Sport

Sjellja e Ramosit nuk i ka pëlqyer PSG-së

Pochettino mund ta “skarcojë”.

Published

4 years ago

August 20, 2021

Betim Gashi

Të menaxhosh një skuadër futbolli nuk është e lehtë e aq më tepër ku ke në përbërje “yje” që kanë fituar trofetë më të rëndësishëm në karrierën e tyre. Rasti ideal për t’u marrë shembull është ai i PSG-së, që, me afrimin e Messit apo Sergio Ramosit, që u bashkohen Mbappesë, Neymarit, Icardit e Di Marias, për të mos përmendur të tjerë, ka në “kotec” shumë “gjela”, që duan të “këndojnë” gjithmonë të parët.

Media e njohur spanjolle, “El Larguero”, shkruan se në klubin parizien nuk janë të kënaqur me qëndrimin apo sjelljen e ish-kapitenit të Realit, Sergio Ramos, që kur iu bashkua ekipit pak më shumë se një muaj më parë.

Burimet e ekipit francez shumë pranë dhomës së zhveshjes pohojnë se Ramos duhet të impenjohet maksimalisht në stërvitje, ndryshe nuk do të ketë vend për të në formacionin e Pochettinos. Marquinhos dhe Kimpembe duket se do t’ia bëjnë gjërat vërtet të vështira Ramosit.

Stafit të ekipit nuk i kanë pëlqyer disa sjelle të 34-vjeçarit. Ai mund ta konsiderojë veten “yll”, por te Parisi ka “yje” të tjerë mbi tën dhe ai nuk është kapiten.

Duhet të theksohet se lojtari spanjoll ende nuk ka qenë në gjendje të bëjë debutimin me PSG për shkak të një dëmtimi në kofshën e majtë. Lojtari është stërvitur individualisht, por, për momentin, nuk dihet se kur do të jetë në gjendje të luajë. Gjatë dy muajve të fundit Ramos ka luajtur në vetëm një ndeshje: në gjysmëfinale të Championsit kundër Chelsea-t. Për më tepër, Luis Enrique, trajneri i Spanjës, nuk e grumbulloi për “Euro 2020”.

Sport

Datat dhe oraret e ndeshjeve të Kosovës në Nations League

Published

6 hours ago

February 13, 2026

UBTNEWS

Pas shortit të Ligës së Kombeve, Kosova është vendosur në Grupin B3 së bashku me Irlandën, Austrinë dhe Izraelin.

Kalendari i plotë i ndeshjeve:

Kosovë vs Irlandë – 24 shtator 2026, e enjte, ora 20:45
Austri vs Kosovë – 27 shtator 2026, e diel, ora 18:00
Izrael vs Kosovë – 1 tetor 2026, e enjte, ora 20:45
Kosovë vs Austri – 4 tetor 2026, e diel, ora 18:00
Kosovë vs Izrael – 14 nëntor 2026, e shtunë, ora 15:00
Irlandë vs Kosovë – 17 nëntor 2026, e martë, ora 20:45

Tifozët kosovarë tashmë mund të planifikojnë të mbështesin ekipin e tyre në këtë fazë të rëndësishme të Ligës së Kombeve.

Sport

Kiana Kryeziu sot në pistën olimpike të Milanos

Published

1 day ago

February 12, 2026

UBTNEWS

Skitarja Kiana Kryeziu do të përfaqësojë Kosovën në Lojërat Olimpike Dimërore “Milano Cortina”, duke shënuar një tjetër moment të rëndësishëm në karrierën e saj sportive.

Skiatorja kosovare ka arritur për herë të dytë të përmbushë normën olimpike, pasi ka siguruar kualifikimin në tri disiplina të skijimit alpin: sllallom, sllallom të madh dhe super sllallom të madh. Ajo do të paraqitet në këto gara në skenën më të madhe botërore të sporteve dimërore.

Sot, me fillim nga ora 11:30, Kryeziu do të garojë në disiplinën Super-G (Super Giant Slalom), duke synuar një paraqitje sa më të mirë në mesin e elitës botërore të skijimit alpin. /Kosova Press/

Sport

Kupa e Kosovës sjell duel të fortë, Ballkani kundër Llapit

Published

1 day ago

February 12, 2026

UBTNEWS

Tashmë është konfirmuar përballja e çerekfinales në Kupën e Kosovës: FC Ballkani do të ndeshet me KF Llapin në një duel që pritet të sjellë spektakël dhe rivalitet të madh.

Ballkani vjen në këtë fazë pas një kualifikimi dramatik ndaj Prishtinës në stadiumin “Fadil Vokrri”, ku siguroi kalimin tutje vetëm pas penalltive (11-10). Ndeshja në kohën e rregullt u mbyll 2-2, ndërsa pas vazhdimeve rezultati ishte 3-3, me rikthim të madh nga disavantazhi 2-0.

Në anën tjetër, Llapi eliminoi Dritën me fitore 2-1 si mysafir, falë golave të Arbnor Ramadanit dhe Muhamet Hysenit, duke siguruar me meritë një vend në mesin e tetë skuadrave më të mira të Kupës.

Tani, dy skuadra në formë të mirë do të përballen mes vete për një vend në gjysmëfinale, një ndeshje që pritet të jetë shumë interesante e kësaj faze të garës.

Sport

Bashkimi dhe Trepça në finalen e Kupës së Kosovës

Published

1 day ago

February 12, 2026

UBTNEWS

Janë zhvilluar mbrëmë ndeshjet e kthimit të gjysmëfinaleve të Kupës së Kosovës në basketboll, të cilat kanë përcaktuar dy skuadrat finaliste: Trepçën dhe Bashkimin.

Në përballjen e parë të mbrëmjes, Trepça u përball me Borën dhe arriti fitore me rezultat 78:66. Mitrovicasit, që kishin fituar bindshëm edhe ndeshjen e parë 87:64, konfirmuan epërsinë dhe u bënë skuadra e parë finaliste e këtij edicioni. Kampionët në fuqi të Kupës treguan stabilitet dhe përvojë, duke mos e vënë në dyshim asnjëherë kualifikimin.

Ndërkohë, në ndeshjen e dytë të zhvilluar, Bashkimi mposhti Sigal Prishtinën me rezultat 85:69. Pas fitores 83:67 në takimin e parë, prizrenasit e menaxhuan me sukses edhe sfidën e kthimit, duke siguruar me meritë një vend në finale.

Kështu, finalja e Kupës së Kosovës, që zhvillohet më 18 shkurt, do të sjellë një duel mjaft interesant mes Trepçës dhe Bashkimit, dy skuadra që synojnë ta mbyllin këtë edicion me trofe.