Sot bëhen 27 vjet nga rënia heroike e komandantit të Ushtrisë Çlirimtare të Kosovës, Fehmi Lladrovci dhe bashkëshortes së tij, Xhevë Krasniqi-Lladrovci, po ashtu njëra ndër luftëtaret e para të UÇK-së.

Çifti Fehmi e Xhevë Lladrovci, ishin ndër figurat më emblematike të organizimit dhe luftës për liri në Kosovë, të cilët ranë më 22 shtator të vitit 1998, në një betejë të vështirë e të pabarabartë me forcat serbe në Çiçavicë.

Bashkë me ta ra edhe studentja, Fatime Hetemi dhe shumë dëshmorë të tjerë.

Fehmi Lladrovci ishte komandant i Brigadës 114 të UÇK-së, emrin e të cilit do ta mbajë kjo brigadë.

Në sheshin e Drenasit janë vendosur shtatoret e dëshmorëve Fehmi dhe Xhevë Lladrovci./S.K/KP/

Presidentja e Kosovës, Vjosa Osmani ka takuar të rinjtë shqiptaro–amerikanë, në New York. Ajo përmes rrjeteve sociale ka shkruar se platforma si ‘Zani’ po punojnë për t’i bashkuar të rinjtë shqiptarë kudo në botë, që të mos i harrojnë kurrë rrënjët dhe të kontribuojnë në interes të kombit.

Përveç tjerash, Osmani gjithashtu ka falenderuar ata për punën e çmuar.

“Bashkë me të rinjtë e jashtëzakonshëm shqiptaro–amerikanë, në Neë York!Platforma si Zâni po punojnë për t’i bashkuar të rinjtë shqiptarë kudo në botë, që të mos i harrojnë kurrë rrënjët dhe të kontribuojnë në interes të kombit tonë. Ishte kënaqësi t’i takoja dhe t’i falënderoja për punën e çmuar që po bëjnë”, ka shkruar Osmani.

Kujtojmë se Osmani ka udhëtuar në New York për të marrë pjesë në fillimin e punimeve të Asamblesë së Përgjithshme të Kombeve të Bashkuara. /S.K/KP/

E përditësuar:

11:09 – Në Gjykatën Themelore në Prishtinë, po mbahet seanca e radhës ndaj Naim Murselit, Kushtrim Kokallës dhe Granit Plavës. Të akuzuarit ngarkohen për rastin e vrasjes së Liridona Ademajt në nëntor të vitit 2023

Në këtë seancë, deri tani është dëgjuar eksperti i psikiatrisë, Shpend Haxhibeqiri.

Shpend Haxhibeqiri ish-drejtori i Institutit të Psikiatrisë Forenzike të Kosovës gjatë dhënies së dëshmisë së tij tha se i akuzuari Naim Murseli gjatë ekzaminimit ka shfaqur asnjë element të çrregullimit mendor.

Më tutje, eksperti Haxhibeqiri tha se deri tek këto vlerësime kanë ardhur bazuar edhe në bisedat qe kanë bërë me të ekzaminuarin Naim Murselin.

“Këtu jemi referuar se çrregullimi afatgjatë prej fëmijërisë ose kronik deri tani nuk ka shfaqua as një element i çrregullimit, shqetësimit dhe ne bazë të shkresave të lëndës nuk është ofruara asnjë dokument që ka këtë çrregullim. Afatshkurtër është pjesa që ka të bëjë prej momenti të arrestimit deri te momenti i ekzaminimit. Natyrisht ekzaminimi psikiatrik nuk kryhet vetëm e shkresat e lëndës, vrojtim të sjelljeve të folurit, të shprehurit dhe gjitha këto mirën për bazë me rastin e përpilimit të ekspertizës. Ne në pikën tre rreshtin e fundit e kemi shpjeguar se kjo është bazuar edhe në sjelljen e tij dhe dinamikën para, gjatë dhe pas veprës për të cilën nga ana e prokurorisë akuzohet”, tha ai.

I akuzuari, Naim Murseli kërkoi sqarime pasi në medie është raportuar se raporti thotë se ai e ka vrarë bashkëshorten r tij.

Haxhibeqiri deklaroi se ne nuk e kemi shpërndarë në asnjë momente ekspertizën e punuar nga IPFK sepse aty ka të dhëna shumë sensitive të jetës dhe të zhvillimit psikosocial të Naim Murselit në asnjë moment në asnjë rresht të ekspertizës sonë nuk është deklaruar kjo të cilën e ceku murseli.

I akuzuari, Naim Murseli pyeti se gjatë bisedeva me ekspertët e IPFK a ka pranuar ndonjëherë fajësinë për veprën që akuzohem apo e ka mohuar dhe kam treguar versionin e tij?

Në përgjigjen e tij Haxhibeqiri tha se gjatë vlerësimit tonë ne asnjëherë nuk kemi parashtruar pyetjen a po kemi bërë shtytje qe i njëjti se a ka krye e veprës, por që Murseli e ka mohuar kryerjen e veprës apo planifikimin.

Murseli pyeti tutje se si rrjedhi ekspertiza mjeko ligjore nga instituti.

Më pas Haxhibeqiri tha se prej tyre nuk ka rrjedh ekspertiza dhe “këtë e them me përgjegjësi morale”.

Se raporti psikiatrikë i Murselit nuk rrjedhi nga gjykata e tha edhe Kryetarja e trupit gjykues, Gjykata nuk shpërndanë, është vetëm për palët.

Pas përfundimit të dëshmisë se ish-drejtorit të IPFK-së Shpend Haxhibeqiri tani në gjykatore po dëgjohet eksperti, Bujar Obertinca i cili ka ekzaminuar të akuzuarin Granit Plava.

Seanca e fundit në rastin e Liridona Ademajt është mbajtur më 14 korrik të këtij viti. Gjatë kësaj seance, vëllai i Liridonës është përgjigjur edhe në pyetjet e Naim Murselit – i akuzuar për vrasjen e 30-vjeçares.

Liridona Ademaj u vra më 29 nëntor të vitit 2023, në Bërnicë të Prishtinës. Në mesin e të dyshuarve është edhe ish-bashkëshorti i saj, Naim Murseli. Dyshohet se ai i kishte premtuar Granit Plavës, 30 mijë euro për ta kryer krimin e rëndë, ndërsa, i arrestuari tjetër për këtë rast është edhe Kushtrim Kokalla.

09:43 – Në Gjykatën Themelore në Prishtinë ku po mbahet seanca për vrasjen e Liridona Ademajt, ka nisur të jap dëshminë e tij eksperti i psikiatrisë.

Në seancë po merr pjesë edhe i akuzuari Naim Murseli, i cili akuzohet për organizim të vrasjes së bashkëshortes së tij, Liridonës.

Murseli në aktakuzë ngarkohet edhe me atë se ia kishte dhënë 30 mijë euro Granit Plavës që ta bënte ekzekutimin e bashkëshortës së tij, në sytë e fëmijëve.

Seanca e fundit në rastin e Liridona Ademajt ishte mbajtur më 14 korrik të këtij viti, ku pati dëshmuar pikërisht Leonard Ademaj, vëllai i të ndjerës.

Në fjalën e fundit me të përmbyllur dëshminë e tij, në rastin e vrasjes së motrës së tij Liridonës, ai kërkoi para trupit gjykues dënim kapital për dorasin.

Liridona Ademaj u vra më 29 nëntor të vitit 2023, në Bërnicë të Prishtinës. Në mesin e të dyshuarve është edhe ish-bashkëshorti i saj, Naim Murseli./D.B/EO

09:18  – Në Gjykatën Themelore në Prishtinë ka filluar vazhdimi i gjykimi në rastin e vrasjes së Liridona Ademajt.

Në sallën e gjyqit është paraqitur edhe Naim Murseli i cili akuzohet se organizoi vrasjen e gruas së tij në sy të fëmijëve.

Në seancë do të dëgjohen dëshmitë e ekspertëve të  psikiatrisë.

Murseli akuzohet se kishte ofruar 30 mijë euro të akuzuarit tjetër, Granit Plavës për ta vrarë Liridona Ademajn.

Seanca e fundit në rastin e Liridona Ademajt ishte mbajtur më 14 korrik të këtij viti, ku pati dëshmuar pikërisht Leonard Ademaj, vëllai i të ndjerës.

Në fjalën e fundit me të përmbyllur dëshminë e tij, në rastin e vrasjes së motrës së tij Liridonës, ai kërkoi para trupit gjykues dënim kapital për dorasin.

Liridona Ademaj u vra më 29 nëntor të vitit 2023, në Bërnicë të Prishtinës. Në mesin e të dyshuarve është edhe ish-bashkëshorti i saj, Naim Murseli./D.B/EO

08:20

Sot pritet të vazhdojë gjykimi në rastin e vrasjes së Liridona Ademajt. Kështu ka bërë të ditur vëllai i të ndjeres, Leonard Ademaj, i cili tha se seanca do të nisë nga ora 09:00, teksa i ka ftuar mediat që të jenë prezente.

Seanca e fundit në rastin e Liridona Ademajt ishte mbajtur më 14 korrik të këtij viti, ku pati dëshmuar pikërisht Leonard Ademaj, vëllai i të ndjerës.

Në fjalën e fundit me të përmbyllur dëshminë e tij, në rastin e vrasjes së motrës së tij Liridonës, ai kërkoi para trupit gjykues dënim kapital për dorasin.

Liridona Ademaj u vra më 29 nëntor të vitit 2023, në Bërnicë të Prishtinës.

Në mesin e të dyshuarve është edhe ish-bashkëshorti i saj, Naim Murseli. Ai akuzohet se i kishte premtuar Granit Plavës 30 mijë euro për ta kryer krimin e rëndë, ndërsa, i akuzuar tjetër për këtë rast është edhe Kushtrim Kokalla./S.K/EO/