Lajmet

Situatë alarmante: Një infermier për 20 pacientë me Covid

Oda e Infermierëve kërkon nga ministri Vitia që urgjentisht të marrim masa që të shtohet numri i infermierëve.

Published

on

Vetëm një infermier është në dispozicion për njëzet pacientë me Covid, sipas një alarmi që Oda e Infermierëve, Mamive dhe Profesionistëve tjerë shëndetësorë, i ka bërë ministrit të shëndetësisë Arben Vitia dhe drejtorit të SHSKUK-së, Valbon Krasniqi përmes një shkrese ku kërkohet shtimi urgjent i stafit infermieror në institucione shëndetësore

Oda e Infermierëve, Mamive dhe Profesionistëve tjerë shëndetësorë, përmes një shkrese që i ka dërguar ministrit të shëndetësisë Arben Vitia dhe drejtorit të SHSKUK-së, Valbon Krasniqi i ka alarmuar ata me numrin e vogël të infermierëve që detyrohen të ofrojnë shërbime shëndteësorë për pacientët e prekur me Covid.
Sipas shkresës që Naser Rrustemaj, kryetar i OIK i ka dërguar ministrit Vitia dhe drejtorit Krasniqi, në Klinikën Infektive, një infermier po ofron shërbime shëndetësore për njëzet pacientë të prekur me Covid. 
Andaj, Rrustemaj ka kërkuar nga Vitia dhe Krasniqi që urgjent të marrim masa që të shtohet numri i infermierëve. 
“Mos ndërmarrja e masave do të atakoj direkt pacientët që kanë nevojë për shërbime shëndetësore. Andaj, ne kërkojmë nga ju si Ministër i Shëndetësisë dhe si Drejtor i SHSKUK-se që të gjeni një zgjidhje urgjente për shtimin e numrit të infermierëve, mamive dhe punonjësve tjerë shëndetësore, në të gjitha nivelet e kujdesit shëndetësor, në Klinikat të cilat janë duke trajtuar pacientët me COVID-19, e posaçërisht Klinika Infektive, ku një infermier kryen shërbime për 20 (njëzet) pacientë me Covid”, thuhet në shkresën që Naser Rrustemaj, kryetar i OIK i ka dërguar ministrit Vitia dhe drejtorit të SHSKUK-së Valbon Krasniqi. 
OIK, duke shprehur solidarizimin me infermierët, mamitë dhe profesionistët tjerë shëndetësorë, të cilët gjatë këtij viti kanë punuar duke mos arritur të shfrytëzojnë as pushimin vjetor, e njofton ministrin Vitija dhe drejtorin Krasniqi se ngarkesa e madhe e këtyre profileve shëndetësore po cënon edhe me shumë gjendjen gjatë pandemisë. 
“Oda e Infermierëve, Mamive dhe Profesionistëve tjerë shëndetësorë vazhdimisht ka marrë ankesa nga anëtarësia e gjerë (ankesa këto që po rriten për çdo ditë), me ç’rast jemi njoftuar për kushte ekstremisht të rënda të punës si dhe numër tejet të vogël të stafit infermieror në raport me kërkesat për shërbime ndaj pacientëve gjatë pandemisë Covid-19”, thuhet në shkresë, ku potencohet se kjo, po cenon seriozisht edhe shërbimet shëndetësore, në kohën kur për çdo ditë kemi qindra raste të pacientëve të infektuar me Covid. 
Ndryshe, rritja e numrit të infermierëve në institucionet shëndetësore ka qenë edhe kërkesë e Këshillit Nacional Këshillëdhënës të Odës së Infermierëve të Kosovës si dhe Këshillit Drejtues të OIK-ut. 

Continue Reading

Lajmet

​Sot tentimi i gjashtëmbëdhjetë për konstituimin e legjislativit të nëntë

Published

on

By

Vazhdimi i gjashtëmbëdhjetë për konstituimin e seancës së legjislaturës së nëntë mbahet sot nga ora 10:30.

Pesëmbëdhjetë përpjekjet e deritanishme kanë dështuar për shkak se koalicioni Lëvizja Vetëvendosje, Guxo e Alternativa nuk i kanë votat për kryetarin e ri të Kuvendit.

Maratona e seancës konstitutive, e cila assesi nuk po arrin të merr “dritën e gjelbër” vazhdon, ndërsa presidentja Vjosa Osmani do të takojë pasdite partitë politike për dalje nga ngërçi politik.

Lëvizja Vetëvendosje, Guxo, Alternativa po insistojnë që votimi për zgjedhjen e ish-ministres së Drejtësisë Albulena Haxhiu për kryetare të re të legjislativit, të mbahet në mënyrë të fshehtë. Kjo çështje të hënën u dërgua nga Aleanca për Ardhmërinë e Kosovës në Gjykatën Kushtetuese.

Albulena Haxhiu, e propozuara e koalicionit Lëvizja Vetëvendosje, Guxo e Alternativa, ka dështuar gjashtë herë të merr votat e nevojshme, pasi Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës dhe NISMA kanë shprehur kundërshtinë e tyre.

Zgjedhjet parlamentare në Kosovë janë mbajtur më 9 shkurt, ndërsa rezultatet janë certifikuar nga Komisioni Qendror Zgjedhor më 27 mars.

Continue Reading

Lajmet

Osmani takon sot liderët e partive politike në përpjekje për dalje nga ngërçi

Published

on

By

Presidentja Vjosa Osmani do të takojë pasdite krerët e partive politike në vend, në përpjekje për të dalë nga situata e krijuar për shkak të ngërçit të krijuar politik.

Krejt kjo për shkak të dështimit të konstituimit të legjislaturës së nëntë, të dalë nga zgjedhjet parlamentare të 9 shkurtit.

Në pesëmbëdhjetë përpjekjet e deritanishme nuk ka pasur zgjedhje të emrit të ri të kreut të Kuvendit dhe ish-ministrja e Drejtësisë Albulena Haxhiu, e propozuar nga koalicioni Lëvizja Vetëvendosje, Guxo e Alternativa ka dështuar gjashtë herë të merr votat e nevojshme.

Koalicioni Lëvizja Vetëvendosja, Guxo e Alternativa nuk kanë votat e nevojshme dhe po kërkojnë që Albulena Haxhiu të votohet në mënyrë të fshehtë.

Continue Reading

Lajmet

Kremlini reagon ndaj Macron: Përhapja e armëve bërthamore jo zgjidhje për Evropën

Published

on

By

Kremlini njoftoi sot se beson që përhapja e armëve bërthamore në Evropë nuk do të kontribuojë në sigurinë e kontinentit evropian.

Përhapja e armëve bërthamore në kontinentin evropian është diçka që nuk do të rrisë sigurinë, parashikueshmërinë dhe stabilitetin e kontinentit evropian”, u tha gazetarëve zëdhënësi i Kremlinit, Dmitry Peskov.

Kështu e komentoi ai deklaratën e Presidentit Francez Emmanuel Macron se vendi i tij është gati për një dialog mbi vendosjen e avionëve të tij të aftë për të mbajtur armë bërthamore në vendet e tjera të BE-së, raporton RIA Novosti.

Duke folur për temën e parandalimit bërthamor të Evropës, Macron tha dje se Franca nuk do të paguante për sigurinë e të tjerëve.

Dua të nis një debat, por Franca nuk do të paguajë për sigurinë e të tjerëve, nuk do të jetë një zbritje nga ajo që kemi ne, dhe vendimi përfundimtar do të jetë gjithmonë – Franca. Ne jemi të gatshëm të hapim një diskutim, veçanërisht për vendosjen e avionëve të armatosur me bomba bërthamore në vendet e tjera evropiane”, përfundoi Macron.

Continue Reading

Lajmet

Gjykata Themelore hedh poshtë padinë kundër ZRRE-së për shtrenjtimin e rrymës

Published

on

By

Gjykata Themelore në Prishtinë e ka hedhur poshtë padinë e një grupi aktivist kundër rregullatorit të energjisë në Kosovë në lidhje me shtrenjtimin e rrymës, njoftoi të mërkurën avokati i grupit, Ardian Bajraktari.

Bajraktari shkroi në Facebook se ka pranuar aktvendimin e Gjykatës Themelore, sipas të cilit kërkesa e grupit “Asnji cent ma shumë” për padi ndaj Zyrës së Rregullatorit të Energjisë e Kosovës (ZRRE) është refuzuar.

Ai njoftoi se grupi do të ankohet në Gjykatën e Apelit kundër vendimit të Themelores.

Beteja ligjore kundër vendimit të ZRRE-së për ngritjen e çmimit të energjisë vazhdon”, shkroi ai.

Rregullatori i energjisë e miratoi më 11 prill rritjen e çmimeve për tarifat e energjisë elektrike për 16.1 për amvisëri dhe biznese që kanë deri në 50 punëtorë, duke nxitur protesta.

Tarifat e reja u miratuan më 16 prill dhe u futën në fuqi më 1 maj.

Grupi “Asnjë cent më shumë” zhvilloi disa protesta gjatë kohës kur ZRRE-ja po shqyrtonte rritjen e çmimit të rrymës dhe asokohe paralajmëroi padi ndaj saj.

Ngritja e çmimit të rrymës ka çuar edhe në rritjen e çmimeve të produkteve themelore.

Çmimi prej 50 centësh për një bukë tashmë ka ndryshuar shumëkund në Prishtinë: në disa furra buka blihet për 60 centë, e në disa të tjera për 80 centë.

Në disa kafene dhe restorante të kryeqytetit të Kosovës, çmimi për një kafe është ngritur nga 1 euro në 1.5 ose në 2 euro.

Javë më parë, Institucioni i Avokatit të Popullit i kërkoi ZRRE-së t’i pezullojë vendimet për rritjen e çmimit të rrymës deri në përfundimin e hetimeve lidhur me ankesat e qytetarëve.

Sipas tij, rritja e tarifave ka ndikim të drejtpërdrejtë në të drejtat themelore të njeriut, “duke rënduar veçanërisht grupet më të cenueshme dhe familjet në asistencë sociale”.

Ndërsa, Këshilli për Mbrojtjen e të Drejtave dhe Lirive të Njeriut e kundërshtoi ashpër vendimin për rritjen e çmimit të rrymës, duke thënë se “rritja e çmimit të energjisë nuk do të mbetet rast i izoluar, por do të prodhojë rritje të çmimeve të tjera”.

ZRRE-ja argumentoi se rritja e tarifave këtë vit ishte e domosdoshme, për shkak të uljes së prodhimit të energjisë, rritjes së konsumit dhe varësisë së madhe nga importet me çmime të larta.

Kosova nuk mund ta sigurojë energjinë e nevojshme për mbi 1.6 milion banorët e saj vetëm me prodhimin nga Korporata Energjetike e Kosovës (KEK).

Një nga arsyet është vjetërsia me dekada e termocentraleve “Kosova A” dhe “Kosova B”. Prodhim ka edhe përmes burimeve të ripërtërishme, por në sasi më të vogla.

Kosova, viteve të fundit, është përballur me rritje të vazhdueshme të çmimeve të produkteve dhe shërbimeve./REL/

Continue Reading

Të kërkuara