Lajmet

Si trajtohet lia e majmunit?

Administrata amerikane e Ushqimit dhe Barnave nuk ka miratuar asnjë terapi posaçërisht për trajtimin e lisë së majmunit.

Published

on

Ndërsa lia e majmunit po vazhdon të përhapet në shumë vende të botës, shumica e njerëzve që u prekën nga kjo sëmundje kishin simptoma të lehta dhe nuk nuk kishin nevojë për ndonjë trajtim specifik.

“Për shumicën e njerëzve, simptomat ishin kryesisht të lehta, por mund të shëroheshin lehtë – ndonëse mund të marrë shumë kohë”, deklaroi William Schaffner, profesor i mjekësisë në Shkollën e Mjekësisë në Universitetin Vanderbilt.

Administrata amerikane e Ushqimit dhe Barnave nuk ka miratuar asnjë terapi posaçërisht për trajtimin e lisë së majmunit. Por Qendrat Amerikane për Kontrollin dhe Parandalimin e Sëmundjeve po e vënë në dispozicion ilaçin antiviral tecovirimat gjatë shpërthimit dhe thotë se mund të përdoret për pacientët me linë e majmunit, që kanë ose janë në rrezik të lartë të sëmundjes së rëndë.

Të dhënat mbi numrin e pacientëve në këtë kategori janë të limituara. Por Dr.Mary Foote, drejtor mjekësor  i Zyrës së Përgatitjes dhe Reagimit në Departamentin e Shëndetit dhe Higjienës në qytetin e New York-ut, tha javën e kaluar se përqindja e rasteve me linë e majmunit në qytet ishte më e lartë sesa që pritej. Foote tha se ofruesit atje kanë filluar trajtimin me tecovirimat për “afër 70 pacientë” dhe numri i rasteve të konfirmuara në qytet në atë kohë ishte në 336.

Vaksinimi mund të parandalojë ose zvogëlojë rrezikshmërinë

Sipas CDC, lia e majmunëve mund të përhapet nga personi në person në mënyra të ndryshme.

Vaksina Jynneos është e vetmja vaksinë që është miratuar në Shtetet e Bashkuara të Amerikës për trajtimin e lisë së majmunit. Edhe një vaksinë kundër lisë së majmunit, e njohur sikurse ACAM2000 është miratuar dhe mund të përdoret gjatë shpërthimit.

CDC thotë se vaksinimi mund të rekomandohet për njerëzit që janë në kontakt të ngushtë me dikë që kishte linë e majmunit, ata që mund të jenë ekspozuar ndaj virusit dhe ata që janë në rrezik të lartë të ekspozimit, si disa profesionistë shëndetësorë dhe punonjës laboratori./UBTNews/

Lajmet

Kërkohet paraburgim për katër persona të arrestuar në Vushtrri

Published

on

By

Prokuroria Themelore në Mitrovicë ka kërkuar caktimin e paraburgimit për katër persona të arrestuar në një operacion të zhvilluar më 21 shtator në Vushtrri dhe fshatin Ropicë.

Të pandehurit Rr.G., A.G., dhe E.G. dyshohen për veprën penale “Detyrimi”, ndërsa K.G. për “Lëndim i lehtë trupor” dhe “Arratisja e personave të privuar nga liria”.

Gjatë operacionit, janë sekuestruar armë zjarri, fishekë, pajisje elektronike dhe dokumente të ndryshme. Të arrestuarit ndodhen në ndalim 48-orësh, ndërsa seanca për caktimin e masës së paraburgimit pritet të mbahet në Gjykatën Themelore në Mitrovicë – Dega Vushtrri.D.B/EO

Continue Reading

Aktualitet

Profesori Alban Kuriqi renditet në mesin e shkencëtarëve më të mirë në botë sipas Stanford/Elsevier 2025

Published

on

Universiteti prestigjioz Stanford dhe shtëpia botuese shkencore Elsevier, në renditjen ndërkombëtare “World’s Top 2% Scientists” për vitin 2025, kanë përfshirë sërish Prof. Alban Kuriqin ndër shkencëtarët më me ndikim në botë, duke e përfaqësuar denjësisht UBT-në.

Profesori Kuriqi ka arritur renditjen më të lartë në Kosovë dhe në të gjithë hapësirën shqiptare, me një diferencë të dukshme krahasuar me studiuesit e tjerë, si në kategorinë e ndikimit për një vit të vetëm (2024), ashtu edhe në kategorinë e ndikimit shkencor gjatë gjithë karrierës.

Ky vlerësim dëshmon reputacionin gjithnjë në rritje të UBT-së si një universitet lider në mësimdhënie dhe kërkim shkencor, duke e pozicionuar atë në pararojë të ekselencës akademike dhe inovacionit në rajon.

Renditja e Stanford/Elsevier bazohet në një analizë të gjerë të citimeve shkencore, ndikimit të kërkimit dhe kontributit në karrierë në të gjitha fushat. Përfshirja në 2% më të mirët konsiderohet një nga arritjet më prestigjioze në botën akademike, e rezervuar për studiuesit puna e të cilëve formëson njohurinë dhe praktikat shkencore globale.

Kontributet e Prof. Kuriqit përfshijnë fusha si inxhinieria civile, menaxhimi i burimeve ujore, energjia e rinovueshme dhe përshtatja ndaj ndryshimeve klimatike, me punime që janë cituar dhe vlerësuar gjerësisht në nivel ndërkombëtar për ndikimin e tyre në zhvillimin e qëndrueshëm.

Continue Reading

Lajmet

​Real Madridi bojkoton sërish galanë e Topit të Artë

Published

on

Real Madridi nuk do të marrë pjesë në ceremoninë e ndarjes së çmimeve “Topi i Artë 2025”, e cila zhvillohet sonte në Teatrin Chatalet të Parisit.

Vendimi vjen si pasojë e qëndrimit të prerë të presidentit Florentino Perez, i cili ka ndërhyrë personalisht për të refuzuar çdo prani të klubit në këtë ngjarje.

Sipas “The Athletic”, ky bojkot është i dyti radhazi nga ana e madrilenëve.

Vitin e kaluar, Perez vendosi të mos marrë pjesë pasi mësoi paraprakisht se Vinicius Jr. nuk do ta fitonte çmimin kryesor, i cili në vend të tij iu dha Rodrit. Edhe këtë herë, pavarësisht nominimeve të shumta, Real Madridi nuk do të ketë përfaqësim zyrtar në gala.

Perez dyshon se vendimi i vitit të kaluar ishte i ndikuar nga qëndrimi i UEFA-s, për shkak të mbështetjes së Real Madridit ndaj projektit të Superligës Evropiane.

Si pasojë, sezonin e kaluar klubi nuk pranoi as çmimet e Trajnerit të Vitit dhe Klubit të Vitit.

Edhe pse disa zëra brenda klubit shprehin zhgënjim për këtë qëndrim të ashpër, Perez mbetet i vendosur. Kështu, në Paris nuk do të jenë të pranishëm as përfaqësues të klubit, as lojtarët e nominuar: Vinicius Jr., Jude Bellingham dhe Kylian Mbappe për “Topin e Artë”, Thibaut Courtois për trofeun Yachine dhe Dean Huijsen për trofeun Kopa.

Ceremonia e “Topit të Artë 2025” nis sonte në orën 20:00 në kryeqytetin francez./S.K/KP/

Continue Reading

Lajmet

Uji nga Badoci vazhdon të jetë i papijshëm

Published

on

By

Kompania Rajonale e Ujësjellësit “Prishtina” ka ripërsëritur thirrjen që qytetarët, të cilët furnizohen me ujë nga Liqeni i Badocit, të mos e përdorin ujin për pije për shkak të gjendjes aktuale me fenomenin “Mangan”.

Në njoftim thuhet se Instituti Kombëtar i Shëndetësisë Publike të Kosovës (IKSHPK), ka theksuar se ndotja e ujit me mangan është ndotje kimike dhe se vlimi i ujit nuk e eliminon manganin.

“Uji mund të përdoret vetëm për pastrim, mirëmbajtjen e higjienës personale dhe të ambienteve të banimit”, thuhet në njoftim.

IKSHPK ka sforcuar kontrollin e cilësisë së ujit të pijshëm si dhe bashkëpunimin me KRU Prishtinë për të siguruar ujin cilësor për qytetarët.

“KRU ‘Prishtina’ Sh.A. ka ndërmarrë menjëherë masat e nevojshme: Zvogëlimin e sasisë së prodhimit për të ruajtur cilësinë e furnizimit, intensifikimin e proceseve të shpëlarjes së rrjetit shpërndarës, përfshirë edhe gypat magjistral dhe sekondar”, thuhet më tej në njoftim.

Gjithashtu, për të siguruar furnizim të pandërprerë me ujë të pijshëm për zonat e prekura (sipas hartave të prezantuara), KRU “Prishtina” ka thënë se do të ofrojë ujë përmes autoboteve, në përputhje me orarin e përcaktuar dhe të prezantuar nga kompania./D.B/EO

Continue Reading

Të kërkuara