Lajmet

Si të ruani një stil të shëndetshëm jete?

Nëse doni të keni jetë të shëndetshme, duhet të bëni disa ndryshime.

Published

4 years ago

on

Ne japim më të mirën kur jemi të shëndetshëm. Por a është kaq e thjeshtë të ruajmë një gjendje të shkëlqyer shëndeti?

Shpesh përballemi me tundime që na e bëjnë të pamundur të mbajmë një stil të shëndetshëm jetese. Nëse doni të keni jetë të shëndetshme, duhet të bëni disa ndryshime. Si fillim, mund ta keni të vështirë të përshtateni, por me të parë ndryshimet do të bindeni se ia ka vlejtur.

1. JINI AKTIVË

Jeta jonë moderne nënkupton se kalojmë shumë kohë jashtë shtëpisë, shpesh të ulur me orë të tëra në tryezën e punës. Një nga hapat e parë drejt shëndetit kërkon që të çoheni dhe të jeni më aktivë. Nuk ka rëndësi lloji i aktivitetit. Ajo që ka rëndësi është që të lëvizni trupin, të tonifikoni muskujt dhe të lëvizni kyçet.

Aktiviteti fizik mund të jetë i dobishëm në përmirësimin e simptomave të ndryshme shëndetësore. Mund të bëni masazhe, pasi produktet që përdoren për to relaksojnë muskujt e tendosur dhe ju qetësojnë nga dhimbjet.

2. PINI SHUMË UJË

Dehidratimi është një nga faktorët kryesorë që mund të kenë ndikim negativ në shëndetin tonë. Kur nuk pimë sasinë e duhur të ujit, praktikisht po e pengojmë organizmin nga funksionimi i duhur i tij.

Sasia minimale e rekomanduar e ujit që duhet të pimë në ditë është tetë gota. Ajo që ka rëndësi është që të pini ujë dhe të shmangni sasinë e tepruar të çajit, kafes apo pijeve me gaz. Disa nga këto pijë panë cilësi diuretike, gjë që e përkeqëson edhe më shumë dehidratimin. Të tjerat janë me sheqer dhe kanë kalori, duke shtuar kështu rrezikun e hiperglicemisë dhe të diabetit. Ndërsa uji na heq etjen dhe na mban të hidratuar. Dhe kur jemi të hidratuar në mënyrën e duhur, edhe trupi ynë funksionon në mënyrën e duhur

3. FLINI 7-8 ORË GJUMË

Trupi ynë funksionon sipas ritmit cirkadian. Jemi bërë për të qenë aktivë gjatë ditës dhe për të fjetur gjatë natës. Në kohët moderne, kemi tendencën të punojmë gjatë dhe të heqim dorë nga gjumi; kalojmë orë pa fund duke parë ekranet e telefonit dhe më pas ankohemi nga pagjumësia. Mungesa e gjumit na pengon të kemi një jetë të shëndetshme, duke shtuar rrezikun e problemeve kronike të shëndetit.

Zgjidhja e duhur është të flini orët e rekomanduara të gjumit, mes 7 dhe 8 orë në natë. Po ashtu është thelbësore që t’i kushtoni rëndësi higjienës së gjumit. Për shembull, asnjëherë nuk duhet ta teproni me ushqimin para se të flini. Trupi do të jetë i ngarkuar duke tretur gjithë atë ushqim dhe do ta keni të vështirë që t’ju zërë gjumi. Mos kaloni shumë kohë me telefon apo duke parë televizor, pasi kjo gjë ngacmon qelizat dhe ju largon përgjumjen. Po ashtu, sigurohuni që dhoma të mos jetë shumë e ngrohtë dhe ajri të mos jetë shumë i thatë.

4. THUAJINI “LAMTUMIRË” NGARKESËS SË PUNËS

Kjo është, ndoshta, një nga faktorët më të rëndësishëm që ndikon në problemet kronike të shëndetit. Jemi mësuar të punojmë gjithë kohën, pavarësisht pasojave. Kalojmë më pak orë jashtë shtëpisë dhe jemi gjithë kohën të lidhur me ndonjë aparat elektronik. Ndërkohë që duhet ta vlerësojmë teknologjinë për vlerën e saj, përdorimi i moderuar i saj është çelësi për të pasur një jetë të shëndetshme.

Kur shkoni në shtëpi, në vend që të rrini në rrjetet sociale dilni nga shtëpia dhe bëni diçka. Dilni për vrap, luani me fëmijët, shëtisni. Argëtimi është një mënyrë e mirë për të qenë të shëndetshëm. Të qenit të ngarkuar me punë nuk është edhe aq e bukur nga sa duket, për të mos përmendur më pas se në fund të ditës vetëm të shëndetshëm nuk ndiheni.

Në përfundim, synoni të ushqeheni shëndetshëm, pini sa më shumë ujë dhe flini mjaftueshëm gjumi, punoni në mënyrë produktive dhe pa u ngarkuar, mbani nën kontroll stresin dhe jini aktivë. Dhe mos harroni të argëtoheni, sepse është gjithmonë një mënyrë e mirë për të larguar stresin dhe për t’u çlodhur./revistapsikologji/

Related Topics:
Continue Reading

Aktualitet

UBT ofron 30 për qind bursë për të gjithë alumnit në programet master

Published

6 hours ago

on

August 12, 2025

By

UBT ka nisur një nismë të re për të mbështetur zhvillimin profesional të alumnëve të tij. Të gjithë të diplomuarit e UBT-së, tashmë mund të përfitojnë 30 për qind bursë për çdo program master që ofrohet në institucion.

Pse kjo është një mundësi e veçantë?

  • Thellim i njohurive në fusha të ndryshme profesionale
  • Përmirësim i aftësive për tregun e punës
  • Diplomë nga një institucion me standarde të larta dhe praktika bashkëkohore mësimdhënieje

Programet master në UBT janë të njohura për:

  • Cilësinë akademike
  • Fokusin në praktikë dhe aplikime reale
  • Përputhjen me kërkesat e tregut të punës
  • Mentorim nga profesorë dhe ekspertë me përvojë ndërkombëtare

Si të përfitoni?

Alumnit e interesuar mund të kontaktojnë Zyrën e Regjistrimit në UBT. Procesi i aplikimit është i thjeshtë, transparent dhe i shpejtë.

UBT vazhdon të qëndrojë pranë alumnëve të tij, duke investuar në suksesin e tyre afatgjatë. Bursa prej 30 për qind është një mundësi konkrete për t’i ndihmuar ata të zhvillojnë karrierën dhe të bëhen liderë në fushat e tyre./UBTNews

Continue Reading

Lajmet

​Kërcënoi një person duke i kërkuar 21 mijë euro, arrestohet për organizim të lojërave të fati

Published

6 hours ago

on

August 12, 2025

By

Drejtoria për Hetimin e Krimeve Ekonomike dhe Korrupsionit (DHKEK), përmes Njësisë Rajonale në Prizren, ka arrestuar një person nën dyshimin për përfshirje në veprat penale ‘organizimi i skemave piramidale dhe bixhozit të paligjshëm’ dhe ‘detyrimi’.

Rasti ka nisur më 11 gusht, pasi një ankues nga një fshat i Suharekës ka raportuar se po kërcënohet dhe detyrohet nga i dyshuari, gjithashtu nga një fshat i Suharekës.

Ankuesi ka deklaruar se para tri vitesh ka luajtur lojëra bixhozi në shumën rreth 9,000 euro, ndërsa tani i dyshuari i kërkon rreth 21,000 euro, duke ushtruar presion dhe kanosje të vazhdueshme për kthimin e borxhit.

Hetuesit dyshojnë se i dyshuari ka menaxhuar lojërat e fatit përmes adresave elektronike që operonin nga Zvicra dhe Kosova. Në kuadër të hetimeve, Policia ka sekuestruar një telefon për ekzaminim të mëtejshëm.

I dyshuari, identifikuar me inicialet A.L., lindur në vitin 1990 dhe shtetas kosovar, është intervistuar në prezencë të mbrojtësit dhe ndaj tij është iniciuar rasti penale me dyshimin për veprat ‘organizimi i skemave piramidale dhe bixhozit të paligjshëm’ dhe ‘detyrimi’.

Me aktvendim të prokurorit, i dyshuari është ndaluar për 48 orë.

Continue Reading

Lajmet

OSBE mirëpret rregulloren e re për ankesat zgjedhore: E forcon transparencën, buron nga rekomandimet e misionit të BE-së

Published

6 hours ago

on

August 12, 2025

By

Misioni i OSBE-së në Kosovë, përmes një postimi në rrjetet sociale, ka bërë të ditur se ka mirëpritur miratimin e rregullores së re për procedurat e paraqitjes dhe vendimmarrjes mbi ankesat nga Paneli Zgjedhor për Ankesa dhe Parashtresa (PZAP).

Nga OSBE është deklaruar se kur të zbatohet plotësisht rregullorja në fjalë, e njëjta do të forcojë transparencën dhe efektivitetin e të gjithë procesit zgjedhor.

‘‘Ky zhvillim buron nga rekomandimet e Misionit të Vëzhgimit të Zgjedhjeve të Bashkimit Evropian dhe ofron qartësi dhe koherencë të rëndësishme për aktorët kyç zgjedhorë’’, thuhet mes tjerash në postim.

Postimi:

Misioni i OSBE-së në Kosovë mirëpret miratimin e rregullores së re për procedurat e paraqitjes dhe vendimmarrjes mbi ankesat nga Paneli Zgjedhor për Ankesa dhe Parashtresa (PZAP).

Kjo rregullore e re, kur të zbatohet plotësisht, do të forcojë transparencën dhe efektivitetin e të gjithë procesit zgjedhor.

Ky zhvillim buron nga rekomandimet e Misionit të Vëzhgimit të Zgjedhjeve të Bashkimit Evropian dhe ofron qartësi dhe koherencë të rëndësishme për aktorët kyç zgjedhorë, përfshirë Komisionin Qendror të Zgjedhjeve, partitë politike, Komisionin e Pavarur për Media, Këshillin e Mediave të Shkruara dhe të tjerë.

Continue Reading

Lajmet

OEK do të vazhdojë betejën ligjore pas vendimit të Dhomës së Shkallës së Dytë të Gjykatës Komerciale

Published

7 hours ago

on

August 12, 2025

By

Oda Ekonomike e Kosovës ka pranuar me shqetësim që Dhoma e Shkallës së Dytë e Gjykatës Komerciale ka ndryshuar masën e sigurisë për shtyrjen e ekzekutimit të vendimit nr. 275/24, të datës 05.04.2024, dhe njoftimit të datës 12.03.2025 të nxjerrë nga ZRrE.

OEK, duke qenë institucion publik, nuk e komenton vendimin e Dhomës së Shkallës së Dytë të Gjykatës Komerciale, por njofton se do të vazhdojë betejën ligjore nëpërmjet mjeteve të tjera ligjore në dispozicion, brenda afateve të përcaktuara, dhe për këtë do të njoftojë me kohë të gjithë anëtarët e Odës Ekonomike të Kosovës.

Përkundër këtij vendimi, OEK kërkon nga Zyra e Rregullatorit për Energji që të mos marrë veprime të tjera që do t’i dëmtonin bizneset, të cilat tashmë janë dëmtuar nga vendimet e ZRrE-së që kanë shkuar në dëm të ekonomisë së vendit dhe kanë ndikuar në shtrenjtimin e jetesës së qytetarëve të Republikës së Kosovës.

Në ditët në vijim, ne do të konsultohemi me bizneset dhe do të shqyrtojmë hapat e tjerë që do të ndërmerren. Për këtë, do të njoftoheni me kohë.

Continue Reading

Të kërkuara