Kuriozitete

Si t’i zgjidhni problemet në punë në vend që ta lini atë?

Published

4 years ago

on

Ndoshta dikur e gjetët punën e ëndrrave. Më në fund u ndjetë sikur ishit rehat për gjithë jetën, por gjërat ndryshuan. Pas disa kohësh që filluat punën bashkëpunëtori juaj, të cilin e kishit edhe mentor u largua në një vend tjetër. Në vend të tij erdhi dikush tjetër i cili nuk iu kushtonte shumë kujdes e vazhdon të mos iu kushtojë, madje përkundrazi është gjithmonë kritikues. Pra, puna aktuale, nga një punë e ëndrrave u kthye në makth të vërtetë.

Në të tilla rrethana gjëja e vetme që iu shkon më mend është të largoheni nga puna. Por nganjëherë nuk është kaq e thjeshtë. Nganjëherë mungesa e përvojës së madhe iu bën që të mos gjeni punë edhe aq lehtë dhe faturat e shpenzimeve “thërrasin” për t’u paguar.

Cilado qofshin arsyet që ju bëjnë të qëndroni edhe më tutje në një punë që nuk e pëlqeni aspak, mund të bëni diçka që ta përmirësoni të paktën në disa gjëra.

Hidhni në pah se çfarë ju pëlqen dhe çfarë jo!

Gjëja e parë që duhet ta bëni është të uleni dhe ta bëni një listë me gjërat që nuk ju pëlqejnë në atë punë! Përpiquni që të gjeni probleme specifike, sepse sado që mund ta urreni atë punë nuk do të thotë që të gjitha gjërat ju shkojnë keq.

Pas kësaj listoni edhe gjërat që i doni në këtë punë! Ndoshta është shefi, ndonjë nga kolegët apo edhe detyrat e punës.

Kthehuni përsëri të gjërat që nuk i pëlqeni! A mund ta zgjidhni ndonjërën prej tyre? Shumica e situatave nuk janë edhe aq të pashpresa si duken. Për shembull, nëse keni ndonjë problem me shefin, uluni dhe diskutoni me të! Por paraprakisht ndaluni dhe shihni situatën objektivisht, secila histori i ka dy anët e medaljes. Mbase problemi mund të jeni ju. Diskutimi mund t’ua ndryshojë lidhjen tuaj.

A jeni të palumtur me vetë punën? Ndonjëherë nuk po bëni gjërat për të cilat jeni marrë vesh në fillim. E nëse po bëni punë të cilat në fakt as që ju interesojnë dhe për të cilat as që pyeteni, duhet që të flisni për këtë! Mos e lini punëdhënësin që ta përkufizojë karrierën tuaj!

A po ngulfateni me sasinë e punëve që po bëni? Ndaluni dhe mendoni që pasja e shumë përgjegjësive nuk është patjetër gjë e keqe! Shefi ndoshta ua ka dhënë ato detyra, sepse e din që mund t’i menaxhoni mirë.

Pas kësaj konsiderojeni listën në të cilën i keni shënuar gjërat që ju pëlqejnë! Përpiquni të bëni më shumë punë të cilat ju pëlqejnë. Gjithmonë punët që punonjësit i duan më shumë i bëjnë më mirë, kështu që performanca e tyre do të vërehet nga punëdhënësi.

A po kërkoni për më shumë?

Njerëzit nganjëherë thonë që janë lodhur nga punët e tyre. Ata ndihen sikur mund të mbajnë më shumë përgjegjësi sesa që u ka dhënë shefi. Shprehni interesim në ndonjë projekt që mendoni që mund ta menaxhoni mire! Gjeni mundësi vullnetare në të cilat mund t’i shfaqni aftësitë tuaja! Në këtë mënyrë do ta ngjallni edhe vëmendjen e shefit, por edhe në qoftë se kjo nuk ndodhë, do të përfitoni përvojë dhe do ta bëni CV-në tuaj më të pasur.

Duke i ndjekur këto sugjerime nga Akademi Pune, do të keni mundësinë që ta “rregulloni” vendin tuaj të punës. Në fund të fundit, nëse u ka ardhur në mendje që ta lini punën, më mirë është që t’i shteroni të gjitha mundësitë. Nuk keni asgjë për të humbur.

Related Topics:
Continue Reading

Kuriozitete

Pse bllokohen veshët në avion? Ja si ta zgjidhni këtë problem

Published

4 days ago

on

May 28, 2025

By

Nuk ka rëndësi se pse po e bëni udhëtimin e radhës! Mund të jenë pushimet, udhëtim pune apo çështje tjetër, me siguri që ka fenomen me të cilin jeni përballuar sa herë që keni bërë udhëtime të tilla: bllokimi i veshëve apo ajo që nga auditologët quhet “veshi i avionit”.

Ndryshe quhet “barotrauma e veshit”, veshi i avionit është zhurma e dhimbshme e veshit që ndodh kur avioni është në ngjitje ose zbritje. Nëse për disa persona kjo është një ndjesi irrituese, për të tjerë është shqetësim që zgjat edhe pas daljes nga avioni.

Për të shmangur fluturimet, auditologia Sarah Lundstrom shpjegon më shumë rreth këtij fenomeni.

Çfarë është “veshi i avionit”?

“Kjo ndodh kur “veshi mbyllet për shkak të ndryshimeve të presionit të ajrit gjatë fluturimit,” shpjegon mjekja Lundstrom. Lajmi i mirë është se ndërkohë që kjo gjendje krijon njëfarë shqetësimi, kjo nuk dëmton daullet e veshit tuaj.

Pse kumbojnë veshët në avion?

Arsyeja pse përjetoni dhimbje veshi gjatë udhëtimeve me avion është për shkak të ndryshimit të presionit të ajrit. “Kur ka një ndryshim në presionin e ajrit të jashtëm, kjo shkakton shtyrjen e daulles së veshit dhe mbylljen e tubit eustachian,” shton mjekja.

Si ta parandaloni si fenomen?

Sipas mjekes Lundstrom, mund të përtypni çamçakëz ose mbani karamele gjatë fluturimit për të ndihmuar në mbajtjen e “veshit të mesëm dhe tubit eustachian në lëvizje dhe të hapur”. Megjithatë, nëse nuk keni çamçakëz ose karamele me vete, mos u frikësoni.

“Gjatë fluturimit, gëlltisni diçka ose mbyllni hundën e të fryni ajrin për të nxitur tubit eustachian të hapet që të lehtësojë presionin,” përfundon Lundstrom.

Continue Reading

Kuriozitete

NASA zbulon pasuri të pallogaritshme ari në thellësitë e oqeanit

Published

5 days ago

on

May 27, 2025

By

Oqeanet mbajnë rezervat më të mëdha të arit në botë, por ato janë ende të paarritshme.

Një ekip shkencëtarësh të NASA-s ka zbuluar se oqeanet “mbajnë” rezervën më të madhe të arit, e cila vlerësohet në 20 milionë ton. Nxjerrja e metalit të çmuar që zotërojnë, sjell sfida për shkak të përqendrimit të tij të ulët në ujin e detit.

Sasia e raportuar ka tronditur botën, pasi tejkalon sasinë totale të arit të gjetur nga njeriu gjatë gjithë historisë së tij.

Teknologjia që i është vënë në dispozicion njerëzimit nuk lejon një mekanizëm minerar ekonomikisht të qëndrueshëm, uji i detit përmban metale që e bëjnë të vështirë ndarjen e arit. Ari i tretur nuk është i vetmi burim i vlefshëm që deti “ruan”.

Elemente tjera të rëndësishme që detet dhe oqeanet kanë janë depozitat e sulfurit hidrotermal. Këto janë depozita që janë më të arritshme sesa ari i tretur dhe mund të nxirren përmes minierave nënujore.

Minierat në det paraqesin rreziqe shkatërruese për ekosistemet detare, kjo rrezikon mijëra specie të reja, shkatërron shumë habitate detare dhe ndryshimi i zinxhirëve ushqimorë paraqet rreziqe të konsiderueshme.

Disa territore, si Papua Guinea e Re, filluan ta zbatojnë këtë praktikë. Debati mjedisor përqendrohet në ndikimet tragjike që aktivitetet minerare kanë në ekosistemet detare, duke lënë anash mundësitë ekonomike që j’u ofrojnë vendeve.

Mundësi reale që deti mund të na ofrojë burimet e tij më të vlefshme

Disa shkencëtarë mbajnë gjallë shpresën se zhvillimet teknologjike do të na lejojnë të arrijmë në zgjidhje të qëndrueshme në të ardhmen për shfrytëzimin e burimeve detare. Nuk është e pamundur që një ditë të shfaqen teknologji që do të lejojnë nxjerrjen e arit nga deti pa shkaktuar dëme të konsiderueshme në mjedisin detar.

Derisa të ndodhë kjo, ari vazhdon të fshihet në thellësitë e detit, madje edhe për vende si Spanja, me disa dete dhe oqeane që lagen në plazhet e saj, gjë që mund t’i sjellë vendit iberik miliona ose miliarda euro.

Thesari më i madh i njerëzimit qëndron i fshehur në det, e në të njëjtën kohë, Kina ka surprizuar me zbulimin e 230 miliardë ton ari të bardhë në shtratin e detit.

Continue Reading

Kuriozitete

Kjo është anija më e madhe në botë në formë breshke që do të mbajë 60 mijë pasagjerë

Published

1 week ago

on

May 25, 2025

By

Studioja italiane Lazzarini Design ka prezantuar një projekt të jashtëzakonshëm detar që po trondit botën e arkitekturës dhe teknologjisë detare: Pangeos, një anije në formë breshke, me përmasa gjigante.

Sipas CNN, kjo anije do të jetë më e madhja ndonjëherë e ndërtuar dhe do të ketë qendra tregtare, hotele, pishina, kopshte dhe deri në 60.000 pasagjerë.

Me një gjatësi prej 550 metrash e gjerësi maksimale prej 610 metrash, Pangeos nuk është mjet lundrimi, por qytet lundrues. Për ndërtimin e saj do të nevojitet një kantier i posaçëm prej 600 me 650 metra, ndërkohë që Arabia Saudite është përzgjedhur si vendi më i përshtatshëm për ndërtimin.

Kostoja totale e projektit parashikohet të arrijë në 8 miliardë euro, ndërtimi pritet të nisë sivjet duke kërkuar një periudhë prej 8 vitesh pune për t’u përfunduar. Financimi do të realizohet përmes teknologjisë NFT, shitjes së pasurive virtuale “Unreal Estates” në versionin digjital të jahtit në metaverse.

Përveç përmasave marramendëse, Pangeos do të jetë i pajisur me teknologjitë më moderne, përfshirë një mini-port të brendshëm, dritare panoramike rrëshqitëse dhe sistem hidroale, që e lejon të ngrihet mbi sipërfaqen e ujit dhe të lëvizë me shpejtësi, falë tre motorëve me hidrogjen.

“Që në vitin 1964 industria e kishte potencialin të ndërtonte struktura të tilla – tani është koha të realizohet”, thotë Lazzarini Design.

Continue Reading

Kuriozitete

Sa shpesh duhet ta karikoni telefonin? Gabimet që po dëmtojnë baterinë pa e kuptuar

Published

1 week ago

on

May 22, 2025

By

Në një kohë kur telefoni është bërë pjesë e pandashme e jetës sonë, shumë prej nesh vazhdojnë të bëjnë gabime të vogla që në afat të gjatë dëmtojnë baterinë.

Ekspertët rekomandojnë që karikimi i telefonit të mos bëhet gjithmonë nga 0% në 100%, por të mbahet midis 20%-80% për jetëgjatësi më të madhe të baterisë.

Gabimet më të shpeshta që dëmtojnë baterinë:

• Mbajtja e telefonit të lidhur gjatë gjithë natës

• Përdorimi i karikuesve jo origjinalë

• Ekspozimi në temperatura të larta gjatë karikimit

• Mbajtja e mbulesave të trasha që nxehin pajisjen

Një tjetër mit që po bie është ideja se telefoni duhet “shkarkuar herë pas here”, kjo ishte e vërtetë për bateritë e vjetra, por jo për litium-jonët e sotëm.

A duhet ta karikosh telefonin gjatë natës?

Nëse telefoni juaj është i mençur, ndalon së karikuari sapo të arrijë 100%. Qëndrimi i zgjatur në këtë nivel, çdo natë, për muaj me radhë, mund të ndikojë te jetëgjatësia afatgjatë e baterisë.

Continue Reading

Të kërkuara