Kulturë

Si ta motivoni veten për të studiuar

Published

5 years ago

on

10 mënyra të thjeshta për të motivuar veten për të studiuar më shumë!

Ndonjëherë duam të bëjmë gjithçka veçse të ulemi dhe të mësojmë. Pandemia dhe gjithë problemet që kanë ardhur me të, kanë ndikuar gjithashtu në mënyrën se si (nuk) përqendrohemi. Mund ta gjeni veten duke menduar “A do t’i kuptoj?”, “Pse të vazhdoj kur e di që s’do i arrij?”, etj etj. Herës tjetër që do të dyshoni tek vetja apo nuk do ndiheni në formën më të mirë për të studiuar, rikujtojini vetes ca gjëra të thjeshta.

#1 – Pranoni rezistencën tuaj dhe ndjenjat e vështira

Mund të jetë e dobishme t’i shkruani këto ndjenja dhe mendime dhe pastaj t’i lini ato mënjanë. Kështu, i zhvendosni të gjitha në një vend tjetër larg kokës/mendjes suaj, në mënyrë që të mund të studioni.

#2 – Mos iu shmangni

T’i shmangeni punëve dhe detyrave që keni është gjëja më e keqe që mund të bëni. Do të lodheni dhe zhgënjeheni nga vetja. Ju jeni më të fortë se kaq!

#3 – Mos e fajësoni veten nëse i shtyni detyrat ndonjëherë

Nëse keni zakonin për t’i lënë gjërat në momentin e fundit, bëhuni të vetëdijshëm që e keni këtë ves dhe gradualisht përpiquni ta përmirësoni. Më mirë t’i ktheheni një detyre herët a vonë, sesa mos t’i ktheheni fare.

#4 – Mundohuni të kuptoni më mirë stilin tuaj të studimit

Çfarë do jua bëntë më të lehtë punën? Përpiquni ta bëni përvojën tuaj të studimit sa më interesante. Pastroni vendin e punës, përdorni ngjyra, krijoni rregull, dëgjoni muzikë të lehtë pa tekst etj.

#5 – Mos dyshoni për asgjë tek aftësitë tuaja

Mos e ulni veten duke e krahasuar me të tjerët. Nëse e gjeni veten me këto mendime, jini të vetëdijshëm që jeni duke i patur ato dhe zhvendoseni mendjen tek diçka tjetër.

#6 – Vizualizoni veten duke filluar nga puna

Uluni dhe punoni qoftë edhe për 10 minuta. Vizualizoni veten duke studiuar, më pas vizualizoni përfitimet që do merrni prej studimit. 

#7 – Përqendrohuni në detyrën në fjalë

Përcaktoni përparësitë e detyrave më të rëndësishme dhe shmangni kryerjen e shumë detyrave njëkohësisht apo shpejt e shpejt.

#8 – Komunikoni çdo vështirësi me të tjerët

Kjo mund t’ju ndihmojë të angazhoheni në proces dhe të identifikoni detyrat e rëndësishme. Komunikimi mund t’ju ndihmojë të angazhoheni për qëllime të menjëhershme dhe gjithashtu mund të gjeni pikëpamje dhe këshilla të ndryshme nga të tjerët.

#9 – Merr kohë për të skeduluar detyrat

Pyeteni veten “Sa mund të arrij në 2 orët e ardhshme?” në vend të “A mund t’i kryej të gjitha detyrat?” – Në këtë mënyrë ju nuk mbingarkoheni aq lehtë nga vëllimi i studimit që duhet të bëni.

#10 – Mos harroni se të studiuarit mund të jetë sfidues dhe t’ju nxjerrë nga zona juaj e rehatisë dhe kjo është diçka e mirë

Ngjitja e një mali s’është e lehtë, por pamja nga lart dhe ndjenja e ajrit të pastër janë të mrekullueshme. Përqendrohuni te rezultati dhe jo “lufta” për të arritur atje, por nëse mundeni, përpiquni ta shijoni dhe “luftën”. Pas ca vitesh, do t’ju marrë malli për të!

Burimi: UCL News/Anabel

Related Topics:
Continue Reading

Lajmet

Ditët e Artit dhe Dizajnit në UBT sjellin ekspozitën kreative të studentëve të vitit të parë

Published

2 hours ago

on

May 21, 2026

By

Në kuadër të aktiviteteve të organizuara për Ditët e Artit dhe Dizajnit 2026, Fakulteti i Artit dhe Dizajnit në UBT vazhdon të promovojë kreativitetin, inovacionin dhe talentin e studentëve përmes organizimit të ekspozitave dhe aktiviteteve artistike bashkëkohore që lidhin teorinë me praktikën krijuese.

Si pjesë e këtij programi artistik dhe kulturor, studentët e vitit të parë prezantuan një ekspozitë me punimet e realizuara në lëndët “Gjenerimi i Ideve” dhe “Modelim”, nën mentorimin e profesoreshës Arbresha Hoxha.

Ekspozita solli para publikut procesin krijues dhe zhvillimin konceptual të studentëve, duke reflektuar qasjen e tyre inovative në art dhe dizajn, eksplorimin e ideve, formës dhe strukturës, si dhe aplikimin kreativ të materialeve të ndryshme në realizimet artistike dhe dizajnuese.

Punimet e prezantuara dëshmuan përkushtimin, imagjinatën dhe zhvillimin profesional të studentëve gjatë semestrit, duke krijuar një hapësirë moderne të komunikimit vizual, eksperimentimit artistik dhe shprehjes kreative.

Përmes organizimit të aktiviteteve të tilla, Fakulteti i Artit dhe Dizajnit në UBT synon të krijojë një ambient frymëzues ku studentët kanë mundësinë të prezantojnë idetë dhe projektet e tyre para publikut, duke zhvilluar kompetenca profesionale dhe duke u përgatitur për sfidat reale të industrisë kreative dhe dizajnit bashkëkohor.

Continue Reading

Lajmet

“The Fortress” nga Italia vjen në Festivalin Ndërkombëtar të Teatrit në Prishtinë

Published

4 hours ago

on

May 21, 2026

By

Festivali Ndërkombëtar i Teatrit në Prishtinë do të sjellë në skenë shfaqjen “The Fortress”, një produksion nga Italia i frymëzuar nga romani i Meša Selimović.

Shfaqja trajton tema si drejtësia, liria dhe identiteti, duke u ndërtuar përmes teatrit fizik, muzikës live dhe lëvizjes rituale, transmeton KultPlus. Organizatorët e festivalit kanë bërë të ditur se kjo vepër sjell një përvojë unike skenike dhe fton publikun të bëhet pjesë e një interpretimi bashkëkohor teatral.

“Ju ftojmë të bëheni pjesë e kësaj përvoje unike skenike”, thuhet në njoftimin e festivalit.

Shfaqja është pjesë e programit ndërkombëtar të festivalit, i cili synon të sjellë në Prishtinë produksione teatrore nga vende të ndryshme dhe të nxisë shkëmbimin kulturor.

Continue Reading

Lajmet

Promovohet libri “TRENI – në kufirin mes tmerrit dhe lirisë”, sjell 20 dëshmi të dëbimeve të vitit 1999

Published

6 hours ago

on

May 21, 2026

By

Më 26 maj 2026, në Qendra Barabar, do të mbahet ceremonia e promovimit të librit me kujtime “TRENI – në kufirin mes tmerrit dhe lirisë”, i cili sjell 20 dëshmi autentike të qytetarëve të dëbuar me forcë gjatë pranverës së vitit 1999.

Libri trajton përvojat e dëbimeve masive nga Kosova gjatë luftës, ku qytetarët u detyruan të largohen me trena drejt kufirit në Bllacë të Hanit të Elezit dhe më pas si refugjatë drejt Maqedonisë së Veriut. Përmes rrëfimeve personale, botimi dokumenton eksodin e asaj periudhe dhe traumat e përjetuara, duke e paraqitur trenin si simbol të zhvendosjes së dhunshme.

Sipas organizatorëve, libri synon të shërbejë si dokument historik dhe edukativ, duke nxitur kujtesën kolektive, dialogun dhe reflektimin mbi pasojat e konfliktit.

Continue Reading

Lajmet

Shqipëria dhe Kosova përfaqësohen me sukses në Marché du Film në Kanë

Published

6 hours ago

on

May 21, 2026

By

Ka përfunduar edicioni i sivjetmë i Marché du Film në Kanë, një nga ngjarjet më të rëndësishme ndërkombëtare të industrisë së filmit, ku Shqipëria dhe Kosova janë prezantuar me një stendë të përbashkët përmes Qendrës Kombëtare të Kinematografisë dhe Qendrës Kinematografike të Kosovës.

Gjatë ditëve të panairit, përfaqësuesit e të dy institucioneve kanë zhvilluar një sërë takimesh me institucione të filmit, producentë dhe përfaqësues të rëndësishëm të industrisë globale audiovizuale. Në këto takime është diskutuar edhe ligji i ri shqiptar për kinematografinë dhe audiovizualin, i cili ka ngjallur interes të konsiderueshëm tek partnerët ndërkombëtarë.

Sipas njoftimit zyrtar, pjesëmarrja e përbashkët në këtë aktivitet synon forcimin e bashkëpunimit rajonal dhe ndërkombëtar, si dhe rritjen e prezencës së Shqipërisë në hartën globale të filmit, përmes nxitjes së bashkëprodhimeve dhe projekteve të reja.

Në përmbyllje të aktivitetit, Qendra Kombëtare e Kinematografisë ka falënderuar të gjithë partnerët dhe kineastët që kanë vizituar stendën shqiptaro-kosovare gjatë zhvillimit të Marché du Film në Kanë.

Continue Reading

Të kërkuara