Kulturë

Si ta motivoni veten për të studiuar

Published

4 years ago

May 5, 2021

Betim Gashi

10 mënyra të thjeshta për të motivuar veten për të studiuar më shumë!

Ndonjëherë duam të bëjmë gjithçka veçse të ulemi dhe të mësojmë. Pandemia dhe gjithë problemet që kanë ardhur me të, kanë ndikuar gjithashtu në mënyrën se si (nuk) përqendrohemi. Mund ta gjeni veten duke menduar “A do t’i kuptoj?”, “Pse të vazhdoj kur e di që s’do i arrij?”, etj etj. Herës tjetër që do të dyshoni tek vetja apo nuk do ndiheni në formën më të mirë për të studiuar, rikujtojini vetes ca gjëra të thjeshta.

#1 – Pranoni rezistencën tuaj dhe ndjenjat e vështira

Mund të jetë e dobishme t’i shkruani këto ndjenja dhe mendime dhe pastaj t’i lini ato mënjanë. Kështu, i zhvendosni të gjitha në një vend tjetër larg kokës/mendjes suaj, në mënyrë që të mund të studioni.

#2 – Mos iu shmangni

T’i shmangeni punëve dhe detyrave që keni është gjëja më e keqe që mund të bëni. Do të lodheni dhe zhgënjeheni nga vetja. Ju jeni më të fortë se kaq!

#3 – Mos e fajësoni veten nëse i shtyni detyrat ndonjëherë

Nëse keni zakonin për t’i lënë gjërat në momentin e fundit, bëhuni të vetëdijshëm që e keni këtë ves dhe gradualisht përpiquni ta përmirësoni. Më mirë t’i ktheheni një detyre herët a vonë, sesa mos t’i ktheheni fare.

#4 – Mundohuni të kuptoni më mirë stilin tuaj të studimit

Çfarë do jua bëntë më të lehtë punën? Përpiquni ta bëni përvojën tuaj të studimit sa më interesante. Pastroni vendin e punës, përdorni ngjyra, krijoni rregull, dëgjoni muzikë të lehtë pa tekst etj.

#5 – Mos dyshoni për asgjë tek aftësitë tuaja

Mos e ulni veten duke e krahasuar me të tjerët. Nëse e gjeni veten me këto mendime, jini të vetëdijshëm që jeni duke i patur ato dhe zhvendoseni mendjen tek diçka tjetër.

#6 – Vizualizoni veten duke filluar nga puna

Uluni dhe punoni qoftë edhe për 10 minuta. Vizualizoni veten duke studiuar, më pas vizualizoni përfitimet që do merrni prej studimit.

#7 – Përqendrohuni në detyrën në fjalë

Përcaktoni përparësitë e detyrave më të rëndësishme dhe shmangni kryerjen e shumë detyrave njëkohësisht apo shpejt e shpejt.

#8 – Komunikoni çdo vështirësi me të tjerët

Kjo mund t’ju ndihmojë të angazhoheni në proces dhe të identifikoni detyrat e rëndësishme. Komunikimi mund t’ju ndihmojë të angazhoheni për qëllime të menjëhershme dhe gjithashtu mund të gjeni pikëpamje dhe këshilla të ndryshme nga të tjerët.

#9 – Merr kohë për të skeduluar detyrat

Pyeteni veten “Sa mund të arrij në 2 orët e ardhshme?” në vend të “A mund t’i kryej të gjitha detyrat?” – Në këtë mënyrë ju nuk mbingarkoheni aq lehtë nga vëllimi i studimit që duhet të bëni.

#10 – Mos harroni se të studiuarit mund të jetë sfidues dhe t’ju nxjerrë nga zona juaj e rehatisë dhe kjo është diçka e mirë

Ngjitja e një mali s’është e lehtë, por pamja nga lart dhe ndjenja e ajrit të pastër janë të mrekullueshme. Përqendrohuni te rezultati dhe jo “lufta” për të arritur atje, por nëse mundeni, përpiquni ta shijoni dhe “luftën”. Pas ca vitesh, do t’ju marrë malli për të!

Burimi: UCL News/Anabel

Magazinë

Billboard 200: Drake thyen rekordin e Beatles

Published

8 hours ago

April 12, 2025

Albina Zeneli

Drake nuk ka të ndalur dhe këtë herë ka shënuar një tjetër sukses historik, duke tejkaluar edhe një herë Beatles dhe duke forcuar pozicionin e tij si një nga artistët më me ndikim të kohës që po jetojmë.

Reperi kanadez tashmë është bërë artisti me praninë më të gjatë në tabelën e Billboard 200, duke qëndruar aty 3348 javë në total.

Me këtë rekord të ri, Drake lë pas grupin legjendar britanik, javët totale të të cilit në Billboard 200 arritën në 3311. Ndër sukseset e tij më të mëdha është albumi “Take Care”, i cili qëndroi në krye të renditjes për 578 javë, i ndjekur nga “Nothing Was the Same” me 505, “Views” me 411, “More Life” me 350 dhe “Scorpion” me 300 javë.

Rekordi i mëparshëm i Beatles ishte thyer nga Taylor Swift, e cila qëndroi në Billboard 3,313 javë.

Në dhjetëshen e parë është edhe Eminem, me 2423 javë në Billboard 200.

Vlen të theksohet se në vitin 2022, Drake theu tjetër rekord të Beatles, atë të numrit më të madh të hiteve në Top 5 të klasifikimit “Hot 100”.

Lifestyle

Mënyrat e shëndetshme për të pirë ujë me limon

Published

8 hours ago

April 12, 2025

Albina Zeneli

Një shprehje e përhapur thotë se “kur jeta të jep limonë, bëj një limonatë.”

E nëse për të bërë limonatë të duhen disa përbërës dhe shumë kohë, ju rekomandojmë ujin me limon.

Vlerat e ujit me limon

Pirja e rregullt e ujit me limon ju ndihmon të shëroni fytin e thatë, të përmirësoni tretjen dhe të largoni toksinat nga organizmi,

Mjaftojnë disa feta limoni (me lëkurë të pastruar mirë) në një gotë me ujë dhe do merrni përfitime të mëdha për organizmin. Studimet konfirmojnë se polifenolët që gjenden te lëkura e kësaj agrumeje të mirë ndihmojnë për rënien në peshë.

Limoni është i pasur me vitaminë C, e cila është e nevojshme për të prodhuar kolagjen, forcuar imunitetin dhe pastruar trupin nga toksinat.

Ujë i ftohtë, i vakët apo i nxehtë?

Uji të jetë i vakët, në këtë temperaturë çlirohen vitamin C dhe antioksidantët, uji i vakët është ideal se pihet edhe në sasi të konsiderueshme, ndërkohë që uji i nxehtë nuk pihet dot aq lehtë.

Koha e duhur për të pirë ujë me limon

Kur zgjohemi, trupi është i dehidratuar në mënyrë ekstreme, sapo të zgjoheni të pijni një gotë me ujë me limon. Gjatë gjumit, njeriu humbet shumë lëngje nëpërmjet frymëmarrjes. Hidratimi i mëngjesit me një gotë me ujë me limon është ideal për të zëvendësuar humbjet e natës.

Në mëngjes, limoni i jep forcë sistemit imunitar dhe ndihmon në prodhimin e kolagjenit.

Kujdesi për dhëmbët

Pirja e tepërt e ujit me limon rrezikon prishjen e enamelit të dhëmbëve. Kujdes me sasinë, njerëzit që kanë sasi të larta të hekurit në gjak duhet të tregojnë kujdes, sepse limoni përmirëson aftësitë përthithëse të hekurit në organizëm.

Magazinë

Martesa 12-vjeçare e Justin Timberlake dhe Jessica Biel po merr fund?

Published

8 hours ago

April 12, 2025

Albina Zeneli

Martesa 12-vjeçare e Justin Timberlake dhe Jessica Biel mund të jetë afër fundit.

Burimet thonë se ata po jetojnë gjithnjë e më shumë jetë të ndara. Timberlake po lufton me kritikët dhe shitjet e biletave në turneun e tij Forget Tomorrow, ndërsa Biel ndodhet në Evropë duke filmuar filmin e saj të ri Matchbox.

Timberlake ndihet i izoluar dhe zemërthyer, ndërsa Biel duket se po shijon karrierën dhe kohën e saj larg gjithçkaje.

Problemet e tyre datojnë që nga një skandal i vitit 2019 që përfshin Timberlake dhe një kolege, i ndjekur nga tensioni i vazhdueshëm duke përfshirë arrestimin e tij në 2024-ën.

Tani, me Biel të fokusuar në suksesin e saj profesional dhe Timberlake të rënduar nga pengesat personale dhe në karrierë, shumë pyesin nëse pajtimi është i mundur apo nëse divorci është i pashmangshëm.

Magazinë

Zbulohet shkaku i vdekjes së Val Kilmerit, detaje të reja dalin në dritë

Published

9 hours ago

April 12, 2025

Albina Zeneli

Pneumonia është shkaku i vdekjes se aktorit të njohur Val Kilmer, ka raportuar TMZ.

Ylli i cili u bë i famshëm me rolet në “Top Gun”, “The Doors” dhe “Batman Forever”, vdiq më 1 prill në Los Angeles, në moshën 65-vjeçare.

Sipas dokumentit shkak ishte pneumonia, janë listuar edhe faktorë tjerë që kontribuuan në vdekjen e tij,

Dështimi akut i frymëmarrjes (acute hypoxemic respiratory failure)

Dështimi kronik i frymëmarrjes

Karcinoma me qeliza skuamoze në bazën e gjuhës (një lloj kanceri që Kilmer e kishte pasur më parë)

Kequshqyerja

Trakeostomia (hapje kirurgjikale në qafë për të ndihmuar në frymëmarrje)

TMZ ka raportuar se aktori është kremuar më 7 prill. Lajmin për shkakun e vdekjes e kishte bërë të ditur vajza, Mercedes Kilmer, për The New York Times, duke konfirmuar se babai i saj ishte diagnostikuar me kancer të fytit më 2014, por më vonë ishte shëruar.

Val Kilmer ka debutuar në ekranin e madh më 1984 me komedinë “Top Secret!”, por fama globale i erdhi me rolet si: Jim Morrison në filmin biografik “The Doors” (1991), Batman në “Batman Forever” (1995), Iceman në “Top Gun” (1986), në “Top Gun: Maverick” (2022), pati moment prekës me Tom Cruise.

Në një intervistë në 2023, Cruise e përshkroi ribashkimin me Kilmerin si “jashtëzakonisht emocional”.

“Ai është një aktor aq i fuqishëm, sa menjëherë u shndërrua në karakterin që i kërkohej ta interpretonte”, pati thënë Cruise.