Lajmet

Sllovenia po ia dëshmon Evropës se si të trajtojë varfërinë e fëmijëve

Në Slloveni vetëm 10% e fëmijëve jetojnë në kushte varfërie.

Published

3 years ago

on

Të ardhurat e një vendi nuk e përcaktojnë nivelin e varfërisë së fëmijëve. Ky është rezultati i raportit të fundit të UNICEF-it për vendet brenda BE/OECD, dhe shteti që dominon sondazhet është Sllovenia.

Në Slloveni, shtetin që ka rreth dy milionë banorë dhe është i njohur për male, liqene dhe vendpushime, vetëm 10% e fëmijëve jetojnë në kushte varfërie. Kjo paraqet rënie prej 31% që nga viti 2014.

Sllovenia pasohet nga disa vende të tjera të bllokut lindor sikurse Polonia dhe Letonia në renditjen e UNICEF Innocenti, duke marrë parasysh shkallën e të ardhurave për fëmijët dhe suksesin që shënuan në uljen e varfërisë së fëmijëve në kohë prosperiteti ekonomik (nga vitet 2012–2014 deri në vitet 2019– 2021).

Emrat më të zakonshëm që mund të dëgjoni janë Japonia dhe Irlanda, që renditen në vendin e 8-të dhe të 9-të në listë respektivisht. Franca, Spanja dhe Mbretëria e Bashkuar renditen nga fundi i listës me 39 shtete, ku Britania qëndron më mirë sesa Turqia dhe Kolumbia. Mbretëria e Bashkuar ka dyfishin e shkallës së varfërisë së fëmijëve në Slloveni dhe është vendi që përjetoi rritjen më të madhe deri më tani, me 19%. Vendet nordike sikurse Norvegjia, Finlanda, Suedia dhe Danimarka janë në mes të tabelës./UBTNews/

Related Topics:
Continue Reading

Lajmet

Paradite mot i ngrohtë, pasdite priten reshje lokale e rrufe

Published

6 minutes ago

on

July 21, 2026

By

Të martën mbi vendin tonë do të mbajë mot i ngrohtë, ku temperaturat minimale në orët e mëngjesit do të lëvizin nga 14°C deri në 17°C.

Ndërkohë, ato maksimale gjatë ditës pritet të ngrihen duke arritur nga 28°C deri në 32°C.

Gjatë ditës do të fryjë erë kryesisht nga jugperëndimi dhe perëndimi me intensitet të lehtë deri mesatar, me shpejtësi prej 2 deri në 8 m/s.

Ndryshim i lehtë i motit parashihet gjatë orëve të pasdites dhe mbrëmjes, ku në vende-vende priten reshje lokale shiu të shoqëruara edhe me shkarkime rrufesh. /E.A/

Continue Reading

Lajmet

Breshëri dëmton rreth 90% të të mbjellave në Istog

Published

12 minutes ago

on

July 21, 2026

By

Stuhia e fuqishme e breshërit që goditi komunën e Istogut ka shkaktuar dëme materiale në sektorin e bujqësisë.

Siç raporton RTK, vlerësimet fillestare të autoriteteve lokale tregojnë se rreth 90 për qind e sipërfaqeve të mbjella në këtë territor mund të jenë prekur nga moti i ligë.

Drejtori i Bujqësisë në Komunën e Istogut, Artan Gegaj, bëri me dije për RTKlive se, ndonëse ende nuk ka një bilanc përfundimtar, stuhia ka dëmtuar një pjesë të madhe të kulturave bujqësore.

Ai njoftoi se nga mëngjesi i së martës do të formohen komisionet përkatëse për të dalë në terren me qëllim evidentimin e saktë të dëmeve dhe identifikimin e fermerëve të prekur.

Sipas Gegës, Komuna e Istogut dhe kryetari Ilir Ferati do të angazhohen për t’u dalë në ndihmë fermerëve gjatë procesit të vlerësimit. Gjithashtu, ai i bëri thirrje Ministrisë së Bujqësisë për mbështetje emergjente, duke theksuar se “dëmet janë jashtëzakonisht të mëdha dhe kërkojnë ndërhyrje të menjëhershme”. /RTK/

Continue Reading

Lajmet

Policia sekuestron katër armë zjarri në Prizren, dyshohet se u përdorën në gazmende familjare

Published

16 hours ago

on

July 20, 2026

By

Policia e Kosovës në rajonin e Prizrenit ka sekuestruar katër armë zjarri gjatë javës së fundit, në kuadër të disa operacioneve të ndara që synojnë parandalimin e përdorimit të armëve dhe garantimin e sigurisë publike.

Sipas Policisë, gjatë javës së kaluar në Prizren dhe Suharekë janë sekuestruar tri pistoleta dhe një armë automatike AK-47. Në dy raste, armët janë konfiskuar pas informacioneve të pranuara nga qytetarë anonimë, të cilët kishin raportuar për të shtëna me armë në gazmende familjare.

Në tre nga katër rastet, me vendim të prokurorit, të dyshuarit janë ndaluar për 48 orë, ndërsa ndaj tyre janë iniciuar procedura penale për veprat “Mbajtje, kontroll apo posedim i paautorizuar i armës” dhe “Shkaktim i rrezikut të përgjithshëm”.

Policia e Kosovës ka ritheksuar se të shtënat me armë në ahengje dhe gazmende familjare nuk do të tolerohen dhe se do të vazhdojë veprimet për parandalimin e posedimit të paligjshëm të armëve, me qëllim garantimin e rendit dhe sigurisë për të gjithë qytetarët./A.K/

Continue Reading

Lajmet

Kryeprokurori Gashi: Hetim të pakompromis ndaj korrupsionit të nivelit të lartë dhe krimit të organizuar

Published

16 hours ago

on

July 20, 2026

By

Kryeprokurori i ri i Shtetit, Zejnullah Gashi, ka mbajtur fjalimin e tij të parë zyrtar gjatë takimit të 299-të të Këshillit Prokurorial të Kosovës (KPK), duke shpalosur vizionin e tij për udhëheqjen e institucionit të akuzës. Gashi e cilësoi marrjen e kësaj detyre si një përgjegjësi të lartë institucionale dhe obligim kushtetues e moral ndaj qytetarëve, të cilët presin një prokurori më efikase, të pavarur dhe me integritet.

Ai porositi që çdo vendim prokurorial duhet të bazohet ekskluzivisht në Kushtetutë, ligj dhe prova të siguruara në mënyrë të ligjshme, pa u ndikuar nga presionet politike, ekonomike apo mediatike.

“Për ata që më njohin, e dinë se qasja ime si prokuror dhe kryeprokuror ka qenë dhe mbetet e njëjtë: Prokurori duhet të flasë vetëm përmes punës. Besueshmëria në institucionin tonë nuk ndërtohet me deklarata apo retorikë, por me profesionalizëm, integritet dhe rezultate konkrete”, deklaroi Gashi.

Kryeprokurori i Shtetit u dërgoi një mesazh të qartë të gjithë prokurorëve të Republikës së Kosovës, duke u zotuar se do të mbështesë fuqishëm secilin prej tyre që ushtron detyrën me guxim dhe paanshmëri. Ai porositi që çdo vendim prokurorial duhet të bazohet ekskluzivisht në ligj, pa u ndikuar nga presionet politike, ekonomike apo mediatike. Megjithatë, ai ua bëri të qartë se askush nuk do të jetë i paprekshëm.

“Pavarësia funksionale që e keni si prokurorë është një garanci kushtetuese dhe një nga vlerat më të rëndësishme të sistemit tonë. Megjithatë, kjo pavarësi nuk është dhe nuk do të jetë asnjëherë mburojë për arbitraritet, papërgjegjësi apo mosllogaridhënie”, nënvizoi ai, duke shtuar se “lufta ndaj çdo forme të abuzimit të detyrës do të jetë e pakompromis. Askush nuk mund të jetë mbi ligjin dhe askush nuk do të gëzojë imunitet”.

Gashi vuri në dukje se pavarësia funksionale nuk do të shërbejë asnjëherë si mburojë për arbitraritet apo mosllogaridhënie, duke premtuar një luftë të pakompromis ndaj çdo forme të abuzimit të detyrës zyrtare.

Në mbyllje të fjalimit, Gashi nënvizoi rëndësinë e bashkëpunimit të ngushtë institucional me Këshillin Prokurorial, si dhe me partnerët ndërkombëtarë që kanë mbështetur reformat në drejtësi.

Ai gjithashtu u shpreh i hapur për një marrëdhënie transparente me mediat dhe shoqërinë civile, duke i vlerësuar kritikat dhe rekomandimet konstruktive si një kontribut të rëndësishëm për rritjen e llogaridhënies dhe avancimin e mëtejshëm të të gjithë sistemit prokurorial në vend. /E.A/

Continue Reading

Të kërkuara