Lajmet

Skepticizëm për progres në dialog pavarësisht paralajmërimeve për vizitë të Lajçak

Published

1 year ago

on

Progresi në dialog vlerësohet se do të jetë i vogël, përkundër që gjatë kësaj jave emisari i BE-së për dialogun, Miroslav Lajçak pritet të qëndrojë në Kosovë. Ani pse i njëjti ka paralajmëruar një raund të ri të dialogut në Bruksel në nivel të kryenegociatorëve, njohësit e procesit të dialogut thonë se zbatimi i marrëveshjes së Brukselit dhe aneksit të Ohrit do të jetë i vështirë, derisa Kosova është në një vit elektoral dhe Serbia refuzon nënshkrimin e marrëveshjes.

Analisti politik, Arbnor Sadiku, thotë se deri në mesin e vitit 2025 nuk pret të ketë diçka konkrete drejt zbatimit të marrëveshjes së Brukselit dhe aneksit të Ohrit, ku përfshihet edhe themelimi i Asociacionit të komunave me shumicë serbe në Kosovë.

“Ne jemi në një vit elektoral dhe kësaj qeverie dhe asnjë qeveri tjetër nuk do t’i konvenonte që çështja më së paku mbështetje popullore siç është Asociacioni të krijohet para këtyre zgjedhjeve. Por është lejuar që në qeverinë e ardhshme apo kushdo që të jetë e pjesë e koalicionit të ardhshëm të themelojë Asociacioni, pasi ajo tashmë është pranuar nga kryeministri Kurti…Mendoj se nuk mund të ketë konkrete diçka për faktin se Kosova është në vit elektoral dhe se zgjedhjet tashmë dihet se do të mbahen në 9 shkurt, kurse konsolidimi i qeverisë merr kohë deri mars 2025. Kështu që deri në mesin e vitit të ardhshëm nuk pritet diçka konkrete drejt zbatimit të marrëveshjeve”, thotë ai.

Ndërkaq, profesori i integrimeve evropiane, Dritëro Arifi, thotë se emisari Lajçak nuk do të ketë hapësirën që e ka pasur më herët në dialog, me emërimin e Kaja Kallas si shefe e politikës së jashtme të BE-së.

Megjithatë, ai thotë se ndërkombëtarët po insistojnë të ketë lëvizje konkrete drejt zbatimit të marrëveshjes së Brukselit dhe aneksit të Ohrit.

Sipas tij, ky presion mund të prodhojë diçka pozitive gjatë muajve në vijim që të ketë lëvizje drejt zbatimit të ujdive.

“(Ndërkombëtarë) E kanë vetëm një kërkesë me zbatua marrëveshjen pasi zbatimi i saj e qetëson Kosovën dhe rajonin, njëkohësisht e integron Kosovën në familjen perëndimore. S’besoj se ka kthim tjetër, nëse se bën kjo qeveri e bën një qeveri tjetër, pasi është një zotim shtetëror…S’besoj se zotëri Lajçak do të ketë atë fuqi apo hapësirën që e ka pas më herët. Ministrja e Jashtme e BE-së, tashmë zonja Kallas ka një qasje më të thellë sa i përket dialogut Kosovë-Serbi. Pres që ky presion i madh që po i bëhet të prodhojë një momentum pozitiv që në shtator dhe tetor para zgjedhjeve në ShBA të kemi një përshkrim të stabilizuar të normalizimit të raporteve Kosovë-Serbi. Të ketë një pikë referimi që këto vende kanë filluar normalizimin”, shton ai.

Në lidhje me vizitën e Lajçak,  Zyra e Zëvendëskryeministrit njëherësh kryenegociatorit, Besnik Bislimi nuk kthyen përgjigje.

Ditë më parë, emisari Lajçak ka paralajmëruar një vizitë në Kosovë si dhe një raund të ri të diskutimeve në nivel të kryeneogciatorëve në Bruksel.

Related Topics:
Continue Reading

Lajmet

Ambasadori Hargreaves i shkon në zyrë Dimal Bashës

Published

11 hours ago

on

September 4, 2025

By

Kryeparlamentari Dimal Basha priti sot në takim ambasadorin britanik në Kosovë, Jonathan Hargreaves me të cilin ka biseduar mbi zhvillimet e fundit politike në vend, me theks të veçantë për procesin e seancës konstituive të Kuvendit.

Basha shprehu mirënjohjen e thellë të popullit të Kosovës ndaj Britanisë së Madhe për rolin e saj gjatë luftës, dhe mbështetjen e vazhdueshme në fuqizimin e shtetit, ekonomisë dhe institucioneve demokratike të vendit tonë.

Ai tha se Kosova mbetet e palëkundur në mbrojtjen e interesave dhe të drejtave të të gjithë qytetarëve të saj, si dhe qëndron e vendosur në avancimin e integrimit në familjen evropiane, dhe synimin e qartë për anëtarësim në NATO.

Ndërsa, ambasadori Hargreaves ri-konfirmoi gatishmërinë për bashkëpunim dhe intensifikim të raporteve të vendit të tij me Kuvendin dhe qytetarët e Kosovës, thuhet në njoftimin e Kuvendit të Kosovës./D.B/KP

Continue Reading

Bota

Numri i viktimave nga tërmeti i fuqishëm në Afganistan arrin në 2200

Published

12 hours ago

on

September 4, 2025

By

Operacionet e kërkim-shpëtimit nga tërmeti i fuqishëm i së dielës në Afganistanin lindor po vazhdojnë, me numrin e të vdekurve që tejkalon 2.200, sipas zyrtarëve.

Hamdullah Fitrat, zëvendës zëdhënës i administratës së përkohshme, tha në kompaninë amerikane të mediave sociale X se numri i të vdekurve u rrit në 2,205, ndërsa numri i të plagosurve arriti në 3.640, vetëm në provincën Kunar.

“Me shumë njerëz ende të bllokuar nën rrënoja, numri i të vdekurve mund të rritet më tej ndërsa operacionet e kërkimit për të mbijetuarit vazhdojnë“, tha më parë Rahimullah Hamzala, zëdhënës i forcave lokale të sigurisë në provincën Kunar.

Autoritetet në Kabul kanë frikë gjithashtu se numri i të vdekurve mund të rritet, ndërsa ndajnë të dhëna nga provincat Nangarhar, Laghman dhe Panjshir, të cilat u goditën gjithashtu. Të paktën 12 vdekje janë raportuar tashmë në Nangarhar.

Agjencitë humanitare paralajmërojnë se shkalla e shkatërrimit kërkon mbështetje urgjente ndërkombëtare për të parandaluar një krizë të përkeqësuar.

Turqia këtë javë dërgoi 25 ton ndihma në vend, duke përfshirë materiale strehimi, pako higjienike dhe kuti ushqimore.

Pakistani fqinj gjithashtu ka dërguar 105 ton ndihma, ndërsa Irani, Kina dhe India, si dhe vendet perëndimore, janë zotuar të dërgojnë ndihmë./D.B/KP

Continue Reading

Lajmet

Më 22 shtator shpallet konkursi për pranimin e 60 ushtarëve nga radhët e komuniteteve jo shumicë

Published

12 hours ago

on

September 4, 2025

By

Më 22 shtator do të shpallet konkursi për pranimin e gjashtëdhjetë (60) ushtarëve aktiv nga radhët e komuniteteve jo shumicë.

Kështu ka bërë të ditur përmes një njoftimi në Facebook, ministri në detyrë i Mbrojtjes, Ejup Maqedonci.

“Të gjithë të rinjët e të rejat e interesuara për t’iu bashkuar Forcës së Sigurisë së Kosovës mund të gjejnë kushtet e konkursit në web faqen https://mod.rks-gov.net/Page/16 / që do të bëhet publik me rastin e hapues së konkursit”, thuhet në njoftimin e tij.

 

Continue Reading

Bota

​Rutte thekson garanci të forta sigurie për Ukrainën, të mbështetura nga Evropa, Kanadaja e SHBA

Published

12 hours ago

on

September 4, 2025

By

Sekretari i Përgjithshëm i NATO-s, Mark Rutte, tha se presidenti amerikan Donald Trump e theu bllokimin me presidentin rus Vladimir Putin dhe “tani Evropa dhe Kanadaja me SHBA-në duhet të hartojnë garanci sigurie për të siguruar që Ukraina të ketë mbështetje të plotë në bisedime”.

Duke folur në konferencën e përbashkët për shtyp me kryeministrin çek Peter Fiala në Pragë, Rutte theksoi se bashkësia ndërkombëtare po koordinohet ngushtë për të përgatitur garanci sigurie që do të siguronin që Ukraina të ketë mbështetjen e plotë të anëtarëve dhe partnerëve të NATO-s jashtë aleancës, së bashku me një mbrojtje të fortë kombëtare, raporton KosovaPress.

Shefi i NATO-s tha se pas takimit të 15 gushtit në Alaska midis Trump dhe Putin, “tani është për ne të hartojmë garancitë e sigurisë si evropianë dhe Kanadaja me SHBA-në për t’u siguruar që kur të fillojnë bisedimet, presidenti ukrainas e di se ka mbështetjen e plotë të SHBA-së, të Kanadasë, evropianëve, të gjithë neve në NATO, por edhe të vendeve tona jashtë NATO-s”.

Ai shtoi se themeli i këtyre garancive duhet të jetë forcimi i forcave të armatosura të Ukrainës.

Fiala theksoi qëndrimin e unifikuar të aleatëve të NATO-s, duke vënë në dukje nevojën për të vazhduar mbështetjen për Ukrainën në mënyrë që ajo të mund të mbrohet dhe të mbajë presionin mbi Rusinë, duke krijuar njëkohësisht kushte për një paqe të qëndrueshme.

Duke iu referuar takimit të koalicionit të të vullnetshmëve në Paris, udhëheqësi çek tha se ekziston gjithashtu një konsensus i fortë se duhet të ketë garanci të forta sigurie, të cilat do ta dekurajonin Rusinë nga agresioni i mëtejshëm.

Continue Reading

Të kërkuara