Lajmet

​“S’kemi besim më në fjalë të thata”, familjarët të zhgënjyer me zbardhjen e fatit të të pagjeturve

“Nuk kemi besim më në fjalë të thata”, thotë Bajram Qerkinaj nga shoqata “Zëri i Prindërve”.

Published

2 years ago

on

Mbi 1 mijë e 600 varre të zbrazëta kanë mbetur që nga lufta e fundit në Kosovë. Nuk ka asnjë informacion për vendndodhjen e tyre, ndërkohë që familjarët jetojnë me shpresën për zbardhjen e fatit e të më të dashurve të tyre. Vitin e kaluar është gërmuar në 15 lokacione të Kosovës, por jo edhe në Serbi. As në 2023-tën nuk është dërguar në Kuvend, Ligji për Personat e Pagjetur. Familjarët kritikojnë institucionet për mos përmbushjen e premtimeve. Ndërkaq, ministrja e Drejtësisë, Albulena Haxhiu shprehet optimiste se një gjë e tillë do të ndodhë gjatë vitit.

“Nuk kemi besim më në fjalë të thata”, thotë Bajram Qerkinaj nga shoqata “Zëri i Prindërve”.

Ai shprehet i zhgënjyer me institucionet dhe punën që është bërë vitin e kaluar për zbardhjen e fatit të të pagjeturve.

“Viti që po kalon mjerisht ka stagnuar, atë që e kanë premtuar aspak nuk është punuar. Janë bërë disa nëngrupe, disa grupe bajagi të ekspertëve kanë bërë disa vlerësimeve të gërmimeve, të cilat ato që është dashur të bëhen nuk janë bërë dhe ne familjarët nuk jemi aspak të kënaqur plot që një vit e gjysmë. A thua pse po them kështu? Sepse grupi punues për shkak të Velko Odalloviq që është shpallur kriminel nuk është ka funksionuar. Mirëpo, brenda për brenda kur të ndalim të bisedojmë se çfarë kanë pritur dhe çfarë është bërë me plan-program që ne familjarët kemi pritur, sidomos të parashtrohet Instituti i Mjekësisë Ligjore ku thuhet që ka 300 mbetje mortore, gjithçka flitet, e asgjë nuk është bërë. Ne nuk jemi të kënaqur se si po përmbyllet një vit”, shprehet ai.

Teksa flet për premtimet e pushtetit aktual, ai thotë se të njëjtit janë zotuar se çështja e të pagjeturve do të jetë prioritet.

“Është fol shumë se do të bëhet një ligj për personat e pagjetur. Merreni me mend, flitet qe pesë vjet për strategji, merreni me mend që flitet shumë për një ligj, as këtë nuk e kanë kryer. Çka pret familjari? Me ekzistencë të jetës janë ngushtë. Më së shumti jemi ngushtë të zbardhim fatin e personave të pagjetur. Edhe 1607 ende të pagjetur në Republikën e Kosovës. Nuk ka asnjë varrezë masive që nuk dihet, nuk ka asnjë kriminal i Serbisë që nuk dihet me emër dhe mbiemër ku i ka marrë edhe ku i ka dërguar”, tha ai.

Ligji për Personat e Pagjetur ka qenë në kuadër të Ministrisë së Drejtësisë, ndërkaq tashmë në kompetencë të Zyrës së Kryeministrit. Ministrja e Drejtësisë, Albulena Haxhiu, thotë se ka pasur shumë diskutime e takime me familjarët e personave të zhdukur.

“Konsideroj që i njëjti duhet të miratohet gjatë këtij viti. Tashmë do të vendoset edhe në agjendë legjislative kur është koha kur do të procedohet, por duke qenë që është në kuadër të Zyrës së Kryeministrit, nuk mund ta dimë me siguri, se cila do të jetë periudha kur do të procedohet në Kuvendin e Republikës së Kosovës. Sigurisht që është i rëndësishëm si ligj, por ndërlidhet edhe me dy ligje të tjera, të cilat janë në kuadër të Ministrisë së Financave, që kanë të bëjnë edhe me pensionet dhe çështje të tjera, të cilat kanë të bëjnë me kompensimin financiar të familjeve. Prandaj, sapo të ketë një koordinim të mënyrës se si të procedohet tutje jam e bindur që do të procedohet në Kuvendin e Kosovës”, deklaroi Haxhiu.

Në 15 lokacione është gërmuar gjatë vitit të kaluar, thotë kryetari i Komisionit Qeveritar për Personat e Zhdukur, Andin Hoti. Ai tregon se ka pasur aktivitete të shumta të punimeve në terren, për shkak të informatave që kanë arritur të sigurojnë nga Kryqi i Kuq Ndërkombëtar.

“Gjatë vitit 2023, ne në 15 lokacione kemi qenë deri në fund të vitit, pa i përfshirë edhe disa lokacione që nuk kanë përfunduar. Ato do të vazhdojnë edhe tash në vitin 2024. Nuk mund të themi një numër të saktë të viktimave apo të personave të zhdukur që janë gjetur, për shkak se nuk kemi pranuar analizat e ADN-së nga Komisioni Ndërkombëtar për Personat e Zhdukur. Megjithatë, kur flasim me numra, duhet të jenë mbi 17 viktima apo persona të zhdukur që përmes gërmimeve, mbi 17 persona që shpresojmë të identifikohen përmes analizave të ADN-së. Këto 15 lokacione thuajse në tërë territorin e Kosovës, Gjakovë, Prizren, Kamenicë, Podujevë, Prishtinë, Skenderaj, Mitrovicë janë të gjitha këto komuna ku kemi pasur gërmime”, deklaron Hoti.

Në Kosovë është gërmuar në çdo katër kilometër katror, shton Hoti teksa shprehet se fokusi është në varrezat masive në Serbi. Kryetari i Komisionit Qeveritar për Personat e Zhdukur thekson se vitin e kaluar janë rikthyer edhe në Shtavall të Serbisë.

“Në Serbi është goxha më e vështirë, as nuk shkon të bëhet më e lehtë, nuk them që duhet të ndodhë mrekulli, sepse mrekullia në këtë rast nuk na ndihmon, por ajo çka duhet të ndodhë në këtë rast, Kosova është e pafuqishme. Bashkësia ndërkombëtare, miqtë tanë ndërkombëtarë, duhet ta marrin më seriozisht çështjen e personave të zhdukur. Pavarësisht se si del në media dhe si thuhet në media dhe me këtë seriozisht, mendoj se duhet ta kushtëzojnë Serbinë dhe nuk ka formë tjetër, nuk ka formë të bisedimeve me Serbinë. Ne jemi në bisedime, vazhdojmë të bisedojmë, sepse fundja, ne vazhdojmë të kërkojmë çfarëdo cope të informatave që kemi”, shprehet ai.

Kryetari i delegacionit të Kosovës për bisedime për të zhdukurit, Andin Hoti flet edhe për deklaratën për personat e zhdukur në maj të vitit të kaluar.

“Çfarë ka ndodhur prej 2 majit të vitit 2023 që është miratuar deklarata e personave të zhdukur, më 1 qershor kemi dërguar menjëherë një kërkesë në zbatim të deklaratës. Në korrik apo në gusht, i jemi drejtuar edhe (Josep) Borrelit në lidhje me këtë zbatim e deklaratës. Në korrik, në të njëjtën kohë, kam dërguar edhe komentet e grupit të përbashkët dhe është e vërtetë që prapë ka ndodhur një zvarritje. Ne në vazhdimësi kemi kërkuar për të filluar punën, sepse nëse e sheh realisht puna ka mund të fillojë menjëherë në qershor. Ka pasur të formohet një grup i përbashkët, ka pasur të formohet të emërohen disa persona dhe të fillojë puna. Por, prapë ndodhën këta termat e referencës, disa çështje shumë teknike filluan të bëhen problem. Ne i kemi dërguar Lajçakut, ai e ka dërguar në Serbi dhe sipas Lajçakut, Serbia e ka ndryshuar, ka bërë kërkesa tjera, apo edhe komente të tjera të referencës”, përfundon ai.

Ani pse Serbia nuk jep informacione për varrezat masive, familjarët kërkojnë nga institucionet vendore zbardhjen e fatit të personave të pagjetur.

“Porosia e neve familjarëve është që në plan-program të vitit të ardhshëm t’i lënë fjalët, le ta qesin realitetin në letër dhe le të fillojnë të punojnë për zbardhjen e fatit të personave të pagjetur, kur dihen varrezat masive, si këtu, si në Serbi, kjo është porosia numër një. Nën dy, mos të shkohet edhe një muaj pas Vitit të Ri dhe nuk aprovohet ligji për personat e pagjetur. Është e tepërt, është turp ta përmendim ose ta lënë krejt”, tha ai.

Kosova vazhdon t’i kërkojë edhe mbi 1.600 persona të zhdukur me forcë nga policia e ushtria gjenocidiale serbe gjatë luftës së fundit në vendin tonë.

Related Topics:
Continue Reading

Lajmet

Parashikimi i motit

Published

5 minutes ago

on

October 27, 2025

By

Sot mbi vendin tonë do të mbajë mot kryesisht i vranët dhe vende-vende me riga shiu, ka njoftuar Instituti Hidrometeorologjik i Kosovës.

Sipas IHMK-së, temperaturat minimale do të jenë nga 5-8 gradë Celsius, derisa ato maksimalet nga 10-13 gradë Celsius.

Do të fryjë një erë kryesisht nga veriperendimi e lehte deri mesatare./S.K/EO/

Continue Reading

Vendi

UBT përmbyll suksesshëm edicionin e 14-të të Konferencës Ndërkombëtare – mbi 3 mijë pjesëmarrës nga dhjetëra vende të botës

Published

14 hours ago

on

October 26, 2025

By

UBT ka përmbyllur me sukses edicionin e 14-të të Konferencës Ndërkombëtare për Biznes, Teknologji dhe Inovacion, një nga ngjarjet akademike më të mëdha në rajon, e cila këtë vit mblodhi rreth 3 mijë pjesëmarrës – akademikë, studiues, ekspertë dhe studentë nga dhjetëra vende të botës.

Konferenca, e cila u zhvillua në Parkun Shkencor, Inovativ dhe Teknologjik të UBT-së, në Lipjan, përfshiu mbi 24 konferenca të specializuara ndërdisiplinare, duke trajtuar tema të rëndësishme nga inovacioni teknologjik, inteligjenca artificiale, mjekësia, arkitektura, ekonomia, psikologjia, edukimi, shkencat juridike e inxhinierike, deri tek komunikimi, media dhe shëndeti publik.

Në mbyllje të konferencës, Rektori Hajrizi falënderoi të gjithë kontribuesit dhe partnerët ndërkombëtarë, duke konfirmuar se UBT do të vazhdojë ta forcojë këtë traditë shkencore.

“Ky edicion ka treguar se UBT është një motor i zhvillimit të dijes dhe inovacionit në rajon. Ne do të vazhdojmë ta bëjmë Kosovën një qendër të rëndësishme akademike në Ballkan dhe më gjerë”, u shpreh Rektori Hajrizi.

Gjatë ditëve të punimeve, studiues dhe profesionistë nga Evropa, ShBA, Azia dhe rajoni i Ballkanit prezantuan punime dhe analiza kërkimore që trajtonin sfidat dhe zgjidhjet bashkëkohore në fusha të ndryshme.Konferenca shërbeu si një platformë për shkëmbimin e ideve, përvojave dhe praktikave më të mira, si dhe për krijimin e rrjeteve të reja bashkëpunimi akademik dhe profesional.

Ky edicion përfshiu një gamë të gjerë temash përmes konferencave të veçanta si:

  • Konferenca Ndërkombëtare për Inxhinieri Ndërtimore
  • Konferenca për Shkenca Mjekësore, Infermieri dhe Psikologji
  • Konferenca për Ekonomi dhe Menaxhment
  • Konferenca për Arkitekturë dhe Planifikim Hapësinor
  • Konferenca për Edukim, Komunikim dhe Media
  • Konferenca për Mjedis, Energjitikë dhe Zhvillim të Qëndrueshëm, ndër të tjera.

Pjesëmarrësit theksuan se UBT po shndërrohet në një qendër të rëndësishme kërkimore që lidh shkencën me industrinë dhe tregun e punës, duke nxitur inovacionin përmes bashkëpunimit ndërdisiplinar.

Konferenca u mbyll me ceremoninë e ndarjes së certifikatave, ndërsa u paralajmërua se edicionet e ardhshme do të sjellin bashkëpunime të reja ndërkombëtare dhe programe kërkimore me ndikim global.

Continue Reading

Rajoni

Studiues, psikologë dhe profesionistë ndërkombëtarë bëhen bashkë në UBT për Konferencën Ndërkombëtare të Psikologjisë 2025

Published

20 hours ago

on

October 26, 2025

By

UBT organizoi Konferencën Vjetore Ndërkombëtare të Psikologjisë, duke mbledhur ekspertë, studiues dhe profesionistë nga e gjithë bota për të diskutuar mbi risitë, sfidat dhe praktikat më të mira në fushën e shëndetit mendor dhe edukimit psikologjik.

Në këtë ngjarje, pjesëmarrësit kanë mundësinë të ndajnë studime shkencore, projekte praktike dhe analizë të rasteve nga Kosova dhe rajoni, duke theksuar rëndësinë e shëndetit mendor, qasjet inovative psikoterapeutike, dhe ndikimin e faktorëve social dhe familjar në mirëqenien psikologjike.

Fjalë përshëndetëse

Fatbardha Qehaja Osmani & Elona Krasniqi, Koordinatore të Konferencës
Keynote speakers: Eriola Qafzezi & Dorela Kacauni

Sesioni 1 – Psikologjia dhe Shëndeti Mendor

Kryesues: Denis Celcima | Bashkëkryesues: Valdrin Krasniqi

  • Meditation as part of the intervention in alleviating distress in the psychotherapy process of adults – Bilokurova Tetyana & Idrizi Ali
  • The mediating role of executive functions in reading fluency among 8–10-year-old children – Fatbardha Qehaja Osmani & Elma Berisha
  • Imperial Projects and Anti-Balkanization: A Formal Model of Countries’ Conquest and Unification in a Post-Hegemonic World – Ridvan Peshkopia
  • Resilience Among University Students: A Key Factor in Academic Success and Psychological Well-Being – Anita Sadikaj & Eglantina Kraja Bardhi
  • The relationship between lateralization of hemisphere and socio-scholarly competencies in 10-11 year old students – Qufli Osmani & Teuta Idrizi
  • Determinants of mental health and resilience processes in Kosovar individuals: a protocol study – Elona Krasniqi, Naim Fanaj & Sevin Mustafa

Sesioni 2 – Praktika dhe Qasje Inovative Psikoterapeutike

Kryesues: Fatbardha Qehaja Osmani | Bashkëkryesues: Violeta Zefi

  • Innovative Psychotherapeutic Approaches through NeuroSound and MentalTimer: Evidence from Clinical Practice in Kosovo – Dafina Prokshi
  • Victim Protection and Mental Health Inequality in Kosovo – Zana Sopjani
  • Health Behavior in Kosova: Analysis of Influencing Factors and Implications for Public Health – Eronita Parduzi & Emrush Thaqi
  • The Relationship Between Parenting Styles and Self-Esteem – Mirlindë Bilalli & Ermirë Bilalli
  • Cultivating a Safe Psychosocial Climate to Enhance Employee Well-Being in the Energy Sector – Valdrin Krasniqi
  • Burnout and Mental Wellbeing of Mental Health Workforce in Kosovo: A mediation analysis of resilience – Naim Fanaj
  • Domestic Violence and the Mental Health of Children and Adolescents: A Meta-Analysis of Invisible Trauma (2010–2025) – Adelina Ahmeti-Pronaj

Sesioni 3 – Edukimi dhe Zhvillimi i Aftësive Psikologjike

Kryesues: Elona Krasniqi | Bashkëkryesues: Anita Sadikaj

  • Psychostimulation on specific functions of the receptive emotional decoding competence in students aged 10–11 – Teuta Idrizi & Qufli Osmani
  • Socializing Math Equally? Exploring Gendered Assumptions in the Home Learning Environment – Besjanë Krasniqi, Susan Sonnenchein, Michele Stites, Emma Snyder
  • Self-efficacy and academic performance of students – Denis Celcima, Diana Sjediu Shala, Malsore Hetemi
  • The impact of parenting style on adolescents’ developmental assets – Violeta Zefi & Njomza Krasniqi
  • Anxiety among adolescents aged 15–18 in the city of Prizren – Besarta Sadriu & Kosovare Hamiti
  • Victimology as a Path to Understanding Mental Health: Supporting Victims in Kosovo – Zana Sopjani

Sesioni 4 – Shëndeti Mendor dhe Ankthi

Kryesues: Emrush Thaci | Bashkëkryesues: Besarta Sadriu

  • Anxiety as a consequence of bullying adolescents in Albania and Kosovo – Anita Sadikaj & Anora Kroj
  • The unexamined life in the age of anxiety: Philosophical counseling’s distinct utility for contemporary existential crisis – Megi Koçiaj
  • Analysis of indicators of loneliness and their relationship with physical activity levels in Kosovo – Kaltrina Rrafshi, Drenushë Krasniqi, Elona Sopa & Deniz Celcima

Workshop: Reflection on the main findings of the conference – Denis Celcima
Further studies to be explored in the domain of mental wellbeing – Fatbardha Qehaja Osmani & Elona Krasniqi

Konferenca IC–PSY 2025 thekson rëndësinë e shëndetit mendor, edukimit psikologjik dhe qasjeve inovative klinike, duke kontribuar në forcimin e dijes, hulumtimit dhe praktikave të bazuara në prova në Kosovë dhe rajon.

Continue Reading

Lajmet

Studiues, inovatorë dhe profesionistë nga mbarë bota në Konferencën Ndërkombëtare për Shkencat Kompjuterike dhe Inxhinierinë në UBT

Published

21 hours ago

on

October 26, 2025

By

UBT ka zhvilluar edicionin e 14-të të Konferencës Ndërkombëtare Vjetore, ku një nga forumet më të rëndësishme – Konferenca Ndërkombëtare e Shkencave Kompjuterike dhe Inxhinierisë – ka mbledhur studiues, akademikë, ekspertë të inteligjencës artificiale dhe profesionistë të teknologjisë nga e gjithë bota.

Në dy ditë intensive diskutimesh dhe prezantimesh, pjesëmarrësit po ndajnë risitë më të fundit në fushat e shkencës kompjuterike, inxhinierisë së softuerëve, inteligjencës artificiale, rrjeteve dhe sigurisë kibernetike.

Kjo konferencë zhvillohet në kuadër të UBT International Conference 2025, një nga ngjarjet akademike më të mëdha në rajon, që synon të integrojë kërkimin shkencor me nevojat e tregut të punës dhe zhvillimin e qëndrueshëm teknologjik.

Sesioni 1 – Software Engineering
Kryesues: Blerim Zylfiu
Bashkëkryesues: Lavdim Menxhiqi

  • Comparative Performance Analysis of Data Storage Systems (JSON, SQLITE, POSTGRESQL) in a Log Analysis Application – Edison Alushaj, Alma Novobërdaliu
  • Multi-Agent and Retrieval-Augmented Techniques for Data Quality: A Systematic Literature Review – Benjamin Besimi, Visar Shehu, Adrian Besimi
  • The Use of the Limit of a Sequence in Computer Science – Don Plakolli, Erona Maloku, Hizer Leka
  • The Impact of Technology on Modern Communication: From the Era of Email to Mobile Applications and Social Networks – Vehebi Sofiu, Faton Kabashi, Lamir Shkurti, Greta Ahma, Mirlinda Reqica, Mirlinda Selimaj
  • Prime Numbers Through the Ages: Implementing the Sieve of Eratosthenes in Java – Vesë Vrellaku, Hizer Leka, Alma Novobërdaliu
  • Continuous Integration and Continuous Deployment (CI/CD) in Modern Software Engineering: A Comparative Study of Jenkins and GitHub Actions – Zana Sadiku, Lavdim Beqiri
  • Friends Recommendation in Dynamic Social Networks Using Breadth-First Search Algorithm – Rigon Pira, Jeta Domi, Besnik Qehaja, Edmond Hajrizi
  • An Empirical Analysis of Requirements for an Automated E-Learning Platform: The Case of Teachers in Kosova – Bleona Çitaku, Faton Kabashi, Lamir Shkurti, Mirlinda Selimaj, Laura Gjikokaj
  • Comparative Analysis of Monolithic and Microservices Architectures in Web Development – Denis Bajçinca, Faton Kabashi, Laura Gjikokaj, Mirlinda Selimaj, Lamir Shkurti

Sesioni 2 – Artificial Intelligence
Kryesues: Bertan Karahoda
Bashkëkryesues: Besnik Qehaja

Ky sesion përfshin prezantime mbi përdorimin e inteligjencës artificiale në shëndetësi, komunikim, bujqësi, automjete autonome, mjedise të qëndrueshme dhe luftën kundër lajmeve të rreme.

Disa nga temat përfshijnë:

  • The Use of Artificial Intelligence for Fake News Detection – Altina Salihu, Diellza Berisha
  • Forecasting Developments in the Agricultural Sector in Kosovo through Machine Learning – Mal Mikullovci, Mirlinda Reqica
  • The Rise of Digital Therapists: A Survey of Artificial Intelligence in Mental Health Monitoring and Support – Greta Ahma, Gerta Ahma, Mirlinda Reqica, Vehebi Sofiu
  • Implementation of an AI-Based Legal Assistant – Agon Azemi, Besnik Qehaja, Edmond Hajrizi
  • Data Science against Human Trafficking: Evidence from North Macedonia – Krenar Mehmeti, Shkurte Luma-Osmani, Florinda Imeri, Agon Memeti
  • Development of Advanced Algorithms for Autonomous Vehicle Navigation – Liridon Hoti, Besnik Qehaja, Jeton Sllamniku
  • Is Artificial General Intelligence Possible? – Ermira Mehani
  • Predicting Student Success Using Artificial Intelligence: Data-Driven Approaches for Early Intervention – Alma Novobërdaliu

Sesioni 3 – Network Communications and Security (Blockchain)
Kryesues: Zhilbert Tafa
Bashkëkryesues: Liridon Hoti

Temat më të theksuara:

  • Cryptographic Challenges through Conditional Probability Inference – Vesë Vrellaku, Diellza Berisha, Redon Brovina, Ela Ramosaj, Stinë Demolli, Rron Morina
  • Audio Signal Compression Using Wavelet Transform: A MATLAB Implementation – Rigon Pira, Argjend Azizi, Gentrit Halimi, Zhilbert Tafa
  • Computational Analysis of GDP, Inflation, and Unemployment Trends in the Western Balkans – Adea Krasniqi, Vehbi Neziri
  • From VPNs to Zero-Trust and Confidential Computing: A Comparative Study of AWS and Azure – Rinor Bytyqi, Lavdim Beqiri
  • The Role of Mathematical Functions in Cryptography: A Case Study of Caesar Encryption – Endrit Ahmeti, Hizer Leka
  • High-Performance SHA-256-Based Request Signing: A Comparative Study of Standard and Custom Implementations – Gentrit Halimi, Rigon Pira, Argjend Azizi

Sesioni 4

  • (Tema të avancuara të përzgjedhura nga fusha e inxhinierisë së kompjuterëve)

Sesioni i Posterëve

  • Generating Arithmetic and Geometric Sequences in Java: A Mathematical Approach – Anjesa Gashi, Hizer Leka

Konferenca ICCSIS2025 dëshmon edhe njëherë rolin udhëheqës të UBT-së në avancimin e kërkimit shkencor, inovacionit dhe dijes teknologjike në rajon, duke ofruar një platformë ku bashkohen akademia, industria dhe shoqëria për të ndërtuar të ardhmen digjitale të Kosovës.

Continue Reading

Të kërkuara