Lifestyle

Si t’i menaxhoni të metat e punës në ekip?

Konflikti brenda ekipit është një sfidë tjetër.

Published

on

Të gjitha kompanitë sot kërkojnë punonjës, që përshtaten mirë në punën ekipore. Kur ekipi punon bashkë në mënyrë të suksesshme, ata mund të krijojnë zgjidhje inovative, të prodhojnë punë me cilësi të lartë dhe të përfitojnë shumë nga ky mjedis bashkëpunues. E pavarësisht që puna në ekip është më e kërkuara dhe më efikasja, mbesin ende disa sfida me të cilat përballen udhëheqësit e ekipit. Prandaj, Akademi Pune jo vetëm që do t’jua tregojë 14 sfidat më të mëdha, por do t’ju mësojë edhe se si t’i tejkaloni ato.

Nuk kontribuojnë të gjithë njësoj

Një e metë e punës ekipore është sepse jo të gjithë punojnë në nivele të njëjta. Disa anëtarë të ekipit nuk japin ide të reja dhe nuk punojnë aq shumë, ndërsa disa të tjerë janë e kundërta e tyre, duke dhënë po ashtu edhe pozitivitet.

Për ta tejkaluar këtë, është e rëndësishme që të ketë komunikim të shëndosh. Udhëheqësi i ekipit t’i tregojë secilit anëtarë, se ku çalon e këtë ta rregullojnë bashkë.

Udhëheqësit mund të mos i njohin kontributet individuale

Një sfidë tjetër mjaft e rëndë e punës në ekip, është sepse është e vështirë të shihet puna e secilit veç e veç. Edhe nëse e keni bërë punën më të mirë dhe më të madhe, nuk do t’i merrni meritat si individ. Prandaj, është e rëndësishme që lideri ta njohë dinamikën e punës, kështu që do të jetë në vijë të çdo ndërmarrjeje të re në ekip.

Disa personalitete janë sfidë në vete

Konflikti brenda ekipit është një sfidë tjetër. Disa anëtarë mund të jenë jashtëzakonisht persona negativë, mbisundues ose të pasjellshëm. Nëse i mësoni dallimet e personaliteteve, atëherë do të mund ta bëni punën më produktive. Nëse e shihni që vetëm njëri nga punonjësit është duke pasur problem pothuajse me të gjithë atëherë duhet ta adresoni këtë çështje.

Mund të mos i pëlqeni idetë e të tjerëve

Në disa raste puna në ekip nxit bashkëpunim, e në disa të tjera një ide mund të mos ju emocionojë. Kjo është diçka e kuptueshme, prandaj nuk duhet t’i merrni personale nëse dikujt nuk i pëlqen ideja juaj, por të mundoheni të jeni të mirëkuptueshëm dhe të vazhdoni përpara, deri në një ide të re.

Mund të jetë e vështirë ta ndani mendimin tuaj

Disa anëtarë të ekipit mund të jenë më të kenë personalitet më të zëshëm dhe vazhdimisht ta dominojnë bisedën. Nëse zëri juaj mbetet gjatë gjithë kohës nën hije, atëherë mundohuni që të gjeni rrugë të tjera! Shembull, mund t’i dërgoni idetë tuaja me e-mail, t’i prezantoni në një grup më të vogël ose edhe t’ia tregoni menaxherit tuaj. Nxitni veten të flisni edhe nëse jeni person i turpshëm!

Duhet t’i përshtateni afatit të dikujt tjetër

Të punuarit në ekip shpesh sjell konflikte në lidhje me afatet kohore të detyrave. Është e rëndësishme që ekipi të mbaj vazhdimisht takime për t’i treguar shqetësimet e tyre dhe për të parë se çfarë zgjidhjesh mund të bëhen. Në këtë mënyrë, do të krijoni një kalendar që i përshtatet të gjithëve pa pasur nevojë të hyni në konflikt.

Mund të fajësoheni për diçka që nuk e keni bërë

Kur punoni me të tjerët është pothuajse çdo herë e pranishme që të të gjithë mos ta kenë kuptimin e njëjtë të integritetit. Disa mund të tentojnë t’i fshehin gabimet. E nëse jeni lider i ekipit duhet të merrni përgjegjësi për gabimet e të tjerëve, të cilat nuk janë faji juaj. Duhet ta keni parasysh që nëse punoni me integritet kjo juaj ngrit reputacionin.

Mund të mos prodhoni diçka rreth të cilës jeni krenar

Duke qenë se disa nga anëtarët e ekipit mund të mos jenë edhe aq të motivuar, nuk e bëjnë punën me zemër. Kjo bën që rezultati i projektit të jetë diçka për të cilën nuk jeni edhe aq krenar. Është e rëndësishme që të përqendroheni në veprimet tuaja dhe t’ia thoni vetes që ju nuk keni përgjegjësi për veprimet e të tjerëve e as nuk mund t’i kontrolloni.

Mund të ndikoheni nga ndjenjat negative

Disa punonjës mund të sjellin disponim jo shumë të mirë. Një e metë e madhe e punës ekipore është që, të tjerët mund të ndikojnë në moralin dhe produktivitetin tuaj. Shembull: nëse punoni me një punonjës që nuk punon aq shumë, është gjatë gjithë kohës duke bërë thashetheme e duke u marrë me gjëra të tjera negative, kjo është mjaft sfiduese.

Mundohuni që t’i kuptoni edhe ata, mbase po përballen me diçka jo të këndshme në jetë dhe kjo domosdoshmërisht që do të ndikojë tek ata! Mundohuni që të ndikoni tek ata pozitivisht!

Është e vështirë të ndryshohet plani

Puna në ekip nganjëherë do të thotë që është e vështirë të ketë ndryshim pani. Mundohuni që të krijoni mjedis efikas kur mund të ketë komunikim të lirshëm dhe të tregoni që jeni të hapur për t’i dëgjuar të gjitha idetë e reja që ju vijnë anëtarëve!

Disa anëtarë mund të jenë shumë garues

Disa njerëz janë të prirur që të gjitha gjërat t’i marrin si garë, madje edhe në punë. Ata përpiqen që me çdo kusht t’i marrin meritat madje edhe më shumë se çfarë kanë bërë me të vërtetë. Këta në fakt nuk janë lojëtar të mirë të ekipit, sepse janë të përqendruar vetëm në paraqitjen e tyre. Flisni me ta dhe gjeni zgjidhje!

Puna në ekip mund ta reduktojë produktivitetin

Ndonjëherë, skuadrat mund të shkojnë shumë mirë. Mund të jetë sfiduese për të kryer punën, sepse ekipet janë më të përqendruara në shoqërim. Ju mund të përdorni agjendat për t’i mbajtur ekipet të fokusuara dhe për t’u siguruar që të përmbushni gjithçka që dëshironi në një takim.

Mund të jetë më e vështirë të organizohesh

Nëse mbështeteni tek dikush tjetër për përditësime, informacione ose të dhëna të rëndësishme, ndonjëherë mund të jetë e vështirë t’i përfundoni detyrat tuaja në kohë. Organizimi i projekteve dhe aktiviteteve mund të kërkojë më shumë përpjekje kur jeni të shqetësuar për një ekip dhe jo vetëm për veprimet tuaja. Mund t’ju ndihmojë t’i arritni afatet, në mënyrë që të gjithë ta kryejnë pjesën e tyre të një projekti në kohë.

Disa ekipe kanë dinamikë jo të shëndetshme të fuqisë

Disa njerëz supozojnë se janë më të përshtatshëm për të udhëhequr ose se i kanë idetë më të mira. Të barabartët brenda një ekipi mund të kenë pushtet mbi të tjerët edhe nëse nuk janë në një pozicion më të lartë. Është e rëndësishme që ekipet të punojnë së bashku dhe ta mbështesin njëri-tjetrin, në vend që një person të përpiqet të mikromenaxhojë ose kontrollojë veprimet e të tjerëve.

Është më e vështirë të marrësh reagime specifike

Marrja e reagimeve të rralla ose jopersonale mund të jetë një tjetër disavantazh i punës në një ekip. Udhëheqësit mund të mos i kuptojnë kontributet tuaja të veçanta ose përpjekjet që bëni për të përfunduar një projekt. Është e rëndësishme që drejtuesit të kuptojnë proceset dhe detyrat e anëtarëve të ekipit të tyre. Të kuptuarit se si secili po e mbështet të gjithë mund t’i ndihmojë ata të japin lëvdata aty ku e meritojnë dhe të kuptojnë më mirë se si ekipi punon së bashku.

Projekti mund të marrë kohë

Disa pjesëtar të ekipit mund të jenë më të zënë sesa të tjerët, ndërsa disa të tjerë mund të punojnë më ngadalë ose mund t’ju duhet më shumë udhëzim në punën e tyre. Pritja për secilin pjesëtar për ta përfunduar pjesën e tyre nganjëherë krijon frustrim. Nëse e dini që njëri prej tyre është duke pasur vështirësi, mund t’i ofroni ndihmë ose t’i jepni udhëzime për ta përfunduar punën më shpejt.

Mund ta merrni një detyrë që nuk ju përshtatet

Shpesh, ndarja e detyrave në ekipe mund të mos jetë përshtatje e mirë me stilin e punës për disa. Edhe nëse kjo ndodh, është e rëndësishme që ta shfrytëzoni këtë për të mësuar aftësi të reja dhe t’i përdorni ato si mundësi. 

Lifestyle

6 veprime që duhet të ndalosh së bëri në mëngjes

Published

on

Sikur të mos ishte mjaftueshëm i vështirë zgjimi në mëngjës, tani ka edhe gjëra që nuk duhet të bëjmë, kur zgjohemi.

Ndoshta pa e kuptuar, një prej këtyre veprimeve është arsyeja pse dita nuk shkon mirë e të mungon energjia. Duke ditur çfarë nuk duhet të bëni, ju përmirësoni mëngjesin tuaj dhe jeni të gatshëm për sukses çdo ditë.

Mos bëj dushe të gjata dhe të nxehta

Po, e dimë se është qetësuese të qëndrosh në dush e të lësh ujin e ngrohtë të rrjedhë, por pjesa më e madhe e ekspertëve sugjerojnë që dushet e ngrohta t’ia lëmë mbrëmjës. Një dush i nxehtë, edhe pse relaksues, zvogëlon rrahjet e zemrës dhe do të të bëjë më të predispozuar për të pushuar sesa për të qenë aktiv gjatë ditës. Është mirë të marrim sa më shumë energji në mëngjes dhe një dush me ujë më të ftohtë është një zgjidhje e mirë për ta bërë këtë.

Mos e fik alarmin e zgjimit

Jemi fajtorë kur vjen puna te alarmi i zgjimit, por a i di efektet anësore dhe se si një veprim, në dukje i vogël, mund të të pengojë gjatë gjithë ditës?

Fikja e alarmit rregullisht do të të bëjë të ndihesh më i/e lodhur dhe të flesh më keq gjatë natës. Gjumi i dobët ngatërron me qindra qeliza në trupin tënd, duke çuar në rritjen e tensionit dhe dobësimin e imunitetit.

Pra, nëse nuk fle mirë natën dhe ndihesh i/e lodhur në mëngjes, fajin mund ta ketë pikërisht ky veprim.

Mos kontrollo rrjetet sociale sapo hap sytë

Një lundrim në rrjet, në mëngjes, mund të shndërrohet në një apo dy orë si pa kuptuar, humb një pjesë të mirë të ditës.

Studimet tregojnë se duhet t’ia lësh këtë pjesë pushimit të drekës, apo orëve të para të mbrëmjes para se të flesh.

Shmang pirjen e kafesë, direkt pas zgjimit

Sipas studimeve, koha ideale për kafe është pas orës 9:30 në mëngjes ose gjysmë ore pasi të zgjohesh nga gjumi. Nëse pi kafeinë shumë shpejt, ngadalëson prodhimin natyral të hormonit të quajtur kortizol në trupin tënd, që ndihmon të zgjohesh në mënyrë organike.

Mos e shmang asnjëherë vaktin e mëngjesit

Mëngjesi është vakti më i rëndësishëm i ditës. Nëse nuk e konsumon rregullisht, efektet anësore përfshijnë: rrezik të shtuar nga sëmundjet e zemrës, presion më të lartë të gjakut, diabetin, mbipeshën, kolesterol të lartë etj.

Përpiqu të përgatisësh diçka të lehtë në mbrëmje, ose mendo se çfarë do të konsumosh, për të mos humbur kohë.

Rregullo gjithnjë shtratin 

Një krevat i rregullt, do të të bëjë të ndihesh më i/e qetë kur të kthehesh përsëri në shtëpi. Për më tepër, do të kesh një shtrat të rregullt në mbrëmje. Ky veprim të kushton vetëm 3 minuta.

Continue Reading

Lifestyle

Shprehitë që janë duke jua dëmtuar trurin

Published

on

Ka disa shprehi në stilin tuaj të jetesës që e kërcënojnë shëndetin e trurit në mënyrë serioze.

Zakonisht janë shprehi të cilat ua mohojnë trurit nutrientët e rëndësishëm ose me shpejtësi i vrasin qelizat e trurit që t’ju bëjnë më të rrezikuar nga çrregullimet mendore si depresioni apo ankthi.

Shmangia e shujtës së mëngjesit

Kur duhet të nxitoni për në zyre, gjëja më e lehtë që e bëni është ta shmangni mëngjesin. Kjo ju jep kënaqësinë e arritjes në zyre më herët, por është diçka që ju kushton në shëndet më vonë. Veç kësaj, shmangia e shujtës së mëngjesit nuk ju ndihmon në zvogëlimin e peshës.

Flini vonë

Është e zakonshme që njerëzit të flenë vonë, e posaçërisht vikendeve. Por, kjo është e rrezikshme për shëndetin e trurit. Kur qëndroni zgjuar deri vonë, ju vuani nga shtimi i peshës, rënia e flokëve dhe problemet e ndryshme të lëkurës.

Konsumimi i ushqimeve me shumë sheqer

Këto ushqime e rrisin rrezikun e sëmundjes së alzheimerit dhe sëmundjeve të zemrës, ndikojnë në aftësitë tuaja për të mësuar dhe e rrisin depresionin.

Pirja e duhanit

Jo vetëm se pirja e duhanit është e dëmshme për mushkëritë, por është tejet e rrezikshme edhe për trurin. Kur pini duhan, ia rritni vetes shanset për të pësuar sulm në tru, për t’u sëmurë nga Alzheimeri, etj.

Continue Reading

Lifestyle

Kujdesi për lëkurën, tre hapa të thjeshtë

Published

on

Për kujdesin e përditshëm të lëkurës, mund ta kufizoni rutinën tuaj në tre hapa të thjeshtë:

Pastrimin e lëkurës, mbrojtjen e saj nga dielli dhe prirjen ndaj ndonjë problemi specifik që mund të keni, të tilla si lëkura e thatë, puçrrat, ose linjat e imëta dhe rrudhat.

Produktet për të tre hapat janë në dispozicion në barnatoret lokale dhe kanë kosto të ulët.

Pastroni lëkurën tuaj

Zgjidhni pastruesin bazuar në faktin nëse lëkura juaj është e thatë apo e yndyrshme. Nëse keni lëkurë të thatë, zgjidhni një agjent të butë pastrimi e shmangni produktet si tonerët, që përmbajnë alkool. Për lëkurë të yndyrshme, zgjidhni një sapun që largon vajin e pastroni më shpesh lëkurën gjatë ditës.

Mbroni lëkurën nga dielli

Zgjidhni krem ​​me spektër të gjerë me SPF prej 30 ose më të lartë përdoreni çdo ditë. SPF-të më të larta janë të dobishme nëse planifikoni të kaloni kohë jashtë, nëse rrini brenda, SPF 30 është i mjaftueshëm. Nëse keni lëkurë të ndjeshme, zgjidhni një produkt për mbrojtje e krijuar për lëkurë të ndjeshme.

Trajtoni nevojat e veçanta të lëkurës

Për lëkurën e thatë, ka shumë hidratues efektivë dhe të lirë. Ekzistojnë produkte pa kosto të përballueshme që mund të zvogëlojnë linjat dhe rrudhat, njollat ​​e zbehta kafe ose puçrrat. /UBT News/

Continue Reading

Lifestyle

Fundjava erdhi, ja si ta kaloni pa stres dhe në mënyrë fantastike

Published

on

Shumë njerëz jetojnë për fundjavën, se është koha kur mund të shijojnë ditën e pushimit. Edhe pse është e trishtë kur mendon se të gjithë janë të mbingarkuar me punë, nuk besoj se kjo gjë do të ndryshojë ndonjëherë.

Prandaj duhet të bëni maksimumin për të shijuar këto dy ditë pushim.

Sapo kalon e premtja, keni vetëm 48 orë deri sa mëngjesi i të hënës të vijë sërish. Ndoshta kjo është një mënyrë dramatike për ta parë situatën, por të gjithë e ndiejnë presionin e fundjavës. Është koha për të takuar miqtë, familjen, të dilni në takim, të gatuani e të kujdeseni për veten nëpërmjet disa ushtrimeve fizike. Ose dhe të rrini dhe të mos bëni asgjë, kjo është një mënyrë shumë e mirë për t’u relaksuar.

Këto janë disa këshilla se çfarë mund të bëni gjatë fundjavës:

Mos kontrolloni email-in tuaj, shmangiuni punës – Sapo keni një moment qetësie, merrni telefonin e filloni kontrolloni email-et tuaja. Është zakon i fiksuar gjatë javës, por në fundjavë duhet eliminuar. Lëreni mënjanë punën e fokusohuni në momentin e qetësisë.

Shmangiuni listës së gjërave që duhet të bëni – Një nga gjërat më të mërzitshme të të qenit i rritur është organizmi i ditës. Qoftë një ditë në shkollë apo në orar të plotë pune, e keni parasysh çfarë do ndodhë në çdo ditë të javës. Në fundjavë mund ta hidhni këtë listë. Nuk ka më punë, detyra për të bërë apo takime. Jini vetja juaj dhe rrini në pizhama për sa kohë doni.

Festoni të premten – Qëllimi kryesor i fundjavës është të bëni qejf, por edhe të shplodheni. Për t’i realizuar, dilni e festoni të premten në mbrëmje dhe gjatë fundjavës do të keni mundësi të merrni veten. Kështu, për të hënën do të jeni tërësisht të freskët.

Dilni nga shtëpia dhe shikoni çfarë ndodh – Nuk ka rëndësi nëse nuk keni asnjë plan apo takim të organizuar, mund të dilni të bëni diçka për të cilën nuk keni planifikuar asgjë. Kur jeni me pushime, cilat janë ditët më të mira? Janë ato që s’keni asnjë plan. Mjafton ta kaloni ditën duke lëvizur në qytet, duke parë se çfarë do t’ju ofrojë.

Kaloni një kohë të gjatë me miqtë tuaj – A ka ndonjë gjë më të adhurueshme se sa një grup shoqeror që ju ndihmon të relaksoheni por edhe të kaloni momente fantastike plot të qeshura dhe harmoni? Nuk ka, prandaj sapo të mbaroni ato që kishit për të bërë në shtëpi, dilni dhe takoni shoqet/shokët tuaj. Mjafton të dilni edhe për një kafe, pa pasur shumë harxhime. Do e shikoni që ja vlen.

Mos përhapni panik kur vjen mbrëmja e së dielës – Asnjë nuk e pëlqen të dielën sepse është e vështirë të mendosh se një javë tjetër e vështirë e me punë të pret. Por, pse ta harxhoni jetën duke menduar për të ardhmen? Mos e mendoni dhe shijoni kohën e lirë që keni. E shtuna dhe e diela janë ditët kur mund të jeni vetvetja, të pushoni dhe të bëni diçka të bukur. /UBT News/

Continue Reading

Të kërkuara