Lajmet

Si të kujdeseni për veten kur ndiheni keq?

Merrni ca ditë pushim dhe vizitoni vendet e juaja të preferuara.

Published

on

Kujdesi për veten nuk duhet të jetë diçka që bëni herë pas here kur jeni të rraskapitur. Krijoni zakone dhe kujdesuni për veten.

Të gjithë kemi qenë atje: një ditë e keqe në punë, fëmijët nuk do të ndalojnë së bërtituri dhe nuk ka asgjë në frigorifer për darkë. Ndihesh keq dhe nuk e di se kur do të ndodhë. Gjatë gjithë kësaj historie, ju harroni të kujdeseni për veten.

Duhet të krijoni praktikë të përditshme dhe të kujdeseni për veten. Kjo do t’ju parandalojë që të “digjeni” plotësisht. Kur të mësoni të kujdeseni për veten, do të ndiheni më mirë për veten, shpjegoi për Your Tango terapisti i familjes dhe martesës, Lianne Avila.

Ajo ofroi këshilla të thjeshta se si të kujdeseni për veten:

1. Flini mjaftueshëm –Kjo do të lejojë trupin dhe mendjen tuaj të gjallërohen nga lodhja.

2. Flisni – Telefononi një mik apo anëtar të familjes dhe flisni për mënyrën se si ndiheni. Dëgjoni çfarë do t’ju thonë.

3. Merrni një ditë pushimi – Telefononi në punë dhe njoftojini se jeni të lirë. Qëndroni larg pajisjeve elektronike për të mos bërë asgjë.

4. Mos thoni “po” kur thoni “jo” – Kjo do t’ju ndihmojë të kujdeseni për veten. Thuaj “jo” angazhimeve dhe punëve shtesë.

5. Lexoni përsëri librin tuaj të preferuar të fëmijërisë – Kaloni kohë duke i kujtuar vetes kohët e mira të fëmijërisë. Është e lehtë të kujtosh negativen, ndaj fillo të kujtosh pozitiven.

6. Vizitoni muzeun – Ka vepra të bukura arti. Kaloni ditën në muze dhe lini telefonin tuaj në shtëpi.

7. Kërkoni ndihmë – Kur jeni të stresuar për punën që duhet të bëni, kërkoni ndihmë nga shefi, bashkëshorti, bashkëpunëtori, prifti apo miku juaj. Nuk jeni të dobët nëse kërkoni ndihmë.

8. Merrni frymë ngadalë – Ndalo dhe merr disa frymë thellë. Merrni frymë ngadalë derisa të numëroni deri në katër dhe nxirrni frymën derisa të numëroni deri në gjashtë.

9. Bëni një shëtitje – Me siguri jeni ulur në pjesën më të madhe dhe ndoshta nën dritë artificiale. Dilni në diell, është shumë e rëndësishme të merrni vitaminë D.

10. Qëndroni të hidratuar – Kur ka qenë hera e fundit që keni pirë një gotë ujë? Uji është i mirë për trupin dhe mendjen tuaj.

Continue Reading

Aktualitet

Nga nutricioni te bioteknologjia: UBT përgatit profesionistët e së ardhmes në industrinë ushqimore

Published

on

UBT njofton se ka mbetur edhe një numër i kufizuar vendesh të lira për studentët e rinj që dëshirojnë të regjistrohen në programin Shkencat e Ushqimit dhe Bioteknologji, një drejtim unik dhe inovativ në arsimin e lartë në Kosovë dhe rajon.

Ky program ndërthur në mënyrë të balancuar nutricionin, teknologjinë ushqimore dhe bioteknologjinë, duke përgatitur profesionistë që do të jenë në pararojë të zhvillimit të produkteve ushqimore të shëndetshme, të qëndrueshme dhe inovative. Studentët përfitojnë nga mësimdhënia moderne, laboratorët e avancuar, praktikat profesionale dhe bashkëpunimet me industrinë ushqimore, duke u pajisur me njohuri dhe aftësi që garantojnë punësim dhe sukses në tregun vendor e ndërkombëtar.

Përmes këtij programi, UBT synon të formojë gjeneratën që do të udhëheqë transformimin e industrisë ushqimore, duke sjellë zgjidhje të reja për shëndetin publik, cilësinë e ushqimit dhe inovacionin shkencor.

Vendet janë të kufizuara, ndaj të interesuarit ftohen të aplikojnë sa më parë përmes platformës zyrtare: APLIKO TANI ONLINE!

Continue Reading

Aktualitet

Formimi i profesionistëve që udhëheqin në sport, rehabilitim dhe shëndet publik – Studio Master në Shëndet dhe Aktivitet Fizik në UBT

Published

on

UBT po udhëheqë në fushën e arsimit të lartë me programe të avancuara studimi, duke ofruar mundësi unike për studentët që duan të ndërtojnë një karrierë profesionale në shëndet dhe sport. Një prej këtyre programeve është Master në Shëndet dhe Aktivitet Fizik, i cili synon të formojë profesionistë të kualifikuar për të promovuar mirëqenien, për të parandalur sëmundjet dhe për të ndihmuar në rehabilitimin fizik e psikosocial të individëve.

Ky program u jep studentëve njohuri të thelluara mbi fiziologjinë e ushtrimeve, biomekanikën, ushqyerjen sportive dhe rehabilitimin pas lëndimeve, duke i aftësuar ata të dizajnojnë dhe të zbatojnë programe të personalizuara për individë dhe grupe të ndryshme.

Laboratorë modernë dhe pajisje të avancuara

Përmes laboratorëve të specializuar dhe pajisjeve moderne për testime fizike e matje të performancës, studentët e këtij programi zhvillojnë aftësi praktike të nivelit më të lartë. Kjo i përgatit ata për punësim në qendra sportive, klinika shëndetësore e rehabilituese, institucione arsimore, organizata publike e private, si dhe ekipe profesionale brenda dhe jashtë vendit.

Objektivat kryesore të programit përfshijnë:

  • Edukim të avancuar mbi përfitimet e sportit dhe aktivitetit fizik për shëndetin.
  • Zhvillimin e qasjeve të bazuara në prova për menaxhimin e sëmundjeve kronike dhe promovimin e mirëqenies mendore e fizike.
  • Përgatitjen e studentëve për të krijuar programe të personalizuara shëndetësore.
  • Nxitjen e kohezionit social përmes sportit dhe aktivitetit fizik.
  • Promovimin e kërkimeve shkencore dhe inovacionit në fushën e sportit dhe shëndetit publik.

Struktura e studimeve

Programi Master është i ndërtuar mbi një qasje multidisiplinare, duke kombinuar njohuri nga shkencat sportive, mjekësore dhe sociale. Në vitin e parë, studentët ndjekin lëndë bazë mbi shkencat sportive dhe lidhjen e tyre me shëndetin mendor dhe fizik. Në vitin e dytë, programi ndahet në pesë fusha kryesore:

  • Lifestyle training – Aktiviteti fizik si mënyrë jetese
  • Ages of life – Jetëgjatësia dhe aktivitetet fizike për grupmosha të ndryshme
  • Disease and disability – Aktiviteti fizik për sëmundjet kronike dhe personat me nevoja të veçanta
  • Social mediation – Roli i sportit në shoqëri dhe ndërtimin e kohezionit social
  • Research – Kërkime shkencore dhe inovacion në fushën e sportit dhe shëndetit

Gjithashtu, gjatë vitit të dytë studentët zhvillojnë praktikë profesionale në institucione të ndryshme, duke u lidhur drejtpërdrejt me tregun e punës. Në fund të programit, ata përzgjedhin një temë të hulumtimit për punimin e diplomës master, e cila lidhet me fushën e specializimit të tyre.

Rezultatet e pritshme të të diplomuarve

Të diplomuarit nga ky program do të jenë të aftë të:

  • Analizojnë profilin shëndetësor të popullatave dhe të zbatojnë programe të përshtatura për grupe të ndryshme.
  • Hartojnë dhe monitorojnë programe trajnimi dhe rehabilitimi të personalizuara.
  • Zbatojnë metoda shkencore dhe analiza statistikore për të mbështetur vendimmarrjen në shëndet publik dhe sport.
  • Përdorin teknika të avancuara për të përmirësuar performancën fizike dhe mirëqenien mendore.

Ky program Master është një mundësi unike për të gjithë ata që duan të kombinojnë pasione sportive, shkencë dhe shëndet publik, duke krijuar një ndikim pozitiv si në jetën individuale, ashtu edhe në atë komunitare.

APLIKO TANI ONLINE!

Continue Reading

Aktualitet

Ambasada e Italisë: Mirëpresim zgjedhjen e Dimal Bashës si kryeparlamentar

Published

on

Ambasada e Italisë në Kosovë ka uruar Dimal Bashën për zgjedhjen e tij në postin e kryeparlamentarit të Kuvendit të Kosovës.

“Ne mirëpresim zgjedhjen e Dimal Bashës si Kryetar i ri i Kuvendit të Kosovës dhe presim me padurim konstituimin e plotë të institucioneve dhe formimin e shpejtë të Qeverisë.”, ka shkruar Ambasada e Italisë në Kosovë në rrjetin social “X”.

Me 73 vota për, kujtojmë që Kuvendi i Kosovës zgjodhi Bashën si kryeparlamentar në tentimin e 58-të për konstituim të institucionit legjislativ.

Continue Reading

Aktualitet

Drejtori i ATK-së në takim me përfaqësues të Ambasadës së Mbretërisë së Bashkuar në Kosovë

Published

on

Drejtori i Përgjithshëm i Administratës Tatimore të Kosovës, z. Mentor Hyseni, priti sot në takim përfaqësues të Projektit për Ekipet e Përbashkëta Hetimore (EPH) të Ambasadës Britanike, në kuadër të një vizite njoftuese me z. Alan Edwards, mentor për EPH.

Gjatë takimit u diskutua për rëndësinë e bashkëpunimit institucional për fuqizimin e sundimit të ligjit dhe përmirësimin e efikasitetit në luftimin e krimit të organizuar dhe evazionit tatimor.

Z. Edwards ka një përvojë të gjatë profesionale në këtë fushë. Në rolin e tij të ri, ai do të mbështesë institucionet e zbatimit të ligjit përfshirë Administratën Tatimore të Kosovës në themelimin dhe funksionimin e EPH, duke kontribuar në krijimin e një precedenti të suksesshëm që do të lehtësojë trajtimin e rasteve të tjera në mënyrë më efektive.

Drejtori Hyseni vlerësoi lart këtë mbështetje, duke potencuar gatishmërinë e ATK-së për të qenë pjesë aktive në proceset e përbashkëta të bashkëpunimit ndërinstitucional që synojnë forcimin e integritetit dhe transparencës.

Continue Reading

Të kërkuara