Lajmet

Siguria e fëmijëve, nga sot në disa rrugë në kryeqytet do të ndalohet qarkullimi i mjeteve motorike

Komuna përmes një postimi njoftoi se do të krijojnë një mjedis më të sigurt dhe të këndshëm për fëmijët.

Published

3 years ago

March 16, 2023

Betim Gashi

Komuna e Prishtinës ka bërë të ditur se ngas 16 marsi nis projekti që synon krijimin e rrugëve më të sigurta për fëmijët në kryeqytet.

Komuna në një postim në Facebook shkruan se nëpërmjet projektit “Rrugët për Fëmijë” do të krijojnë një mjedis më të sigurt dhe të këndshëm për fëmijët në hapësirat përreth shkollave të tyre.

“Pas disa muajsh analizë, matje, projektim, planifikim e takime me qytetarë, ju njoftojmë se punimet do të fillojnë të enjten, më datë 16 mars 2023, duke nisur me hapësirat përreth Sh.F.M.U ‘Elena Gjika’”, thuhet në njoftim.

Nga kjo ditë, rruga që prej Bulevardit ‘Zejnel Saliu’, nga udhëkryqi i rrugës ‘Emin Duraku’, deri te kryqëzimi me rrugën ‘Ernest Koliqi’, do të mbyllet përherë për qarkullimin e mjeteve motorike.

“Sigurisht, me përjashtim të veturave të emergjencës, zjarrfikësve dhe veturave të policisë, veturave zyrtare dhe ato të parapara me ligj – për të cilat do të ketë pistona lëvizës që mundësojnë qarkullimin në raste emergjente”, thuhet në njoftim.

“Ne besojmë se me këto intervenime mund të bëjmë një ndryshim të rëndësishëm në jetën e banorëve tanë më të rinj, dhe të njëjtin koncept do ta aplikojmë edhe në rrugët tjera përreth të gjitha shkollave të kryeqytetit. Siguria e fëmijëve është prioriteti ynë”, thuhet ndër të tjera në komunë.

Related Topics:prishtina kryeqytet qarkullimi i mjeteve

Up Next

Rohde: Nëse ka rezutat ideal në dialog, do të ketë shtete mosnjohëse që do ta njohin Kosovën

Don't Miss

Bruto Produkti Vendor shënoi rritje në tremujorin e katërt të 2022-ës

Lajmet

Vazhdon sot seanca gjyqësore ndaj ish-kryeshefit të KEK-ut, Nagip Krasniqi

Published

7 minutes ago

October 16, 2025

UBTnews

Këtë të enjte, nga ora 9:30, pritet të mbahet seanca e radhës gjyqësore ndaj ish-kryeshefit të Korporatës Energjetike të Kosovës (KEK), Nagip Krasniqi, i akuzuar për keqpërdorim të detyrës zyrtare.

Krasniqi shkoi në Gjykatën e Prishtinës për t’u përballur me akuzat e Prokurorisë Speciale të Kosovës (PSRK), që sipas saj, ai i ka shkaktuar KEK-ut dëm prej 3 milionë eurosh për shkak të tregtimit të energjisë elektrike me kompaninë sllovene “Holding Slovenske Elektrane”, e cila nuk ka qenë e licensuar në Kosovë.

Dëshmitari i paraparë nga PSRK, Skender Muqolli, i cili duhej të dëshmonte më 14 tetor, nuk u paraqit fare në gjykatë për arsye shëndetësore.

Gjyqtari Arben Hoti njoftoi se nuk ishte paraqitur asnjë provë që të mbështeste këtë pretendim, por sipas tij, zyra e tij e kishte kontaktuar Muqollin, i cili kishte pohuar pretendimin përmes telefonit.

Për shkak të mungesës së dëshmitarit, seanca u shty dhe pritet të vazhdojë sot, më 16 tetor.

Në seancën e shqyrtimit fillestar të mbajtur më 8 tetor 2025, Krasniqi nuk e kishte pranuar fajësinë për akuzën e keqpërdorimit të detyrës zyrtare./EO

Lajmet

Bastiset një shtëpi në Leposaviq, gjenden emblema dhe jelek i ushtrisë serbe

Published

10 minutes ago

October 16, 2025

UBTnews

Një person është arrestuar pasi në shtëpinë e tij janë gjetur dhe konfiskuar armë, predha, këmisha me emblema të policisë serbe dhe një jelek i ushtrisë serbe.

Sipas raportit të Policisë së Kosovës në shtëpinë e të dyshuarit janë gjetur: një AK47,55 fishekë, një bajonetë, një predhë e fishekut, dy këmisha me emblema te policisë serbe, një jelek i ushtrisë serbe.

Pas intervistimit, me vendim të prokurorit i dyshuari është liruar në procedurë të rregullt.

“Fsh.Mikinic, Leposaviq 15.10.2025-14:30. Raportohet se gjatë bastisjes në shtëpinë e të dyshuarit mashkull kosovar, janë gjet dhe konfiskuar: një AK47,55 fishekë, një bajonetë, një predhë e fishekut, dy këmisha me emblema te policisë serbe, një jelek i ushtrisë serbe. I dyshuari është arrestuar dhe pas intervistimit me vendim të prokurorit lirohet në procedurë të rregullt”, thuhet në raportin e Policisë së Kosovës./KP

Lajmet

Dogana sekuestron telefona të rinj të padeklaruar në Prishtinë

Published

11 minutes ago

October 16, 2025

UBTnews

Dogana e Kosovës ka njoftuar se gjatë kontrollit në një subjekt ekonomik në Prishtinë, në një nga bodrumet e objektit është gjetur një kasafortë e mbuluar me pako, e cila pas hapjes ka rezultuar të përmbajë një sasi të konsiderueshme telefonash të rinj të padeklaruar.

Pala nuk ka ofruar asnjë dokumentacion për origjinën e mallit, transmeton KosovaPress.

Sasia e gjetur dhe sekuestruar është si vijon:

19 copë telefona mobil të mençur SAMSUNG GALAXY A26 5G
21 copë telefona mobil të mençur SAMSUNG GALAXY A16
1 copë tablet SAMSUNG GALAXY TAB A9+ 5G

Në total janë sekuestruar 41 pajisje të reja elektronike. Sekuestrimi është kryer në përputhje me procedurat ligjore, duke u plotësuar dokumentacioni përkatës.

Dogana e Kosovës thotë se do të vazhdojë me procedurat administrative dhe hetimore lidhur me këtë rast. Kontrolli i tregtisë ilegale dhe mbrojtja e tregut të brendshëm nga mallrat e padeklaruara mbeten ndër prioritetet kryesore të institucionit./D.B/KP