Lajmet

Sipas gjykatës, sundimtari i Dubait ka abuzuar me ish-bashkëshorten në ‘shkallë të tepruar’

Me këtë rast i’u dha fund një beteje të gjatë ligjore mes çiftit për dy fëmijët e tyre.

Publikuar

2 vjet më parë

më

Sundimtari i Dubait abuzoi me ish-gruan e tij në një shkallë të jashtëzakonshme, kështu vendosi të enjten një gjykatës në Mbretërinë e Bashkuar, duke i dhënë fund një beteje të gjatë ligjore mes çiftit për dy fëmijët e tyre.

Abuzimi i Sheikh Mohammed bin Rashid Al-Maktoum, 72 vjeç, ndaj Princeshës Haya Bint Al Hussein, 47 vjeç, “u krye në një shkallë që është krejtësisht jashtë rrethanave të zakonshme të rasteve të dëgjuara në gjykatën e familjes në këtë juridiksion”, tha gjyqtari Andrew McFarlane.

Sheikh Mohammed “shfaqi vazhdimisht sjellje shtrënguese dhe kontrolluese në lidhje me ata anëtarë të familjes së tij që ai i konsideron se sillen në kundërshtim me vullnetin e tij”, shtoi ai në një vendim në Gjykatën e Lartë të Londrës.

Princesha Haya tani do të ketë përgjegjësinë e vetme për dy fëmijët e tyre, vajzën Jalila, 14 vjeç dhe djalin Zayed, 10, në lidhje me kujdesin e tyre mjekësor dhe shkollimin.

“Vendimi për t’i dhënë nënës përgjegjësinë e vetme për këto çështje të rëndësishme justifikohet nga nevoja për të reduktuar potencialin e dëmtimit të vazhdueshëm ndaj fëmijëve”, tha McFarlane.

Sheikh Mohammed, i cili është gjithashtu zëvendës-president dhe kryeministër i Emirateve të Bashkuara Arabe, lejohet të kontaktojë fëmijët e tyre në mënyrë indirekte, si për shembull përmes telefonatave.

Çifti u martua në vitin 2004 në martesën e dytë zyrtare të Sheikh Mohammedit. Ai u divorcua nga ajo sipas ligjit të Sheriatit në vitin 2019 pa dijeninë e saj.

Ajo dhe fëmijët e saj jetojnë në një shtëpi në Londër pranë Pallatit Kensington dhe në një pronë në perëndim të kryeqytetit që ajo trashëgoi nga babai i saj, mbreti i ndjerë Husein i Jordanisë.

Në dhjetor, ai u urdhërua t’i paguante ish-gruas dhe fëmijëve të tij rreth 550 milionë paund (725 milionë dollarë) në atë që mendohet të jetë zgjidhja më e lartë e divorcit e vendosur nga një gjykatë angleze./UBTNews/

Etiketa
Vazhdo të lexosh

Lajmet

​Kërkohet paraburgim ndaj të dyshuarit për ngacmim të vazhdueshëm seksual

Publikuar

18 orë më parë

më

10 Maj, 2024

nga

Prokuroria Themelore në Gjakovë ka marrë aktvendim për fillimin e hetimeve dhe ka paraqitur kërkesë, në Gjykatën Themelore në Gjakovë, për caktimin e masës së paraburgimit në kohëzgjatje prej 30 ditësh ndaj të pandehurit me inicialet A.D.

Sipas kërkesës së Prokurorisë, ekziston dyshimi i bazuar se i pandehuri nga muaji dhjetor i vitit 2023 e deri me datën 08 maj 2024, në Gjakovë, e ka ngacmuar seksualisht në vazhdimësi një të mitur.

“Sipas kërkesës së Prokurorisë, ndër të tjera ceket se ekziston dyshimi i bazuar se i pandehuri me inicialet A.D., nga muaji Dhjetor i vitit 2023 e deri me dt.08.05.2024, në Gjakovë, e ngacmon seksualisht në vazhdimësi personin e dobët të dëmtuarën/e mitur, në formë të sjelljes së padëshiruar verbale dhe jo verbale të natyrës seksuale me qellim të cenimit të dinjitetit, në atë mënyre që pasi që i pandehuri dhe e dëmtuara/e mitur ishin njoftuar përmes rrjeteve sociale, i dërgon mesazhe të natyrës seksuale, me të cilat veprime të dëmtuarës ia cenon dinjitetin dhe tek e njëjta krijon një mjedis i cili objektivisht është frikësues, degradues dhe poshtërues”, thuhet në njoftimin e prokurorisë.

Tutje sipas njoftimit me këto veprime formohet dyshimi i bazuar se i pandehuri ka kryer veprën penale, ngacmim seksual në vazhdimësi.

Vazhdo të lexosh

Kulturë, Lifestyle

Televizioni belg ndërpret transmetimin e Eurovisionit

Publikuar

18 orë më parë

më

10 Maj, 2024

nga

Televizioni i Belgjikës, VRT ndërpreu transmetimin e kompeticionit të këngës, Eurovision, të enjten mbrëma, për të dhënë një mesazh përmes së cilit dënon luftën e Izraelit në Gaza dhe shtypjen e lirisë së shtypit.

“Ne dënojmë shkeljet e të drejtave të njeriut nga shteti izraelit. Përveç kësaj, Izraeli po shkatërron lirinë e shtypit”, thuhet në mesazhin e transmetuar. “Prandaj, ne po bëjmë një pushim të përkohshëm nga transmetimi ynë. Tani, armëpushim”.

Thirrjet ndaj Eurovisionit për t’ia ndaluar pjesëmarrjen Izraelit, i cili tashmë ka rezervuar biletën për finalen e madhe të konkursit, janë rritur në mes të luftës në Gaza.

Eurovision i rezistoi thirrjeve për të larguar Izraelin, por i kërkoi vendit të modifikojë tekstin e këngës së tij origjinale, “October Rain”, e cila dukej se i referohej sulmit të 7 tetorit të Hamasit./UBTNews/

Vazhdo të lexosh

Kulturë, Lifestyle

Izraeli rezervon vendin në finale të Eurovisionit

Publikuar

19 orë më parë

më

10 Maj, 2024

nga

Izraeli është kualifikuar në finalen e madhe të Eurovisionit të kësaj fundjave, duke sfiduar mijëra protestues që marshonin në vendin nikoqir të Eurovisionit, Suedi, për luftën në Gaza.

Këngëtarja Eden Golan performoi këngën e saj “Hurricane” në gjysmëfinalen e dytë të së enjtes para 9 mijë shikuesve në Malmo Arena dhe rezervoi vendin e saj në finale falë votave të shikuesve./UBTNews/

Vazhdo të lexosh

Lajmet

Gjermania dënon protestat e dhunshme ndaj UNRWA-s

Publikuar

19 orë më parë

më

10 Maj, 2024

nga

Ministria e Jashtme gjermane ka dënuar protestat e dhunshme ndaj agjencisë së OKB-së për refugjatët palestinezë në Jerusalemin Lindor.

“Izraeli duhet të ofrojë mbrojtje ndaj objekteve të OKB-së dhe personelit. OKB-ja duhet t’i shërbejë mandatit të rëndësishëm në Gaza, Bregun Perëndimor dhe Jerusalemin lindor”, shkroi Ministria në platformën “X”.

UNRWA mbylli të enjten selinë e saj në Jerusalemin Lindor pasi izraelitët i vunë zjarrin zonave në skaj të kompleksit të saj.

Philippe Lazzarini, kreu i UNRWA, tha se ky ishte incidenti i dytë i dhunshëm në më pak se një javë./UBTNews/

Vazhdo të lexosh

Të kërkuara