

Shëndet
Si ndikon gjumi në imunitetin tuaj?
Gjumi mund të ndihmojë në mbrojtjen ndaj infeksioneve virale.
Published
3 years agoon
By
UBT newsGjumi është thelbësor për trupin tonë, ai ndikon në funksionimin e metabolizmit, trurit dhe shëndetit të zemrës.
Por ajo për të cilën nuk flasim gjithmonë është se si gjumi forcon imunitetin dhe mund të ndihmojë në mbrojtjen ndaj infeksioneve virale.
Ndoshta ju preferoni të qëndroni zgjuar deri në orët e vona të natës, duke parë shfaqjet tuaja të preferuara në TV ose ndoshta mund të vuani nga pagjumësia.
Pavarësisht arsyes që nuk po flini mjaftueshëm, ekspertët thonë se gjumi është një nga mënyrat më të mira për të parandaluar sëmundje të ndryshme dhe ju ndihmon për të pasur një shëndet të mirë.
Qelizat imune njihen gjithashtu si qeliza T. Këto qeliza luftojnë kundër patogjenëve intraqelizorë, ose qelizave që janë të infektuara me sëmundje të tilla si gripi, HIV dhe koronavirusi.
Studimet tregojnë se gjumi ka një ndikim të madh në qelizat T.
Për shembull, një studim në të cilin AgroWeb.org u mbështetet, zbuloi se personat që flinin mirë kishin përmirësuar funksionimin e qelizave T, duke forcuar imunitetin kundër viruseve patogjene.
Studiuesit arritën në përfundimin se kjo është për shkak se gjatë gjumit të qetë, hormonet e stresit si epinefrina dhe norepinefrina, si dhe përbërjet pro-inflamatore ishin shumë më të ulëta, gjë që lejon qelizat T të bëjnë punën e tyre më mirë.
Por kjo nuk është e gjitha sepse sipas ekspertëve, të qenurit i privuar nga gjumi ndalon trupin tuaj të prodhojë citokina mbrojtëse, ose përbërës që i nevojiten trupit për të luftuar infeksionet dhe inflamacionin. Antitrupat që mbrojnë trupin nga infeksionet virale prodhohen gjithashtu më pak tek ata që nuk flenë sa duhet.
Por sa gjumë duhet të bëjë një njeri për të pasur shëndet më të mirë?
Ekspertët thonë se të rriturit duhet të flenë midis shtatë dhe tetë orë çdo natë. Gjithashtu fjetja për nëntë deri në dhjetë orë në natë, mund të rrisë rrezikun e cilësisë së dobët të gjumit dhe të çojë në probleme të tjera të gjumit si pagjumësia ose vështirësia për të fjetur.
Është jashtëzakonisht e rëndësishme të flini gjumë mjaftueshëm.
Ne e dimë që kjo mund të jetë e vështirë, ndaj ju mund të provoni të praktikoni joga ose meditim para gjumit, ushtrime të cilat ndihmojnë duke reduktuar stresin./AgroWeb.org
Shëndet
Vaji i ullirit, përfitime dhe rreziqe për lëkurën
Published
14 hours agoon
September 19, 2025By
UBT News
Vaji i ullirit është më i yndyrshëm se shumë vajra tjerë e prej kohësh njihet për efektet e tij pozitive në shëndet dhe kujdesin e lëkurës. Ai ndihmon në hidratimin e lëkurës së thatë, zbut thembrat e plasaritura dhe rigjeneron buzët e çara.
Megjithatë, si çdo produkt natyral, edhe ky vaj ka anët e tij negative që duhen marrë parasysh.
Vajrat që gjejmë në treg përmbajnë përbërës kimikë të panjohur, përdorimi i tyre duhet të bëhet me kujdes.
Përveç përfitimeve, vaji i ullirit mund të sjellë edhe disa efekte anësore:
Shkaktimi i akneve
Nuk përthithet lehtë nga lëkura e formon shtresë sipërfaqësore që bllokon poret. Kjo favorizon grumbullimin e papastërtive dhe shfaqjen e akneve.
Skuqje dhe irritim
Për personat me lëkurë të yndyrshme, vaji përkeqëson gjendjen. Përzierja me sebumin natyral të lëkurës çon në skuqje, kruarje dhe irritim.
Reaksione alergjike
Tek individët e ndjeshëm, përdorimi i vajit shkakton alergji. Nëse keni përjetuar më parë skuqje apo irritim pas aplikimit, është e këshillueshme të shmanget dhe të konsultoheni me mjekun.
Përdorimi tek të porsalindurit
Nuk rekomandohet përdorimi në lëkurën e foshnjave, pasi nuk dihet nëse mund të shkaktojë reaksione alergjike. Për siguri, shmangeni përdorimin e tij për masazhe tek bebet.
Formimi i pikave të zeza
Për shkak të natyrës së tij yndyrore, ulliri mund të bllokojë poret e nxit shfaqjen e pikave të zeza, duke grumbulluar qeliza të vdekura dhe papastërti në sipërfaqen e lëkurës.
Përndryshe, vaji i ullirit është i dobishëm, por jo i përshtatshëm për çdo tip lëkure. Përpara përdorimit të rregullt, është mirë të bëni një test të vogël dhe të vëzhgoni reagimin e lëkurës suaj. /A.Z/UBT News/
Shëndet
Soda e bukës dhe diabeti, mit apo e vërtetë?
Published
1 day agoon
September 18, 2025By
UBT News
Soda e bukës është një nga produktet që nuk mungon kurrë në kuzhinën e një amviseje.
Ajo përdoret jo vetëm për gatime të mrekullueshme por edhe për pastrimin me themel të shtëpisë.
Sodës së bukës i janë thurur shumë lavde për aftësinë e saj në trajtimin dhe kurimin e disa sëmundjeve.
Së fundmi, soda e bukës ka fituar një reputacion të mirë edhe kundër diabetit.
Kjo sëmundje shfaqet kur organizmi nuk arrin të prodhojë mjaftueshëm insulinë.
Soda e bukës për mbajtjen e diabetit nën kontroll
Studimet thonë se soda përbën linjën e parë të mbrojtjes kundër diabetit dhe për mbajtjen e sëmundjes nën kontroll. Përdorimi i saj kundër sëmundjes rekomandohet të bëhet vetëm nëpërmjet konsultave me mjekun, ndonëse ajo është një produkt i sigurt për shëndetin.
Sipas ekspertëve, nëse organizmi i njeriut ofron një mjedis acidik që nxit shumë sëmundje, përfshrië diabetin, soda e bukës e kthen situatën në normalitet. Për më tepër, diabetikët janë të prirur të preken një mykomukoza, një infeksion i rrallë dhe i rrezikshëm.
Soda e bukës parandalon përhapjen e infeksionit dhe shmangë shterimin e plotë të insulinës dhe rënies së trupit në koma.
Bëhet fjalë për një komplikacion të rrezikshëm për diabetikët që shfaqet me simptoma si: etje e tepruar, të vjella, urinim i shpeshtë, tharje të gojës e plogështi. Ekspertët thonë se përdorimi i sodës së bukës kundër këtyre komplikacioneve të diabetit duhet bërë me kujdes.
Vetëm mjeku rekomandon një kurë e doza të sakta të sodës që janë të nevojshme për mbajtjen nën kontroll të diabetit e komplikacioneve të tij. Konsultat janë të nevojshme sepse nëse e teproni me të, ajo mund të ketë efekt të kundërt nga qëllimi fillestar. /A.Z/UBT News/
Shëndet
Si ndihmon lëngu i bizeleve në pastrimin e mëlçisë?
Published
1 day agoon
September 18, 2025By
UBT News
Bizelet janë të pasura në vlera ushqimore e kanë pak kalori. Në 100 gramë gjenden 81 kalori.
Ato janë burim i shkëlqyer i vitaminës K, manganit, fibrës, vitaminës B1, bakrit, vitaminës C, fosforit, folatit dhe vitaminës B6. Janë të pasura me vitaminën B2, zink, proteinë, magnez, hekur dhe kalium.
Këto vlera e bëjnë bizelen të dobishme kundër plakjes, për imunitetin, energjinë, kundër rrudhave, Alzheimerit, artritit, bronkitit, osteoporozës, infeksioneve urinare, për shëndetin e kockave, parandalimin e sëmundjeve të zemrës, kolesterolit të lartë, diabetit dhe kancerit në stomak.
Mënyrat e gatimit janë zierja ose gatimi në avull, megjithatë të mirat e saj merren edhe nëpërmjet lëngut, që në kombinim me barishte dhe fruta tjera ofron dozë të vitaminave dhe mineraleve.
Nëse e kombinoni lëngun me spinaq, mollë dhe kastravec ju do të përfitoni lëng detoks për trupin tuaj.
Lëng Bizelesh, Spinaqi, Molle, Kastraveci Për Detoks
Lëngu ka efekt alkalin dhe pastron organizmin nga toksinat e akumuluara. Kombinimi i ofron mineralet e nevojshme për rigjenerimin e organizmit, pastrimin e mëlçisë dhe hidratimin e trupit.
Përbërësit:
1 grusht bizele
1 filxhan çaj spinaq
1 mollë e gjelbër e qëruar dhe e pastruar nga bërthamat
1 limon pa lëkurë dhe bërthama
Gjysmë kastraveci
Një majë luge çaji kripë
Me shtrydhëse përzini frutat e perimet, duke ja shtuar edhe kripën dhe mund ta konsumoni menjëherë.
Mund ta pini për 3 ditë nëse doni pastrim të thellë të organizmit nga toksinat që sjellin sëmundje serioze.
/A.Z/UBT News/
Shëndet
Shkencëtarët kinezë zhvillojnë një ngjitës të ri për shërimin e eshtrave
Published
1 day agoon
September 18, 2025By
UBT News
Shkencëtarët kinezë kanë prezantuar një ngjitës të ri mjekësor të quajtur Bone-02, që riparon frakturat e eshtrave për vetëm tre minuta.
I frymëzuar nga guacat që ngjiten fort në sipërfaqe të lagështa, Bone-02 është i tretshëm nga trupi dhe zhduket brenda gjashtë muajve, duke shmangur nevojën për ndërhyrje të dytë kirurgjikale.
Ky ngjitës është testuar me sukses në mbi 150 pacientë, duke treguar forcë të madhe, ngjitje të shpejtë dhe tolerancë të lartë nga trupi.
Ai funksionon edhe në mjedise me shumë gjak dhe mund të zëvendësojë implantet tradicionale si vidat apo plakat metalike.
Bone-02 pritet të përshpejtojë shërimin, të ulë rrezikun e infeksioneve, dhe të ketë përdorim të gjerë në kirurgji, mjekësi emergjente, luftime apo katastrofa natyrore.
Ekspertët e quajnë një ndryshim të madh në trajtimin e frakturave. /A.Z/UBT News/

UBT hap thirrjen për pjesëmarrje në Konferencën Ndërkombëtare mbi Artet Performuese 2025

Von Der Leyen: Rusia e ka treguar plotësisht përbuzjen ndaj diplomacisë dhe ligjit

Komanda e Forcave Tokësore realizoi garën “Ujku Garues 2025”

Caktohet stadiumi ku do të luhet ndeshja Barcelona-PSG

Zhegrova kthehet fuqishëm në Juventus ndaj Borussia Dortmundit

Qeveria bart 904 mijë euro për subvencionet e efikasitetit të energjisë

Edhe një aktakuzë në mungesë për krime lufte

Mourinho: Gabim që shkova te Fenerbahce, po kthehem te niveli im

Reese Witherspoon tregon si e përballoi ankthin me hipnozë
Të kërkuara
-
Aktualitet4 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26