Sport

Solskjaer e konfirmon: Ronaldo nuk do të luajë në çdo ndeshje

Published

5 years ago

September 13, 2021

Betim Gashi

Trajneri i Manchester United, Ole Gunnar Solskjaer ka konfirmua se CR7 nuk do të jetë titullar në çdo ndeshje pasi portugezi do duhet të menaxhojë minutat.

“Unë duhet të menaxhoj minutat e tij” , këmbëngul Solskjaer.

Ylli portugez filloi ndeshjen e tij të parë në Premier Ligë, por trajneri i tij tha se do të duhet të jetë i kujdesshëm me ngarkesën e tij të punës.

Ronaldo e filloi vrullshëm me dy gola kundër Newcastle në debutimin e tij të dytë për klubin, duke treguar se mund të jetë e vështirë për Solskjaer ta lërë atë jashtë formacionit të tij.

Por, norvegjezi këmbënguli se do të ketë lojëra që Ronaldo do të anashkalojë ndërsa duket se do ta mbajë 36-vjeçarin të freskët.

Solskjaer u pyet nëse është e pamundur të lërë Ronaldon jashtë pas dyshes së tij në Old Trafford të shtunën.

“Gjëja me Cristianon është se ai kujdeset për veten aq shumë, saqë e di se do të shërohet shpejt dhe ai ka pasur një para-sezon,” tha trajneri i United.

“Sigurisht që ka një lojë të martën (kundër Young Boys). Ne do të shohim se çfarë bëjmë. Por jo, nuk është e pamundur ta lini atë jashtë. Ai është 36 vjeç, Mason [Greenwood] është 19, kështu që është e njëjta gjë, unë duhet të menaxhoj minutat e tij, dhe unë gjithashtu duhet të menaxhoj minutat e një 36-vjeçari gjithashtu.

Reprezentuesi portugez është kthyer në bazën stërvitore të klubit ‘Carrington’ për vetëm një javë, por ardhja e tij tashmë ka detyruar disa lojtarë të United të ngrenë standardet e tyre.

“Mendoj se duke parë Raphael [Varane] dhe Cristiano që po vijnë, i’u ngritën vetullat të gjithëve sepse ata janë fitues, ata kanë fituar gjithçka që ka për të fituar dhe ata i vënë vetes kërkesa që djemtë e rinj, pjesa tjetër e ekipit, i shikojnë ata dhe mendoni: ‘Kështu qëndroni në krye.’

“Pra, do të jetë mirë për të gjithë dhe ka konkurrencë për vendet që është e mrekullueshme për mua të shoh.”

Skuadra fluturon për në Zvicër të hënën përpara ndeshjes së parë të sezonit në Ligën e Kampionëve. Ata luajnë ndaj Young Boys të martën në mbrëmje në ndeshjen e tyre hapëse të Grupit F.

Nëse Ronaldo luan ai do të barazonte nivelin rekord të të gjitha kohërave të paraqitjes në Ligën e Kampionëve të vendosur nga Iker Casillas në 177 ndeshje.

Sport

Meksika siguron kualifikimin dhe bën histori në Botëror

Published

2 days ago

June 19, 2026

UBTNews

Meksika ka mposhtur Korenë e Jugut me rezultat minimal 1:0 dhe është bërë përfaqësuesja e parë që siguron kalimin në fazën nokaut të Kupës së Botës.

Goli i vetëm i ndeshjes erdhi në minutën e 50-të, kur Luis Romo shfrytëzoi një gabim në mbrojtjen koreane dhe e dërgoi topin në rrjetë.

Koreja e Jugut tentoi të barazojë në fund, por portieri meksikan Raúl Rangel bëri një pritje vendimtare në minutën e 87-të për të ruajtur epërsinë.

Ndeshja u zhvillua në “Estadio Akron” në Guadalajara, ku tifozët krijuan atmosferë të zjarrtë dhe festuan së bashku me lojtarët në fund të takimit.

Me këtë fitore, Meksika shkon në 6 pikë dhe siguron avancimin nga Grupi A, duke konfirmuar formën e shkëlqyer në këtë Botëror.

D.L

Foto: Associated Press

Sport

Goditje e rëndë për Kanadanë në Botërorin 2026

Published

2 days ago

June 19, 2026

UBTNews

Mesfushori kanadez Ismael Koné ka pësuar një lëndim të rëndë dhe nuk do të mund ta vazhdojë garën në Kupën e Botës. Ai theu këmbën pas një ndërhyrjeje të ashpër nga Assim Madibo në minutën e 57-të, duke shkaktuar tensione të mëdha në fushë.

Madibo u ndëshkua me karton të kuq dhe më pas kërkoi falje për ndërhyrjen, ndërsa te Katari me të kuq u përjashtua edhe Homam Al Hami që në pjesën e parë.

Koné u largua nga fusha me barelë pas ndihmës së stafit mjekësor, duke marrë edhe oksigjen. Fatmirësisht, ai ishte i vetëdijshëm gjatë largimit dhe u përshëndet me duartrokitje nga i gjithë stadiumi.

Pavarësisht incidentit, Kanadaja dominoi plotësisht ndeshjen dhe shënoi fitore bindëse 6:0 ndaj Katarit. Tensione pati edhe pas përfundimit të takimit.

Pas dy ndeshjeve, Kanadaja kryeson Grupin B me 4 pikë, po aq sa ka edhe Zvicra. Bosnjë-Hercegovina dhe Katari mbeten me nga 1 pikë.

D.L

Foto: Associated Press

Lajmet

Muriqi rikthehet në Turqi: Arrin marrëveshje me Fenerbahçen

Published

2 days ago

June 19, 2026

UBTNews

Sulmuesi i përfaqësueses së Kosovës, Vedat Muriqi, është shumë pranë rikthimit të madh në futbollin turk. Pas aventurës në La Liga me skuadrën e Mallorcas, Muriqi ka arritur një marrëveshje në parim me gjigantin nga Stambolli, Fenerbahçen.

Lajmi është konfirmuar zyrtarisht nga vetë klubi turk përmes një njoftimi në faqen e tyre, ku bëhet e ditur se shtatgjati kosovar tashmë ka zbritur në Stamboll.

“Klubi ynë ka arritur marrëveshje në parim me futbollistin Vedat Muriqi, i cili ka mbërritur në Stamboll për t’iu nënshtruar kontrolleve mjekësore dhe për të përfunduar fazën e fundit të bisedimeve për transferimin”, thuhet në njoftimin zyrtar të Fenerbahçes.

Në aeroportin e Stambollit, Muriqi ka marrë një pritje madhështore. Ai u mirëprit nga zyrtarët e lartë të klubit, si anëtarët e Bordit Drejtues, Savaş Adalet e İsmail Balcı, si dhe drejtori sportiv, Oğuz Çetin. Përveç udhëheqësisë së klubit, atij iu rezervua edhe një mikpritje e ngrohtë nga tifozët e shumtë të pranishëm, të cilët shfaqën entuziazmin dhe dashurinë e tyre për rikthimin e sulmuesit. /E.A/

Lajmet

Xhaka shënon dhe vulos fitoren e parë të Zvicrës në Botëror

Published

2 days ago

June 19, 2026

UBTNews

Kapiteni Granit Xhaka ka udhëhequr Zvicrën drejt fitores së parë në Kupën e Botës 2026, duke mposhtur Bosnjë-Hercegovinën me rezultat të thellë 4:1 në Los Angeles. Me këtë triumf, Zvicra bën një hap të madh drejt fazës nokaut, duke u ngjitur në kuotën e 4 pikëve në Grupin B, ndërsa Bosnja mbetet me vetëm një pikë.

Ndeshja u vendos në fundin e saj dramatik, ku të gjitha golat e Zvicrës u shënuan pas minutës së 74-të. Ndryshimin e madh e bënë zëvendësuesit Johan Manzambi (me dy gola) dhe Ruben Vargas, të cilët u futën në lojë në minutën e 72-të. Ndeshja u lehtësua për zviceranët edhe nga minuta e 80-të, kur Tarik Muharemoviq i Bosnjës u ndëshkua me karton të kuq pasi ndali Breel Embolon si lojtar i fundit. Për boshnjakët golin e nderit e shënoi Ermin Mahmiq në minutën e 93-të.

Vula e kësaj fitoreje erdhi nga vetë kapiteni Granit Xhaka, i cili shënoi nga penalltia në minutën e shtatë të kohës shtesë. Pas golit, Xhaka festoi me një gjest me dorë duke u kërkuar kritikëve të heshtin dhe të qetësohen.

Kohët e fundit, mesfushori ishte vënë në shënjestër të mediave zvicerane për deklaratat e tij të ashpra publike pas barazimeve me Australinë dhe Katarin, duke pretenduar se ai po krijonte një klimë “toksike” në kombëtare. Megjithatë, mediumi prestigjioz “New York Times” i vlerësoi kritikat e tij si një dëshirë të madhe për të fituar.

“Njerëzit e dinë se kush jam… Unë jam njëri që e kritikoj veten para se t’i kritikojë të tjerët. Zvicra mund të jetë krenare që ka lojtar me 148 paraqitje për këto ngjyra. Por ndoshta kjo më duhet, unë provokoj paksa. Ajo që është e rëndësishme është se ekipi është prapa meje,” deklaroi Xhaka pas ndeshjes, duke konfirmuar se fokusi i tij i vetëm mbetet suksesi në fushë. /E.A/

Foto: Associated Press