Një film që filloi 20 vite më parë me një “thriller modest’, por u shndërrua në telenovelën më të pëlqyer, e ka përfaqësuar në mënyrë të përkryer mënyrën se si ka ndryshuar kinemaja.
Filmi “Fast and Furious” i vitit 2001 u bë një nga filmat që u pëlqyen më së shumti nga gjithë bota. Filmi i garave me makina ka arritur të ndryshojë edhe rrjedhën e kinematografisë duke u bërë një nga filmat që thyen rekord në historinë e kinematografisë.
Edhe 20 vjet pas ky film mbetet një prej filmave që nuk rresht së krijuari pjesë të reja, ku deri më tani janë realizuar nëntë filma, shkruan BBC.
Për më tepër, pasi është transformuar vazhdimisht në vetvete, kjo ka pasqyruar mënyrën në të cilën prodhimi i filmit është zhvendosur dhe ka evoluar në shekullin 21.
Këtë javë do të shfaqet në SHBA dhe Britani pjesa e fundit e këtij filmi “The Fast Saga” i cili mbase edhe përfaqëson kulmin e shtrirjes së këtij filmi.
Seria e parë ë këtij filmi u krijua nga leximi i një artikulli të regjisorit Rob Cohen të vitit 1998 në revistën amerikane Vibe, duke detajuar qarkun e paligjshëm të garave në rrugë të New York City dhe që nga krijimi i tij, kinematografia amerikane vendosën që të prodhojnë më shumë filma të zhanrit aksion.
Me rekordin e shikueshmërisë të pjesës së parë të “Fast and Furious” kjo normalisht edhe pati numër të madh të fitimesh dhe nxiti menjëherë kastin që t’i përveshën punës në realizimin e pjesës së dytë të tij. Duke pasur në kryeqendër garën me makina ky film korri shumë suksese në të gjithë botën në secilin sezon të tij, transmeton tutje KultPlus.
Me historinë komplekse të garave me makina, kthesave të shumta, dhe sfidave të rrezikshme, ky film në vete nxit dramaticitetin dhe entuziazmin tek secili shikues. Po ashtu ky film ka marrëdhënie jashtëzakonisht të fortë metatekstuale me figurat.
Çfarë e ka bërë këtë film të suksesshëm në atë mënyrë që askush nuk e ka imagjinuar 20 vite më parë? Mbase nuk është thjeshtë veprimi. Është për shkak se ajo ka mbajtur një konstante dhe më këmbë në tokë ndryshe prej bashkohësit.
Me gjithë suksesin e sezonit të nëntë kjo nuk do të thotë që më në fund, nuk rrezikon të frymëzojë të njëjtën lodhje të ekskluzivitetit që kanë shumë filma të tjerë.
E nëse seritë e këtij filmi vazhdojnë edhe për 20 vite të tjera suksesin do ta mbajë vetëm për shkak të cilësive të thjeshta, marifetet e shumta, tentimeve për shpëtim të botës dhe shfaqjeve të forcës hekuruliane. / KultPlus
Një film i ri në Netflix tregon historinë më pak të njohur të një oficeri policie indian, i cili kapi vrasësin famëkeq, jo një herë, por dy herë. Historia e vrasësit serial francez Charles Sobhraj është i portretizuar në dramën BBC, Netflix “The Serpent”.
Inspektori Zende luan rolin kryesor të policit, aktori i Bollywood-it Manoj Bajpayee, ndërsa aktori Jim Sarbh luan Sobhraj por i riimagjinuar si Carl Bhojraj.
Filmi zhvillohet gjatë tre jave në vitin 1986, ndërsa polici dhe krimineli luajnë një lojë maceje me miun.
Publikimi i këtij filmi e ka rikthyer Zende i cili ka një rol të shkurtër në film si “OG”, ose Inspektori Zende origjinal./S.K/EO/
Sezoni i parë i “Squid Game” ka rezultuar shumë i suksesshëm, dhe sot për adhuruesit e filmave kemi një lajm të rëndësishëm.
Pavarësisht largimeve të shumë personazheve të preferuar gjatë këtij sezoni, krijuesi dhe regjisor Hwang Dong-hyuk ka zbuluar se cilët lojtarë do të kthehen.
“U deshën 12 vjet për të sjellë në jetë sezonin e parë të “Squid Game”, por u deshën 12 ditë që “Squid Game” të bëhej seriali më i popullarizuar i Netflix-it ndonjëherë,” tha Hwang në një deklaratë.
Ai shtoi: “Si shkrimtar, regjisor dhe producent i “Squid Game”, kam një thirrje të madhe për fansat në mbarë botën. Faleminderit që e shikoni dhe e doni shfaqjen tonë.”
Këtu është gjithçka që dimë deri tani për sezonin e dytë të “Squid Game”: Cila do të jetë historia e sezonit të dytë?
Para konfirmimit të këtij sezoni, Hwang përmendi se seriali mund të kishte përfunduar edhe me një sezon, duke sugjeruar se “u mbyll me fund të hapur.” Megjithëse nuk zbuloi detaje specifike, ai konfirmoi një pikë të rëndësishme të komplotit që sezoni i dytë do të eksplorojë.
“Seong Gi-hun është bërë një person i ri deri në fund të sezonit të parë, kështu që i dyti do të përqendrohet në atë çfarë bën Gi-hun i ri, si shpalosen ngjarjet me këtë lloj personazhi,” zbuloi ai.
A ka një trailer për sezonin e dytë të “Squid Game”?
Në muajin e kaluar, Netflix publikoi trailer-in për sezonin 2, që hapet me Gi-hun, i cili është kthyer me kostumin e tij të gjelbër 456 dhe është i rrethuar nga të gjithë lojtarët e rinj. Ata të gjithë bëjnë rrugën e tyre drejt dritës së kuqe, arenës së dritës jeshile, ku ai paralajmëron turmën të qëndrojë plotësisht e qetë./UBTNews/
Stability AI njoftoi të martën se James Cameron, regjisori i filmave “Titanic” dhe “The Terminator”, i është bashkuar bordit të startup-it të inteligjencës artificiale.
Rritja meteorike e inteligjencës artificiale gjeneruese ka tërhequr vëmendjen e Hollivudit në një kohë kur kostot e prodhimit janë rritur. Drejtuesit dhe agjentët e Hollivudit u takuan me kompaninë për të diskutuar përdorimet e mundshme të teknologjisë, thonë burimet e brendshme të industrisë.
Emërimi i Cameron e afron Stability AI më afër qëllimit të saj për të “transformuar median vizuale” duke u ofruar krijuesve një portofol të plotë të mjeteve të AI, tha CEO Prem Akkaraju.
Stability AI që ndodhet në Londër, e cila mblodhi rreth 80 milionë dollarë fonde në fillim të këtij viti, prodhon një mjet për gjenerimin e imazheve të inteligjencës artificiale që rivalizon ato të prodhuara nga Alphabet’s./UBTNews/
Regjisorja Sam Taylor-Johnson nuk deshi që drama e saj biografike për këngëtaren dhe tekstshkruesen e ndjerë, Amy Winehouse, të jetë e ngjashme sikurse dokumentari fitues i Oscarit që u realizua nga Asif Kapadia.
“Ndjeva se duhet të realizoja diçka ndryshe nga ai dokumentar. Doja ta realizoja nga një këndvështrim tjetër dhe këndvështrimi më i mirë ishte që ta realizoja rrëfimin përmes muzikës së saj”, deklaroi regjisorja për filmin “Back to Black”.
Filmi i shpërndarë nga Focus Features, flet për edukimin e Winehouse në një familje hebreje, karrierën e saj, romancat – dhe varësinë që do të çonte në vdekjen e saj.
Derisa kritikat e filmit kanë qenë jashtëzakonisht negative në Mbretërinë e Bashkuar dhe Irlandë deri më tani, shumë besojnë se aktorja kryesore Marisa Abela, e cila portretizon Winehouse, dha një performancë të suksesshme.
“Ka momente kur Abela zhduket dhe Winehouse shpërthen në ekran, si një pamje magjike e syrit që vezullohet kalimthi në fokus”, shkroi kritikja Wendy Ide e The Guardian.
“Por filmi është jashtëzakonisht i pabarabartë dhe i prirur për gjykime të gabuara katastrofike”, shtoi ajo.
Aktorja kryesore kaloi 12 muaj duke tentuar të kapte çdo aspekt të Winehouse.
“Ka kaq shumë versione të ndryshme të Amyt, dhe kjo është pothuajse sikur, sa më shumë të dini, aq më pak dini, sepse ajo është artiste aq e madhe dhe gjithëpërfshirëse”, tha Abela./UBTNews/