Lajmet

Sogojeva: Nuk kemi ende zhvillim të mirëfilltë të turizmit

Qëllimi i këtij organizimi ishte sensibilizimi i çështjes lidhur me sektorin e turizmit në gjithë botën.

Published

4 years ago

on

Është mbajtur tryeza me temën “Ripërtritja e Turizmit” e organizuar nga Oda e Hotelierisë dhe Turizmit të Kosovës në kuadër të shënimit të Ditës së Turizmit.

Qëllimi i këtij organizimi ishte sensibilizimi i çështjes lidhur me sektorin e turizmit në gjithë botën.

Kryetari i OHTK-së, Hysen Sogojeva tha se Kosova në përgjithësi, sa i përket çështjes së turizmit, në bazë të vlerave që ka, nuk ka ende zhvillim të mirëfilltë. Ai tha se pa agjencionin kombëtar nuk ka ngritje të vlerave turistike.

“Nëse shikojmë Kosovën në përgjithësi, sa i përket çështjes së turizmit, në bazë të vlerave që ka, nuk kemi zhvillim ende të mirëfilltë. Në fillim ka munguar legjislatura, ka munguar çështja e ligjeve që nuk i është përshtatur zhvillimit të bizneseve në Kosovë dhe tani kemi ligjin e ri që ka kaluar në Kuvend, mirëpo mungesa në ligjin e turizmit fatkeqësisht nuk e ka futur agjencionin kombëtar siç e kanë, Maqedonia, Shqipëria, Mali Zi dhe gjithë shtetet e rajonit. Në një kohë jo të gjatë qeveria e Kosovës duhet të mendojë që ky sektor të zhvillohet. Fatkeqësisht as në qeveritë e mëparshme, as në këtë si prioritet nuk po zë vend turizmi. Përderisa nuk zë vend si prioritet, kemi ngecje të turizmit. Duhet të sensibilizohemi më shumë dhe të kuptojmë se pa zhvillimin e turizmit nuk ka zhvillim të mirëfilltë të ekonomisë”, tha ai.

Ambasadorja e Maqedonisë se Veriut në Kosovë, Shpresa Jusufi tha po ashtu se kjo ditë është e rëndësishme për t’i treguar opinionit që në këtë lëmi duhet bërë më tepër. Ajo tha se qeveria e ka marrë parasysh turizmin, mirëpo sipas saj nuk ka qenë e lehtë të sensibilizohet kjo çështje me qeverinë.

“Ne i japim rëndësi turizmit edhe si shet, si qeveri. Në këtë ditë është shumë me rëndësi për të sensibilizuar opinionin që kjo është lami ku po bëhet diçka por që ka vend të bëhet më tepër. Qeveria jonë e ka marrë parasysh turizmin si një sektor të rëndësishëm të ekonomisë më në fund, pasi nuk ka qenë e lehtë as për ne ta sensibilizojmë këtë çështje, por me mundime të njerëzve nga sektori ka ardhur në rend. Është mirë të diskutohen çështjet dhe zëri të dëgjohet. Unë i shoh ndryshimet, përparim ka Kosova, disa gjëra kanë filluar të ndryshohen. Në fillim edhe ne nuk kemi qenë të kënaqur me ligjin, por përpjekjet nuk duhet ndalur”, tha ajo.

Më tej ajo tha se bashkëpunimi rajonal është shumë i rëndësishëm. Sipas saj pa pasur ndonjë platformë të përbashkët nuk mund të shkojmë shumë larg. Ajo tha se Shqipëria ka detin dhe ne jemi vend që s’ kemi det. Bashkëpunimi për ne dhe për Kosovën besoj që është me rëndësi dhe prandaj jemi këtu.

Drejtori i agjencionit kombëtar të Maqedonisë së Veriut, Ljupche Janevski tha se kanë për qëllim që gjatë këtij viti t’i rrisin të ardhurat nga turizmi dhe në çdo sezonë të ofrojnë diçka të re për turistët.

“Qëllimi në vitin 2022 është që të arrijmë t’i kalojmë të ardhurat nga turizmi mbi 400 milionë dollarë në vit. Pritshmëria është që bashkësia të na lidh dhe gjithë turistët që vijnë, bashkarishit t’i ofrojmë çdo herë dicka më shumë. Patjetër duhet të rregullohen me ligj, infrastruktura por edhe ligjet të rregullohen që shteti ta zhvillojë turizmin sa më mirë”, tha ai.

Ai po ashtu tha se do të mundohen që t’ua mundësojnë rinisë të rrijë në vend, në këtë mënyrë ta parandalojmë migrimin e të rinjve në mënyra të ndryshme.

Këshilltari komunal në komunën e Prishtinës, Pëllumb Bajqinovci tha se janë duke punuar me qeverinë në mënyrë qe t’u ofrohen kushte më të mira sektorit të gastronomisë. Po ashtu ka treguar edhe ligjet e reja të cilat do të fillojnë të zbatohen.

“Një prej risive në kryeqytet është se kemi filluar që gjashtë muaj ligjin për ndotjen akustike, e cila mungon. Në nivel qendror është përcaktuar vetëm sipërfaqësisht dhe nuk ka detaje, andaj këtë rregullore e kemi trajtuar edhe ndaj gastronomeve edhe ndaj komunitetit që janë afër tyre. Rregullorja e cila do të përfshijë disa senzorë të cilët janë punuar prej një kompanie këtu në Prishtinë do të fillojë me 1 Janar, ku secili lokal do ti ketë senzorët dhe ata do të përcaktojnë ndotjen akustike ose zhurmën. Përveç kësaj është menduar të ketë edhe një rregullore të re ku secili lokal, gastronomët dhe ata të cilët jetojnë afër tyre, duhet të pajisen me një certifikatë për lejimin e muzikës në lokal. Në atë rast do të mbajmë në kontroll lokalet dhe secili do të shënohet në inpseksionin e komunës së Prishtinës dhe në mënyrë elektronike do të vijnë dënimet”, tha ai.

Related Topics:
Continue Reading

Lajmet

Një i vdekur nga një aksident komunikacioni në Vranidoll të Prishtinës

Published

1 hour ago

on

June 23, 2026

By

Një person ka humbur jetën si pasojë e një aksidenti të rëndë komunikacioni që ka ndodhur në fshatin Vranidoll të Prishtinës.

Lajmin e ka konfirmuar zëdhënësi i Policisë së Kosovës për rajonin e Prishtinës, Enis Pllana për Kosova Press.

Sipas njoftimit, në aksident kanë qenë të përfshira dy automjete. Si pasojë e lëndimeve të marra nga përplasja, një person ka ndërruar jetë në vendngjarje, ku vdekja e tij është konstatuar nga ekipi mjekësor emergjent.

Policia ka bërë të ditur se janë duke u ndërmarrë të gjitha veprimet e nevojshme hetimore për të sqaruar rrethanat dhe shkaqet që çuan deri te ky aksident fatal. /Kosova Press/ /E.A/

Continue Reading

Lajmet

Franca regjistron natën më të nxehtë në histori, 40 viktima nga vala e të nxehtit

Published

3 hours ago

on

June 23, 2026

By

Franca ka përjetuar natën më të nxehtë të regjistruar ndonjëherë që nga fillimi i matjeve meteorologjike në vitin 1947, ka njoftuar agjencia kombëtare e motit.

Sipas të dhënave zyrtare, mes natës së të hënës dhe mëngjesit të së martës, temperatura mesatare e regjistruar nga 30 stacione meteorologjike në vend arriti në 21.6 gradë Celsius, duke thyer rekordin e mëparshëm prej 21.4 gradësh të shënuar më 25 korrik 2019.

Ndërkohë, kryeministri francez Sebastien Lecornu ka bërë të ditur se që nga e enjtja, 40 persona kanë humbur jetën si pasojë e valës së të nxehtit që ka përfshirë vendin.

Temperaturat ekstreme po prekin edhe vende të tjera evropiane. Në Spanjë, në disa rajone temperaturat kanë kaluar 40 gradë Celsius, ndërsa në Itali është shpallur alarmi i kuq në 15 qytete.

Edhe Gjermania po përballet me vapë të madhe, ku temperaturat kanë arritur deri në 40 gradë Celsius./A.K/

Continue Reading

Lajmet

REL: Termocentralet e vjetruara në Ballkanin Perëndimor ndotin 6.6 herë mbi limitin e lejuar

Published

3 hours ago

on

June 23, 2026

By

Tetë vjet pas hyrjes në fuqi të standardeve për kontrollin e ndotjes së ajrit sipas Traktatit të Komunitetit të Energjisë, emetimet e ndotjes në Kosovë, Bosnje dhe Hercegovinë, Maqedoni të Veriut dhe Serbi janë 6.6 herë më të larta se niveli i lejuar, thuhet në raportin e ri të Bankwatch-it.

Bankwatch është rrjeti më i madh i organizatave mjedisore dhe shoqatave për të drejtat e njeriut në Evropën Qendrore dhe Lindore.

Raporti, i titulluar “Përputhu ose mbyll”, u publikua më 23 qershor dhe trajton moszbatimin e ligjeve për emetimet e dioksidit të squfurit (SO₂) nga termocentralet e vjetruara me qymyr në Ballkanin Perëndimor, të cilat, vitin e kaluar, i kanë tejkaluar kufijtë ligjorë.

Në të njëjtën kohë është rritur edhe ndotja nga pluhuri, duke arritur nivelin më të lartë që nga hyrja në fuqi e rregullave aktuale në vitin 2018.

Termocentralet me qymyr në Bosnje dhe Hercegovinë kanë qenë emetuesit më të mëdhenj të SO₂, me 196.940 tonë, që është 12.7 herë mbi kufirin e lejuar.

Pas saj renditet Serbia me 177.756 tonë, ose 5.1 herë mbi nivelin e lejuar.

Në të gjithë rajonin, emetimet e SO₂ janë ulur vetëm në mënyrë të lehtë që nga viti 2018.

Kufijtë e emetimeve në vitin 2025 janë bërë edhe më të rreptë se në vitet e mëparshme – gjë që ka çuar në shkelje edhe më të mëdha, thuhet në raportin e Bankwatch-it.

Ndotësi më i madh i SO₂ në vlera absolute mbetet termocentrali Uglevik në Bosnje dhe Hercegovinë, edhe pse ai ka pajisje për desulfurizim.

Emetimet në vitin 2025, me 115.079 tonë, kanë qenë më të lartat që nga hyrja në fuqi e rregullave për kontrollin e ndotjes në vitin 2018.

Ndotja nga pluhuri ka qenë 2.9 herë më e lartë se niveli i lejuar në vitin 2025, duke arritur nivelin më të lartë absolut dhe relativ që nga fillimi i zbatimit të rregullave më 2018.

Kjo është nxitur kryesisht nga një rritje e madhe në termocentralin e Manastirit në Maqedoninë e Veriut, i cili ka dyfishuar emetimet krahasuar me vitin 2024.

Vetëm ai ka emetuar më shumë se 7.094 tonë mbi kufirin e lejuar për të gjithë rajonin.

Qytetarët e Prishtinës në hall me ndotjen e ajrit

Gacko në Bosnje dhe Hercegovinë mbetet gjithashtu emetuesi më i madh relativ i pluhurit. Pavarësisht një rënieje të lehtë krahasuar me vitin 2024, ai ka emetuar 15.1 herë më shumë se niveli i lejuar.

Ashtu si në vitin 2024, emetimet totale të oksideve të azotit nga termocentralet në vitin 2025 kanë qenë 1.4 herë mbi kufirin e lejuar.

Kosova, Bosnje dhe Hercegovina dhe Serbia kanë tejkaluar kufijtë ligjorë, ndërsa emetimin më të madh e ka pasur Nikolla Teslla B në Serbi – 11.247 tonë.

Termocentrali në Plevle në Mal të Zi ka kaluar nëpër një rikonstruksion në vitet e fundit dhe pjesën më të madhe të vitit 2025 nuk ka funksionuar.

Megjithatë, nuk ka prova se ai është në përputhje me standardet e ndotjes që do t’i lejonin vazhdimin e operimit.

Sekretariati i Komunitetit të Energjisë ka hapur disa raste shkeljesh kundër vendeve të Ballkanit Perëndimor, duke konfirmuar funksionimin e paligjshëm të termocentraleve të tyre me qymyr.

Megjithatë, asnjë qeveri nuk ka vendosur gjoba ndaj këtyre termocentraleve dhe nuk ka plane të qarta, të përditësuara dhe realiste për përputhje me rregullat apo mbyllje të tyre.

Nga janari i këtij viti ka hyrë në fuqi edhe Mekanizmi i BE-së për Rregullimin e Emisioneve të Karbonit (CBAM), i cili rrit koston e eksportit të energjisë elektrike dhe e bën edhe më pak fitimprurës prodhimin nga termocentralet me qymyr. /REL/ /E.A/

 

Continue Reading

Lajmet

Hapet festivali “Të Festojmë Ngjashmëritë Tona”, në fokus diversiteti kulturor

Published

3 hours ago

on

June 23, 2026

By

Në Prishtinë është hapur festivali multikulturor “Të Festojmë Ngjashmëritë Tona”, një ngjarje që promovon kulturën, historitë dhe kontributin e komuniteteve rom, ashkali dhe egjiptian në shoqëri.

Në kuadër të festivalit u prezantua edhe Muzeu Mobil KRAH, i cili përmes rrëfimeve dhe përvojave të ndryshme krijon një hapësirë reflektimi mbi respektin, mirëkuptimin dhe bashkëjetesën.

Në aktivitet morën pjesë kryeministri në detyrë Albin Kurti, ministrja e Kulturës Saranda Bogujevci, si dhe përfaqësues institucionalë dhe të komuniteteve.

Organizatorët theksuan se diversiteti kulturor mbetet një nga vlerat kryesore që e pasuron dhe e forcon shoqërinë, duke promovuar përfshirjen dhe respektin e ndërsjellë./A.K/

Continue Reading

Të kërkuara