, që nëse i përdorni, do të ndikojnë në rritjen e kapacitetit tuaj mental.
Shfrytëzoni mençurish kohën tuaj online
Mbani shënime për çfarëdo që mësoni.
Bëni një listë të gjërave që i keni realizuar.
Shpesh bëjmë listën e gjërave që duhet të bëjmë të nesërmen apo gjatë ditës. Mirëpo, është pozitive nëse përpilojmë një listë me gjërat që tashmë i kemi arritur, apo kemi mësuar gjatë ditës.
Luani lojëra elektronike stimuluese.
Lojëra të tilla si shahu mund të ndikojnë pozitivisht në inteligjencën tuaj.
Shoqërohuni me shokë të mençur
Ndonëse shoqërimi me njerëz më të mençur se ju mund të afektoj vetëvlerësimin, ajo ju bënë mirë në avancim. Mos harroni se inteligjenca është mesatarja e pesë shokëve/shoqeve më të afërm që ju ndani kohë me ta.
Shpjego për të tjerët
“Nëse nuk mund të sqaroni thjeshtë, ju nuk e kuptoni atë”, është një thënie e Albert Ajnshtajnit. Kur ju ua shpjegoni të tjerëve një mësim, ju e përforconi atë edhe më shumë për vete.
Bëni gjëra të reja
Bërja e gjërave të reja, si mësimi i ndonjë shkathtësie motorike, ndikon në forcimin e trurit tuaj.
Mësoni gjuhë të huaja
Nuk është e thënë që të jeni zotërues i mirë i secilës gjuhë. Me rëndësi që të dini disa fjalë bazike të gjuhëve që juve ju tërheqin.
Gjej kohë për qetësi
Nganjëherë ajo që është më e rëndësishmja të bëjmë, është t’i japim vetës kohë dhe hapësirë për të procesuar dhe organizuar gjërat që i kemi mësuar. Andaj, uluni në qetësi çdo ditë për ca kohë. Shpenzo disa kohë për të menduar, jo vetëm mësuar.

Ky është muaji më i mirë për të kërkuar punë

Akanji: Interi është klubi më i madh në Itali prandaj zgjedhja ishte e lehtë

Nisin punimet në stadiumin e Suharekës, Kurti: Përfundon brenda 750 ditësh

Zyrtare: Donnarumma transferohet te Manchester City

Si të parandaloni ndryshimet hormonale?

Profesori i UBT-së, Hamëz Rama, do të mbajë ligjëratë në Hardh Talk në Rahovec

OBSH: 1 miliard njerëz vuajnë nga probleme të shëndetit mendor

Një familje gjen kamën 3500-vjeçare prej bronzit në fshatin gjerman

Apeli i Speciales kundër masës së paraburgimit për Isni Kilajn
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Aktualitet1 week ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis