Shëndet

Si të luftoni parazitët në mënyrë natyrale me anë të vitaminave dhe mineraleve?

Duhet të kujdeseni tejet shumë për ushqimin që konsumoni.

Published

2 years ago

on

Për të parandaluar parazitët të jetojnë në trupin tuaj, është e rëndësishme të ndaloni ushqyerjen e tyre duke hequr dorë nga karbohidratet e thjeshta dhe niseshteja si p.sh. ushqimet e ngrira, ushqimet e skuqura, ëmbëlsirat, ushqimet e kripura si patatinat, buka e bardhë, orizi, makaronat, alkooli etj.

Në vend të tyre, mbushni pjatën tuaj me karrota, patate të ëmbla dhe kunguj për të marrë dozën ditore të beta-karotenit që më pas do të kthehet në vitaminë A, e cila ndihmon trupin tuaj t’i rezistojë parazitëve.

Të jeni të vetëdijshëm rreth ushqimeve që shkaktojnë probleme me tretjen është gjithashtu e rëndësishme. Shumë njerëz reagojnë negativisht ndaj glutenit, qumështit dhe vezëve, kështu që gjithmonë sigurohuni që të dini se cilët janë kufijtë e sistemit tuaj tretës.

Gjithashtu duhet të konsumoni shumë ujë dhe rrisni konsumin e ushqimeve me të larta në fibra, pasi është e rëndësishme për pastrimin nga parazitët. Këtu përfshihet konsumi i perimeve, frutave, drithërave, arrorëve dhe farave.

Përpara se të konsumoni vaktet tuaja, përzieni një lugë çaji uthull molle me një gotë ujë, kjo jo vetëm që stimulon acidin e stomakut për përthithje më të mirë të lëndëve ushqyese, por gjithashtu vepron si një mburojë kundër parazitëve!

Krahas këtyre këshillave, AgroWeb.org ju njeh më poshtë me disa nga vitaminat dhe mineralet më të mira që ndihmojnë trupin të luftojë parazitët.

Vitaminat dhe mineralet që ndihmojnë kundër parazitëve
Seleni

Falë vetive të tij anti-inflamatore, antioksiduese dhe pro-imune, seleni është një mikronutrient i rëndësishëm që na ndihmon të mbrohemi nga bakteret, viruset dhe parazitët. Studimet tregojnë se mungesa e tij dobëson mbrojtjen e trupit tonë. Për të forcuar sistemin tuaj imunitar në luftën kundër parazitëve, seleni është një armë e fuqishme që duhet të keni në arsenalin tuaj. Arrat braziliane janë burimi më i mirë i selenit që mund të merrni në mënyrë natyrale, por ju mund të mbështeteni edhe tek suplementet.

Zinku

Një tjetër mungesë e lëndëve ushqyese që ul sistemin mbrojtës të trupit tuaj kundër parazitëve është zinku. Zinku ndihmon në zvogëlimin e sasisë së amoniakut në trup, pasi disa parazitë sekretojnë sasi të larta të amoniakut që mund të shkaktojë dëmtime të indeve dhe organeve. Gjithashtu promovon funksionimin normal të barrierës mbrojtëse të zorrëve.

Vitamina C

Një nga forcuesit më të mëdhenj të imunitetit është vitamina C. Ajo rrit aktivitetin e qelizave imune duke lejuar trupin të luftojë një infeksion parazitar në mënyrë më efektive.

Probiotikët

Ushqimet dhe suplementet probiotike veprojnë si një superhero për zorrët, duke luftuar patogjenët dhe parazitët e padëshiruar. Jo vetëm kaq, por mund të ndihmojnë në riparimin e çdo dëmtimi të shkaktuar nga parazitët.  Llojet që kanë treguar më shumë veprim kundër infeksioneve parazitare përfshijnë Lactobacillus, Saçharomyces boulardii dhe Bifidobacteria. /AgroWeb.org

Related Topics:
Continue Reading

Shëndet

Kafeina kundër migrenës, sa funksionon dhe çfarë duhet të dini?

Published

12 hours ago

on

November 19, 2025

By

Kafeina, e cila gjendet natyrshëm në kafe, çaj dhe disa medikamente, njihet gjerësisht për efektin e saj stimulues.

Megjithatë, pak njerëz e dinë se ajo mund të ndihmojë edhe në lehtësimin e dhimbjeve të kokës.

Studimet tregojnë se kafeina zvogëlon dhimbjen e kokës duke ngushtuar enët e gjakut në tru duke rritur efektin e analgjezikëve si paracetamoli dhe aspirina. Konsumimi i një sasie të moderuar, 100–150 mg, që i korrespondon një filxhani kafe mund të jetë i dobishëm veçanërisht në dhimbjet e tensionit ose në fazat e para të migrenës.

Kafeina duhet përdorur me kujdes. Marrja e tepërt shkakton dhimbje koke, sidomos si pasojë e varësisë ose e ndërprerjes së papritur.

Për këtë arsye, ekspertët këshillojnë personat që vuajnë nga migrena të vëzhgojnë reagimin e trupit të tyre ndaj kafeinës dhe ta përdorin atë në mënyrë të kontrolluar. Efekti i saj është më i fortë kur kombinohet me qetësues, por gjithmonë nën këshillimin e mjekut ose farmacistit.

Për të parandaluar dhimbjet e kokës, krahas konsumit të kujdesshëm të kafeinës, është e rëndësishme të ruani gjumin, hidratimin dhe një dietë të shëndetshme. Nëse dhimbjet janë të shpeshta, kërkoni patjetër ndihmë mjekësore për trajtim të duhur. /A.Z/UBT News/

 

 

Continue Reading

Shëndet

Çfarë e bën lëngun e shegës kaq të shëndetshëm?

Published

14 hours ago

on

November 19, 2025

By

Lëngu i freskët nuk ka pse të kufizohet vetëm te variantet jeshile apo të pasura me spinaq.

Shega është përdorur si ilaç natyral që nga lashtësia dhe edhe sot po studiohet për përfitimet e saj të shumta shëndetësore.

Ky frut mund të ndihmojë në parandalimin e kancerit dhe në forcimin e sistemit imunitar.

Më poshtë janë disa nga përfitimet kryesore të shegës:

Antioksidant i fuqishëm

Kokrrat e shegës marrin ngjyrën karakteristike të kuqe nga polifenolët, kimikale që veprojnë si antioksidantë shumë potentë. Lëngu i shegës përmban një sasi më të lartë antioksidantësh se shumica e lëngjeve të tjera të frutave, madje tre herë më shumë se vera e kuqe dhe çaji i gjelbër. Këta antioksidantë mbrojnë qelizat nga dëmtimet dhe reduktojnë inflamacionin.

I pasur me vitaminë C

Një gotë lëng shege siguron mbi 40% të sasisë ditore të rekomanduar të vitaminës C, duke e bërë atë një burim të shkëlqyer të kësaj vitamine të rëndësishme.

Mund të ndihmojë në parandalimin e kancerit

Lëngu mori vëmendje të madhe pasi një studim tregoi se ngadalëson rritjen e qelizave të kancerit të prostatës. Megjithatë, kërkimet shkencore për këtë përfitim vazhdojnë.

I dobishëm për shëndetin e zemrës

Shega konsiderohet si një nga lëngjet më të mira për zemrën, ndihmon në mbrojtjen e zemrës dhe arterieve, duke kontribuar në qarkullim më të shëndetshëm të gjakut.

Përfitime të tjera

Lëngu përmirëson memorien, i pasur me vitamina të ndryshme dhe ndihmon në uljen e shtypjes së lartë të gjakut. /A.Z/UBT News/

 

Continue Reading

Shëndet

Arsyet për të ngrënë vezë çdo mëngjes

Published

2 days ago

on

November 18, 2025

By

Shumë njerëz mendojnë se tërshëra dhe produkte të ngjashme janë zgjedhja më e mirë për mëngjes, por kjo nuk është gjithmonë e vërtetë.

Vezët janë një alternativë fantastike, jo vetëm të shijshme, por edhe shumë të dobishme për shëndetin. Ato përmbajnë proteina të larta që ndihmojnë në kontrollin e peshës dhe ju bëjnë të ndiheni të ngopur për më gjatë.

Përfitimet kryesore të vezëve:

1. Ju mbajnë të ngopur më gjatë

Proteina e yndyra që gjenden tek vezët ndihmojnë në ruajtjen e energjisë dhe frenimin e urisë, duke ju mbajtur të ngopur për më shumë orë.

2. Ndihmojnë në humbjen e peshës

Ata që konsumojnë vezë për mëngjes kanë më shumë gjasa të humbin peshë krahasuar me ata që hanë bukë ose ushqime të tjera.

3. Burim i shkëlqyer proteinash

Vezët përmbajnë të gjitha aminoacidet thelbësore, duke i bërë një nga burimet më të mira të proteinave në dietë. Rekomandohet të konsumoni të paktën një vezë në ditë për një regjimi ushqimor të ekuilibruar.

4. Çmimi i tyre i përballueshëm

Krahasuar me burime të tjera proteinash si mishi i kuq, vezët janë më të lira dhe lehtësisht të disponueshme.

5. Nuk dëmtojnë kolesterolin

Edhe pse përmbajnë kolesterol, studimet e fundit tregojnë se konsumi i vezëve nuk e rrit nivelin e kolesterolit në mënyrë të dëmshme.

6. Përmirësojnë funksionin e trurit dhe kujtesën

Vezët përmbajnë kolinë, lëndë ushqyese që mbështet zhvillimin dhe funksionin e trurit, duke përmirësuar kujtesën dhe vigjilencën.

7. Mbrojnë shikimin

Antioksidantët luteinë dhe zeaxanthin që gjenden tek vezët ndihmojnë në mbrojtjen e syve nga dëmtimet e shkaktuara nga rrezet UV dhe mund të ulin rrezikun e kataraktit në pleqëri. /A.Z/UBT News/

Continue Reading

Shëndet

Nga tërshëra te avokado, super-ushqimet që pastrojnë arteriet

Published

2 days ago

on

November 17, 2025

By

Tërshëra është e njohur për aftësinë e saj për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit.

Këto fibra reduktojnë përthithjen e kolesterolit nga trupi.

Ruajtja e niveleve të shëndetshme të kolesterolit është çelësi për një zemër të fortë. Nëse kolesteroli është më i lartë se normalja, mos u shqetësoni, është e rëndësishme të dini se mund të bëni ndryshime në dietë për ta kontrolluar atë.

Më poshtë kemi listuar 7 ushqimet që mund t’ju ndihmojnë të ulni kolesterolin dhe të përmirësoni shëndetin e zemrës.

Tërshërë

E njohur për aftësinë për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit. Këto fibra reduktojnë përthithjen e kolesterolit nga trupi.

Peshk i yndyror

Peshqit yndyrorë si salmoni, sardelet dhe skumbri janë të pasur me acide yndyrore omega-3, ato ulin trigliceridet dhe të ndihmojnë në rritjen e kolesterolit “të mirë” HDL.

Arra

Bajamet, arrat dhe kikirikët përmbajnë yndyrna të pangopura, që ndihmojnë në uljen e kolesterolit LDL, të pasura me fibra e antioksidantë.

Vaj ulliri

Veçanërisht vaji i ullirit ekstra i virgjër, është i njohur për aftësinë për të ulur kolesterolin LDL duke ruajtur ose rritur kolesterolin HDL. Gjithashtu përmban antioksidantë që mbrojnë zemrën.

Bishtajoret

Thjerrëzat, qiqrat dhe bishtajoret e tjera janë të pasura me fibra të tretshme që ulin kolesterolin LDL. Ato përmbajnë proteina dhe janë të ulëta në yndyrna të ngopura.

Ushqimet me soje

Të tilla si tou, qumështi i sojës, të pasura me proteina e të ulëta në yndyrna të ngopura. Proteina e sojës është treguar se ul kolesterolin LDL.

Avokado

Me yndyra të pangopura e fibra që ul kolesterolin LDL, përmban beta-sitosterol, që redukton përthithjen e kolesterolit. /A.Z/UBT News/

Continue Reading

Të kërkuara