Në skenën e pafundme të ëndrrave, një rrugë shkon përtej horizontit të zakonshëm. Është rruga e aktrimit në Kosovë, një udhë e vështirë dhe e përballueshme, por e mbushur me emocion dhe pasion të pakrahasueshëm. Në Kosovën tonë të vogël, aktrimi nuk është thjesht një profesion, por një mënyrë për të shprehur thellësitë e shpirtit, për të rënë në lëvizje nën maskën e personazheve dhe për të qenë pranë shikuesve me çdo fjalë dhe lëvizje. Ecja në këtë rrugë nuk është pa sfida. Ndërsa lëvizni nëpër skenën e aktrimit në Kosovë, përballeni me mungesën e resurseve dhe infrastrukturën e nevojshme, por edhe me një kulturë të pasur dhe një histori të ngjarjeve. Në këtë kërkim për të përjetuar dhe për të shprehur, UBT del si një udhërrëfyes i shkëlqyer. Me programe të krijuara për të nxitur zhvillimin personal dhe profesional të studentëve, ofron një ambient të frytshëm për të kultivuar talentët dhe për të krijuar një brez të ri aktorësh të shkëlqyeshëm.

Fusha e aktrimit është e ngarkuar me konkurrencë të ashpër. Studentët duhet të jenë të gatshëm për të garuar për role dhe për të treguar talentin e tyre në audicionet e ndryshme. Pas përfundimit të programit të studimit, studentët përballen me sfidën e gjetjes së punës dhe sigurimit të një karriere të qëndrueshme në fushën e aktrimit, e cila mund të jetë e vështirë në një treg të vogël si ai i Kosovës. Aktrimi është një fushë e cila kërkon përkushtim të madh dhe aftësi për të përballuar kritikat dhe refuzimet. Mundësitë për të marrë mbështetje financiare për të ndjekur një karrierë në aktrim mund të jenë të kufizuara, duke bërë që studentët të ballafaqohen me sfida të mëdha financiare. Poashtu kjo fushë kërkon një gamë të gjerë aftësish, duke përfshirë aftësitë aktoriale, komunikimin e mirë, aftësinë për të improvizuar, dhe aftësinë për të punuar në grup.

Elvana Prendi, një studente e talentuar e Fakultetit të Aktrimit në UBT, është bërë pjesë e suksesit të serialit të njohur “Ana” gjatë kohës të studimeve.

Me vullnet dhe përkushtim për të arritur suksesin, Elvana ka gjetur rrugën drejt skenës profesionale falë cilësisë së arsimit dhe ndihmës së vyer të profesorëve të saj në UBT. Institucioni ka ofruar mundësi të shkëlqyera për zhvillimin e saj artistik, duke e udhëhequr atë drejt një rrugëtimi profesional të ndritur.  Me suksesin e saj, Elvana Prendi bëhet një shembull frymëzues për studentët e tjerë, duke treguar se me përkushtim dhe arsim cilësor, ëndrrat mund të bëhen realitet. UBT vazhdon të prodhojë talente në botën e artit dhe aktrimit, duke i bërë krenarë jo vetëm studentët e saj, por gjithë komunitetin akademik.

Në këtë rrugë prej ëndrrash dhe pasionesh, UBT nuk ka për qëllim vetëm të edukojë, por të frymëzojë dhe të përgatisë brezat e ardhshëm të aktorëve për një udhë të suksesshme në botën e aktrimit. Programi i shkëlqyer për aktrim ofron një kombinim të aftësive praktike dhe njohurive thelbësore, studentët do të njihen me thelbin e teatrit dhe filmit, duke portretizuar karaktere të ndryshme në mënyrën më autentike dhe mbresëlënëse. Por ajo që bën programin e dallueshëm është jo vetëm kurrikula e pasur, por edhe stafi i angazhuar. Me emra të njohur si Ilir Prapashtica, Fiona Gllavica, Fatlume Bunjaku, Marigona Bekteshi-Ferati, Alban Zogaj dhe Shkodran Tolaj, studentët kanë mundësinë e rrallë të mësojnë nga ekspertët e fushës, të cilët ofrojnë jo vetëm njohuri, por edhe mbështetje dhe këshilla të çmuara për të rritur potencialin e tyre maksimal në botën e aktrimit.

Kështu, në këtë vend ku drita e diellit mëson të valojë nën dritën e reflektorëve, aktorët e ardhshëm të Kosovës po zbulojnë një botë të re, një botë ku ëndrrat bëhen realitet dhe ku çdo fjalë e artit shndërrohet në një udhëtim magjik për shpirtin. Kjo është UBT e aktrimit, një skenë që pret të shkëlqejë me talentin e studentëve të saj të jashtëzakonshëm./UBTNews/

© Dionesa Ebibi