Lajmet

Si ta largoni varësinë nga pijet e gazuara dhe dietale?

Ne ju prezantojmë disa këshilla për t’u shëruar nga kjo varësi e dëmshme për organizimin.

Published

on

Mund të jetë e vështirë për ju të heqni dorë nga dashuria për pijet e gazuara me sheqer dhe pijet dietale, edhe pse e dini që ato nuk janë të mira për shëndetin tuaj.

Por, ne ju prezantojmë disa këshilla për t’u shëruar nga kjo varësi e dëmshme për organizimin:

Mos e ndaloni përnjëherë konsumimin e tyre

Qasja e vrullshme në largimin e shprehive të cilat i keni krijuar ndër vite, është shumë e vështirë të përballohet dhe ju qon drejt dështimit. Prandaj ekspertët e kësaj fushe sugjerojnë që gradualisht, ta eliminoni konsumimin e këtyre produkteve të dëmshme.

Eliminojeni konsumimin e një pije në ditë, derisa trupi juaj të adaptohet me sasinë më të vogël të sheqerit artificial që këto produkte e përmbajnë. Vazhdoni kështu derisa t’iu largohet tërësisht nevoja dhe dëshira, për të konsumuar pije të gazuara apo dietale.

Pini sa më shumë ujë

Konsumimi i ujit është gjithmonë i mirë për trupin dhe organizimin. Prandaj, uji luan rol të rëndësishëm në betejën me vartësinë ndaj pijeve jo të shëndetshe. Mund të pini edhe ujë me gaz, sepse sipas ekspertëve uji është i përkryer për hidratimin e trupit të njeriut. Nëse uji i thjeshtë nuk është pija juaj e preferuar, atëherë mund të provoni t’i shtoni pak shije përmes vendosjes së frutave në ujë.

Frutat të cilët mund t’i përdorni për t’i dhënë shije, vitamina dhe për ta freskuar ujin tuaj janë, portokalli, limoni, dredhëza apo manaferra, shalqini dhe të tjerë. Përveç pamjes së bukur dhe shijes më të mirë, frutat po ashtu i shtojnë sheqer organik ujit, i cili nuk e rrezikon shëndetin tuaj.

Edhe uji i gazuar ju ndihmon t’i shpëtoni pijeve dietale dhe të sheqerosura, sepse ua jep ndjesinë e njëjtë sikur kur i konsumoni ato. Me kalimin e kohës si dhe falë durimit dhe kujdesit të vaçant, ju mund ta zëvendësoni konsumimin e pijeve artificiale me ujë ta thjeshtë apo të gazuar.

Provoni të bëni sfida pa sheqer

Për shkak se sensorën e shijes rigjenerohen dhe ndryshojnë çdo dy javë, ne mund ta mësojmë veten të kërkojmë më pak gjëra të ëmbla, në një periudhë të shkurtër kohore. Prandaj sipas ekspertëve mjekësorë, na sugjerohet të provojmë sfida të cilët për dy javë na privojnë nga konsumimi i sheqerit.

Pasi t’i kalojmë ato dëshirat e para intensive të sheqerit, sensorët e shijes në gojë rregullohen dhe adaptohen me ushqimet natyrale të cilat përmbajnë sheqer organik dhe të shëndetshëm.

Lajmet

Komuna e Prishtinës: Menaxhmenti i “Pastrimit” po i keqpërdor punëtorët për qëllime politike

Published

on

By

Pas grevës së zhvilluar sot nga punëtorët e Kompanisë Rajonale të Mbeturinave “Pastrimi”, Komuna e Prishtinës ka reaguar duke fajësuar menaxhmentin për situatën dhe duke e cilësuar protestën si të panevojshme.

Në një reagim të publikuar, Komuna shpreh shqetësim për atë që e quan keqpërdorim të punëtorëve për arsye politike.

“Përderisa Kryeqyteti, është duke bërë gjithcka për tejkalimin e kësaj gjendje konsiderojmë se grumbullimi i punëtorëve të KRM “Pastrimi” para objektit të Komunës është i panevojshëm, keqpërdorimi i tyre për qëllime politike nga menaxhmenti është i papranueshëm dhe nuk duhet të vazhdojë” thuhet në deklaratë.

Komuna ka bërë të ditur se ka nënshkruar një kontratë në vlerë prej 1.5 milionë euro me ndërmarrjen “Pastrimi”, për pastrimin dhe mirëmbajtjen e hapësirave publike në kryeqytet.

“Kryeqyteti ka nënshkruar kontratën me Kompaninë Regjionale të Pastrimit, në vlerë prej 1.5 milion euro, për mirëmbajtjen dhe pastrimin e hapësirave publike në qytet”, përfundon reagimi.

Continue Reading

Lajmet

Operacion i suksesshëm anti-terrorizëm, arrestohen dy të dyshuar në Kosovë

Published

on

By

Policia e Kosovës ka kryer një operacion anti-terrorizëm në orët e para të mëngjesit, duke arrestuar dy persona të dyshuar për përfshirje në shpërndarje të propagandës terroriste dhe nxitje të përçarjes dhe urrejtjes.

Operacioni, i zhvilluar nga Drejtoria Kundër Terrorizmit në bashkëpunim me Prokurorinë Speciale të Kosovës, përfshiu tri kontrolle në banesa në komunat e Fushë-Kosovës dhe Malishevës.

Të dyshuarit dyshohet se kanë përdorur rrjetet sociale për të përhapur ideologji të organizatave terroriste dhe për të nxitur mosdurim ndërmjet komuniteteve.

Autoritetet kanë bërë të ditur se do të vazhdojnë me veprimet ligjore në koordinim me organet e drejtësisë.

Continue Reading

Lajmet

Vjosa Osmani vijon vizitën zyrtare në Zvicër me një program të ngjeshur aktivitetesh

Published

on

By

Presidentja e Kosovës, Vjosa Osmani, po vazhdon vizitën zyrtare në Zvicër me një program të ngjeshur aktivitetesh për ditën e dytë.

Në orën 9:00 do të vizitojë kompaninë “Stadler Rail” në St. Gallen, ndërsa në orën 11:45 do të qëndrojë në Universitetin e St. Gallen.

Në orën 16:10 në Gjenevë, Osmani do të takohet me Marko Ahtisaarin, kryetar i Bordit të Fondacionit për Paqe CMI Martti Ahtisaari.

Kjo është vizita e parë e një presidenti të Kosovës në Zvicër me ftesë të presidentit zviceran, dhe presidentja u prit me nderime ushtarake.

Continue Reading

Lajmet

Punëtorët e “Pastrimit” fillojnë grevën para Komunës së Prishtinës

Published

on

By

Punëtorët e Kompanisë Rajonale të Mbeturinave “Pastrimi” kanë nisur sot grevën duke u mbledhur para ndërtesës së Komunës së Prishtinës. Kjo për të shprehur pakënaqësinë e tyre ndaj situatës së rëndë financiare në të cilën ndodhet ndërmarrja, për shkak të mos-shlyerjes së obligimeve nga Komuna.

Sindikata njoftoi se rreth 300 punëtorë dhe të punësuar janë pjesë e grevës paqësore, me rreth 20 kamionë të parkuar në mënyrë që të mos bllokohen rrugët emergjente.

“Pastrimi” ka ndalur shërbimin e grumbullimit të mbeturinave për shkak të një borxhi prej 2.7 milionë eurosh që pretendon se Komuna nuk ka paguar.

Komuna ka mohuar ekzistencën e këtij borxhi dhe ka akuzuar ndërmarrjen për sabotazh. Ndërkohë, qyteti është mbushur me mbeturina dhe ka shqetësime për rreziqe shëndetësore. Prokuroria ka nisur hetimet për të sqaruar situatën.

Continue Reading

Të kërkuara