Sport

Si përfundoi golashënuesi më i mirë i Turqisë, taksist në ShBA!

Ai pretendon se një përçarje me Presidentin e Turqisë, Recep Tayyip Erdogan, e ka ekspozuar atë ndaj kërcënimeve me vdekje, akuzave të rreme dhe mungesës së qasjes në fonde.

Publikuar

Hakan Sukur është golashënuesi më i mirë që ka pasur Turqia ndonjëherë dhe një nga sulmuesit më të pazakontë të Evropës.

Hakan Sukur, 2002

Por, si përfundoi taksisr dhe duke shitur libra për jetë më të mirë në Shtetet e Bashkuara të Amerikës, larg nga vendi i tij i lindjes?

Në një intervistë për gazetën gjermane, Welt am Sonntag, ai tregoi se jeta e ish-sulmuesit 48-vjeçar ka marrë një kthesë të pazakontë dhe shqetësuese që nga tërheqja nga futbolli në vitin 2008.

Ai pretendon se një përçarje me Presidentin e Turqisë, Recep Tayyip Erdogan, e ka ekspozuar atë ndaj kërcënimeve me vdekje, akuzave të rreme dhe mungesës së qasjes në fonde.

Hakan Sukur 2021

‘Nuk më mbetet asgjë, Erdogan mori gjithçka: të drejtën time për liri, lirinë e shprehjes dhe të drejtën për të punuar”, i tha ai gazetës.

Sukur shënoi 51 gola në 112 paraqitje për Turqinë midis viteve 1992 dhe 2007. Ai ishte pjesë e skuadrës turke që përfundoi e treta në Kupën e Botës 2002.

Ish-lojtari i Blackburn e kaloi pjesën më të madhe të karrierës së tij në Galatasaray dhe është golashënuesi kryesor i të gjitha kohërave në Super Ligë.

Pasi u tërhoq nga futbolli, ai hyri në politikë. Në vitin 2011, Sukur fitoi një vend në Parlamentin e Turqisë si anëtar i Partisë së Erdoganit për Drejtësi dhe Zhvillim.

Por ai ishte gjithashtu i lidhur me Fethullah Gulen, një dijetar islamik turk dhe rival i Erdoganit, të cilin Presidenti turk e fajësoi për një përpjekje të përgjakshme në vitin 2016.

Sukur, duke jetuar atëherë në ShBA, raportohet se denoncoi përpjekjen për grusht shteti, por megjithatë, në vitin 2017, u përshkrua nga media shtetërore e drejtuar nga Turqia si një “anëtar i arratisur i Organizatës Terroriste Fetullah (FETO)”.

Ai raport përshkruan atë duke jetuar në një shtëpi prej 3 milionë dollarë, duke drejtuar një kafene në Palo Alto, “zona më e pasur e San Francisco Bay Area”.

Por Sukur tregon një histori jo fort të këndshme.

“Unë u transferova në Shtetet e Bashkuara, fillimisht drejtoja një kafene në Kaliforni, por njerëz të çuditshëm vinin vazhdimisht në lokal”, i tha ai Welt am Sonntag. “Tani unë drejtoj makinën për Uber dhe shes libra”.

Ai ka thënë se shtëpitë, bizneset dhe llogaritë e tij bankare në Turqi ishin kapur të gjitha nga qeveria e Erdoganit.

Ai gjithashtu mohon çdo krim.

“Askush nuk duket në gjendje të shpjegojë se cili ishte roli im në këtë grusht shteti”, shtoi ai. “Unë kurrë nuk kam bërë asgjë të paligjshme, nuk jam tradhtar apo terrorist”.

Kjo nuk është hera e parë që ai flet për këtë temë. Në vitin 2018 ai i tha New York Times: “është vendi im; unë e dua popullin tim, edhe pse idetë e tyre për mua janë shtrembëruar nga media të kontrolluara”.

Historia hedh më shumë pyetje rreth qeverisë së Erdogan. Në vitin 2018, Mesut Ozil tërhoqi kritika pasi pozoi për një foto me Presidentin turk, përfshirë nga Federata Gjermane e Futbollit (DFB), e cila tha se “futbolli dhe DFB mbrojnë vlerat të cilat nuk respektohen sa duhet nga z. Erdogan”.

Erdogan më pas ishte i ftuar në dasmën e Ozil.

(Përktheu dhe përshtati UBTNews)

Lajmet

Kosova, e dyta në “Tokyo 2020” në sportin e xhudos

Publikuar

nga

Sot kanë përfunduar garat në të gjitha kategoritë në sportin e xhudos në Lojërat Olimpike “Tokyo 2020”.

Japonia prin bindshëm në renditjen përfundimtare me 10 medalje gjithsej, tetë të arta, një të argjendtë dhe një të bronztë.

E menjëherë pas Japonisë, në vendin e dytë renditet Kosova me dy medalje gjithsej, të dyjat të arta.

Distria Krasniqi dhe Nora Gjakova janë meritoret që Kosova shkroi një sukses kaq të madh dhe një renditje kaq të lartë në mesin e të gjitha vendeve.

Vazhdo të lexosh

Sport

Man City e blindon Edersonin

Publikuar

nga

Ederson do të vazhdojë të jetë numri një në portën e Manchester City.

Sipas “Athletic”, klubi i ka ofruar kontratë të re portierit brazilian.

Ai ka kontratë deri më 2025, por paraqitjet mbresëlënëse kanë bërë që klubi t’i ofrojë rinovimin e kontratës me kushte më të mira ekonomike.

Ai do të vazhdojë të jetë numri një i skuadrës së Pep Guardiolës edhe për shumë vite.

Vazhdo të lexosh

Sport

City zyrtarisht në bisedime me Aston Villën, ofron 120 milionë për Grealish

Publikuar

nga

Manchester City ka bërë ofertë zyrtare 100 milionë funte për Grealish, apo ndryshe 117.4 milionë euro.

Grealish është dëshira e madhe e Pep Guardiolës.

Drejtuesit e Manchester City janë duke bërë gjithçka që është e mundur për t’ia plotësuar këtë dëshirë trajnerit të tyre të dashur.

Eksperti i transferimeve, italiani Fabrizio Romano, të premten në mëngjes raportoi se zyrtarisht, City ka nisur bisedimet me Aston Villën për Grealish.

Tani “Telegraph” raporton se oferta zyrtare e Cityt është 100 milionë funte, afër 120 milionë euro, një shifër vështirë e refuzueshme nga ana e Aston Villës.

Vazhdo të lexosh

Sport

Aguero nis stërvitjet te Barça, i lumtur dhe mezi pret të startojë sezoni

Publikuar

nga

Sergio Aguero është rikthyer nga pushimet dhe ka nisur punën te klubi i ri, Barcelona.

Ai është stërvitur i veçuar të premten në mëngjes, derisa thotë se mezi pret që të takojë shokët dhe të nisë sezonin me Barcelonën.

Aguero, te Barcelona do ta ketë Lionel Messin, shokun më të mirë, ani pse Messi ende zyrtarisht s’e ka rinovuar kontratën.

Që nga largimi i Luis Suarez, Messi ka qenë disi i vetmuar, por tashmë ka shokun e jetës, Agueron, i cili ka nënshkruar deri më 2023 me Barçën. 

Vazhdo të lexosh

Të kërkuara