Sport

Sorschag: Nder ta përfaqësoj Kosovën në skitari

Dhënia e dekretit të shtetit u bë nga Presidenti i Komitetit Olimpik të Kosovës, Ismet Krasniqi.

Published

3 years ago

on

Skiatarja austriake Sophie Sorschag sot është dekretuar me nënshtetësinë e Kosovës dhe do ta përfaqësojë vendin tonë në garat ndërkombëtare të skitarisë.

Dhënia e dekretit të shtetit u bë nga Presidenti i Komitetit Olimpik të Kosovës, Ismet Krasniqi si dhe Kryetari i Federatës së Karatesë, Milaim Kelmendi.

Me këtë rast, i pari i KOK-ut theksoi se është nder që Kosova do të përfaqësohet nga një kampione e botës në skitari dhe shtoi se pret suksese në garat ndërkombëtare nga ana e saj.

“Sot kemi nderin që do të dorëzojmë së bashku me kryetarin e Federatës së Skijimit Sophies dekretin, nënshtetësinë e Kosovës dhe do ta kemi një sportiste të re në Kosovës sa i përket sporteve dimërore dhe kjo do të jetë një risi e veçantë duke pasur parasysh se ky sport është mjaftë i vështirë, është një sport shumë delikat dhe vetë arsyeja që shumë sportistë në botë janë shumë të rrallë dhe besoj që Sophia do ta përfaqësojë Kosovën në mënyrën më të mirë të mundshme. Presim rezultatet edhe nga kampionatet evropiane dhe botërore, mirëpo fokusi ynë do të jetë te lojërat e ardhshme olimpike në vitin 2026 që do të mbahen në Kortina të Italisë ku shpresojmë që Sophia do të na kthehet me medalje olimpike”, tha Krasniqi.

Ndërsa vet skitarja austriake u shpreh tejet e lumtur dhe e nderuar që do ta përfaqësojë Kosovën dhe se pret të ketë suksese në garat ndërkombëtare.

“Është nder i madh për mua ta përfaqësoj Kosovën në garat e ardhshme ndërkombëtare. Falenderoj Komitetin Olimpik të Kosovës, Federatën e Skitarisë, familjen time dhe të gjithë ata që e bënë të mundur që ta përfaqësojë Kosovën. Po shikojë për një të ardhme të suksesshme për të gjithë neve”, theksoi ajo.

Ndërsa kryetari i Federates së Karatësë Milaim Kelmendi theksoi se ka pasur shumë shtete të tjera që ishin në garë për shërbimet e Sophie Sorschag, por që përkushtimi i federatës dhe shtetit të Kosovës bën të mundur që ajo të vijë dhe të garojë për Koosvën.

“Ka pasur negociata jo vetëm Kosova, por ka pasur edhe shumë shtete të tjera edhe disa shtete fqinje nga ballkani edhe nga shumë shtete edhe nga Lindja e Mesme kanë shprehur interes që Sophie Sorschag ta kenë garuesen e tyre dhe t’i përfaqësojë shtetet e tyre. Kështu që me disa miq të mi nga Sllovenia, me ndihmën e tyre por edhe me interesin e madh që ne e kemi pasur r si federatë edhe si shtet që edhe ne ta kemi një sport nordik të cilin as infrastrukture nuk kemi të tij, por e deshi fati dhe e trashëguam një garuese kampione bote”, tha Kelmendi.

Sorsxhag është kampione e botës në ekipore me Austrinë në vitin 2021, si dhe pjesëmarrje në Lojërat Olimpike Dimërore Pekini 2022.

Related Topics:
Continue Reading

Sport

Valon Berisha,historia e një futbollisti që nuk harroi rrënjët

Published

14 hours ago

on

June 2, 2026

By

Valon Berisha është një nga futbollistët më të rëndësishëm në historinë e Kosovës. I lindur më 7 shkurt 1993 në Malmö të Suedisë, ai u rrit në Norvegji dhe karrierën e nisi te Viking FK, ku u dallua si një prej mesfushorëve më premtues të vendit.

Gjatë karrierës së tij ka luajtur për klube të njohura evropiane si Viking, Red Bull Salzburg, Lazio, Fortuna Düsseldorf, Stade Reims, LASK Linz dhe së fundmi FC Zurich në Zvicër. Periudhën më të suksesshme e pati me Salzburgun, ku fitoi disa tituj kampioni dhe kupa të Austrisë, duke qenë një nga lojtarët kyç të ekipit që arriti deri në gjysmëfinalen e Ligës së Evropës.

Me klubet e tij, Berisha ka zhvilluar mbi 450 ndeshje zyrtare, ka shënuar mbi 70 gola dhe ka dhuruar dhjetëra asistime. Ai njihet për energjinë, pasimet precize dhe aftësinë për të udhëhequr skuadrën në mesfushë.

Në nivel ndërkombëtar, Berisha fillimisht përfaqësoi Norvegjinë, duke zhvilluar 20 ndeshje me ekipet përfaqësuese të saj. Megjithatë, në vitin 2016 vendosi të luante për Kosovën, vendim që e mori për shkak të lidhjes së fortë me familjen dhe rrënjët e tij shqiptare. Deri më tani ka regjistruar mbi 50 paraqitje me fanellën e Kosovës dhe ka realizuar 4 gola.

Një nga momentet më të paharrueshme të tij me Kosovën ishte ndeshja ndaj Anglisë në Southampton, ku shënoi dy gola kundër një prej kombëtareve më të forta në botë. Berisha ka qenë pjesë e gjeneratës që e ngriti Kosovën në skenën ndërkombëtare dhe vazhdon të jetë një nga liderët kryesorë të ekipit.

Së fundmi, ai iu bashkua FC Zurich, ku po tregon formë të mirë. Në një ndeshje të rëndësishme kundër Thunit, Berisha kontribuoi me dy asistime në fitoren 2-1 të ekipit të tij, duke dëshmuar se edhe në moshën 33-vjeçare mbetet një futbollist me ndikim të madh në lojë.

Me përvojën, përkushtimin dhe sukseset e arritura, Valon Berisha konsiderohet një nga futbollistët më të suksesshëm që ka nxjerrë Kosova.

Continue Reading

Sport

Andoni Iraola pranë emërimit si trajner i Liverpoolit

Published

15 hours ago

on

June 2, 2026

By

Trajneri spanjoll, Andoni Iraola, është shumë pranë marrjes së drejtimit të Liverpoolit. Lajmin e ka bërë të ditur eksperti i transferimeve, Fabrizio Romano, sipas të cilit marrëveshja mes palëve është në fazën përfundimtare dhe zyrtarizimi pritet të ndodhë brenda ditëve të ardhshme.

Iraola pritet të nënshkruajë kontratën me klubin anglez dhe të zëvendësojë Arne Slotin, i cili u shkarkua javën e kaluar pas përfundimit të sezonit.

43-vjeçari largohet nga Bournemouthi pas një periudhe të suksesshme, ku arriti ta udhëheqë skuadrën drejt kualifikimit në Ligën e Evropës për edicionin e ardhshëm. Ai mori drejtimin e Bournemouthit në vitin 2023 dhe gjatë kohës së tij në krye të ekipit regjistroi 48 fitore, 38 barazime dhe 41 humbje në 127 ndeshje.

Karriera trajneriale e Iraolës përfshin gjithashtu angazhime te Rayo Vallecano, Mirandes dhe AEK Larnaca, ku ndërtoi reputacionin si një nga trajnerët më premtues të futbollit evropian.

Nëse marrëveshja finalizohet, Iraola do të marrë drejtimin e njërit prej klubeve më të mëdha në botë, me synimin për ta rikthyer Liverpoolin në garën për trofetë kryesorë në futbollin anglez dhe evropian.

Continue Reading

Sport

Dennis Buzukja do të luftojë në UFC Beograd, shqiptari përballë Bogdan Gradit më 1 gusht

Published

19 hours ago

on

June 2, 2026

By

Luftëtari shqiptar i arteve marciale të përziera (MMA), Dennis Buzukja, do të jetë pjesë e një eventi historik të UFC-së që do të mbahet më 1 gusht në Beograd. Kjo do të jetë hera e parë që organizata më prestigjioze e MMA-së, Ultimate Fighting Championship, organizon një ngjarje në Serbi.

Buzukja do të përballet me Bogdan Grad, një duel që konsiderohet tejet i rëndësishëm për të ardhmen e shqiptarit në UFC. Grad ka bilanc prej 15 fitoresh dhe katër humbjesh në karrierë, megjithëse dy ndeshjet e fundit i ka mbyllur me humbje.

I lindur në Shtetet e Bashkuara të Amerikës, Buzukja garon nën flamurin amerikan, por nuk e ka fshehur asnjëherë origjinën dhe krenarinë e tij shqiptare. Në karrierën e tij profesionale në MMA ai numëron 12 fitore dhe gjashtë humbje, ndërsa në UFC ka regjistruar një fitore dhe katër humbje.

Pikërisht për këtë arsye, përballja në Beograd pritet të ketë peshë të madhe për karrierën e tij, pasi një rezultat pozitiv do ta ndihmonte të forconte pozitën e tij në organizatën më të madhe të MMA-së në botë.

Buzukja u bë i njohur edhe jashtë kafazit gjatë vitit 2024, kur nuk u lejua të hynte në arenë i mbështjellë me flamurin shqiptar para duelit të fituar ndaj Connor Matthews. Sipas tij, organizatorët e kishin ndaluar përdorimin e flamurit për shkak të zbukurimeve të arta që kishte mbi të.

“Jam i bekuar që përfaqësoj Shqipërinë dhe ishte e çuditshme që pak para daljes më thanë se nuk mund ta mbaja flamurin”, ishte shprehur atëherë Buzukja, duke mos e fshehur zhgënjimin për vendimin.

Tashmë, shqiptari do të ketë një tjetër mundësi për t’u paraqitur në një skenë të madhe ndërkombëtare, kësaj radhe në kryeqytetin serb. Buzukja garon në kategorinë e peshave deri në 66 kilogramë dhe synon një fitore që mund t’i japë shtysë të re karrierës së tij në UFC. Ndërkohë, mediat serbe kanë nisur t’i kushtojnë vëmendje paraqitjes së luftëtarit shqiptar në eventin e shumëpritur të Beogradit.

Continue Reading

Sport

Përfaqësuesja e Kosovës nis përgatitjet për sfidat vendimtare

Published

19 hours ago

on

June 2, 2026

By

Përfaqësuesja A e Kosovës në konkurrencën e vajzave ka nisur përgatitjet për dy ndeshjet e fundit të ciklit kualifikues për Kupën e Botës. Dardanet zhvilluan seancën e parë stërvitore në Kampin Nacional të FFK-së në Hajvali, nën drejtimin e përzgjedhësit Sami Sermaxhaj.

Me përkushtim maksimal dhe motivim të lartë, futbollistet kosovare po punojnë intensivisht për sfidat vendimtare që i presin në këtë fazë të garave.

Kosova do të përballet me rivalin direkt, Kroacia, më 5 qershor në Prishtina, në një ndeshje që mund të jetë përcaktuese për renditjen finale në grup. Më pas, Dardanet do të udhëtojnë drejt Gjibraltari, ku do ta zhvillojnë ndeshjen e fundit të këtij cikli kualifikues.

Të bashkuara, të vendosura dhe krenare për fanellën shtetërore, vajzat dardane synojnë ta mbyllin këtë rrugëtim me paraqitje të mira dhe rezultate që do t’u mundësonin ta ruajnë pozitën e parë në renditje.

Continue Reading

Të kërkuara