Lajmet

Slloveni: Spitalet vazhdojnë të mbushen, afër 40,000 raste aktive me COVID

Janë 37.669 raste aktive.

Published

on

Sllovenia është ende në një situatë kritike me një pandemi të valës së katërt të koronavirusit, spitalet vazhdojnë të mbushen dhe në 24 orët e fundit janë konfirmuar 3344 infeksione të reja COVID-19 dhe 12 të tjerë kanë vdekur.

7.615 teste PCR konfirmuan 3.344 infeksione, me një rezultat pozitiv të testit prej 43.9 për qind, njoftoi të martën Instituti Kombëtar i Shëndetit Publik. Janë 37.669 raste aktive.

Mesatarisht, javën e fundit ka pasur 3.194 infeksione në ditë, dhe incidenca 14-ditore është rritur në 1.787, por situata më shqetësuese është në spitale, ku pacientët me COVID janë në rritje.

Aktualisht janë 874 pacientë, 240 më shumë se shtatë ditë më parë. Rritet edhe numri i atyre që janë në reanimacion, në një javë nga 158 janë rritur në 187, transmeton Hina.

Për shkak të situatës së rëndë epidemiologjike, qeveria vendosi të hënën masa të reja, por nuk vendosi mbylljen për 14 ditë, siç sugjeruan epidemiologët për shkak të rrezikut të kolapsit të sistemit spitalor.

Edhe pse për shkak të vendosjes së kufizimeve më të rrepta, interesi për vaksinimin kundër COVID-19 është rritur ditët e fundit, mbulimi me vaksinim është ende nën nivelin e dëshiruar dhe arrin në 53.4 për qind të popullsisë së përgjithshme, që është 0.4 pikë përqindje më shumë se shtatë ditë më parë.

Ndër të tjera, masat parashikojnë aplikimin më të gjerë të certifikatave COVID me paraqitjen e dokumenteve të identifikimit, shkurtimin e funksionimit të lokaleve dhe ndalimin në klubet e natës dhe diskotekat, testimin më të shpeshtë për koronavirusin e nxënësve, ndalimin e tubimeve të mëdha publike e të tjera. 

Vendi

Kuvendi zgjedh dy anëtarë të Këshillit Gjyqësor

Published

on

By

Kuvendi i Kosovës ka zgjedhur sot dy anëtarë të rinj të Këshillit Gjyqësor të Kosovës (KGJK) me një mandat pesëvjeçar.

Pas procesit të votimit, u bë e ditur se anëtarët e përzgjedhur janë Bashkim Hyseni dhe Ivana Milenkoviq, të cilët do të jenë pjesë e këtij organi të rëndësishëm të sistemit të drejtësisë.

Ndërkohë, për sa i përket pozitës së një përfaqësuesi nga komuniteti serb, Kuvendi njoftoi se procesi do të rikthehet në pikën zero pasi asnjë kandidat nuk mori votat e mjaftueshme. Si rrjedhojë, për këtë pozitë do të shpallet së shpejti një konkurs i ri për të plotësuar vendin e mbetur vakant.

Continue Reading

Lajmet

Profesori nga Holanda ligjëron në UBT për vlerësimin e pasurive të paluajtshme

Published

on

By

Në kuadër të lëndës “Vlerësimi i Paluajtshmërive 1”, të ligjëruar nga Prof. Dr. Visar Hoxha, në Fakultetin Menaxhim i Patundshmërive dhe Infrastrukturë në UBT, studentët patën mundësinë të ndjekin një ligjëratë të veçantë nga Jan Veuger real estate professor, profesor i Real Estate në Hanze University of Applied Sciences Groningen Netherlands dhe ekspert ndërkombëtar në vlerësimin e pasurive të paluajtshme, si dhe Fellow i Royal Institution of Chartered Surveyors RICS.

Gjatë ligjëratës, ai trajtoi në mënyrë praktike qasjet kryesore të vlerësimit, përfshirë Sales Comparison Approach dhe Hedonic Pricing Model, duke analizuar faktorët që ndikojnë në çmimet e pronave rezidenciale dhe komerciale në Holandë.

Ligjërata solli një kombinim të rëndësishëm të teorisë me praktikën reale të tregut, duke u ofruar studentëve një perspektivë ndërkombëtare mbi zhvillimet bashkëkohore në fushën e pasurive të paluajtshme.

Continue Reading

Vendi

Studentët e programit Real Estate në UBT përfitojnë nga ekspertiza ndërkombëtare në arkitekturën e qëndrueshme

Published

on

By

Në kuadër të lëndës “Arkitektura e Qëndrueshme”, të udhëhequr nga Prof. Dr. Visar Hoxha, në Fakultetin Menaxhim i Patundshmërive dhe Infrastrukturë në UBT, u mbajt një ligjëratë nga Prof. Ass. Dr. David Collins, Innovation Manager në NTNU Norwegian University of Science and Technology dhe pjesë e FME ZEN Research Centre on Zero Emission Neighbourhoods in Smart Cities.

Gjatë ligjëratës, ai ndau përvojën e tij në aplikimin e Life Cycle Costing (LCC) në ndërtesat e qëndrueshme, duke theksuar rëndësinë e analizës afatgjatë të kostos në vendimmarrjen për projekte më efikase dhe më të qëndrueshme. Duke u mbështetur në përvojën e tij kërkimore dhe profesionale, përfshirë vlerësimin si “European Researcher of the Year” nga European Facilities Management Network EuroFM, ai solli një perspektivë që lidh kërkimin shkencor me praktikën dhe inovacionin në fushën e ndërtimit dhe qyteteve inteligjente.

Ligjërata ofroi një kontribut të vlefshëm për studentët, duke i ekspozuar ata ndaj praktikave bashkëkohore dhe zhvillimeve më të fundit në arkitekturën e qëndrueshme dhe menaxhimin e ndërtesave.

Continue Reading

Lajmet

Burgim i përjetshëm për dy të akuzuarit për sulmin në Banjskë, një tjetër dënohet me 30 vjet burgim

Published

on

By

Gjykata Themelore në Prishtinë ka shpallur aktgjykimin ndaj tre të akuzuarve për sulmin terrorist në Banjskë të vitit 2023.

Sipas vendimit, Blagoje Spasojeviq dhe Vladimir Toliq janë dënuar me burgim të përjetshëm, ndërsa Dushan Maksimoviq është dënuar me 30 vjet burgim. Spasojeviq dhe Toliq nuk kanë qenë të pranishëm në shpalljen e aktgjykimit, ndërsa Maksimoviq ka qenë prezent.

Të tre janë në mesin e 42 personave të akuzuar për këtë rast.

Ngjarja kishte ndodhur më 24 shtator 2023 në fshatin Banjskë të Zveçanit, ku një grup i armatosur serbësh me armatim të rëndë fillimisht bllokoi një urë dhe më pas sulmoi zyrtarët policorë që kishin dalë në vendngjarje.

Gjatë sulmit mbeti i vrarë rreshteri i Policisë së Kosovës, Afrim Bunjaku, ndërsa dy policë të tjerë u plagosën.

Sipas aktakuzës së Prokuroria Speciale e Kosovës, qëllimi i sulmuesve ishte ndarja e veriut të Kosovës.

Continue Reading

Të kërkuara