Kulturë
Simfonia e qenieve: Një ekspozitë e diversitetit në Galerinë Kombëtare të Kosovës
Galeria Kombëtare e Kosovës hapi dje dyert për ekspozitën kolektive të titulluar “Nga Koleksioni: Kur Qeniet Takohen”, e cila sjell një pasqyrë të veprave të përzgjedhura nga 24 artistë, emra të njohur të artit pamor në periudha të ndryshme kohore.
Ky lajm është konfirmuar nga Ministria e Kulturës, Rinisë dhe Sportit e Kosovës përmes një postimi në rrjetet sociale. Ekspozita shfaq një histori të thellë dhe të ndërthurur të artit, duke e lidhur atë ngushtësisht me përfaqësimin e jetës dhe identitetit, si dhe me pozitat e njerëzve në raport me qeniet jonjerëzore.
Një nga pikënisjet kryesore të kësaj ekspozite është prezantimi i kafshëve në artin pamor për një periudhë të gjatë, duke përfshirë vepra që datojnë nga fundi i shekullit XX, të cilat janë pjesë e koleksionit të Galerisë Kombëtare të Kosovës. Këto vepra e përshkruajnë përfaqësimin e thjeshtë të kafshëve, duke i paraqitur ato në mjedise imagjinare dhe reale, dhe duke mjegulluar hierarkitë mes qenieve.
Në këtë ekspozitë, piktura e Mikel Gjokajt dhe skulpturat e Radoslav Musa Miketić-it dhe Dragoljub Adžić-it, krijojnë një dialog mes qenieve njerëzore dhe atyre jonjerëzore, duke sjellë në pah cilësi antropomorfe. Të tre artistët e referohen figurës mitologjike greke Ikarus, një simbol i ambicies dhe tragjedisë, i cili u shua pasi fluturoi shumë afër diellit, duke i shkriyer krahët prej dylli.
Ekspozita është kuruar nga Hana Halilaj dhe Shkamb Jaka, të cilët kanë bërë një punë të shkëlqyer në organizimin e këtij evenimenti që mbledh artin dhe emocionet, duke ftuar vizitorët të eksplorojnë marrëdhënien komplekse mes qenieve, qoftë ato njerëzore apo jonjerëzore.
Ky event përbën një mundësi të shkëlqyer për dashamirësit e artit për të reflektuar mbi rolin e kafshëve në art dhe jetën tonë, duke u thelluar në një botë ku artin e ndërlidhim me natyrën dhe identitetin tonë si njerëz./UBTNews
Ministri i Kulturës, Hajrulla Çeku, e ka cilësuar si një emocion të veçantë mbrëmjen artistike të Filharmonisë dhe Operës së Kosovës, ku u dha premiera e veprës “La Tempesta sul Lago” nga Domenico Bartolucci.
Nën drejtimin e mjeshtrit italian Jacopo Sipari di Pescasseroli, solistët Besa Llugiqi, Ivana Hoxha, Carlos Cardoso dhe Biagio Pizzuti ofruan një përvojë të paharrueshme, ndërsa koret e përgatitura nga Hajrullah Syla shtuan emocion dhe fuqinë e performancës.
Ky koncert paraprin prezantimin e Filharmonisë dhe Operës së Kosovës në Romë më 23 nëntor.
“Ishte një mbrëmje që tregon fuqinë dhe nivelin e artistëve e institucioneve tona kulturore dhe na mbush me krenari,” tha Ministri Çeku. /A.Z/UBT News/
Galeria e Artit Tiranë ka prezantuar një koleksion të veçantë qilimash tradicionalë dhe bashkëkohorë në ekspozitën “Qoftë e shëndetshme dora që krijon – Arti i qilimave: Azerbajxhan & Shqipëri”.
Ekspozita sjell në fokus traditën e endjes përmes historive, teknikave dhe mjeshtërisë së artizanëve që ruajnë e po ashtu e përcjellin këtë trashëgimi të rëndësishme kulturore.
Qilimat shumëngjyrësh paraqiten si një pikëtakim mes kulturave shqiptare dhe azerbajxhanase, ndërsa artizanët e të dy vendeve ndajnë punimet dhe përvojat e tyre, duke treguar pasionin që kalon brez pas brezi.
Ky dialog artistik do të qëndrojë i hapur për publikun deri më 20 janar 2026.
Ekspozita, e kuruar nga Edit Pula dhe Azerkhalcha, përfaqëson një bashkëpunim të rëndësishëm mes Galerisë së Artit Tiranë dhe kompanisë azerbajxhanase Azerkhalcha, i cili nisi nëntë muaj më parë me mbështetjen e Ambasadës së Azerbajxhanit. /A.Z/UBT News/
Në edicionin e radhës të programit “Në bisedë / In Conversation”, Heritage Space mirëpret për herë të parë në Prishtinë shkrimtaren dhe dramaturgen shqiptaro-amerikane Ledia Xhoga.
Ajo do të zhvillojë një diskutim me shkrimtaren dhe përkthyesen Doruntina Vinca, i cili do të fokusohet në romanin e saj të parë, “Keqkuptimi”, i nominuar në listën e gjatë për Booker Prize 2025.
Romani “Keqkuptimi” trajton trashëgimitë e errëta familjare dhe të vendlindjes, si dhe kufirin delikat mes dhembshurisë dhe vetëmbrojtjes.
Në qendër të ngjarjes është një përkthyese shqiptare në Nju Jork, qnjë përfshihet në historinë e një të mbijetuarit të torturave në Kosovë.
Duke u përballur me makthet e klientit e përpjekjet për t’i ndihmuar të tjerët, nis të përjetojë ringjalljen e kujtimeve të mohuara prej kohësh.
Ledia Xhoga, e lindur në Tiranë dhe aktualisht me banim në Bruklin dhe Catskills, ka fituar me këtë roman New York City Book Award, ndërsa është finaliste edhe për Center for Fiction First Novel Prize. Shkrimet e saj janë botuar në platforma prestigjioze si Electric Literature, Lit Hub, Brooklyn Rail, Large Hearted Boy, Intrepid Times, Hobart dhe revista të tjera letrare.
Doruntina Vinca—shkrimtare, hulumtuese dhe përkthyese nga Prishtina, me bazë në Tiranë notohet për punën e saj mbi gjuhën, letërsinë feministe dhe mënyrat se si teksti krijon forma të reja të shpërndarjes së dijes.
Ngjarja organizohet në kuadër të platformës Heritage Space, e zbatuar nga CHwB Kosova, e mbështetur nga Qeveria Suedeze, duke ofruar mundësi të veçantë për publikun me një nga zërat më të rëndësishëm të letërsisë bashkëkohore shqiptaro-amerikane. /A.Z/UBT News/
Në kuadër të temës “Personalitete të shquara” dhe në shënim të Ditës Ndërkombëtare të të Drejtave të Fëmijëve, Posta e Kosovës ka lëshuar sot në qarkullim një emision të ri pullash postare, i dedikuar dy prej figurave më të rëndësishme të letërsisë shqipe për fëmijë: Rifat Kukajt dhe Ymer Elshanit.
Rifat Kukaj (1938–2005) ishte mësues, poet dhe dramaturg, i njohur për stilin e thjeshtë, por të ngarkuar me emocione dhe simbolikë.
Ai krijoi një botë të veçantë letrare për fëmijët, duke lënë pas vepra të paharrueshme si: “Xhuxhi nga Taxhuxhi”, “Lepuri me pesë këmbë”, “Bardhi e Mirushja”, “Rrasa e zogut”, “Shkrepi i diellit”, “Vjollca magjike” dhe shumë poezi të tjera.
Ymer Elshani (1948–1999) ishte poet, prozator dhe kritik letrar, i cili krijoi edhe në fushën e letërsisë për fëmijë, duke sjellë një botë të pasur imagjinare dhe ide të ndjeshme.
Ndër veprat e tij më të njohura renditen: “Çka ëndërrojnë lulet”, “Plaku me violinë”, “Unaza magjike”, “Ndodhitë e hundëkarotës” dhe “Guri i çmueshëm”. Ai u nda nga jeta si martir gjatë luftës në Kosovë, ndërsa pas përfundimit të saj, e bija, Teuta Elshani, botoi disa nga dorëshkrimet e tij të mbetura.
Ky emision i ri i pullave postare vjen si një nderim për kontributin e tyre të jashtëzakonshëm në letërsinë për fëmijë dhe për pasurimin e kulturës shqiptare.
Sekuestrohen rreth 120 kg drogë, arrestohet shoferi i autobusit
Mbrëmje historike e Filharmonisë së Kosovës, performancë e fuqishme
Samsung po punon për syzet e para XR me lente Transitions
Kos: Evropa nuk mund të jetë e sigurt pa Ballkanin Perëndimor
Një pilulë, një rrezik, mos vozitni nën ndikimin e barnave!
12 vjet pa kontakt, Greer Grammer flet për babain e saj
Hani këto fruta në mëngjes dhe ndjeni fuqinë e stomakut bosh
Për dy ditë, niveli i ujit në Badovc u rrit për 1.3 metra, në Batllavë për 1.4
Punëtorët e Postës nga e hëna në grevë, kërkojnë rritje pagash dhe kushte më të mira
-
Lajmet3 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet4 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi3 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën