Lajmet

Sipas Haradinajt, Kurti po e ndihmon skenarin serb për dështimin e planit franko-gjerman

Haradinaj me akuza ndaj Kurtit.

Published

4 years ago

on

Kryetari i Aleancës për Ardhmërinë e Kosovës (AAK), Ramush Haradinaj ka thënë se kryeministri Albin Kurti po e ndihmon skenarin e Serbisë për dështimin e planit franko-gjerman, për marrëveshjen finale me njohje reciproke.

Ish-kryeministri në një konferencë për media u shpreh se Kosova e pati mundësinë që ta merrte njohjen e Serbisë, por kjo sipas Haradinajt, nuk u bë pasi kryeministri Kurti nuk e pezulloi vendimin për targat.

“Serbia me satelitët e saj, skenarë e kanë dështimin e marrëveshjes, tashmë të njohur si plani franko-gjerman, që në përmbajtje ka njohjen e Kosovës nga Serbia. Në këtë skenar, për fat të keq, është kyçur dhe po e ndihmon kryeministri i Kosovës, Albin Kurti. Disa herë në të kaluarën jam betuar me thënë të vërtetën në interes të interesave tona nacionale. Dhe tani do t’i paraqes disa fakte për këtë. Në tetor, në Prishtinë dhe Beograd ka ardhur propozim marrëveshja që në përmbajtje ka njohjen reciproke Kosovë-Serbi. Përgjigjja e Kosovës nuk është se ka qenë e qartë, por reagimi i Serbisë ishte mos pajtim me këtë marrëveshje. Në fillim të nëntorit, Qeveria e Kosovës ka vendos të zbatojë vendimin për targat në veri. Ndërsa, aleati ynë më besnik, më i sigurti, Amerika, duke ditur skenarin e Serbisë që ka për qëllim dështimin e marrëveshjes apo të dialogut me zhvillimet destabilizuese në veri, i ka kërkuar kryeministrit të Kosovës dhe Qeverisë së Kosovës ta pezullojë këtë vendim deri në marrëveshje për ta mbajtur presionin në Beograd e Serbi për marrëveshjen që në përmbajtje ka njohjen”, tha Haradinaj.

Sipas tij, kryeministri Kurti ka vendosur të mos ecën në rrugën e ShBA-së, e sipas tij kjo rrugë është e paqartë.

“Albin Kurti me demagogët e vet në qeveri dhe jashtë saj ka vendosur të mos ecë rrugës që ia kërkon Amerika, por të shkojë një rruge që është e paqartë përmes vendimit për targa. Si rezultat i kësaj, Serbia, me aparatin e vet, e me duart e veta të zgjatura ka arritur sot të nxjerrë jashtë funksionit institucionet e Kosovës në veri. Dhe ka arritur ta lë Kosovën pa përfaqësim institucional në veri. Dhe ku jemi sot, si dhe çka kërkon bashkësia ndërkombëtare prej neve, me kërkesën për t’u nënshkruar marrëveshja që në përmbajtje ka njohjen, ndërsa sot i kërkohet Kosovës jo vetëm pezullimi i vendimit për targat, por edhe asociacioni. Qytetarë të Kosovës vlerësojeni vetë se i kujt është Albin Kurti dhe për cilin punon? E kam për detyrë me thënë të vërtetën çdo herë”, tha ai.

Haradinaj më tej tha se ikja prej Amerikës, është shkuarje në Moskë.

Related Topics:
Continue Reading

Vendi

Dyshohet për helmim nga ushqimi në Han të Elezit, rreth 65 persona kërkojnë trajtim mjekësor

Published

29 minutes ago

on

July 15, 2026

By

Rreth 65 persona dyshohet se janë helmuar nga ushqimi në Han të Elezit, pas konsumimit të ushqimeve në dy piceri të ndryshme.

Drejtoresha e Shëndetësisë në Komunën e Hanit të Elezit, Kimete Kuka, ka bërë të ditur se janë marrë mostra nga Instituti Kombëtar i Shëndetësisë Publike të Kosovës (IKShPK), në bashkëpunim me Inspektoratin Shëndetësor, ndërsa rezultatet ende janë duke u pritur.

Sipas saj, rastet e para me simptoma të dyshuara të helmimit janë paraqitur të hënën rreth orës 16:00, ndërsa numri më i madh i pacientëve është regjistruar nga ora 23:00 deri në orët e hershme të mëngjesit të së martës.

“Trajtim aktualisht po marrin 65 persona. Dyshohet se 65 është numri i personave të dyshuar për helmim, pasi në total janë mbi 90 persona me simptoma të ngjashme, por një pjesë e tyre dyshohet se janë me virozë”, ka deklaruar Kuka.

Tre persona janë dërguar për trajtim në Qendrën Klinike Universitare të Kosovës.

Ndërkohë, zëdhënësi i Policisë së Kosovës për rajonin e Ferizajt, Kanun Veseli, ka bërë të ditur se nga data 13 deri më 15 korrik janë trajtuar rreth 80 persona me simptoma të diarresë dhe vjelljes në Qendrën Kryesore të Mjekësisë Familjare në Han të Elezit.

Institucionet përkatëse, përfshirë IKShPK-në, janë njoftuar dhe po merren me hetimin e rastit./A.K/

Continue Reading

Rajoni

Apeli lë në fuqi dënimin me 16 vite burg për Mario Pëlleshajn për vrasjen e Martin Canit

Published

34 minutes ago

on

July 15, 2026

By

Gjykata e Apelit të Juridiksionit të Përgjithshëm ka lënë në fuqi vendimin e Gjykatës së Tiranës, duke dënuar me 16 vite burg Mario Pëlleshajn për vrasjen e të miturit Martin Cani.

Pëlleshaj është shpallur fajtor për veprën penale të “vrasjes në rrethana të tjera cilësuese” ndaj Martin Canit, si dhe për “vrasjen në rrethana të tjera cilësuese, mbetur në tentativë” ndaj Luis Meçes, i cili mbeti i plagosur.

Gjykata e Tiranës kishte caktuar fillimisht 12 vite burg për vrasjen e Martin Canit dhe 10 vite burg për tentativën e vrasjes së Luis Meçes. Pas bashkimit të dënimeve, masa përfundimtare ndaj Pëlleshajt ishte 16 vite heqje lirie, vendim që tashmë është konfirmuar edhe nga Apeli.

Ngjarja e rëndë ndodhi më 18 nëntor 2024, pas një konflikti mes të miturve që kishte nisur në shkollën 9-vjeçare “Fan Noli” në Tiranë.

Përplasja përfundoi me vdekjen e Martin Canit dhe plagosjen e Luis Meçes./euronews.al//A.K/

Continue Reading

Vendi

UBT i pari me numrin më të madh të programeve të akredituara në sektorin privat

Published

38 minutes ago

on

July 15, 2026

By

Agjencia e Kosovës për Akreditim (AKA) ka publikuar listën zyrtare të programeve të studimit të akredituara për vitin akademik 2026/2027, duke konfirmuar programet që kanë kaluar me sukses procesin e akreditimit institucional dhe programor sipas standardeve kombëtare dhe ndërkombëtare të sigurimit të cilësisë.

Sipas listës së publikuar nga AKA, UBT prin në sektorin privat me numrin më të madh të programeve të akredituara, duke dëshmuar edhe një herë përkushtimin e institucionit ndaj cilësisë akademike, zhvillimit të vazhdueshëm dhe ofrimit të programeve bashkëkohore që u përgjigjen kërkesave të tregut të punës.

Ky rezultat e forcon pozitën e UBT-së si institucioni privat lider i arsimit të lartë në Kosovë, me një gamë të gjerë programesh studimi në fusha të ndryshme, të cilat plotësojnë standardet e kërkuara të cilësisë dhe u ofrojnë studentëve mundësi për arsimim konkurrues dhe zhvillim profesional.

Publikimi i listës zyrtare nga AKA u shërben maturantëve, studentëve dhe publikut si referencë e besueshme për zgjedhjen e programeve të studimit të akredituara për vitin akademik 2026/2027.

Lista e plotë e programeve të akredituara për vitin akademik 2026/2027 mund të gjendet në këtë link: LINKU

Continue Reading

Lajmet

Zejnulla Gashi pranon detyrën e Kryeprokurorit të Shtetit, premton forcim të sundimit të ligjit

Published

2 hours ago

on

July 15, 2026

By

Zejnulla Gashi ka pranuar zyrtarisht detyrën e Kryeprokurorit të Shtetit nga ushtruesi i detyrës, Agron Qalaj, duke u zotuar se do të punojë për forcimin e sundimit të ligjit.

Pas marrjes së detyrës, Gashi tha se do të jetë kryeprokuror i të gjithë qytetarëve dhe se puna do të fokusohet në bashkëpunim dhe profesionalizëm.

“Faleminderit kolegëve për besimin e dhënë. Unë do të jem kryeprokuror i të gjithëve dhe së bashku të gjithë do të punojmë në forcimin e sundimit të ligjit”, u shpreh Gashi.

Ai u dekretua një ditë më parë nga ushtruesja e detyrës së presidentes, Albulena Haxhiu, pas propozimit të Këshillit Prokurorial të Kosovës.

Institucioni i Kryeprokurorit të Shtetit ka funksionuar me ushtrues detyre që nga viti 2023, pasi presidentja e atëhershme, Vjosa Osmani, nuk e kishte dekretuar Blerim Isufajn në këtë pozitë, duke përmendur shkelje të pretenduara në procesin e përzgjedhjes./A.K/

Continue Reading

Të kërkuara