Shëndeti

Si të qëndroni të shëndetshëm gjatë të ftohtit këtë sezon dimëror?

Published

on

Stuhitë e dimrit mund të prishin oraret ditore dhe planet e udhëtimit, por të ftohtit ekstrem, shiu, era dhe bora mund të ndikojnë në shëndetin tonë. Vitet e fundit, normat e vdekjeve në të gjithë botën kanë qenë 8% deri në 12% më të larta gjatë muajve të dimrit, sipas të dhënave të vdekshmërisë nga Qendrat për Kontrollin dhe Parandalimin e Sëmundjeve.

Kjo rritje lidhet me “ndryshimet sezonale në sjelljen dhe trupin e njeriut” dhe “ekspozimin e shtuar ndaj sëmundjeve të frymëmarrjes”, sipas Agjencisë së Mbrojtjes së Mjedisit të SHBA. Përveç përgatitjes së shtëpisë me të ngrohtë dhe makinës për motin e dimrit, ka disa hapa të tjerë që mund të ndërmerrni për të mbajtur veten dhe të tjerët të shëndetshëm kur është shumë ftohtë.

Kujdesi për fëmijët dhe të moshuarit – Foshnjat e të moshuarit duhet të jenë të parët që duhet të kujdesemi dimrit thotë ,Tyler Barrett, doktor ekzekutiv mjekësor në Spitalin Universitar në Nashville. “Foshnjat dhe të rriturit e moshuar e kanë më të vështirë të ruajnë temperaturën bazë të trupit, sepse e humbasin nxehtësinë më lehtë dhe priren të prodhojnë më pak nxehtësi trupore. Hipotermia ndodh atëherë kur trupi fillon të humbasë nxehtësinë më shpejt sesa mund të prodhohet”, tha ai.

Qëndrimi i sigurt në ambiente të mbyllura – Mos përdorni gjeneratorë, grila me gaz, qymyr ose sobë druri brenda shtëpisë. Tymi nga këto pajisje shkakton grumbullimin e monoksidit të karbonit, shton Barrett, dhe gazi pa erë mund t’ju vrasë. Përdorimi i sobës së kuzhinës për ngrohje është jo i sigurtë, në vend të kësaj, përdorni batanije shtesë ose pallto.

Rreziqet nga ngrirja dhe hipotermia – Nëse keni nevojë të dilni jashtë gjatë dimrit, Barrett rekomandon kufizimin e sasisë së kohës që kaloni për të parandaluar ngrirjen. “Vishuni me rroba të ngrohta sidomos për mbrojtjen e zonave të ndjeshme si veshët, hunda, faqet dhe gishtat e duarve, tha dr.Barrett. Ngrirja ndodhë kur enët e gjakut ngushtohen, temperatura e lëkurës bie e kristale akulli formohen rreth dhe brenda qelizave, duke shkaktuar dëme. Simptomat përfshijnë lëkurë të bardhë a gri në të verdhë që ndihet e fortë. Kujdes nga Hipotermia, është gjendje serioze e kërkon ndihmë mjekësore. Shenja tjera përfshijnë: Konfuzionin, humbjen e kujtesës dhe përgjumjen.

Qëndroni të hidratuar – Në temperatura të ftohta, lëkura bëhet e thatë dhe e plasaritur nëse nuk hidratohet siç duhet. Përdorni ujë të ngrohtë në vend të ujit të nxehtë gjatë dusheve për të parandaluar përkeqësimin e lëkurës së thatë. Akademia Amerikane e Dermatologjisë rekomandon aplikimin e kremit hidratues pas dushit për të bllokuar lagështinë ekzistuese në lëkurë. “Njerëzit që vuajnë nga ekzema mund të kenë shpërthime të shtuara gjatë dimrit,” tha Barrett, duke shtuar se ata me sëmundje të lëkurës të lidhura me dimrin duhet të flasin me ofruesin e tyre të kujdesit parësor për udhëzime dhe trajtim të mëtejshëm. /UBT News/

Shëndeti

I keni ditur këto të mira shëndetësore që vijnë nga produktet e qumështit?

Published

on

Produktet e qumështit janë shumë të shëndetshme. Por, disa të dhëna thonë përdorimi i produkteve të qumështit në shujta mund t’ju mbrojë nga sëmundjet e zemrës dhe sulmit në tru.

Ekspertët nga Universitet “Mckmaster” në Kanada thonë se studimi u bë si shkak i brengave se yndyrat e ngopura më të cilat produktet e qumështit janë të pasura shtojnë nivelin e dëmshëm të kolesterolit që lidhet me shfaqjen e sëmundjeve të zemrës dhe të sulmit në tru.

Këta pohojnë se prodhimet e qumështit janë shumë të shëndetshme për arsye se trupin e furnizojnë me energji. përmbajnë edhe përbërës tjerë që kanë rëndësi për shëndetin si: Aminoacidet, vitaminat K1 e K2, minerale si kalcium, magnez dhe kalium.

Thartirat yndyrore, të cilat ndodhen në produktet e qumështit, madje zvogëlojnë rrezikun nga sulmi në tru për 42 %.

Qumështi, kosi e djathi përmbajnë kalcium, i cili ul shtypjen e gjakut dhe thartirat yndyrore që veprojnë kundër inflamacionit, hulumtuesit kanë vlerësuar gjendjen shëndetësore të 3.000 personave të rritur, të moshës mbi 65-vjeç.

Ekipi i ekspertëve, i cili ka analizuar rezultatet e matjes, ka konstatuar që asnjë nga thartirat yndyrore të matura nuk ka pasur lidhje me rrezikun e shtuar të vdekjes nga sëmundjet kardiovaskulare. Veç kësaj, njerëzit me nivelet më të larta të thartirave yndyrore, që sipas shkencëtarëve ka lidhje me produktet e qumështit, kanë pasur 42 % më pak rrezik nga sulmi në tru. /UBT News/

Continue Reading

Shëndeti

Si ndikon duhani dhe alkooli te shëndeti i kockave?

Published

on

Pohimi që duhani dhe alkooli janë dy kombinime të dëmshme për trupin e njeriut është i njohur tashmë. Megjithatë konsumi i tyre është i përhapur në të gjithë globin dhe fillon që në mosha të hershme.

Duke e bërë këtë një problem të theksuar të shoqërive sot i cili shkakton dëme të pariparueshme në organizëm, studime të fundit krahas qindra të tjerave që janë bërë tregojnë se pirja e vazhdueshme e duhanit dhe alkoolit shton rrezikun e shfaqjes së osteoporozës.

Studimi mbi dëmtimin e kockave:

Sudiuesit e Universitetit të Pensilvanisë shpjegojnë se si sistemi imunitar arrin të dëmtojë kockat, kjo ndodh kur konsumohet duhan apo alkool si pjesë e jetës së përditëshme.

Një tip qelizash që jetojnë në organizëm arrijnë të kthehen në osteoklate të cilat shkrijnë kockat, kur mitokondria është nën presion nga shkaqe të jashtëme apo faktorë stresues shton prodhimin e osteoklasteve.

Mbi prodhimi i këtyre qelizave që dëmtojnë kockat shtohet edhe për personat që konumojnë cigaren apo alkoolin, faktorë të tjerë që lidhen me lindjen e kësaj sëmundje mund të jenë medikamentet e forta apo të qënurit nën stres të vazhdueshëm.

Ndikimi i osteoporozës në kocka:

Osteoporoza është sëmundje që i bën kockat e dobëta dhe vurnerabël ndaj dëmtimeve e dhimbjeve, rrit ndjeshëm rrezikun e frakturave në trup e shfaqet me kalimin e moshës. Kur balanca mes rigjenerimit të kockave pas dëmtimit të tyre nuk është e njëjtë dhimbjet shtohen.

Sipas Fondacionit Internacional të Osteoporozës në SHBA, 1 në 3 gra dhe 1 në 5 burra mbi moshën 50 vjeç vuajnë nga osteoporoza.

Numërohen 75 milion persona në Amerikë, Europë dhe Azi që vuajnë nga probleme të osteoporozës, 8.9 milion nga këta vuajnë nga fraktura që shkaktohen nga kjo sëmundje. Shkaqet kryesore përveç moshës të shfaqjes janë  abuzimet me stilin e jetesës në përditshmëri.

Reduktimi sa më i shpejtë i pirjes së duhanit apo alkoolit ul ndjeshëm rrezikun që i kanoset kockave tuaja. /UBT News/

Continue Reading

Shëndeti

Ja përfitimet e ngrënies së ullinjëve

Published

on

Ullinjtë janë një nga ushqimet më të shëndetshme. Ata janë të pasur me yndyrna të shëndetshme, me vitamina dhe minerale të domosdoshme për funksionimin normal të trupit.

Është vërtetuar se ndihmon në reduktimin e inflamacionit në trup, përmirëson funksionet njohëse dhe ruan shëndetin e zemrës.

Ja çfarë përfitimesh kanë ullinjtë nëse i hani çdo ditë:

Rregullojnë nivelet e larta të kolesterolit;

Ulin tensionin e lartë të gjakut;

Janë burim i pasur me fibra;

Janë të pasura me vitaminë E;

Janë antioksidantë të fuqishëm;

Ulin rrezikun e sëmundjeve të caktuara si Alzheimer, tumoreve beninje dhe malinje etj;

Parandalojnë koagulimin e gjakut;

Mbrojnë membranat qelizore;

Rrisin fertilitetin dhe përmirësojnë sistemin e përgjithshëm riprodhues;

Janë të shkëlqyer kundër anemisë;

Forcojnë sistemin imunitar;

Janë të pasura me minerale si magnez, hekur, fosfor, jod etj;

Furnizojnë trupin me vitamina dhe aminoacide të ndryshme;

Përmbajnë acid oleik, i cili është i domosdoshëm për shëndetin e zemrës;

Përmbajnë polipenolis, kompleks kimik natyral i cili zvogëlon nivelin e stresit dhe përmirëson kujtesën deri në 25%;

Një filxhan ullinj përmban deri në 4.4 mg hekur;

Ndihmojnë trupin të prodhojë adiponectinë, kompleks i cili redukton yndyrat e këqija deri në 5 orë pas konsumimit. /UBT News/

Continue Reading

Shëndeti

Ndiheni të fryrë pas festave? Tre pije për të detoksifikuar trupin

Published

on

Këto ditë festive e kemi tepruar me ushqimin, aq shumë kemi ngrënë sa edhe një javë të rrimë pa ngrënë, kemi rezerva.

Dihet se pas ngrënies me bollëk duhet një detoksifikim i mirë, për të hequr të gjitha toksinat nga trupi. Ndaj kemi sjellë për ju 3 pije që do t’ju detoksifikojnë trupin pas festave.

Pini një gotë ujë të ngrohtë me pak limon – Limoni ju ndihmon të tretni ushqimin dhe stimulon metabolizmin. Ai përmban vitaminë C, e cila rrit sistemin imunitar dhe pastron mëlçinë nga toksinat.

Smothie me fruta dhe perime – I jep organizimit më shumë vitamina pas ngrënies së ushqimeve të pashëndetshme. Mund të përgatisni smothie me fruta (limon, portokall, mandarinë,), perime (sidomos jeshilet spinaqi, brokoli, rukola) dhe përbërës tjerë detoksifikues si kokosi, farat chia që ju japin energji më shumë. Zgjidhni nga një përbërës dhe bëjeni për mëngjes.

3- Edhe çaji ndihmon – Stimulon shkrirjen e dhjamit në trup, do të detoksifikojë mëlçinë dhe do të humbni ujin e tepërt. /UBT News/

Continue Reading

Të kërkuara